logo2
logo2
logo2
არქივი
logo2
logo2
სომხური პრესა: ასეთი საქართველო არასოდეს არ ყოფილა და ამიტომაც მოსახლეობას ცვლილებები სურს; რაც იქნება, იქნება...
სომხური პრესა: ასეთი საქართველო არასოდეს არ ყოფილა და ამიტომაც მოსახლეობას ცვლილებები სურს; რაც იქნება, იქნება...
11:43 20.11.2018
სომხური გამოცემის, «Голос Армении»-ს მიერ გამოქვეყნებულ სტატიაში განხილულია სიტუაცია საპრეზიდენტო არჩევნების მეორე ტურის წინ: ვის მისცემენ თავიანთ ხმას საქართველოში მცხოვრები ეთნიკური უმცირესობები?

საინფორმაციო სააგენტო "ნიუსპრესი" გთავაზობთ თბილისელ სომეხთა კავშირის პრეზიდენტის,მიხეილ თათევოსოვის ავტორობით გამოქვეყნებული პუბლიკაციის შინაარსს:

მოსახლეობის ბოლო აღწერის სტატისტიკური მონაცემების მიხედვით, საქართველოს მცხოვრებთა 20% არაქართველია. ყველაზე მრავალრიცხოვანი თემი აქვთ სომხებს და აზერბაიჯანელებს. ამავე დროს მხედველობაში უნდა გვქონდეს იმ სომხების პოზიციაც, რომლებმაც გვარები ქართულად გადაიკეთეს, მაგრამ თავიანთი ეროვნული იდენტობა მაინც შეინარჩუნეს.

ორივე თემის მოსახლეობა კომპაქტურად ცხოვრობს და ამიტომ მათ შეუძლიათ თავიანთი არჩევანი ერთმანეთთან შედარებით იოლად შეათანხმონ. არ შეიძლება უარვყოთ ის ფაქტი, რომ აზერბაიჯანული საზოგადოებისაგან განსხვავებით, სადაც საერთო პოზიცია რელიგიური თუ ადგილობრივი ლიდერების აგიტაცია-მოწოდებებით ყალიბდება, ქართველ სომხებს აგიტაცია და მოწოდებები არ ჭირდებათ - ისინი საკუთარ ხმას მხოლოდ გულის კარნახით აძლევენ. ქართველ სომხებს ავტორიტეტები არ ჰყავთ. მცირერიცხოვნობის მიუხედავად, მტკიცედ არიან ერთმანეთთან შეკრულნი ბერძნული, ებრაული და იეზიდური საზოგადოებების წევრები. ხელისუფლების „თავის ტკივილად“ რჩება პანკისის ხეობის ჩეჩნური საზოგადოება, რომელიც სპეცოპრაციის დროს მომხდარი მკვლელობით არის აღშფოთებული. ამიტომ ძნელია იმის პროგნოზირება, თუ რომელი კანდიდატის მხარეს დადგება ამ რთული რეგიონის მოსახლეობა.

გასათვალისწინებელია აგრეთვე ის გარემოება, რომ საქართველოს ეთნიკური უმცირესობების დიდი ნაწილი რუსეთთან დიპლომატიური ურთიერთობის აღდგენისა და მოსკოვთან დიალოგის დაწყების მომხრეა, მმათ შორის ყველაზე მტკივნეულ - აფხაზეთისა და სამხრეთ ოსეთის შემოერთების საკითხზე.

ცალკე თემაა რუსული საზოგადოება, რომლის სახელით გამოდის „საქართველოში მცხოვრებ რუს თანამემამულეთა ორგანიზაციების საკოორდინაციო საბჭო“ (მაგრამ ყოველგვარი მანდატის გარეშე). ამ კომერციული პროექტის ორგანიზატორები არანაირ ინტერესს არ იჩენენ საარჩევნო კამპანიის მიმართ, სადაც კანდიდატებისაგან ხშირად ისმის „კრემლის აგენტის“ და „მოსკოვის ხელის“ ურთიერთბრალდებები. სხვათა შორის, „რუსი თანამემამულეების“ ორგანიზაციები საქართველოში მიხეილ სააკაშვილის მმართველობის დროსაც აქტიურად ფინანსდებოდა სხვადასხვა დახურული ქართული ფონდებიდან და ახლაც ასე გრძელდება. ამიტომაც დიდი კითხვის ნიშანი ჩნდება - პრეზიდენტობის რომელი კანდიდატია კრემლთან უფრო ახლოს?

არ არის გამორიცხული, რომ რუს თანამემამულეთა ორგანიზაციების საკოორდინაციო საბჭოს საქმიანობა მულტიეთნიკური საზოგადოებების განხეთქილებას ემსახურება. ამ საბჭოს ლიდერები მჭიდროდ იყვნენ დაკავშირებული მიხეილ სააკაშვილის დროინდელ სპეცსამსახურებთან, მაგალითად, სპეცოპერაცია „ენვერის“ განხორციელების დროს, როცა „რუსეთის აგენტები“ დააკავეს.

მოკლედ, ვინ ვის მისცემს ხმას, ამას არჩევნების შედეგები გვაჩვენებს. ერთი რამ ნათელია: „ქვემოთ“ უკვე ყელში ამოუვიდათ გაჭირვება, „ზემოთ“ კი კვლავ დაპირებებს იძლევიან და ხალხს აშინებენ - თუ ჩვენ არ მოგვცემთ ხმას, სამოქალაქო ომი დაიწყებაო. საქართველო გაყოფილია მდიდრული ჯიპების მფლობელებად და იმ ღარიბებად, რომლებიც თავს ძლივს ირჩენენ. ასეთი საქართველო არასოდეს არ ყოფილა და ამიტომაც მოსახლეობას ცვლილებები სურს. რაც იქნება, იქნება...


FaceBook Twitter Digg MySpace Delicious Google ელფოსტაბეჭდვა

ინტერვიუ
საზოგადოებრივი მაუწყებლის რა ქონება გაასხვისა თამარ კინწურაშვილმა და რა ფასად - ჟურნალისტური მოკვლევა
13:52 23.10.2019
საზოგადოებრივი მაუწყებლის ყოფილი გენერალური დირექტორი, შემდგომში გიგა ბოკერიას
ინტერვიუ
ინტერვიუ სალომე ზურაბიშვილთან: დავით-გარეჯთან დაკავშირებით ზოგიერთი მხარის რეაქციები ძალიან გამიკვირდა
18:10 01.05.2019
ინტერვიუში საქართველოს პრეზიდენტი სალომე ზურაბიშვილი ქვეყნის პოლიტიკურ ცხოვრებაში საკუთარ როლზე, მეზობელ
ინტერვიუ
ინტერვიუ მიხეილ სააკაშვილთან: პირველი, რაც ზელენსკიმ უნდა გააკეთოს ისაა, რომ პოროშენკოს კლანი ციხეში ჩასვას
12:14 22.04.2019
რუსეთის ტელეკომპანია «Дождь»-ის შოუ-პროგრამაში «Здесь и сейчас» ისაუბრა საქართველოს ექს-პრეზიდენტმა და უკრაინის
ინტერვიუ
აშშ - ნატოს წევრი თუ ნატოს „ხაზეინი“?-ინტერვიუ თურქ გენერალთან
13:38 20.04.2019
ყველამ კარგად იცის, თუ რა წონა აქვს ამერიკის შეერთებულ შტატებს ნატოში და რა ძალას ფლობს ვაშინგტონი. ეს ყველაფერი
ინტერვიუ
ინტერვიუ ჰანს ბინენდაიკთან: ნატოში გაწევრიანება დღეს ან ხვალ არ მოხდება,თუმცა საქართველომ იმედი უნდა შეინარჩუნოს
13:25 20.04.2019
ნატომ თავისი არსებობის 70 წლის მანძილზე დროს გაუძლო და ისტორიაში ყველაზე წარმატებულ სამხედრო-პოლიტიკურ ალიანსად
ინტერვიუ
ალექსი პუშკოვი: როგორი პოლიტიკა უნდა გაატაროს მოსკოვმა პოსტსაბჭოთა სივრცეში
18:31 15.04.2019
გაზეთ „კომსომოლსკაია პრავდა“-ს კორესპონდენტი ალექსანდრე გამოვი რუსეთის ფედერაციის საბჭოს საინფორმაციო პოლიტიკის
ინტერვიუ
ინტერვიუ მიხეილ სააკაშვილთან: პირველ აპრილს უკრაინაში ჩასვლას ვგეგმავ, ბილეთიც ნაყიდი მაქვს
11:41 13.03.2019
უკრაინის ტელეკომპანია «Наш»-ის გადაცემაში «В гостьях у Дмитрия Гордона» ცნობილი უკრაინელი ჟურნალისტი
ინტერვიუ
ირანული გაზის ტრანზიტი სომხეთის გავლით: როგორი პოზიცია აქვს საქართველოს?
14:33 05.03.2019
ირანში სომხეთის პრემიერ-მინისტრის ნიკოლ ფაშინიანის ამასწინანდელი ვიზიტის დროს, პრეზიდენტ ჰასან რუჰანთან
ინტერვიუ
ინტერვიუ დევიდ სალვოსთან: ჩვენ ხელიდან გავუშვით შესაძლებლობა, რომ გვეპასუხა საქართველოში რუსეთის სამხედრო აგრესიისთვის
14:18 05.03.2019
როგორ ახდენს გავლენას კრემლის მიერ დაფინანსებული და მართული მედია 40-მდე სხვადასხვა ქვეყნის შიდა