logo2
logo2
არქივი
« დეკემბერი 2020 »
ორ სა ოთ ხუ პა შა კვ
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31
logo2
logo2
დავით ზალკალიანი: „ქართული ოცნება“ უზრუნველყოფს საზღვარგარეთ ქართული დიასპორის გაძლიერებას
დავით ზალკალიანი: „ქართული ოცნება“ უზრუნველყოფს საზღვარგარეთ ქართული დიასპორის გაძლიერებას
22:15 26.10.2020
"ქართული ოცნების“ საარჩევნო პროგრამის საგარეო პოლიტიკის მიმართულების წარდგენისას, საგარეო საქმეთა მინისტრმა, დავით ზალკალიანმა უცხოეთში მყოფი ქართული დიასპორისა და მასზე ზრუნვის მნიშვნელობის შესახებ ისაუბრა.

დავით ზალკალიანის თქმით, ხელისუფლებების, პოლიტიკური ჯგუფების, თუ ცალკეული დარგის წარმომადგენლების გარდა, ქვეყნის იმიჯი მნიშვნელოვნად არის დამოკიდებული იმ ქართველებზე, რომლებიც საქართველოს ფარგლებს გარეთ ცხოვრობენ და ღირსეულად წარმოადგენენ საკუთარ სამშობლოს.

„მე მათ აღვიქვამ, როგორც ჩვენს დიპლომატებს, რადგან ისინი ჩვენი კულტურის, ღირებულებების და ფასეულობების გამავრცელებლები არიან მთელ მსოფლიოში“ - განაცხადა დავით ზალკალიანმა.

მინისტრმა აღნიშნა, რომ „ქართული ოცნების“ მმართველობისას ხელისუფლებამ მიზნად დაისახა უცხოეთში მყოფი ქართული დიასპორის გაძლიერება, პირველად შეიქმნა და დამტკიცდა დიასპორასთან ურთიერთობის სახელმწიფო სტრატეგია, რომელიც თავის თავში მოიცავს უამრავ ინსტრუმენტს, მათ შორის პროექტებსა და პროგრამებს, უცხოეთში მყოფი თანამემამულეების დასახმარებლად და გასაძლიერებლად. მისი თქმით, მომავალშიც აქტიურად გაგრძელდება ქართული დიასპორის, ქართული კულტურული კერების, საკვირაო სკოლების, ფოლკლორული ანსამბლების ხელშეწყობა, ისევე როგორც საზღვარგარეთ მოღვაწე ბევრი წარმატებული ქართველის სამშობლოსთან მჭიდრო კავშირის განმტკიცებასა და მათ აქტიურ ჩართულობაზე ზრუნვა ქვეყნის აღმშენებლობის პროცესში.

ზალკალიანმა აღნიშნა, რომ გლობალური პანდემია იყო საუკეთესო მაგალითი ქართველი ხალხის ერთიანობის. პანდემიის კრიზისულ პერიოდში სახელმწიფომ შეძლო მსოფლიოს სხვადასხვა ქვეყნებში მიმოფანტული თანამემამულეების საკუთარ ფესვებთან დაბრუნება და თავის თავზე აიღო უცხოეთში მყოფ საქართველოს მოქალაქეებზე ზრუნვა, რაც თავის მხრივ წარმოადგენს უპრეცედენტო აქტს საერთაშორისო ურთიერთობების სფეროში და როგორც კრიზისულ პერიოდში მოქალაქეთა საჭიროებებზე რეაგირების მაგალითი სანიმუშოც შეიძლება გახდეს მთელი მსოფლიოსთვის.

როგორც ცნობილია, პანდემიის კრიზისულ პერიოდში სახელმწიფოს ხელშეწყობით სამშობლოში დაბრუნდა 23,000-მდე, ხოლო ადგილზე დახმარება გაეწია 24,000-მდე თანამემამულეს. მინისტრის განცხადებით, ამ მიმართულებით მუშაობა მომავალშიც გაგრძელდება - მიზნად არის დასახული არსებული სერვისების კიდევ უფრო გაუმჯობესება, კრიზისულ სიტუაციებში მოქალაქეთა კიდევ უფრო ეფექტიანი მექანიზმების დანერგვა და ამ პროცესში თანამედროვე ტექნოლოგიების აქტიური გამოყენება.

დავით ზალკალიანის განცხადებით, საზღვარგარეთ ქართული დიასპორის გაძლიერება, მათში ეროვნული თვითმყოფადობის და სამშობლოსთან მჭიდრო კავშირის შენარჩუნება შემდეგი გზებით იქნება უზრუნველყოფილი:

- დიასპორასთან ურთიერთობის სისტემური მიდგომის დანერგვა;

- დიასპორული ინიციატივების წახალისება საგრანტო პროგრამების გზით;

- საკვირაო სკოლების გაძლიერება;

- ქართული კულტურული კერების გაძლიერების და შექმნის ხელშეწყობა;

- ფოლკლორული ანსამბლების ხელშეწყობა;

- დიასპორის წარმატებული წარმომადგენლების საქართველოს განვითარების პროცესში ჩართულობის უზრუნველყოფა;

- საზღვარგარეთ მყოფი თანამემამულეების ინტერესების ეფექტიანი დაცვის უზრუნველსაყოფად შესაბამისი სერვისების განვითარება, მათ შორის თანამედროვე ტექნოლოგიების დანერგვის გზით.
FaceBook Twitter Digg MySpace Delicious Google ელფოსტაბეჭდვა

ინტერვიუ
Pleas creat article
ინტერვიუ
Pleas creat article
ინტერვიუ
საზოგადოებრივი მაუწყებლის რა ქონება გაასხვისა თამარ კინწურაშვილმა და რა ფასად - ჟურნალისტური მოკვლევა
13:52 23.10.2019
საზოგადოებრივი მაუწყებლის ყოფილი გენერალური დირექტორი, შემდგომში გიგა ბოკერიას
ინტერვიუ
ინტერვიუ სალომე ზურაბიშვილთან: დავით-გარეჯთან დაკავშირებით ზოგიერთი მხარის რეაქციები ძალიან გამიკვირდა
18:10 01.05.2019
ინტერვიუში საქართველოს პრეზიდენტი სალომე ზურაბიშვილი ქვეყნის პოლიტიკურ ცხოვრებაში საკუთარ როლზე, მეზობელ
ინტერვიუ
აშშ - ნატოს წევრი თუ ნატოს „ხაზეინი“?-ინტერვიუ თურქ გენერალთან
13:38 20.04.2019
ყველამ კარგად იცის, თუ რა წონა აქვს ამერიკის შეერთებულ შტატებს ნატოში და რა ძალას ფლობს ვაშინგტონი. ეს ყველაფერი
ინტერვიუ
ინტერვიუ ჰანს ბინენდაიკთან: ნატოში გაწევრიანება დღეს ან ხვალ არ მოხდება,თუმცა საქართველომ იმედი უნდა შეინარჩუნოს
13:25 20.04.2019
ნატომ თავისი არსებობის 70 წლის მანძილზე დროს გაუძლო და ისტორიაში ყველაზე წარმატებულ სამხედრო-პოლიტიკურ ალიანსად
ინტერვიუ
ალექსი პუშკოვი: როგორი პოლიტიკა უნდა გაატაროს მოსკოვმა პოსტსაბჭოთა სივრცეში
18:31 15.04.2019
გაზეთ „კომსომოლსკაია პრავდა“-ს კორესპონდენტი ალექსანდრე გამოვი რუსეთის ფედერაციის საბჭოს საინფორმაციო პოლიტიკის
ინტერვიუ
ინტერვიუ მიხეილ სააკაშვილთან: პირველ აპრილს უკრაინაში ჩასვლას ვგეგმავ, ბილეთიც ნაყიდი მაქვს
11:41 13.03.2019
უკრაინის ტელეკომპანია «Наш»-ის გადაცემაში «В гостьях у Дмитрия Гордона» ცნობილი უკრაინელი ჟურნალისტი
ინტერვიუ
ირანული გაზის ტრანზიტი სომხეთის გავლით: როგორი პოზიცია აქვს საქართველოს?
14:33 05.03.2019
ირანში სომხეთის პრემიერ-მინისტრის ნიკოლ ფაშინიანის ამასწინანდელი ვიზიტის დროს, პრეზიდენტ ჰასან რუჰანთან
ინტერვიუ
ინტერვიუ დევიდ სალვოსთან: ჩვენ ხელიდან გავუშვით შესაძლებლობა, რომ გვეპასუხა საქართველოში რუსეთის სამხედრო აგრესიისთვის
14:18 05.03.2019
როგორ ახდენს გავლენას კრემლის მიერ დაფინანსებული და მართული მედია 40-მდე სხვადასხვა ქვეყნის შიდა