გია აბაშიძე: ჩემი ვარაუდით, 18 ივლისს, სტრასბურგის სასამართლოს გადაწყვეტილებით, "რ2" დაუბრუნდება ქიბარ ხალვაშს
გია აბაშიძე: ჩემი ვარაუდით, 18 ივლისს, სტრასბურგის სასამართლოს გადაწყვეტილებით, "რ2" დაუბრუნდება ქიბარ ხალვაშს
14:43 03.07.2019
ექსპერტი, გია აბაშიძე სტრასბურგის სასამართლოში ტელეკომპანია „რუსთავი 2“-ის საქმეზე მოსალოდნელი გადაწყვეტილების მიღების შესახებ, სოციალურ ქსელში საკუთარ მოსაზრებას აქვეყნებს.

"ჩემი ვარაუდით, 18 ივლისს, სტრასბურგის სასამართლოს გადაწყვეტილებით, 'რ2' დაუბრუნდება ქიბარ ხალვაშს, რადგან, როგორც რიგი იურისტები მეუბნებიან, სხვანაირად ამ ქეისს სამართლებრივი 'კვანძის გახსნა' არ გააჩნია. შესაბამისად, ნიკა გვარამიამ, რომელიც კვალიფიციური იურისტია და ჰყავს გარშემო რამდენიმე ასეთიც, ზუსტად იცის, რომ პროცესს აგებს. არ გამოვრიცხავ, რომ 18 ივლისის ვერდიქტზე წინასწარი ინფორმაცია შიგნიდან უკვე აქვს.
აქედან გამომდინარე, ლოგიკურია, რომ ნაცმო & Co მაქსიმალურად შეეცდება, რომ პროტესტი შენარჩუნდეს ქუჩაში და ყველანაირად გართულდეს სტრასბურგის უზენაესი გადაწყვეტილების აღსრულება "დაიცავი რუსთავი2"-ის სლოგანით...", -  წერს გია აბაშიძე საკუთარ ფეისბუქ გვერდზე.
ბეჭდვა