logo2
logo2
logo2
არქივი
« აგვისტო 2019 »
ორ სა ოთ ხუ პა შა კვ
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31
logo2
logo2
ირაკლი კობახიძე: შემაშფოთებელია ბავშვთა მიმართ ძალადობის მასშტაბები
ირაკლი კობახიძე: შემაშფოთებელია ბავშვთა მიმართ ძალადობის მასშტაბები
16:42 04.02.2019
ირაკლი კობახიძე: ბავშვთა უფლებების კოდექსი, სახელმწიფოში არსებული რესურსების მაქსიმალური გამოყენებით, ბავშვის უფლებების რეალიზაციაზე იქნება ორიენტირებული


„ჩვენი ამოცანაა, შევქმნათ ისეთი სახელმწიფო პოლიტიკა და ისეთი ერთიანი სტანდარტი, რომელიც გახდება ბავშვის მხარდაჭერის და ოჯახისთვის საჯარო სივრცეში ბავშვის უფლებების დაცვის მყარი საწინდარი“,- ამის შესახებ საქართველოს პარლამენტის თავმჯდომარე ირაკლი კობახიძემ ბავშვის უფლებათა კოდექსის პროექტის პრეზენტაციაზე განაცხადა.

ღონისძიება ირაკლი კობახიძემ მისასალმებელი სიტყვით გახსნა და პროექტის შემუშავებაში შეტანილი წვლილისთვის ადამიანის უფლებათა დაცვისა და სამოქალაქო ინტეგრაციის კომიტეტს, გაეროს ბავშვთა ფონდს, საერთაშორისო პარტნიორებსა და სამოქალაქო საზოგადოებას მადლობა გადაუხადა.

პარლამენტის თავმჯდომარის განცხადებით, ბავშვთა უფლებების დაცვისა და უფლებათა რეალიზაციის დახვეწილი მექანიზმების არარსებობის კუთხით, საქართველოში სერიოზული გამოწვევებია. მისივე შეფასებით, შემაშფოთებელია ბავშვთა მიმართ ძალადობის მასშტაბები, რაც, ირაკლი კობახიძის თქმით, დაუყოვნებლივ რეაგირებას და შესაბამის ჩარევას მოითხოვს.

“საქართველოში ბავშვთა უფლებების დაცვის და უფლებათა რეალიზაციის დახვეწილი მექანიზმების არარსებობის კუთხით გვაქვს ჩვენ სერიოზული გამოწვევები. ძალადობის მასშტაბები არის საკმაოდ შემაშფოთებელი ბავშვთა მიმართ, ბავშვთა შორის ძალადობის კუთხით გვაქვს ასევე მნიშვნელოვანი პრობლემები, რაც მოითხოვს, ბუნებრივია, ჩვენი მხრიდან დაუყოვნებლივ რეაგირებას და შესაბამის ჩარევას. ამ ყველაფერს ადასტურებს, თუნდაც გასულ თვეში მომხდარი შემზარავი ტრაგედია, რომელიც სწორედ ბავშვს უკავშირდებოდა. შესაბამისად, ჩვენი ამოცანაა, შევქმნათ ისეთი სახელმწიფო პოლიტიკა და ისეთი ერთიანი სტანდარტი, რომელიც გახდება ბავშვის მხარდაჭერის და ოჯახისათვის საჯარო სივრცეში ბავშვის უფლებების დაცვის მყარი საწინდარი“,- განაცხადა პარლამენტის თავმჯდომარემ.

ირაკლი კობახიძის თქმით, დიდ პრობლემად რჩება ბავშვთა სიღარიბე. პარლამენტის თავმჯდომარემ დამსწრეებს შეახსენა, რომ საქართველოში ბავშვზე ზრუნვისა და სოლიდარობის მდიდარი სამართლებრივი ტრადიციები არსებობს და ხაზგასმით აღნიშნა, რომ პარლამენტი ბავშვთა სიღარიბის პრობლემის დასაძლევად ძალისხმევას არ დაიშურებს. მისივე თქმით, აღნიშნული მიმართულებით, უკვე კონკრეტული ნაბიჯები გადაიდგა.

„დიდ პრობლემად რჩება ჩვენს საზოგადოებაში ბავშვთა სიღარიბე. ამ კუთხით მინდა აღვნიშნო, რომ საქართველოში არსებობს ბავშვთა მიმართ ზრუნვის და სოლიდარობის მდიდარი სამართლებრივი ტრადიციები. ჯერ კიდევ პირველი რესპუბლიკის დროს მიღებულ, 1921 წლის კონსტიტუციაში აღნიშნულია, რომ სახელმწიფო მიზნად ისახავს პირველ დაწყებით სკოლაში უღარიბეს ბავშვებს საზრდო, ჩასაცმელ დასახური და სასკოლო ნივთები უფასოდ მიეცეს. ამ მიზნის განსახორციელებლად სახელმწიფო და ადგილობრივი თვითმმართველობანი თავის შემოსავლის ერთ ნაწილს გადადებენ ყოველწლიურად. ეს ფაქტი, ეს ნორმა მიუთითებს იმაზე, თუ რამდენად დიდი ყურადღება ეთმობოდა საქართველოში, ჯერ კიდევ, პირველ რესპუბლიკაში, ბავშვთა უფლებების დაცვას და ჩვენ უნდა გავუფრთხილდეთ ამ ტრადიციას და უნდა დავაფუძნოთ ამ ტრადიციაზე, ჩვენს ბავშვებზე ზრუნვა და მათი უფლებების დაცვაზე ზრუნვა.

ამ სულისკვეთებით ჩვენ დღესაც, რა თქმა უნდა, ვადასტურებთ მზადყოფნას, რომ არ დავიშურებთ ძალისხმევას ბავშვთა სიღარიბის პრობლემის დასაძლევად და უკვე ვდგამთ კონკრეტულ ნაბიჯებს აღნიშნული მიმართულებით. ამ კუთხით უმნიშვნელოვანესი იყო შარშან განხორციელებული ინიციატივა, რომლითაც გამოიყო სპეციალური სოციალური დახმარება სიღარიბის ზღვარს მიღმა მცხოვრები ბავშვებისათვის”,- აღნიშნა პარლამენტის თავმჯდომარემ და განაცხადა, რომ ამ ფონზე მნიშვნელოვანია საკანონმდებლო საფუძვლების შექმნა ბავშვის უფლებების შესახებ გაეროს კონვენციით საქართველოს მიერ ნაკისრი ვალდებულებებისთვის.

ირაკლი კობახიძის განმარტებით, სწორედ ამ ვალდებულებათა შესრულებას და აღნიშნული პრობლემების გადაჭრას ემსახურება ბავშვთა უფლებების კოდექსის მიღება. მან კიდევ ერთხელ დაადასტურა, რომ ქვეყნის უმაღლესი საკანონმდებლო ორგანო ამ საკითხს სათანადო ყურადღებას დაუთმობს.

“სწორედ ამ ვალდებულებათა შესრულებას და ხსენებული პრობლემების გადაჭრას ემსახურება ბავშვთა უფლებათა კოდექსის მიღება, რომელიც სახელმწიფოში არსებული რესურსების მაქსიმალური გამოყენებითა და საჭიროების შემთხვევაში, ასევე, საერთაშორისო პარტნიორების მხარდაჭერით, ბავშვის უფლებების რეალიზაციაზე იქნება ორიენტირებული. მჯერა, რომ დღევანდელი ღონისძიება მოგვცემს დისკუსიის გაშლის საშუალებას ამ საკითხთან დაკავშირებით და ასევე, პარლამენტის სახელით შეგვიძლია დავდოთ პირობა, რომ ბავშვთა კოდექსის პროექტის განხილვას დაეთმობა სათანადო ყურადღება. პარლამენტი ამ საკითხს მთელი გულისყურით მოეკიდება და ეს ყველაფერი მოგვცემს საშუალებას, მომავალში უკეთ ვიზრუნოთ ბავშვთა უფლებების დაცვასა და მათი უფლებების რეალიზებაზე”,- განაცხადა სიტყვით გამოსვლისას საქართველოს პარლამენტის თავმჯდომარემ.




FaceBook Twitter Digg MySpace Delicious Google ელფოსტაბეჭდვა

ინტერვიუ
ინტერვიუ სალომე ზურაბიშვილთან: დავით-გარეჯთან დაკავშირებით ზოგიერთი მხარის რეაქციები ძალიან გამიკვირდა
18:10 01.05.2019
ინტერვიუში საქართველოს პრეზიდენტი სალომე ზურაბიშვილი ქვეყნის პოლიტიკურ ცხოვრებაში საკუთარ როლზე, მეზობელ
ინტერვიუ
ინტერვიუ მიხეილ სააკაშვილთან: პირველი, რაც ზელენსკიმ უნდა გააკეთოს ისაა, რომ პოროშენკოს კლანი ციხეში ჩასვას
12:14 22.04.2019
რუსეთის ტელეკომპანია «Дождь»-ის შოუ-პროგრამაში «Здесь и сейчас» ისაუბრა საქართველოს ექს-პრეზიდენტმა და უკრაინის
ინტერვიუ
აშშ - ნატოს წევრი თუ ნატოს „ხაზეინი“?-ინტერვიუ თურქ გენერალთან
13:38 20.04.2019
ყველამ კარგად იცის, თუ რა წონა აქვს ამერიკის შეერთებულ შტატებს ნატოში და რა ძალას ფლობს ვაშინგტონი. ეს ყველაფერი
ინტერვიუ
ინტერვიუ ჰანს ბინენდაიკთან: ნატოში გაწევრიანება დღეს ან ხვალ არ მოხდება,თუმცა საქართველომ იმედი უნდა შეინარჩუნოს
13:25 20.04.2019
ნატომ თავისი არსებობის 70 წლის მანძილზე დროს გაუძლო და ისტორიაში ყველაზე წარმატებულ სამხედრო-პოლიტიკურ ალიანსად
ინტერვიუ
ალექსი პუშკოვი: როგორი პოლიტიკა უნდა გაატაროს მოსკოვმა პოსტსაბჭოთა სივრცეში
18:31 15.04.2019
გაზეთ „კომსომოლსკაია პრავდა“-ს კორესპონდენტი ალექსანდრე გამოვი რუსეთის ფედერაციის საბჭოს საინფორმაციო პოლიტიკის
ინტერვიუ
ინტერვიუ მიხეილ სააკაშვილთან: პირველ აპრილს უკრაინაში ჩასვლას ვგეგმავ, ბილეთიც ნაყიდი მაქვს
11:41 13.03.2019
უკრაინის ტელეკომპანია «Наш»-ის გადაცემაში «В гостьях у Дмитрия Гордона» ცნობილი უკრაინელი ჟურნალისტი
ინტერვიუ
ირანული გაზის ტრანზიტი სომხეთის გავლით: როგორი პოზიცია აქვს საქართველოს?
14:33 05.03.2019
ირანში სომხეთის პრემიერ-მინისტრის ნიკოლ ფაშინიანის ამასწინანდელი ვიზიტის დროს, პრეზიდენტ ჰასან რუჰანთან
ინტერვიუ
ინტერვიუ დევიდ სალვოსთან: ჩვენ ხელიდან გავუშვით შესაძლებლობა, რომ გვეპასუხა საქართველოში რუსეთის სამხედრო აგრესიისთვის
14:18 05.03.2019
როგორ ახდენს გავლენას კრემლის მიერ დაფინანსებული და მართული მედია 40-მდე სხვადასხვა ქვეყნის შიდა
ინტერვიუ
ექსკლუზიური ინტერვიუ სალომე ზურაბიშვილთან: სიტუაცია ძალიან რთულია და სამწუხაროდ, ჩვენ არ გვაქვს დიდი შესაძლებლობები წინ აღვუდგეთ ამ პროცესს
13:15 28.02.2019
ბაქოში მყოფმა საქართველოს პრეზიდენტმა სალომე ზურაბიშვილმა ინტერვიუ მისცა აზერბაიჯანის სახელმწიფო
ინტერვიუ
ინტერვიუ რუსეთში ნატოს ყოფილ წარმომადგენელთან: ტრამპმა მითითება გასცა, რომ ალიანსში საქართველოსა და უკრაინის მიღების მიზნით გამოსავალი იპოვონ
14:19 15.02.2019
ნატოს ექს-წარმომადგენელი რუსეთში ჰარი ტაბახი უკრაინული გამოცემა «Апостроф»-ის კორესპონდენტის ეკატერინე
ინტერვიუ
ინტერვიუ გენერალ ბენ ჰოჯესთან: საქართველოს 20% ოკუპირებულია, მაგრამ ნატოს მისთვის წევრობის შეთავაზებისთვის პრეცედენტი აქვს... და ეს გერმანიაა
13:01 12.02.2019
შავი ზღვის უსაფრთხოება აღმოსავლეთ ევროპის სტაბილურობის ერთ-ერთი საფუძველია. უკრაინაში რუსეთის აგრესიის