logo2
logo2
არქივი
« ივნისი 2021 »
ორ სა ოთ ხუ პა შა კვ
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30
logo2
logo2
ირაკლი კობახიძე: პარლამენტი ცდილობს ყველა ზომა მიიღოს, რათა ჩვენი დიასპორის ინტერესები სათანადოდ იყოს დაცული
ირაკლი კობახიძე: პარლამენტი ცდილობს ყველა ზომა მიიღოს, რათა ჩვენი დიასპორის ინტერესები სათანადოდ იყოს დაცული
11:26 27.05.2018
„ჩვენ ამ დღეებში აღვნიშნავთ დამოუკიდებლობის აღდგენის და საქართველოს პირველი დემოკრატიული რესპუბლიკის დაარსების 100 წლისთავს, რომლის მთავარ შემოქმედებს ცხოვრების დიდი ნაწილის გატარება საზღვარგარეთ მოუხდათ.



ისტორიულმა უსამართლობამ და განსაცდელმა ქართველ ხალხს დაანახა, რომ ჩვენთვის უმთავრესია სამშობლოს ერთგულება, სამშობლოს ერთიანობა და ერთმანეთის მხარდამხარ დგომა. დღეს ჩვენს ხალხს კვლავ სჭირდება ყველა ეს თვისება, რომელმაც საუკუნეები გამოგვატარა“, - ამის შესახებ საქართველოს პარლამენტის თავმჯდომარემ, ირაკლი კობახიძემ დიასპორის დღისადმი მიძღვნილ ფორუმზე „ძლიერი დიასპორა ერთიანი საქართველოსთვის“ სიტყვით გამოსვლისას განაცხადა.



საქართველოს პირველი დემოკრატიული რესპუბლიკის გამოცხადებიდან 100 წლის იუბილესთან დაკავშირებით გამართულ ფორუმზე ირაკლი კობახიძემ ქვეყნის განვითარებაში ქართული დიასპორის განსაკუთრებულ წვლილზე ისაუბრა და ყურადღება გაამახვილა უცხოეთში მცხოვრებ თანამემამულეებთან კავშირების გაღრმავების მიზნით, საქართველოს პარლამენტის მიერ, საკონსტიტუციო რეფორმის ფარგლებში ამ კუთხით განხორციელებულ ცვლილებებზე.

„ქართულ დიასპორას ჩვენი ქვეყნისათვის განსაკუთრებული მნიშვნელობა ენიჭება. საზღვარგარეთ მცხოვრებ ჩვენს თანამემამულეებს მნიშვნელოვანი წვლილი შეაქვთ ქვეყნის ეკონომიკურ განვითარებაში და რაც კიდევ უფრო მნიშვნელოვანია, სახალხო დიპლომატიის წარმატებაში.



საქართველოს პარლამენტი ცდილობს ყველა ზომა მიიღოს იმისათვის, რომ ჩვენი დიასპორის ინტერესები სათანადოდ დაცული იყოს.



ქვეყნის წინსვლაში დიასპორის ფასდაუდებელი როლის გათვალისწინებით საქართველოს პარლამენტმა კონსტიტუციაში ღირსეული ადგილი განუსაზღვრა სიტყვებს და ტერმინს „თანამემამულეს“ და „უცხოეთში მცხოვრებ თანამემამულეს“. ქვეყნის ძირითად კანონში პირველად გაჩნდა ჩანაწერი, რომლის თანახმადაც სახელმწიფო იღებს ვალდებულებას იზრუნოს უცხოეთში მცხოვრები თანამემამულეების სამშობლოსთან კავშირის შენარჩუნებასა და განვითარებაზე. მინდა სიხარულით აღვნიშნო, რომ ამ ინიციატივას საკონსტიტუციო კომისიაში არც ერთი მოწინააღმდეგე არ ჰყოლია და ეს საკითხი ერთხმად იყო მხარდაჭერილი სახელმწიფო საკონსტიტუციო კომისიის წევრთა მიერ. ეს მეტყველებს იმაზე, რომ დიასპორას ყველა, განურჩევლად პოლიტიკური შეხედულებებისა, განსაკუთრებული პატივითა და მოწიწებით ეკიდება.



ასევე, საკონსტიტუციო რეფორმის ფარგლებში, მოხდა კონსტიტუციის იმ ჩანაწერის გაუქმება, რომელიც ზღუდავდა ორმაგ მოქალაქეობას. კონსტიტუციის ეს ნორმა პრობლემებს უქმნიდა ჩვენს თანამემამულეებს. შესაბამისად, შეზღუდვა მოხსნილია და სხვა ქვეყნის მოქალაქეობის მიღების შემთხვევაშიც, ჩვენს თანამემამულეს შეეძლება საქართველოს მოქალაქეობის შენარჩუნება. ამჟამად, წარიმართება მუშაობა შესაბამის კანონპროექტზე, რომლითაც დაკონკრეტდება სათანადოდ ეს მნიშვნელოვანი კონსტიტუციური ჩანაწერი“,--აღნიშნა პარლამენტის თავმჯდომარემ.



ირაკლი კობახიძემ ფორუმის მონაწილეებს სხვა საკანონმდებლო აქტებში დაგეგმილი ცვლილებებიც გააცნო.



„ამჟამად, პარლამენტში მიმდინარეობს „უმაღლესი განათლების შესახებ“ კანონის პროექტის განხილვა, რომელიც ითვალისწონებს უცხოეთში მცხოვრებ თანამემამულის სტატუსის მქონე სხვა ქვეყნის მოქალაქეებისათვის დაფინანსების და ქართულ საგანმანათლებლო სივრცეში მათი ინტეგრაციის ხელშეწყობას“,-განაცხადა პარლამენტის თავმჯდომარემ.



ირაკლი კობახიძემ აღნიშნა, რომ დიასპორული ორგანიზაციების მონაწილეობას ევროინტეგრაციის პროცესში დიდი როლი უნდა მიენიჭოს და ამისთვის პარლამენტი შესაბამისი საკანონმდებლო ცვლილებების განხორციელებას გეგმავს.

„პარლამენტი, ასევე აქტიურად მუშაობს „უცხოეთში მცხოვრები თანამემამულეებისა და დიასპორული ორგანიზაციების შესახებ“ კანონის ახლებურად გააზრებასა და მის შესაბამისობაში მოყვანაზე ქართული სახელმწიფოსა და დიასპორის წინაშე მდგარ გამოწვევებთან. დღეს აშკარაა, რომ ეს ურთიერთობა ახალ სიმაღლეზე უნდა გადავიდეს და აქ უმთავრესი როლი საზღვარგარეთ მოქმედმა დიასპორულმა ორგანიზაციებმა უნდა იკისრონ.

დიდი მნიშვნელობა უნდა მიენიჭოს დიასპორული ორგანიზაციების მონაწილეობას ევროინტეგრაციის პროცესში, უნდა გაძლიერდეს მათი საქმიანობა ადგილსამყოფელ ქვეყნებში. ამიტომაც, კანონში ცვლილება უზრუნველყოფს ორგანიზაციების გაძლიერების, სტიმულირებისა და მათთვის სახელმწიფოს მხარდაჭერის ახალი მექანიზმების შექმნას. ცვლილება ხელს შეუწყობს ჩვენი სამშობლოს საკეთილდღეოდ სახელმწიფოსა და დიასპორას შორის ურთიერთობის ეფექტურობას და ეფექტიანობას. ამიტომაც, კანონპროექტზე მუშაობა უნდა განხორცილდეს დიასპორული ორგანიზაციების ძალიან აქტიური ჩართულობით და ეს იქნება კიდეც უზრუნველყოფილი“,-განაცხადა პარლამენტის თავმჯდომარემ.

ირაკლი კობახიძის მოსაზრებით, გამოსაძებნია ახალი ფორმა, რაც, ზოგადად, საკანონმდებლო საქმიანობაში საზღვარგარეთ მცხოვრები ქართველების მონაწილეობას გაზრდის. მან დიასპორის წარმომადგენლებს, ამ საკითხთან დაკავშირებით, ერთობლივი მუშაობის დაწყება შესთავაზა.



პარლამენტის თავმჯდომარის განცხადებით, საქართველოს პარლამენტსა და ქართულ დიასპორას შორის მუდმივი კავშირის შენარჩუნებისა და გაღრმავებისათვის, პარლამენტში მოქმედებს დიასპორისა და კავკასიის საკითხთა კომიტეტი. კომიტეტის თავმჯდომარის ინიციატივით, კი ასევე შექმნილია სამეცნიერო-საკონსულტაციო საბჭო, რომელიც აერთიანებს დიასპორის საკითხზე მომუშავე მკვლევარებს, მეცნიერებს, ჟურნალისტებსა და სხვა სპეციალისტებს.



„ყველა ეს საქმიანობა მიმართულია ჩვენი თანამემამულეების მხარდაჭერისაკენ, მაგრამ, ასევე, საქართველოს მთავარი საგარეო პოლიტიკური მიზნის - ევროპული და ევროატლანტიკური ინტეგრაციის ხელშეწყობისაკენ.

მინდა გისურვოთ სამშობლოსთან მჭიდრო კავშირის შენარჩუნება და საზღვარგარეთ ჩვენი ქვეყნის ღირსეულად წარმოჩენა. კიდევ ერთხელ გილოცავთ ჩვენი დამოუკიდებლობის საუკუნოვან იუბილეს“,-განაცხადა ირაკლი კობახიძემ ფორუმზე სიტყვით გამოსვლისას.



FaceBook Twitter Digg MySpace Delicious Google ელფოსტაბეჭდვა

ინტერვიუ
Pleas creat article
ინტერვიუ
Pleas creat article
ინტერვიუ
საზოგადოებრივი მაუწყებლის რა ქონება გაასხვისა თამარ კინწურაშვილმა და რა ფასად - ჟურნალისტური მოკვლევა
13:52 23.10.2019
საზოგადოებრივი მაუწყებლის ყოფილი გენერალური დირექტორი, შემდგომში გიგა ბოკერიას
ინტერვიუ
ინტერვიუ სალომე ზურაბიშვილთან: დავით-გარეჯთან დაკავშირებით ზოგიერთი მხარის რეაქციები ძალიან გამიკვირდა
18:10 01.05.2019
ინტერვიუში საქართველოს პრეზიდენტი სალომე ზურაბიშვილი ქვეყნის პოლიტიკურ ცხოვრებაში საკუთარ როლზე, მეზობელ
ინტერვიუ
აშშ - ნატოს წევრი თუ ნატოს „ხაზეინი“?-ინტერვიუ თურქ გენერალთან
13:38 20.04.2019
ყველამ კარგად იცის, თუ რა წონა აქვს ამერიკის შეერთებულ შტატებს ნატოში და რა ძალას ფლობს ვაშინგტონი. ეს ყველაფერი
ინტერვიუ
ინტერვიუ ჰანს ბინენდაიკთან: ნატოში გაწევრიანება დღეს ან ხვალ არ მოხდება,თუმცა საქართველომ იმედი უნდა შეინარჩუნოს
13:25 20.04.2019
ნატომ თავისი არსებობის 70 წლის მანძილზე დროს გაუძლო და ისტორიაში ყველაზე წარმატებულ სამხედრო-პოლიტიკურ ალიანსად
ინტერვიუ
ალექსი პუშკოვი: როგორი პოლიტიკა უნდა გაატაროს მოსკოვმა პოსტსაბჭოთა სივრცეში
18:31 15.04.2019
გაზეთ „კომსომოლსკაია პრავდა“-ს კორესპონდენტი ალექსანდრე გამოვი რუსეთის ფედერაციის საბჭოს საინფორმაციო პოლიტიკის
ინტერვიუ
ინტერვიუ მიხეილ სააკაშვილთან: პირველ აპრილს უკრაინაში ჩასვლას ვგეგმავ, ბილეთიც ნაყიდი მაქვს
11:41 13.03.2019
უკრაინის ტელეკომპანია «Наш»-ის გადაცემაში «В гостьях у Дмитрия Гордона» ცნობილი უკრაინელი ჟურნალისტი
ინტერვიუ
ირანული გაზის ტრანზიტი სომხეთის გავლით: როგორი პოზიცია აქვს საქართველოს?
14:33 05.03.2019
ირანში სომხეთის პრემიერ-მინისტრის ნიკოლ ფაშინიანის ამასწინანდელი ვიზიტის დროს, პრეზიდენტ ჰასან რუჰანთან
ინტერვიუ
ინტერვიუ დევიდ სალვოსთან: ჩვენ ხელიდან გავუშვით შესაძლებლობა, რომ გვეპასუხა საქართველოში რუსეთის სამხედრო აგრესიისთვის
14:18 05.03.2019
როგორ ახდენს გავლენას კრემლის მიერ დაფინანსებული და მართული მედია 40-მდე სხვადასხვა ქვეყნის შიდა