შსს: 20 ივნისს ჩატარებულ საპოლიციო ღონისძიებაში მონაწილეობას მხოლოდ შინაგან საქმეთა სამინისტროს დანაყოფები იღებდნენ
შსს: 20 ივნისს ჩატარებულ საპოლიციო ღონისძიებაში მონაწილეობას მხოლოდ შინაგან საქმეთა სამინისტროს დანაყოფები იღებდნენ
13:38 03.07.2019
გავრცელებულ ინფორმაციას, რომ 20 ივნისს რუსთაველის გამზირზე აქციის მონაწილეთა დაშლას ე.წ. ზონდერები ახდენდნენ, შინაგან საქმეთა სამინისტრო სპეციალური განცხადებით პასუხობს, რომელსაც უცვლელად გთავაზობთ:

„გვსურს საზოგადოებას მივაწოდოთ ოფიციალური ინფორმაცია, 20-21 ივნისს პარლამენტის შენობასთან ჩატარებულ ღონისძიებაში მონაწილე საპოლიციო ძალების შესახებ.

გაცნობებთ, რომ აღნიშნულ საპოლიციო ღონისძიებაში მონაწილეობას იღებდნენ მხოლოდ შინაგან საქმეთა სამინისტროს დანაყოფები.

სხვადასხვა მედიასაშუალებით გავრცელდა დეზინფორმაცია, რომ თითქოს აღნიშნულ ღონისძიებაში მონაწილეობას იღებდნენ სხვადასხვა სამინისტროები ანდა მათი ქვედანაყოფები.

ამის ერთ-ერთი დადასტურებაა გავრცელებული ცრუ ინფორმაცია, რომ თითქოს ღონისძიებაში ჩართული იყო იუსტიციის სამინისტროს ე.წ. სპეცრაზმი. გაცნობებთ, რომ საქართველოს მთავრობის განკარგულებით, იუსტიციის სამინისტროს სასჯელაღსრულების სპეციალური დანიშნულების ძალების სამმართველო 2019 წლის 14 თებერვლიდან გაუქმებულია. შესაბამისად, ამ ქვედანაყოფის საპოლიციო ღონისძიებაში მონაწილეობის შესახებ გავრცელებული ინფორმაცია არ შეესაბამება სიმართლეს“-ნათქვამია შსს-ს განცხადებაში.


ბეჭდვა