logo2
logo2
არქივი
« ივნისი 2021 »
ორ სა ოთ ხუ პა შა კვ
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30
logo2
logo2
სოფიო ქაცარავა: ჩვენი რეზოლუცია კომიტეტმა ხმათა უმრავლესობით მიიღო
სოფიო ქაცარავა: ჩვენი რეზოლუცია კომიტეტმა ხმათა უმრავლესობით მიიღო
14:29 07.07.2019
50 მომხრე, 5 წინააღმდეგი ეუთოს საპარლამენტო ასამბლეის პოლიტიკურ საკითხთა და უსაფრთხოების კომიტეტზე სოფიო ქაცარავას მიერ ინიცირებული პროექტი "უსაფრთხოების და ადამიანის უფლებების მდგომარეობა ოკუპირებულ აფხაზეთში და ცხინვალის რეგიონში, სამხრეთ ოსეთში" ხმათა უმრავლესობით იქნა მიღებული.

რეზოლუციაში ასახულია 2008 წლის 12 აგვისტოს ცეცხლის შეწყვეტის შეთანხმების შესრულების აუცილებლობა, ოკუპირებულ ტერიტორიებზე ადამიანის უფლებების დაცვის მხრივ არსებული მძიმე ვითარება, საქართველოს პარლამენტის მიერ მიღებული რეზოლუციის: “რუსეთის ფედერაციის მიერ ოკუპირებულ აფხაზეთსა და ცხინვალის რეგიონში ადამიანის უფლებების უხეში დარღვევისა და „ოთხოზორია-ტატუნაშვილის სიით“ გათვალისწინებულ დამნაშავე პირებთან მიმართებაში სამართლის აღსრულების ხელშეწყობა, რუსეთის ფედერაციის მხრიდან ოკუპირებულ ტერიტორიებზე მცხოვრები მოქალაქეების მიმართ ეთნიკური დისკრიმინაცია და არაადამიანური მოპყრობა, იძულებით გადაადგილებულ პირთა საცხოვრებელ ადგილებზე ღირსეული დაბრუნება, ოკუპირებულ ტერიტორიებზე საერთაშორისო მექანიზმის დაშვების აუცილებლობა, ჟენევის საერთაშორისო მოლაპარაკებების ხელშეწყობა და საქართველოს სამშვიდობო პოლიტიკის და ინიციატივის - “ნაბიჯი უკეთესი მომავლისკენ“ მტკიცე მხარდაჭერა.

"აფხაზეთი და ცხინვალის რეგიონი საქართველოა, შეწყდეს საერთაშორისო სამართლის დარღვევა რუსეთის ფედერაციის მიერ და ოკუპირებულ ტერიტორიებზე ჩვენი მოქალაქეების ფუნდამენტური უფლებების შელახვა, მოვუწოდებ საერთაშორისო თანამეგობრობას მხარი დაუჭიროს საქართველოს ტერიტორიებს მის საერთაშორისოდ აღიარებულ საზღვრებში!"- განაცხადა სოფიო ქაცარავამ რეზოლუციის წარდგენისას.

კომიტეტზე დიდი ბრიტანეთის, შვედეთის და უკრაინის დელეგაციების წევრებმა საქართველოს მხარდამჭერი განცხადებები გააკეთეს და რუსეთის ფედერაციას საერთაშორისო ნორმებისა და სამართლის დაცვისკენ მოუწოდეს.

"დიდი ბრიტანეთი მოუწოდებს რუსეთის ფედერაციას საერთაშორისო სამართლის დაცვისკენ და შევახსენებ ჩემს კოლეგებს ეუთოს საპარლამენტო ასამბლეაში, რუსეთის მიერ საქართველოს ტერიტორიების ოკუპაციის შესახებ. მოხარული ვარ ამ რეზოლუციის მხარდაჭერის გამო - დაუყოვნებლივ უნდა შეწყდეს ადამიანის უფლებების უხეში დარღვევა ოკუპირებულ ტერიტორიებზე"- აღნიშნა დიდი ბრიტანეთის დელეგაციის ხელმძღვანელმა, მარკ პრიჩარდმა.

რეზოლუციის პროექტის მნიშვნელობა საქართველოს დელეგაციის წევრმა, თავდაცვისა და უსაფრთხოების კომიტეტის თავმჯდომარის პირველმა მოადგილემ, ირაკლი ბერაიამ შეაფასა.

„ეუთოს საპარლამენტო ასამბლეის პირველი კომიტეტის მიერ მიღებული რეზოლუცია კიდევ ერთხელ ხაზგასმით ადასტურებს საქართველოს სუვერენიტეტის და ტერიტორიული მთლიანობისადმი მხარდაჭერას. დოკუმენტში ასახულია ოკუპირებულ ტერიტორიებზე არსებული უსაფრთხოების და ჰუმანიტარული ვითარება. რეზოლუცია, თავისი ჩანაწერებით, მოუწოდებს საოკუპაციო ძალას შეასრულოს აგვისტოს ცეცხლის შეწყვეტის შესახებ შეთანხმება, მოახდინოს ჩვენი ტერიტორიების დეოკუპაცია და დაბრკოლება არ შეუქმნას საერთაშორისო მექანიზმების წვდომას, ასევე დევნილთა უსაფრთხო და ღირსეულ დაბრუნებას“, - განაცხადა ირაკლი ბერაიამ.

ეუთოს საპარლამენტო ასამბლეის პრეზიდენტის, გიგი წერეთლის შეფასებით, კომიტეტზე რეზოლუციის განხილვის პროცესში, რუსეთის ფედერაციის დელეგაციის მხრიდან „წარმოუდგენლად თავხედური“ განცხადებები გაკეთდა.

„კიდევ ერთხელ დარწმუნდა ყველა, რომ საერთაშორისო თანამეგობრობის აზრი და მხარდაჭერა სწორედ საქართველოს მიმართ არის. შესაბამისად, ძალიან მნიშვნელოვანი იყო აღნიშნული რეზოლუციის მიღება“, - აღნიშნა გიგი წერეთელმა.

სოფიო ქაცარავას მიერ მომზადებული რეზოლუციის პროექტი, ეუთოს საპარლამენტო ასამბლეის ხვალინდელ პლენარულ სხდომაზე განიხილება, რომლის დამტკიცების შემდეგ, დოკუმენტი ლუქსემბურგის საბოლოო დეკლარაციაში აისახება.​
FaceBook Twitter Digg MySpace Delicious Google ელფოსტაბეჭდვა

ინტერვიუ
Pleas creat article
ინტერვიუ
Pleas creat article
ინტერვიუ
საზოგადოებრივი მაუწყებლის რა ქონება გაასხვისა თამარ კინწურაშვილმა და რა ფასად - ჟურნალისტური მოკვლევა
13:52 23.10.2019
საზოგადოებრივი მაუწყებლის ყოფილი გენერალური დირექტორი, შემდგომში გიგა ბოკერიას
ინტერვიუ
ინტერვიუ სალომე ზურაბიშვილთან: დავით-გარეჯთან დაკავშირებით ზოგიერთი მხარის რეაქციები ძალიან გამიკვირდა
18:10 01.05.2019
ინტერვიუში საქართველოს პრეზიდენტი სალომე ზურაბიშვილი ქვეყნის პოლიტიკურ ცხოვრებაში საკუთარ როლზე, მეზობელ
ინტერვიუ
აშშ - ნატოს წევრი თუ ნატოს „ხაზეინი“?-ინტერვიუ თურქ გენერალთან
13:38 20.04.2019
ყველამ კარგად იცის, თუ რა წონა აქვს ამერიკის შეერთებულ შტატებს ნატოში და რა ძალას ფლობს ვაშინგტონი. ეს ყველაფერი
ინტერვიუ
ინტერვიუ ჰანს ბინენდაიკთან: ნატოში გაწევრიანება დღეს ან ხვალ არ მოხდება,თუმცა საქართველომ იმედი უნდა შეინარჩუნოს
13:25 20.04.2019
ნატომ თავისი არსებობის 70 წლის მანძილზე დროს გაუძლო და ისტორიაში ყველაზე წარმატებულ სამხედრო-პოლიტიკურ ალიანსად
ინტერვიუ
ალექსი პუშკოვი: როგორი პოლიტიკა უნდა გაატაროს მოსკოვმა პოსტსაბჭოთა სივრცეში
18:31 15.04.2019
გაზეთ „კომსომოლსკაია პრავდა“-ს კორესპონდენტი ალექსანდრე გამოვი რუსეთის ფედერაციის საბჭოს საინფორმაციო პოლიტიკის
ინტერვიუ
ინტერვიუ მიხეილ სააკაშვილთან: პირველ აპრილს უკრაინაში ჩასვლას ვგეგმავ, ბილეთიც ნაყიდი მაქვს
11:41 13.03.2019
უკრაინის ტელეკომპანია «Наш»-ის გადაცემაში «В гостьях у Дмитрия Гордона» ცნობილი უკრაინელი ჟურნალისტი
ინტერვიუ
ირანული გაზის ტრანზიტი სომხეთის გავლით: როგორი პოზიცია აქვს საქართველოს?
14:33 05.03.2019
ირანში სომხეთის პრემიერ-მინისტრის ნიკოლ ფაშინიანის ამასწინანდელი ვიზიტის დროს, პრეზიდენტ ჰასან რუჰანთან
ინტერვიუ
ინტერვიუ დევიდ სალვოსთან: ჩვენ ხელიდან გავუშვით შესაძლებლობა, რომ გვეპასუხა საქართველოში რუსეთის სამხედრო აგრესიისთვის
14:18 05.03.2019
როგორ ახდენს გავლენას კრემლის მიერ დაფინანსებული და მართული მედია 40-მდე სხვადასხვა ქვეყნის შიდა