თუშეთში ავარიის დროს დაშავებულის მდგომარეობა სტაბილურია
თუშეთში ავარიის დროს დაშავებულის მდგომარეობა სტაბილურია
12:06 15.06.2019
თუშეთში ავტოსაგზაო შემთხვევისას დაშავებული 35 წლის მამაკაცი ამ დრომდე საავადმყოფოში რჩება.

როგორც ექიმმა განაცხადა, პაციენტის ჯანმრთელობის მდგომარეობა სტაბილურია. მას სხეულის სხვადასხვა სახის დაზიანება და მოტეხილობები აღენიშნება.

უბედური შემთხვევა გუშინ ფშაველი-აბანო-ომალოს დამაკავშირებელი გზის მე-18 კილომეტრზე მოხდა.

ავარიის შედეგად ადგილზე დაიღუპა ერთი მამაკაცი.

"გუშინ კლინიკაში შემოყვანილი პაციენტის მდგომარეობა ამ ეტაპზე სტაბილურია, იმყოფება დაკვირვებისა და მონიტორინგის ქვეშ, პოლიტრამვის დიაგნოზით, აღენიშნება ნეკნების მრავლობითი მოტეხილობა და თავის ტვინის შერყევა" - განაცხადა ექიმმა.

გავრცელებული ინფორმაციით, მძღოლმა საჭე ვერ დაიმორჩილა და სიმაღლიდან გადავარდა.

მომხდარზე გამოძიება მიმდინარეობს.
ბეჭდვა