ჩუღურეთის რაიონში, ივერთუბნის დასახლებაში საგზაო ინფრასტრუქტურის მოწესრიგება დაიწყო. 4800 მ2 ფართობის აგიაშვილის ქუჩაზე ასფალტის ორფენიანი საფარი დაიგო.

სამუშაოებს ჩუღურეთის გამგებელი ზურაბ ჩიკვილაძე და რაიონის მაჟორიტარი დეპუტატი საკრებულოში რიმა ბერაძე ადგილზე გაეცნენ.

„ივერთუბანი ახალი დასახლებაა, სადაც საგზაო სამუშაოები ინტენსიურად მიმდინარეობს. ჩუღურეთის რაიონის გამგეობა აპირებს, საგზაო ინფრასტრუქტურა ეტაპობრივად მოაწესრიგოს ყველა იმ ქუჩაზე, სადაც წყალსადენისა და წყაალრინების სისტემის გამართვა დასრულებულია. ჩემთვის გასაგებია ის დისკომფორტი, რაც შეიძლება ამ პროცესს ახლდეს და მინდა მოსახლეობას მოთმინებისკენ მოვუწოდო“, - განაცხადა ზურაბ ჩიკვილაძემ.

აგიაშვილის ქუჩაზე სამუშაოების დასრულების შემდეგ, საგზაო ინფრასტრუქტურის მოწყობა ჯორჯაძის ქუჩაზე გაგრძელდება.

ჩუღურეთის რაიონის გამგეობის დაკვეთით, სამუშაოებს კომპანია „ბიემსი‘‘ ასრულებს. პროექტის ღირებულება 280 000 ლარია.