logo2
logo2
logo2
logo2
logo2
არქივი
« იანვარი 2019 »
ორ სა ოთ ხუ პა შა კვ
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31
«The New York Times» (აშშ): საქართველოში პოსტსაბჭოთა ქვეყნებისთვის უჩვეულო თემაზე საპროტესტო აქცია გაიმართა
«The New York Times» (აშშ): საქართველოში პოსტსაბჭოთა ქვეყნებისთვის უჩვეულო თემაზე საპროტესტო აქცია გაიმართა
11:39 16.05.2018
გავლენიანი ამერიკული გამოცემა «The New York Times»-ი თბილისში გამართულ საპროტესტო აქციას ეხმაურება.

საინფორმაციო სააგენტო "ნიუსპრესი" გთავაზობთ ენდრიუ კრამერის ავტორობით გამოქვეყნებული სტატიის ქართულენოვან ვერსიას მცირე შემოკლებით:

საქართველოში, თბილისში, შაბათ-კვირას ახალგაზრდებმა ქუჩაში დემონსტრაცია გამართეს პოსტსაბჭოთა ქვეყნებისათვის სრულიად ახალი საკითხით, რომელიც ნარკოტიკების რეკრეაციული გამოყენების ლეგალიზაციას ეხება. მიუხედავად იმისა, რომ საპროტესტო აქციის მონაწილეები ოპონენტებმა უსაქმურებად და ნარკომანებად მიიჩნიეს, საქართველოს მთავრობამ მათი გამოსვლა სერიოზულად აღიქვა - ხელისუფლებამ მოლაპარაკებისათვის თანხმობა განაცხადა, მაგრამ [მომიტინგეთა დასაშლელად] წყლის ჭავლიანი ავტომანქანებიც მოამზადა.

ნარკოტიკული საშუალებების შესახებ კანონები ყოფილ საბჭოთა ქვეყნებში - იქაც კი, რომლებიც პოლიტიკურად დასავლეთისკენ იხრებიან, მათ შორის საქართველოშიც - შედარებით უფრო მკაცრი და ხისტია, ვიდრე დასავლეთ ევროპაში.

საპროტესტო აქციის ერთ-ერთი ორგანიზატორი - მოძრაობა „თეთრი ხმაური“ 2013 წელს შეიქმნა იმ მიზნით, რომ დაეცვა ადამიანები, რომლებთაც რვა წელი საპყრობილე ელოდათ ორი გრამი მარიხუანას შენახვისათვის. ბექა წიქარიშვილის წინააღმდეგ აღძრული სისხლის სამართლის საქმე საბოლოო ჯამში ჯარიმით დასრულდა, მაგრამ „თეთრი ხმაური“ პოპულარულ მოძრაობად იქცა, მას ბევრი ისეთი პიროვნება მიემხრო, ვისაც საპყრობილეში ხანგრძლივი პატიმრობა ელოდებოდა.

შაბათ-კვირას გამართული პროტესტები გამოიწვია პოლიციის მიერ მოწყობილმა ანტინარკოტიკულმა რეიდებმა თბილისის ორ ღამის კლუბში. ეს გახდა მიზეზი ქუჩის დემონსტრაციისა იმ რეგიონში, სადაც საზოგადოება კორუფციის წინააღმდეგ ხშირად გამოდის და იმ მმართველებს აკრიტიკებს, რომლებსაც ხელისუფლებიდან წასვლა არ სურთ, ვადის დასრულების მიუხედავად. ასეთი იყო ე.წ.„ფერადი რევოლუციების“ ფაქტორები, როცა რამდენიმე ყოფილ საბჭოთა რესპუბლიკებში მთავრობები დაემხო.

„ეს ახალგაზრდა თაობაა“, - განაცხადა სატელეფონო ინტერვიუში საქართველოს სტრატეგიული და საერთაშორისო კვლევების ფონდის უფროსმა მეცნიერ-თანამშრომელმა შოთა უტიაშვილმა, - „მათთვის პარასკევს ღამით მომხდარი ამბავი უკვე წმინდა რამ არის“.

ახალგაზრდები შაბათს და კვირას თბილისში [პარლამენტის შენობის წინ მოედანზე] შეიკრიბნენ და ქვეყნის პრემიერ-მინისტრის გადადგომა მოითხოვეს. მათ ყურადღება გაამახვილეს იმ ფაქტზეც, რომ მეზობელ სომხეთში ქუჩის გამოსვლების შედეგად ისეთი ლიდერი დაემხო, რომელიც ხელისუფლებაში უვადოდ დარჩენას ცდილობდა. შესაბამისად, ხმები გავრცელდა, რომ პროტესტი გაფართოვდებოდა და მმართველი პარტიის - „ქართული ოცნების“ ხელისუფლებას საფრთხე დაემუქრებოდა.

თუმცა „თეთრი ხმაურის“ წევრების მიერ დაწყებული პროტესტი ნარკოტიკულ საშუალებათა კანონმდებლობის ლიბერალიზების შესახებ ახალგაზრდების წრის მიღმა არ გავრცელებულა: „ჩვენ კონსერვატიული ქრისტიანული ქვეყანა ვართ და საზოგადოების დიდი ნაწილი მხარს უჭერს უფრო მკაცრ ნარკოპოლიტიკას“, - თქვა შოთა უტიაშვილმა.

„თეთრი ხმაურის“ მიტინგმა ოპონენტების საპასუხო აქცია გამოიწვია. საბოლოოდ, ნარკოლეგალიზაციის მომხრეები დაიშალნენ.

როგორც ხელისუფლებამ განაცხადა, ღამის კლუბებში მოწყობილი რეიდის მიზანი კეთილშობილური იყო. პოლიციის მოქმედება გამოიწვია ხუთი ახალგაზრდის სიკვდილმა, რომლებიც ბოლო ხანებში ნარკოტიკების დოზირების გადაჭარბების გამო გარდაიცვალნენ.

პოლიციამ გამოაქვეყნა ვიდეოჩანაწერი, რომლის მიხედვით, დილერები ღიად ვაჭრობენ საზოგადოებრივ ადგილებში სინთეტიკური ოპიუმშემცველი ნარკოტიკული საშუალებით. ეს მთელი მსოფლიოსათვის უბედურებაა და, რასაკვირველია ,საქართველოსაც ემუქრება.

პროტესტების შეწყვეტაზე ძლიერი გავლენა მოახდინა შინაგან საქმეთა მინისტრის გიორგი გახარიას ნაბიჯმა - მან ბოდიში მოიხადა პოლიციის მიერ ძალის გადაჭარბებული გამოყენების გამო. გარდა ამისა, იგი შეხვდა აქციის ორგანიზატორებს და მონაწილეებს - „თეთრი ხმაურის“ წარმომადგენლებს, ნარკოსაშუალებათ საკითხში ეროვნული პოლიტიკის განხილვის მიზნით. საქართველოს პრემიერ-მინისტრმა გიორგი კვირიკაშვილმა განაცხადა, რომ მთავრობას, ერთი მხრივ, მტკიცე პოზიცია აქვს ნარკოტიკებით ვაჭრობის საკითხში, ხოლო მეორე მხრივ, უფრო ჰუმანური იქნება ნარკოტიკების მომხმარებლების მიმართ.



FaceBook Twitter Digg MySpace Delicious Google ელფოსტაბეჭდვა
logo2

ინტერვიუ
ინტერვიუ
ინტერვიუ თეოლოგ გურამ ლურსმანაშვილთან: უკრაინის საკითხი ყველა ავტოკეფალური ეკლესიისთვის ლუსტრაციაა
14:45 25.12.2018
უკრაინაში ახალი ერთიანი მართლმადიდებელი ეკლესიის დაფუძნებისა და კიევისა და
ინტერვიუ
მიხეილ სააკაშვილი ებრაელი და ქართველი „აფერისტების“ შესახებ ისრაელის ტელეარხის ეთერში
11:20 12.12.2018
მიხეილ სააკაშვილი ძალიან ემოციური პიროვნებაა და ხშირად მწვავე გამონათქვამებს უშვებს: მაგალითად, მან
ინტერვიუ
მაქსიმ შევჩენკო: არის მცდელობა, რომ საქართველოს მეშვეობით მთლიანად კავკასიას ცეცხლი მოუკიდონ
11:00 12.12.2018
რუსეთის რადიოსადგურ «Эхо Москвы»-ის პროგრამა «Особое мнение»-ს სტუდიაში საუბრობენ გადაცემის წამყვანი მაშა
ინტერვიუ
ქართული პოლიტიკის ფრანგული აქცენტი-სალომე ზურაბიშვილის საქმიანობის პერსპექტივა
11:18 06.12.2018
ამერიკული რადიოსადგურის „თავისუფლება//თავისუფალი ევროპის“ რუსული სამსახურის „რადიო სვობოდას“ პროექტ
ინტერვიუ
გია ნოდია: მიშას ციხეში ჩაჯდომა არ შეიძლება, ეს ის ადამიანი არ არის ვინც ციხეს გაუძლებს
11:08 05.12.2018
საქართველოს ახალი პრეზიდენტი ჰყავს, რომელსაც საერთაშორისო საზოგადოებამ არჩევნებში
ინტერვიუ
ინტერვიუ გრიგოლ ვაშაძესთან: მოსკოვი ჩვენს პირობებს უნდა დაეთანხმოს
17:43 02.12.2018
ბრიტანული სამაუწყებლო კომპანია BBC-ის რუსული სამსახურის კორესპონდენტმა ოლღა ივშინამ თბილისში ყოფნისას
ინტერვიუ
ამერიკელი დიპლომატი: საქართველოსთან ომს რუსეთის შეცდომად ვთვლი
10:43 19.11.2018
აშშ-ში გამოვიდა ახალი წიგნი სახელწოდებით „რუსეთი ადგილის გარეშე“, რომელშიც
ინტერვიუ
ინტერვიუ სტივენ ნიქსთან: ვიმედოვნებთ, არჩევნები კარგად ორგანიზებული, მშვიდობიანი და გამჭვირვალე იქნება
11:54 28.10.2018
საქართველოში წინასაარჩევნო გარემოს და განწყობებს საერთაშორისო რესპუბლიკური ინსტიტუტის ევრაზიის
ინტერვიუ
Pleas creat article