logo2
logo2
logo2
logo2
არქივი
ლევან იზორია: რეორგანიზაცია რუსეთთან ომის დროს მიღებული გამოცდილებით იყო განპირობებული
ლევან იზორია: რეორგანიზაცია რუსეთთან ომის დროს მიღებული გამოცდილებით იყო განპირობებული
16:27 06.12.2018
საქართველოს თავდაცვის მინისტრმა მიმდინარე წლის ანგარიშის წარდგენისას სტრუქტურაში განხორციელებულ რეორგანიზაციაზეც გაამახვილა ყურადღება. თავდაცვის მინისტრის თქმით, რეორგანიზაცია რუსეთთან ომის შედეგად მიღებული გამოცდილებით იყო განპირობებული. იმისთვის, რომ შეიარაღებული ძალები, როგორც ორგანიზაციული, ისე, საბრძოლო შესაძლებლობების თვალსაზრისით, ქვეყნის წინ მდგარი საფრთხეების ადეკვატური იყოს.

„როდესაც საბრძოლო შესაძლებლობებზე ვსაუბრობთ, მხედველობაში მაქვს მეტი მობილურობა ჩვენი რელიეფის გათვალისწინებით, მეტი ავტონომიურობა ცალკეული დანაყოფებისთვის და მხედველობაში მაქვს, სწორედ, ცენტრალიზებული მართვის პირობებში დეცენტრალიზაციის მაღალი ხარისხი და ამოცანის მართვის კულტურა. ეს რიგ შემთხვევებში, ცალკეული სიტუაციებიდან გამომდინარე ნიშნავს, რომ ცალკეული დანაყოფის მეთაურს გადაწყვეტილებისა და პასუხისმგებლობის საკუთარ თავზე აღების შესაძლებლობა ჰქონდეს; აქედან გამომდინარე, სწორედ, ასეთ ორგანიზაციულ ფილოსოფიას ვნერგავთ ჩვენს შეიარაღებულ ძალებში. თუმცა სათანადო საბრძოლო შესაძლებლობებთან ერთად განსაკუთრებულ ყურადღებას ვაქცევთ, ასევე ორგანიზაციულ ასპექტს და სამხედრო ტექნიკის სტანდარტიზაციას, რაც შემდეგს გულისხმობს: როგორც საბრძოლო (იქნება ეს ქვეითი, მექანიზირებული, თუ სატანკო ქვედანაყოფები), ისე საბრძოლო მხარდაჭერის ელემენტები (იქნება ეს ანტისაჰაერო, ანტისატანკო, სამხედრო პოლიცია, კავშირგაბმულობა თუ სხვა), თითოეულ დანაყოფში, თითოეულ ბატალიონში თანაბრად წარმოდგენილი იყოს. მოხდეს სტანდარტიზაცია. ამ მიმართულებების ფარგლებში ტექნიკაც თანაბრად განაწილებული იყოს. ანუ ყველას ჰქონდეს მექანიზირებული ელემენტი, ყველას ჰქონდეს თანაბარი ანტისაჰაერო ტაქტიკური შესაძლებლობები, ანტისატანკო შესაძლებლობები და ამით აქცენტი გავაკეთოთ სწორედ მცირე ქვედანაყოფების ტაქტიკაზე.

საბრძოლო მოქმედებების ფილოსოფია იქნება სწორედ ის, რომ მტერს მიაყენო მყისიერი დარტყმა და შემდეგ გაარიდო თავი. იმისთვის, რომ ეს დარტყმა იყოს ეფექტური, როგორც ორგანიზაციული თვალსაზრისით, ისე შეიარაღების კუთხით, ისინი უნდა იყვნენ სტანდარტიზებული ყველა ქვედანაყოფისთვის, რათა ყველა ქვედანაყოფს, განსაკუთრებით ბატალიონებს, ასეულებს ადგილზე ტექნიკური, მათ შორის გადაწყვეტილების მიღების შესაძლებლობა ჰქონდეთ. იმისთვის რომ მათ სიტუაციის შეფასების და ანალიზის საფუძველზე რაც შეიძლება ოპერატიული გადაწყვეტილება მიიღონ. სწორედ ამას ეფუძნება ჩვენი ეროვნული თავდაცვის გეგმაც და სწორედ ამ ოპერატიული მოთხოვნილებებიდან გამომდინარე ჩვენ ვქმნით სწორედ შეიარაღებული ძალების ისეთ სტრუქტურას, სადაც ბრიგადებში, სწორედ მცირე ზომის ქვედანაყოფებზე, მათ საბრძოლო შესაძლებლობებზე და თანაბარ სტანდარტიზაციაზე გაკეთდება აქცენტები“, - განაცხადა ლევან იზორიამ.

FaceBook Twitter Digg MySpace Delicious Google ელფოსტაბეჭდვა

ინტერვიუ
ინტერვიუ რუსეთში ნატოს ყოფილ წარმომადგენელთან: ტრამპმა მითითება გასცა, რომ ალიანსში საქართველოსა და უკრაინის მიღების მიზნით გამოსავალი იპოვონ
14:19 15.02.2019
ნატოს ექს-წარმომადგენელი რუსეთში ჰარი ტაბახი უკრაინული გამოცემა «Апостроф»-ის კორესპონდენტის ეკატერინე
ინტერვიუ
ინტერვიუ გენერალ ბენ ჰოჯესთან: საქართველოს 20% ოკუპირებულია, მაგრამ ნატოს მისთვის წევრობის შეთავაზებისთვის პრეცედენტი აქვს... და ეს გერმანიაა
13:01 12.02.2019
შავი ზღვის უსაფრთხოება აღმოსავლეთ ევროპის სტაბილურობის ერთ-ერთი საფუძველია. უკრაინაში რუსეთის აგრესიის
ინტერვიუ
ინტერვიუ აზერბაიჯანის ტურიზმის ასოციაციის ხელმძღვანელთან: საქართველოს წარმატება ტურიზმის სფეროში ჩვენთვისაც სასარგებლოა
17:08 03.02.2019
ინტერვიუში აზერბაიჯანის ტურიზმის ასოციაციის თავმჯდომარე ნაჰიდ ბაგიროვი ჟურნალისტ ლეილა მურადს
ინტერვიუ
ინტერვიუ
ინტერვიუ ილჰამ ალიევთან: საქართველოს შავი ზღვის ნავსადგურების ნაცვლად ევროპაში ტვირთების სახმელეთო გზით გაგზავნა უფრო ეკონომიური და სწრაფია
15:09 23.01.2019
აზერბაიჯანის პრეზიდენტმა ილჰამ ალიევმა, შვეიცარის ქალაქ დავოსში მიმდინარე მსოფლიო ეკონომიკურ ფორუმზე
ინტერვიუ
ინტერვიუ
ინტერვიუ თეოლოგ გურამ ლურსმანაშვილთან: უკრაინის საკითხი ყველა ავტოკეფალური ეკლესიისთვის ლუსტრაციაა
14:45 25.12.2018
უკრაინაში ახალი ერთიანი მართლმადიდებელი ეკლესიის დაფუძნებისა და კიევისა და
ინტერვიუ
მიხეილ სააკაშვილი ებრაელი და ქართველი „აფერისტების“ შესახებ ისრაელის ტელეარხის ეთერში
11:20 12.12.2018
მიხეილ სააკაშვილი ძალიან ემოციური პიროვნებაა და ხშირად მწვავე გამონათქვამებს უშვებს: მაგალითად, მან