პრემიერი: როდესაც მოხდება თვითდასაქმებული ადამიანების იდენტიფიცირება, სახელმწიფო იღებს ვალდებულებას, რომ ერთჯერადად 300 ლარით დაეხმაროს
პრემიერი: როდესაც მოხდება თვითდასაქმებული ადამიანების იდენტიფიცირება, სახელმწიფო იღებს ვალდებულებას, რომ ერთჯერადად 300 ლარით დაეხმაროს
15:29 24.04.2020
არის ასევე საკმაოდ სერიოზული სოციალური ჯგუფი და ფენა ჩვენი მოქალაქეების, რომლებიც არაფორმალურ სექტორში იყვნენ დასაქმებულები, ან თავიანთ თავს თვლიდნენ თვითდასაქმებულად, რა თქმა უნდა სახელმწიფოსთვის და მთავრობისთვის არის უკიდურესად რთული მათი იდენტიფიცირება, - ამის შესახებ საქართველოს პრემიერ-მინისტრმა გიორგი გახარიამ უწყებათაშორის საკოორდინაციო საბჭოსთან არსებული ანტიკრიზისული ეკონომიკური ჯგუფის სხდომაზე განაცხადა, სადაც ანტიკრიზისულ ეკონომიკურ გეგმას წარადგენს.

მისი თქმით, თვითდასაქმებული ადამიანების იდენტიფიცირება სოციალური დახმარების სამსახურების მეშვეობით მოხდება.

„არის ასევე საკმაოდ სერიოზული სოციალური ჯგუფი და ფენა ჩვენი მოქალაქეების, რომლებიც არაფორმალურ სექტორში იყვნენ დასაქმებულები ან თავიანთ თავს თვლიდნენ თვითდასაქმებულად, რა თქმა უნდა სახელმწიფოსთვის და მთავრობისთვის არის უკიდურესად რთული მათი იდენტიფიცირება, რამე თუ ისინი არ აღირიცხებიან არცერთ ოფიციალურ ბაზებში და წყაროებში, მაგრამ სახელმწიფო იღებს ვალდებულებას, რომ სოციალური დახმარების სამსახურების მეშვეობით და მათი იდენტიფიცირების მაქსიმალური გამარტივების გზით, მაშინ როდესაც მოხდება ასეთი ადამინების იდენტიფიცირება გაუწიოს ამ ადამიანებს ერთჯერადი დახმარება 300 ლარის ოდენობით. ამ ღონისძიების დაახლოებითი ბიუჯეტი იქნება 75 მილიონი ლარი“, - განაცხადა გიორგი გახარიამ.
ბეჭდვა