logo2
logo2
logo2
logo2
logo2
არქივი
ანსამბლი „თბილისი“ კახა კალაძეს მიმართავს
ანსამბლი „თბილისი“ კახა კალაძეს მიმართავს
16:24 12.01.2018
ანსამბლი „თბილისი“ სადღესასწაულო ღონისძებებში მონაწილეობასთან დაკავშირებით თბილისის მერს კახა კალაძეს მიმართავს.

მიმართვის ტექსტს „ნიუსპრესი“ უცვლელად გთავაზობთ:

“ბ-ნო კახი, გილოცავთ შობა - ახალ წელს! გისურვებთ წარმატებულ საქმიანობას თბილისის მერის პოსტზე მოქალაქეთა და დედაქალაქის საკეთილდღეოდ !

მისასალმებელია ის ფაქტი, რომ ამდენი წლის შემდეგ, ჩვენიანებად და სხვისიანებად დაყოფილმა მუსიკალურმა საზოგადოებამ, მუსიკოსთა და ხელოვანთა უმრავლესობამ, დედაქალაქს და მის სტუმრებს სხვადასხვა სცენიდან, სიმღერით მიულოცა ახალი წელი. სამწუხაროდ, მათ შორის ისევ არ იყო ანსამბლი „თბილისი“.

2004 წლიდან დღემდე, ყოველ კითხვასა თუ შეთავაზებაზე, დედაქალაქის სადღესასწაულო ღონისძებებში მონაწილეობის თაობაზე, იქნებოდა ეს თბილისობა, 26 მაისი, შობა თუ ახალი წელი, ანსამბლს გაეცემოდა ერთი და იგივე პასუხი: - „ნოემბერში ადრეა, ხოლო დეკებერში დაგვიანებული“. ანსამბლი „თბილისი“ დედაქალაქის სახელს უკვე 37-ე წელია ატარებს. ამ ხნის განმავლობაში მოასწრო 6000 მდე სოლო კონცერტის გამართვა, გალა და შერეულ კონცერტებს კი ვინ მოთვლის, ჩაწერა 20-მდე ალბომი, უმღერა ინგლისის დედოფალს და იაპონიის სამეფო ტახტს, მიიღო მასშტაბურ პროექტებში მონაწილეობა შვედეთში ჯგუფ „აბბასთან“ და ბენი ანდერსონთან, ხოლო უკრაინაში ნინო ქათამაძესთან ერთად.

მაყურებელმა და მსმენელმა ანსამბლის შემადგენლობაში გაიცნო და შეიყვარა ქართული სიმღერის უბადლო შემსრულებლები გოგი დოლიძე და ნუგზარ აფხაიძე. „თბილისი“ იყო პირველი ფოლკლორული კოლექტივი, რომელსაც ქვეყნის დამოუკიდებლობის აღდგენისას, 90-იან წლებში ერგო პატივი ჩაეწერა საქართველოს ეროვნული ჰიმნი. დედაქალაქის სახელის მატარებელ ანსამბლს, ბოლო 14 წელია, უფრო ხშირად აქვს სცენაზე გამოსვლის საშუალება როგორც საქართველოს, ისე ევროპის სხვადასხვა ქალაქებში, ვიდრე თავად თბილისში.

ანსამბლი „თბილისი“ ყოველთვის იდგება ხალხის გვერდით, ისევე როგორც იდგა 2007 და 2012 წლებში, მიუხედავად აშკარა საფრთხისა და დაუფარავი მუქარისა.

ბატონო კახი, კიდევ ერთხელ, მადლობას გიხდით იმისათვის, რომ მუსიკოსთა უდიდეს ნაწილს მიეცით საშუალება ახალ წელს სადღესასწაულო სცენაზე გამოსვლისა და კიდევ მრავალჯერ მოიწვევთ დედაქალაქის მცხოვრებთა და სტუმართა გასახარებლად. გამოვთქვამთ იმედს, რომ 2018 წელსაც, ეს მცირე უყურადღებობა ანსამბლ „თბილისის“ მიმართ გამოწვეული იყო საახალწლო აურზაურით და მრავალი საზრუნავით, რომელიც თქვენ და თქვენმა გუნდმა 2017 წლიდან იტვირთეთ. ასევე გამოვთქვამთ იმედს, რომ დედაქალაქის მერია, თანაბარ ყურადღებას მიაქცევს ყველა შემოქმედებით ინდივიდუმს და კოლექტივს, მათ შორის ანსამბლ „თბილისს“. ჩვენ მხოლოდ სიმღერის სიყვარულით და იმ ღირებულებების გამო ვართ ერთად, რომელიც აერთიანებს სრულიად საქართველოს და მის მოსახლეობას. გვაქვს იმედი, რომ დედაქალაქის მერია კულტურის სამინისტროს მსგავსად არ დაივიწყებს საკუთარ მოვალეობას და ვალდებულებებს, თუმცა აქვე უნდა აღინიშნოს, რომ გამონაკლისებიც არსებობენ საქართველოს ფოლკლორის სახელმწიფო ცენტრის სახით, რისთვისაც მადლიერებას გამოვხატავთ მათ მიმართ, ზრუნვისა და ღვაწლისთვის.

კიდევ ერთხელ გილოცავთ თქვენ, თქვენს ოჯახს და გუნდს ახალ წელს და გისურვებთ დიდ წარმატებებს”-ნათქვამია განცხადებაში.

FaceBook Twitter Digg MySpace Delicious Google ელფოსტაბეჭდვა
logo2

ინტერვიუ
ინტერვიუ
ინტერვიუ თეოლოგ გურამ ლურსმანაშვილთან: უკრაინის საკითხი ყველა ავტოკეფალური ეკლესიისთვის ლუსტრაციაა
14:45 25.12.2018
უკრაინაში ახალი ერთიანი მართლმადიდებელი ეკლესიის დაფუძნებისა და კიევისა და
ინტერვიუ
მიხეილ სააკაშვილი ებრაელი და ქართველი „აფერისტების“ შესახებ ისრაელის ტელეარხის ეთერში
11:20 12.12.2018
მიხეილ სააკაშვილი ძალიან ემოციური პიროვნებაა და ხშირად მწვავე გამონათქვამებს უშვებს: მაგალითად, მან
ინტერვიუ
მაქსიმ შევჩენკო: არის მცდელობა, რომ საქართველოს მეშვეობით მთლიანად კავკასიას ცეცხლი მოუკიდონ
11:00 12.12.2018
რუსეთის რადიოსადგურ «Эхо Москвы»-ის პროგრამა «Особое мнение»-ს სტუდიაში საუბრობენ გადაცემის წამყვანი მაშა
ინტერვიუ
ქართული პოლიტიკის ფრანგული აქცენტი-სალომე ზურაბიშვილის საქმიანობის პერსპექტივა
11:18 06.12.2018
ამერიკული რადიოსადგურის „თავისუფლება//თავისუფალი ევროპის“ რუსული სამსახურის „რადიო სვობოდას“ პროექტ
ინტერვიუ
გია ნოდია: მიშას ციხეში ჩაჯდომა არ შეიძლება, ეს ის ადამიანი არ არის ვინც ციხეს გაუძლებს
11:08 05.12.2018
საქართველოს ახალი პრეზიდენტი ჰყავს, რომელსაც საერთაშორისო საზოგადოებამ არჩევნებში
ინტერვიუ
ინტერვიუ გრიგოლ ვაშაძესთან: მოსკოვი ჩვენს პირობებს უნდა დაეთანხმოს
17:43 02.12.2018
ბრიტანული სამაუწყებლო კომპანია BBC-ის რუსული სამსახურის კორესპონდენტმა ოლღა ივშინამ თბილისში ყოფნისას
ინტერვიუ
ამერიკელი დიპლომატი: საქართველოსთან ომს რუსეთის შეცდომად ვთვლი
10:43 19.11.2018
აშშ-ში გამოვიდა ახალი წიგნი სახელწოდებით „რუსეთი ადგილის გარეშე“, რომელშიც
ინტერვიუ
ინტერვიუ სტივენ ნიქსთან: ვიმედოვნებთ, არჩევნები კარგად ორგანიზებული, მშვიდობიანი და გამჭვირვალე იქნება
11:54 28.10.2018
საქართველოში წინასაარჩევნო გარემოს და განწყობებს საერთაშორისო რესპუბლიკური ინსტიტუტის ევრაზიის
ინტერვიუ
Pleas creat article