logo2
logo2
გამოკითხვა
მიგაჩნიათ თუ არა, რომ "მედიის განვითარების ფონდი", რომელსაც ბოკერიას ყოფილი მოადგილე ხელმძღვანელობს, მიუკერძოებელი ორგანიზაციაა?
logo2
logo2
logo2
არქივი
«The Guardian» (დიდი ბრიტანეთი): დაჭერის შიშით სააკაშვილი სახურავიდან გადმოხტომით იმუქრებოდა
«The Guardian» (დიდი ბრიტანეთი): დაჭერის შიშით სააკაშვილი სახურავიდან გადმოხტომით იმუქრებოდა
17:53 06.12.2017
„მიხეილ სააკაშვილის დაკავება და შემდეგ მოულოდნელი გათავისუფლება კიდევ ერთი მნიშვნელოვანი მოვლენაა იმ პოლიტიკოსის უცნაურ ბიოგრაფიაში, რომელსაც ოდესღაც დიდ რეფორმისტად თვლიდნენ პოსტსაბჭოთა სივრცეში. ეს არის მორიგი ეპიზოდი საქართველოს ექს-პრეზიდენტსა და უკრაინის პრეზიდენტ პეტრო პოროშენკოს შორის მიმდინარე სულ უფრო მძაფრ და მწვავე დაპირისპირებაში“, - ნათქვამია ბრიტანულ The Guardian-ში გამოქვეყნებულ სტატიაში.

საინფორმაციო სააგენტო „ნიუსპრესი“ გთავაზობთ შონ უოლკერის ავტორობით გამოქვეყნებული სტატიის ქართულენოვან რეზიუმეს:

პეტრო პოროშენკო მიხეილ სააკაშვილს ჯერ კიდევ სტუდენტობის პერიოდიდან იცნობდა. მან საქართველოს ექს-პრეზიდენტი 2015 წელს უკრაინის სამხრეთში მდებარე ოდესის ოლქის გუბერნატორად დანიშნა იმ იმედით, რომ ენერგიული რეფორმატორი ოლქს გარდაქმნიდა. მაგრამ 2016 წლის დასასრულს მიხეილ სააკაშვილი გუბერნატორობიდან გადადგა და თავისი მეგობარი პეტრო პოროშენკო რეფორმების შენელებაში დაადანაშაულა. იგი ოპოზიციაში გადავიდა და საკუთარი პოლიტიკური პარტია შექმნა. მოგვიანებით უკრაინის პრეზიდენტმა ყოფილ ქართველ კოლეგას უკრაინის მოქალაქეობა ჩამოართვა. ალბათ, სწორედ ამიტომ გაჰყვიროდა სახურავზე მდგომი მიხეილ სააკაშვილი - პეტრო პოროშენკო „დამნაშავე, ქურდი და მოღალატეაო“.

მიხეილ სააკაშვილი საქართველოს პრეზიდენტად „ვარდების რევოლუციის“ შემდეგ აირჩიეს. მან რეფორმები განახორციელა და ქვეყანაში კორუფციისა და ბიუროკრატიის დონე შეამცირა. თუმცა მმართველობის პერიოდში იგი ავტორიტარიზმისაკენ გადაიხარა. 2008 წელს საქართველოს არმია რუსეთის არმიამ გაანადგურა. შესაბამისად, 2013 წელს, როცა მიხეილ სააკაშვილმა ქვეყნის პრეზიდენტის პოსტი დატოვა, იგი საქართველოს მოსახლეობაში ძალზე არაპოპულარულ პიროვნებას წარმოადგენდა.

მიხეილ სააკაშვილის მეორე პოლიტიკური რენესანსი ოდესაში დაიწყო. მისი მოღვაწეობა სავსე იყო სარეკლამო პიარ-ტრიუკებით, სატელევიზიო გამოსვლებით, ღამის შეხვედრებით და სულ უფრო მზარდი კრიტიკით პრეზიდენტ პეტრო პოროშენკოს მიმართ. მან მინისტრთა კაბინეტის ერთ-ერთი სხდომის დროს, კიევში, მიხეილ სააკაშვილმა შინაგან საქმეთა მინისტრი არსენ ავაქოვი კორუფციაში დაადანაშაულა...

პეტრო პოროშენკოს მომხრეები ამბობენ, რომ პრეზიდენტი ცდილობს რეფორმების გატარებას, მაგრამ მას ამ საკითხში ხელს უშლის უმძიმესი პოლიტიკური მემკვიდრეობა, კორუფციის მაღალი დონე და ქვეყნის აღმოსავლეთში მიმდინარე სისხლიანი კონფლიქტი, რომელსაც რუსეთი აღვივებს.

თავის მხრივ, კრიტიკოსები აცხადებენ, რომ პეტრო პოროშენკოს მმართველობის სტილი არაფრით განსხვავდება მისი წინამორბედისაგან: ოლიგარქები კვლავ გავლენითა და შეღავათებით სარგებლობენ, აუცილებელი ცვლილებები ეკონომიკასა და საზოგადოებაში კი აგვიანებს. უკრაინის დასავლელი მოკავშირეები მოთმინებას კარგავენ რეფორმების დაბალი ტემპის გამო. „ნიღბიანი სპეცაგენტების ფოტოსურათებმა, რომლებიც მიხეილ სააკაშვილს მიათრევენ, საეჭვოა, რომ რეფორმისტ პეტრო პოროშენკოს მიმართ ნდობა განამტკიცოს. თუმცაღა, რა დასამალია და ქართველ მიხეილ სააკაშვილსაც საკმაოდ ნეგატიური რეპუტაცია აქვს საერთაშორისო საზოგადოებაში, მისი იმპულსურ-ფეთქებადი ხასიათის გამო“.

FaceBook Twitter Digg MySpace Delicious Google ელფოსტაბეჭდვა
logo2

ინტერვიუ
ექსკლუზიური ინტერვიუ თემურ ალასანიასთან-ვინ არის სააკაშვილის იდუმალი მფარველი?
18:06 19.02.2018
რუსული ტელეკომპანია «НТВ»-ს პროგრამაში «Новые русские сенсации» („ახალი რუსული სენსაციები“)
ინტერვიუ
მიხეილ სააკაშვილი: ქართულ არმიასა და სამართალდამცველ ორგანოებში ძალიან დიდი მხარდაჭერა მაქვს
11:31 09.02.2018

უკრაინაში მყოფმა საქართველოს ექს-პრეზიდენტმა მიხეილ სააკაშვილმა ინტერვიუ მისცა

ინტერვიუ
ინტერვიუ
კენეტ იალოვიცი: საქართველომ ის კონსტრუქციული კრიტიკა უნდა გაითვალისწინოს, რომელიც მეგობრებისგან მოდის
11:09 02.02.2018

პრეზიდენტ დონალდ ტრამპის ადმინისტრაცია საქართველოს მიმართ მეტ მხარდაჭერას

ინტერვიუ
ინტერვიუ
ინტერვიუ მელისა მუსიოსთან: საქართველოში NDI-ს გამოკითხვამ რამდენიმე საინტერესო საკითხი გამოკვეთა
11:32 22.01.2018

როგორც უკვე ცნობილია, აშშ-ის ეროვნულ-დემოკრატიულმა ინსტიტუტმა კავაკასიის

ინტერვიუ
ინტერვიუ ზურაბ აბაშიძესთან: ჩიხიდან გამოსასვლელად არაორდინალური აზროვნებაა საჭირო
13:26 15.01.2018

ათი წლის წინ საქართველომ რუსეთთან დიპლომატიური ურთიერთობა გაწყვიტა. იმ

ინტერვიუ