logo2
logo2
logo2
არქივი
« აგვისტო 2019 »
ორ სა ოთ ხუ პა შა კვ
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31
logo2
logo2
"შაბათის კურიერის" ანონსთან დაკავშირებით იუსტიციის სამინისტრო და პენიტენციური სამსახური ერთობლივ განცხადებას ავრცელებს
"შაბათის კურიერის" ანონსთან დაკავშირებით იუსტიციის სამინისტრო და პენიტენციური სამსახური ერთობლივ განცხადებას ავრცელებს
20:18 06.04.2019
საქართველოს იუსტიციის სამინისტრო და სპეციალური პენიტენციური სამსახური ტელეკომპანია "რუსთავი2"-ის გადაცემის -"შაბათის კურიერი" - დღევანდელ ანონსთან დაკავშირებით იმ ფაქტობრივ ინფორმაციას ავრცელებენ, რომელიც, "როგორც ეს უკვე ტრადიციად იქცა, ტელეკომპანიას არც გადაცემის მომზადებისას მოუკითხავს და არც ანონსის გავრცელებამდე გამოუთხოვია".

"თუმცა, მოცემული ანონსი და ინფორმაცია, რომელიც მასთან ერთად გავრცელდა კიდევ ერთხელ გვარწმუნებს, რომ საქართველოს იუსტიციის მინისტრის თეა წულუკიანის მიერ პენიტენციურ სისტემაში დაწყებული საკადრო და სტრუქტურული რეფორმა სწორია, მინისტრის მიერ 2019 წლის 22 თებერვალს დამტკიცებული და საქართველოს პარლამენტში დაანონსებული ღია ტიპის დაწესებულებების (ე.წ. ზონების) დახურვის დროში გაწერილი გეგმა აუცილებლად განსახორციელებელია და დაწყებული ცვლილებები ბოლომდეა მისაყვანი.

რაც შეეხება ფაქტობრივ ინფორმაციას, რომელიც სიუჟეტის ავტორს, დაინტერესების შემთხვევაში, გამოადგებოდა:

1. პენიტენციურ სისტემაში აღმოჩენილი ნებისმიერი კანონდარღვევის ფაქტზე ხდება შესაბამისი და, თანაც, მკაცრი რეაგირება. ეს იწვევს შესაბამისი თანამშრომლების უკმაყოფილებას. ამის მაგალითია ის თანამშრომელიც, რომელიც დაფარული სახით საუბრობს რუსთავი-2-ის სიუჟეტში, და რომელიც 2019 წლის თებერვალში ქსნის დაწესებულებიდან იქნა გათავისუფლებული რეორგანიზაციის შედეგად. მოცემული თანამშრომელი ასევე ცნობილი გახლდათ ალკოჰოლური სასმელის მოყვარულობით. მას არ ჰქონდა თანამდებობის შესაბამისი პროფესიული განათლება/პრაქტიკა და, რაც მთავარია, ქსნის დაწესებულებაში მუშაობის პერიოდში მან ჩაიდინა სისხლის სამართლის დანაშაული (იხ. ქვევით, პუნქტი 3).

2. 2019 წლის 5 თებერვალს საქართველოს იუსტიციის სამინისტროს გენერალური ინსპექციის საგამოძიებო სამმართველოში დაიწყო გამოძიება საქართველოს სსკ-ის 19, 378' მუხლის მე-2 ნაწილის ,,დ“ ქვეპუნქტით და მე-3 ნაწილით (პენიტენციურ დაწესებულებაში მსჯავრდებულისთვის აკრძალული საგნის - ნარკოტიკული საშუალების გადაცემის მცდელობა, ჩადენილი სამსახურებრივი მდგომარეობის გამოყენებით).

საქმეზე ჩატარებული საგამოძიებო და ოპერატიული მოქმედებების შედეგად, 2019 წლის 05 თებერვალს იუსტიციის სამინისტროს გამომძიებლებმა დააკავეს ქსნის N15 დაწესებულების სამართლებრივი რეჟიმის განყოფილების ინსპექტორ-კონტროლიორი ი.მ., რომელსაც 2019 წლის 06 თებერვალს წარედგინა ბრალდება საქართველოს სსკ-ის 260-ე მუხლის 1-ლი ნაწილით (ნარკოტიკული საშუალების უკანონო შეძენა, შენახვა); 19,378' მუხლის მე-2 ნაწილის ,,დ“ ქვეპუნქტით და მე-3 ნაწილით (პენიტენციურ დაწესებულებაში მსჯავრდებულისათვის აკრძალული საგნის-ნარკოტიკული საშუალების გადაცემის მცდელობა, ჩადენილი სამსახურებრივი მდგომარეობის გამოყენებით). 2019 წლის 07 თებერვალს, ი.მ.-ს აღკვეთი ღონისძიების სახით შეეფარდა წინასწარი პატიმრობა.

3. საქართველოს იუსტიციის სამინისტროს გამომძიებლების მიერ ჩატარებული საგამოძიებო და ოპერატიული ღონისძიებების შედეგად, 2019 წლის 13 თებერვალს, ბრალდება წარედგინა ქსნის N15 და N19 პენიტენციური დაწესებულებების 15 თანამშრომელს ე.წ. კბილების საქმეზე (2016-2017 წლებში მომხდარი ფაქტები). კერძოდ, ქსნის დაწესებულებების 70-ზე მეტმა თანამშრომელმა, ყალბი დოკუმენტების გამოყენებით, სადაზღვევო კომპანიისაგან უკანონო სარგებელი მიიღო, დანაშაული გათვალისწინებული სსკ-ის 362-ე მუხლის პირველი ნაწილით (ყალბი ოფიციალური დოკუმენტის გამოყენება). კერძოდ, მოცემულმა თანამშრომლებმა, რომელთაგან არაერთი მრავალი წელია სისტემაში მუშაობს, თავიანთი და თავიანთი ოჯახის წევრების სახელზე გააფორმეს ყალბი დოკუმენტები და იმ სტომატოლოგიურ ფირმასთან გარიგებით, რომელიც დაწესებულების თანამშრომლებს ემსახურებოდა, იცრუეს, რომ თითქოს დაუფინანსდათ კბილების მკურნალობა, რისი ხარჯებიც სადაზღვევო კომპანიამ მათ აუნაზღაურა. 2018 წელს არაერთი საგამოძიებო და ოპერატიული მოქმედება ჩატარდა. 2019 წელს, მათ წინააღმდეგ სისხლის სამართლებრივი დევნის დაწყების გამო, თანამშრომლები განაწყენდნენ იმასთან დაკავშირებით, რომ იუსტიციის სამინისტრო მათ "თანადგომას" და მათ დაცვას სისხლის სამართლებრივი პასუხისმგებლობისგან არ აპირებდა. 15 თანამშრომლის საქმე უკვე წარიმართა სასამართლოში, ერთ-ერთი მათგანი კი გახლავთ სწორედ ის თანამშრომელი, რომელიც რუსთავი-2-ის სიუჟეტში სახედაფარული საუბრობს. 30-ზე მეტი თანამშრომლის სისხლის სამართლის საქმეც მზადდება სასამართლოში წარსადგენად. დანარჩენებმა კი 2016 წლიდან მოყოლებული დღემდე სისტემა დატოვეს. მიუხედავად ამისა, მათი სისხლის სამართლის პასუხისმგებლობის საკითხი დღის წესრიგში მაინც დგას.

4. 2019 წლის 1 იანვრიდან, სპეციალური პენიტენციური სამსახური უზრუნველყოფს სისტემის იმ თანამშრომლების ორჯერად კვებას უფასოდ, რომლებსაც პენიტენციურ დაწესებულებაში 24-საათიანი მორიგეობა უწევთ ხოლმე. 2019 წლის 1 იანვრამდე, თანამშრომელთა ამ კატეგორიას ან სახლიდან უწევდა საკვების ტარება ან საერთოდ არ იკვებებოდა, რადგან სამორიგეო პოსტს ვერ ტოვებდა, რათა დაწესებულების გარეთ საკვები შეეძინა. ასევე, იმ თანამშრომლებს, რომლებიც დაწესებულებებში მხოლოდ სამუშაო საათებში მუშაობენ, როგორც ადრე, ისე ახლა აქვთ საშუალება, რომ დაწესებულებაში საკვები შეიტანონ ან დაწესებულების გარეთ გავიდნენ საკვების შესაძენად.
შესაბამისად, რუსთავი-2-ის ანონსით გავრცელებული ინფორმაცია, თითქოს საკვების დაწესებულებაში შეტანა თანამშრომლებს ეკრძალებათ, არის სიცრუე.

5. რაც შეეხება პატიმრებს შორის იერარქიასა და ე.წ. ზონებში არაფორმალური მმართველობის ელემენტებს, ასევე თამაშდამოკიდებული პატიმრების მონაწილეობას ტოტალიზატორში, რისთვისაც ისინი არა დირექტორის კაბინეტს, არამედ მათთვის კანონით განკუთვნილ ოფიციალურ სატელეფონო ზარებსა და საპატიმროს გარეთ მყოფი მეგობრების დახმარებასაც იყენებენ, იუსტიციის სამინისტრო განმარტავს, რომ ე.წ. ზონების (ქსანი, რუსთავი, გეგუთი) პრობლემა არ გაჩენილა დღეს, ის ჩვენს ქვეყანაში არსებობდა ყველა წინა ხელისუფლების დროს, მაგრამ არც ერთ ხელისუფლებას, ამჟამინდელისგან განსხვავებით, მათი დახურვის დროში გაწერილი გეგმა არ შეუმუშავებია. როგორც "მინისტრის საათის" დროს საქართველოს პარლამენტში სიტყვით გამოსვლისას იუსტიციის მინისტრმა განაცხადა, ამ ტიპის ღია დაწესებულებები უნდა გაუქმდეს. ამ მიზნის შესაბამისი სამოქმედო გეგმა იუსტიციის მინისტრის მიერ დამტკიცებულ იქნა 2019 წლის 22 თებერვალს და გამოქვეყნებულია საქართველოს საკანონმდებლო მაცნეს ვებგვერდზე.

6. და ბოლოს, საქართველოს იუსტიციის სამინისტრო აცხადებს, რომ რამდენჯერაც არ უნდა მიმართონ ფარულად სპეციალური პენიტენციური სამსახურის ყოფილმა ან განაწყენებულმა მოქმედმა თანამშრომლებმა რუსთავი-2-ს ზედაპირული სიუჟეტის მომზადებაში დახმარების მიზნით, ეს ვერ შეაჩერებს ცვლილებებს, რომლებიც დაიწყო მიმდინარე წლის თებერვალში, მათ შორის ე.წ. ზონებში სისტემის გაჯანსაღების მიზნით"-ნათქვამია განცხადებაში.

FaceBook Twitter Digg MySpace Delicious Google ელფოსტაბეჭდვა

ინტერვიუ
ინტერვიუ სალომე ზურაბიშვილთან: დავით-გარეჯთან დაკავშირებით ზოგიერთი მხარის რეაქციები ძალიან გამიკვირდა
18:10 01.05.2019
ინტერვიუში საქართველოს პრეზიდენტი სალომე ზურაბიშვილი ქვეყნის პოლიტიკურ ცხოვრებაში საკუთარ როლზე, მეზობელ
ინტერვიუ
ინტერვიუ მიხეილ სააკაშვილთან: პირველი, რაც ზელენსკიმ უნდა გააკეთოს ისაა, რომ პოროშენკოს კლანი ციხეში ჩასვას
12:14 22.04.2019
რუსეთის ტელეკომპანია «Дождь»-ის შოუ-პროგრამაში «Здесь и сейчас» ისაუბრა საქართველოს ექს-პრეზიდენტმა და უკრაინის
ინტერვიუ
აშშ - ნატოს წევრი თუ ნატოს „ხაზეინი“?-ინტერვიუ თურქ გენერალთან
13:38 20.04.2019
ყველამ კარგად იცის, თუ რა წონა აქვს ამერიკის შეერთებულ შტატებს ნატოში და რა ძალას ფლობს ვაშინგტონი. ეს ყველაფერი
ინტერვიუ
ინტერვიუ ჰანს ბინენდაიკთან: ნატოში გაწევრიანება დღეს ან ხვალ არ მოხდება,თუმცა საქართველომ იმედი უნდა შეინარჩუნოს
13:25 20.04.2019
ნატომ თავისი არსებობის 70 წლის მანძილზე დროს გაუძლო და ისტორიაში ყველაზე წარმატებულ სამხედრო-პოლიტიკურ ალიანსად
ინტერვიუ
ალექსი პუშკოვი: როგორი პოლიტიკა უნდა გაატაროს მოსკოვმა პოსტსაბჭოთა სივრცეში
18:31 15.04.2019
გაზეთ „კომსომოლსკაია პრავდა“-ს კორესპონდენტი ალექსანდრე გამოვი რუსეთის ფედერაციის საბჭოს საინფორმაციო პოლიტიკის
ინტერვიუ
ინტერვიუ მიხეილ სააკაშვილთან: პირველ აპრილს უკრაინაში ჩასვლას ვგეგმავ, ბილეთიც ნაყიდი მაქვს
11:41 13.03.2019
უკრაინის ტელეკომპანია «Наш»-ის გადაცემაში «В гостьях у Дмитрия Гордона» ცნობილი უკრაინელი ჟურნალისტი
ინტერვიუ
ირანული გაზის ტრანზიტი სომხეთის გავლით: როგორი პოზიცია აქვს საქართველოს?
14:33 05.03.2019
ირანში სომხეთის პრემიერ-მინისტრის ნიკოლ ფაშინიანის ამასწინანდელი ვიზიტის დროს, პრეზიდენტ ჰასან რუჰანთან
ინტერვიუ
ინტერვიუ დევიდ სალვოსთან: ჩვენ ხელიდან გავუშვით შესაძლებლობა, რომ გვეპასუხა საქართველოში რუსეთის სამხედრო აგრესიისთვის
14:18 05.03.2019
როგორ ახდენს გავლენას კრემლის მიერ დაფინანსებული და მართული მედია 40-მდე სხვადასხვა ქვეყნის შიდა
ინტერვიუ
ექსკლუზიური ინტერვიუ სალომე ზურაბიშვილთან: სიტუაცია ძალიან რთულია და სამწუხაროდ, ჩვენ არ გვაქვს დიდი შესაძლებლობები წინ აღვუდგეთ ამ პროცესს
13:15 28.02.2019
ბაქოში მყოფმა საქართველოს პრეზიდენტმა სალომე ზურაბიშვილმა ინტერვიუ მისცა აზერბაიჯანის სახელმწიფო
ინტერვიუ
ინტერვიუ რუსეთში ნატოს ყოფილ წარმომადგენელთან: ტრამპმა მითითება გასცა, რომ ალიანსში საქართველოსა და უკრაინის მიღების მიზნით გამოსავალი იპოვონ
14:19 15.02.2019
ნატოს ექს-წარმომადგენელი რუსეთში ჰარი ტაბახი უკრაინული გამოცემა «Апостроф»-ის კორესპონდენტის ეკატერინე
ინტერვიუ
ინტერვიუ გენერალ ბენ ჰოჯესთან: საქართველოს 20% ოკუპირებულია, მაგრამ ნატოს მისთვის წევრობის შეთავაზებისთვის პრეცედენტი აქვს... და ეს გერმანიაა
13:01 12.02.2019
შავი ზღვის უსაფრთხოება აღმოსავლეთ ევროპის სტაბილურობის ერთ-ერთი საფუძველია. უკრაინაში რუსეთის აგრესიის