logo2
logo2
logo2
არქივი
« იანვარი 2020 »
ორ სა ოთ ხუ პა შა კვ
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
logo2
logo2
არჩილ თალაკვაძე: ადვოკატთა ასოციაცია ბევრს აკეთებს, რომ მართლმსაჯულება სრულფასოვნად განხორციელდეს და კანონის უზენაესობა იყოს დაცული
არჩილ თალაკვაძე: ადვოკატთა ასოციაცია ბევრს აკეთებს, რომ მართლმსაჯულება სრულფასოვნად განხორციელდეს და კანონის უზენაესობა იყოს დაცული
18:14 23.07.2019
„თითოეული თქვენგანი ბევრს აკეთებს, რომ მართლმსაჯულება სრულფასოვნად განხორციელდეს, ადამიანის უფლებები და კანონის უზენაესობა იყოს დაცული. ამავე დროს, თითოეული თქვენგანი არის უფრო ძლიერი, იმიტომ, რომ ასოციაცია არსებობს, სადაც ხდება საერთო საკითხების განხილვა, პროფესიული სტანდარტების განვითარება და ცოდნის გაზიარება”,- ამის შესახებ საქართველოს პარლამენტის თავმჯდომარემ კონფერენციაზე - „სანდო მართლმსაჯულება, დემოკრატია და ეკონომიკური განვითარება: გამოწვევები და შესაძლებლობები“, სიტყვით გამოსვლისას განაცხადა.

არჩილ თალაკვაძემ ღონისძიება მისასალმებელი სიტყვით გახსნა და ადვოკატთა ასოციაციას ქვეყნის უმაღლეს საკანონმდებლო ორგანოსთან მჭიდრო თანამშრომლობისთვის მადლობა გადაუხადა. პარლამენტის თავმჯდომარემ ხაზგასმით აღნიშნა ასოციაციის აქტიური ჩართულობის მნიშვნელობა მიმდინარე რეფორმების პროცესში.

„დღის წესრიგშია მართლმსაჯულების რეფორმის მეოთხე ტალღა, სადაც მივესალმებით თითოეული თქვენგანის, ყველა მხარის ჩართულობას და იმ შესაძლო ფართო კონსესუსს, რომელიც ამ ცვლილებებთან დაკავშირებით არის მიღწეული. მინდა, კიდევ ერთხელ დაგიდასტუროთ, რომ პარლამენტი დიდი პასუხისმგებლობით მოეკიდება ამ ცვლილებების განხილვასა და დამტკიცებას უკვე საშემოდგომო სესიაზე. ეს ცვლილებები მნიშვნელოვანია, ვინაიდან ის ეხება იუსტიციის უმაღლესი სკოლის რეფორმას, მისი დამოუკიდებლობის უზრუნველყოფასა და შემდგომ ინსტიტუციონალიზაციას; ეხება დისციპლინური სამართალწარმოების საკითხს და უმაღლესი საბჭოს საქმიანობასთან დაკავშირებულ რეგულაციებს. თითოეული ეს საკითხი ძალიან მაღალი მნიშვნელობისაა და წარსულში გატარებულ რეფორმებთან ერთად, არსებითად აუცილებელია, რათა ჩვენი მართლმსაჯულების სისტემა სანდოობის და ეფექტიანობის კიდევ უფრო მაღალ საფეხურზე დავაყენოთ”,- განაცხადა პარლამენტის თავმჯდომარემ.

არჩილ თალაკვაძემ ისაუბრა ადვოკატის პროფესიისა და ასოციაციის საქმიანობის მნიშვნელობაზეც და აღნიშნა, რომ დადებითად აფასებს იმ გზავნილებს, რომლებიც დღევანდელ კონფერენციაზე, ადვოკატთა ასოციაციის წევრების მხრიდან გახმოვანდა.

„მივესალმებით დემოკრატიულ რეფორმებს, რომლებიც კიდევ უფრო გააძლიერებს ჩვენს საზოგადოებას, სახელმწიფოში კონტროლისა და ბალანსის მექანიზმების ფუნქციონირებას, მაგრამ, ამავე დროს, თქვენ, როგორც ასოციაცია, ავითარებთ ამ პროფესიას, სტანდარტებს და ერთმანეთს ცოდნას უზიარებთ. ამაშია თქვენი გაერთიანების და ქვეყანაში მიმდინარე პროცესებში თქვენი მონაწილეობის ძალაც. როგორც პარლამენტის თავმჯდომარე, მივესალმები იმ გზავნილებს რაც დღეს გქონდათ, დემოკრატიულ სახელმწიფოში პროფესიული ასოციაციები სწორედ ასეთი ტონით უნდა საუბრობდნენ”,- მიმართა დამსწრეებს პარლამენტის თავმჯდომარემ.

არჩილ თალაკვაძემ ადვოკატთა ასოციაციის წევრებს პატივისცემა კიდევ ერთხელ დაუდასტურა და ხაზგასმით აღნიშნა, რომ პარლამენტი ღიაა თანამშრომლობისთვის ყველა იმ მიზნის გარშემო, რომლებიც დემოკრატიის კიდევ უფრო მეტად კონსოლიდაციას, საქართველოს უსაფრთხოების განმტკიცებას, სტრატეგიულ პარტნიორებთან თანამშრომლობის გაღრმავებას და ეკონომიკის გაძლიერებას უკავშირდება.

კონფერენციის მონაწილეებს სიტყვით მიმართეს საქართველოს ადვოკატთა ასოციაციის თავმჯდომარემ, დავით ასათიანმა და ამერიკის შეერთებული შტატების ელჩის მოვალეობის შემსრულებელმა, ელიზაბეთ რუდმა. ღონისძიება, რომელშიც მონაწილეობა პარლამენტის წევრებმა მიიღეს, პანელური დისკუსიებით გაგრძელდა.






FaceBook Twitter Digg MySpace Delicious Google ელფოსტაბეჭდვა

ინტერვიუ
ზაზა აბაშიძე: 2020 წელს დიდი გეგმებით ვხვდებით
16:57 08.01.2020
ხელნაწერთა ეროვნული ცენტრი, როგორც ქვეყნის ერთ-ერთი უმთავრესი სამეცნიერო ცენტრი
ინტერვიუ
საზოგადოებრივი მაუწყებლის რა ქონება გაასხვისა თამარ კინწურაშვილმა და რა ფასად - ჟურნალისტური მოკვლევა
13:52 23.10.2019
საზოგადოებრივი მაუწყებლის ყოფილი გენერალური დირექტორი, შემდგომში გიგა ბოკერიას
ინტერვიუ
ინტერვიუ სალომე ზურაბიშვილთან: დავით-გარეჯთან დაკავშირებით ზოგიერთი მხარის რეაქციები ძალიან გამიკვირდა
18:10 01.05.2019
ინტერვიუში საქართველოს პრეზიდენტი სალომე ზურაბიშვილი ქვეყნის პოლიტიკურ ცხოვრებაში საკუთარ როლზე, მეზობელ
ინტერვიუ
ინტერვიუ მიხეილ სააკაშვილთან: პირველი, რაც ზელენსკიმ უნდა გააკეთოს ისაა, რომ პოროშენკოს კლანი ციხეში ჩასვას
12:14 22.04.2019
რუსეთის ტელეკომპანია «Дождь»-ის შოუ-პროგრამაში «Здесь и сейчас» ისაუბრა საქართველოს ექს-პრეზიდენტმა და უკრაინის
ინტერვიუ
აშშ - ნატოს წევრი თუ ნატოს „ხაზეინი“?-ინტერვიუ თურქ გენერალთან
13:38 20.04.2019
ყველამ კარგად იცის, თუ რა წონა აქვს ამერიკის შეერთებულ შტატებს ნატოში და რა ძალას ფლობს ვაშინგტონი. ეს ყველაფერი
ინტერვიუ
ინტერვიუ ჰანს ბინენდაიკთან: ნატოში გაწევრიანება დღეს ან ხვალ არ მოხდება,თუმცა საქართველომ იმედი უნდა შეინარჩუნოს
13:25 20.04.2019
ნატომ თავისი არსებობის 70 წლის მანძილზე დროს გაუძლო და ისტორიაში ყველაზე წარმატებულ სამხედრო-პოლიტიკურ ალიანსად
ინტერვიუ
ალექსი პუშკოვი: როგორი პოლიტიკა უნდა გაატაროს მოსკოვმა პოსტსაბჭოთა სივრცეში
18:31 15.04.2019
გაზეთ „კომსომოლსკაია პრავდა“-ს კორესპონდენტი ალექსანდრე გამოვი რუსეთის ფედერაციის საბჭოს საინფორმაციო პოლიტიკის
ინტერვიუ
ინტერვიუ მიხეილ სააკაშვილთან: პირველ აპრილს უკრაინაში ჩასვლას ვგეგმავ, ბილეთიც ნაყიდი მაქვს
11:41 13.03.2019
უკრაინის ტელეკომპანია «Наш»-ის გადაცემაში «В гостьях у Дмитрия Гордона» ცნობილი უკრაინელი ჟურნალისტი
ინტერვიუ
ირანული გაზის ტრანზიტი სომხეთის გავლით: როგორი პოზიცია აქვს საქართველოს?
14:33 05.03.2019
ირანში სომხეთის პრემიერ-მინისტრის ნიკოლ ფაშინიანის ამასწინანდელი ვიზიტის დროს, პრეზიდენტ ჰასან რუჰანთან
ინტერვიუ
ინტერვიუ დევიდ სალვოსთან: ჩვენ ხელიდან გავუშვით შესაძლებლობა, რომ გვეპასუხა საქართველოში რუსეთის სამხედრო აგრესიისთვის
14:18 05.03.2019
როგორ ახდენს გავლენას კრემლის მიერ დაფინანსებული და მართული მედია 40-მდე სხვადასხვა ქვეყნის შიდა