logo2
logo2
არქივი
« ოქტომბერი 2020 »
ორ სა ოთ ხუ პა შა კვ
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31
logo2
logo2
logo2
logo2
გიორგი გახარია: მშობლიურ მუხურში მომავალზე საუბარი ჩემთვის დიდ პატივთან ერთად, დიდი პასუხისმგებლობაა
გიორგი გახარია: მშობლიურ მუხურში მომავალზე საუბარი ჩემთვის დიდ პატივთან ერთად, დიდი პასუხისმგებლობაა
16:27 17.10.2020
„მომავალი 4 წლის განმავლობაში, არჩევნების შემდეგ, მთავრობას უკვე მობილიზებული აქვს და ინფრასტრუქტურულ პროექტებში, მინიმუმ ინვესტირებული იქნება 20 მილიარდი ლარი. რა თქმა უნდა, ამ ფულიდან დიდი და მნიშვნელოვანი ნაწილი მოხმარდება სამეგრელოს, ჩხოროწყუსაც, წალენჯიხასაც, მარტვილსაც, ყველას და ყველაფერი უნდა გავაკეთოთ, რომ ის წარმატება, რომელიც ამ კუთხეს ყოველთვის ჰქონდა, ის წარმატებული შვილები, რომლებიც ამ კუთხეს ყოველთვის ჰყავდა კიდევ უფრო გავაძლიეროთ, კიდევ უფრო მეტი იყვნენ და კიდევ უფრო მეტი შესაძლებლობა მივცეთ ახალგაზრდებს, ისწავლონ აქ, იმისთვის, რომ შემდგომ გვასახელონ როგორც კუთხე, ისე ქვეყანა, როგორც საქართველოში, ასევე საზღვარგარეთ, - ამის შესახებ საქართველოს პრემიერ-მინისტრმა გიორგი გახარიამ ჩხოროწყუში, აბაშის, მარტვილის, წალენჯიხისა და ჩხოროწყუს მაჟორიტარი დეპუტატობის კანდიდატის ალექსანდრე მოწერელიას წარდგენაზე განაცხადა.

მთავრობის მეთაურმა სიტყვით გამოსვლისას ინფრასრუქტურულ პროექტებზე ისაუბრა და აღნიშნა, რომ მნიშვნელოვანია, არ იყოს დიდი სხვაობა, თუ სად ცხოვრობს ადამიანი. მისივე თქმით, არსებული რესურსი, გონიერად, რაციონალურად და თანმიმდევრულად უნდა იქნას გამოყენებული, უნდა გაკეთდეს სწორი პრიორიტეტები.

„ჩემთვის დიდი პატივია, დღეს აქ, თქვენთან ერთად ქვეყნის მომავალზე, ჩხოროწყუს მომავალზე საუბარი, მშობლიურ მუხურში. რა თქმა უნდა, ეს პატივთან ერთად, დიდი პასუხისმგებლობაც არის. მიუხედავად იმისა, რომ ბოლო წლების განმავლობაში ბევრი რამ გაკეთდა, მათ შორის ჩხოროწყუშიც, ასე თუ ისე წესრიგში მოვიდა საგზაო ინფრასტრუქტურა, ბევრი პრობლემაა დარჩენილი წყალმომარაგების თვალსაზრისით და სოფლებში წყალი პრობლემაა, ვიცით ეს და გასაკეთებელი გვაქვს. გაზიფიცირება დავიწყეთ და მინდა გითხრათ, რომ მომავალი ახალი 3 წლიანი გეგმა იქნება გაზიფიცირების, რომელსაც მთავრობა უახლოეს პერიოდში დაამტკიცებს და გაზიფიცირებაც ბოლომდე უნდა მივიყვანოთ. სოფლებში და მათ შორის ჩხოროწყუში, კანალიზაციაა წესრიგში მოსაყვანი. ბევრი რამ არის კიდევ ერთად გასაკეთებელი - სკოლებია ასაშენებელი, გასარემონტებელი. ჩხოროწყუში 2021 წელს ახალი სკოლის აშენება დაიწყება. ეს ყველაფერი ჩვენ ერთად უნდა გავაკეთოთ იმისთვის, რომ ღირსეულად ვცხოვრობდეთ ჩვენს კუთხეში და არ იყოს დიდი სხვაობა სად ვცხოვრობთ - თბილისში, ბათუმსა თუ რუსთავში. ამას ძალიან დიდი მნიშვნელობა აქვს, იმიტომ, რომ ასე იქმნება წარმატებული, ძლიერი ეკონომიკის ევროპული ქვეყნები და ჩვენ ეს ერთად უნდა გავაკეთოთ. ეს ჩვენ შეგვიძლია და ერთად უნდა ვიშრომოთ მიზნის მისაღწევად. მიუხედავად იმისა, რომ ჩხოროწყუში ბევრი რამ გაკეთდა, ბევრია გასაკეთებელი. გვინდა, ჩხოროწყუში იყოს სპორტული კომპლექსი, ასევე ძალიან გვინდა, რომ კულტურის სახლი გავარემონტოთ. ასევე ძალიან გვინდოდა ყველას, რომ ტობავარჩხილზე გზა გაგვეკეთებინა, მაგრამ ჩვენ ჯერ კიდევ ღარიბი ქვეყნის შვილები ვართ და რესურსი, რომელიც გვაქვს, ძალიან გონიერად და რაციონალურად უნდა გამოვიყენოთ, თანმიმდევრულად და უნდა გვქონდეს სწორი პრიორიტეტები. ამიტომ, იმისთვის, რომ ჩხოროწყუს ეკონომიკა ავამუშაოთ და ტურისტი მოვიზიდოთ, გადავწყვიტეთ, რომ პირველ რიგში უნდა გაგვეკეთებინა ტობავარჩხილზე გზა. რაც უფრო მეტი ტურისტი ეყოლება ჩხოროწყუს, მით მეტი შემოსავალი ექნება ადგილობრივ ოჯახებს. შემდგომ უნდა გავაკეთოთ სპორტული კომპლექსი და 2021 წელს სპორტული კომპლექსის მშენებლობასაც დავიწყებთ, შემდგომ კულტურის სახლსაც მივადგებით. ეს ყველაფერი უნდა გავაკეთოთ თანმიმდევრულად და არ უნდა გვქონდეს იმის იმედი, რომ რაღაც საოცრება მოხდება, ვიღაც მოვა, დაგვპირდება და ერთ დღეში ყველაფერს ააშენებს, ასე არ ხდება,“- განაცხადა პრემიერმა.

გიორგი გახარიამ აღნიშნა, რომ შრომა უნდა იყოს პირველ რიგში მიმართული იმ ძირითადი დარგებისკენ, რომლებიც რეგიონში ისტორიულად ყოველთვის იყო - სოფლის მეურნეობისა და მეცხოველეობისკენ. მისივე თქმით, სულ რამდენიმე თვეში დაპატენტდება სპეციალური ბრენდი - მუხურის თაფლი, რაც მისცემს შესაძლებლობას ადგილობრივებს აწარმოონ თაფლი და შემდგომ გაიტანონ ევროპის ბაზარზე.

„ჩვენი შრომა უნდა იყოს პირველ რიგში მიმართული იმ ძირითად დარგებზე, რომლებიც აქ ისტორიულად ყოველთვის იყო, სოფლის მეურნეობის, მეცხოველეობის. მინდა გითხრათ, რომ ახლა მუხურში ვართ, ჩვენ უკვე დავიწყეთ და სულ რამდენიმე თვეში დაპატენტდება სპეციალური ბრენდი - მუხურის თაფლი, რაც მისცემს შესაძლებლობას ადგილობრივებს აწარმოონ თაფლი და შემდგომ გაიტანონ ევროპის ბაზარზე. ეს შესაძლებლობა ყველას გვექნება. ეს ყველაფერი უნდა გავაკეთოთ ერთად, იმისთვის რომ სულ მალე, რამდენიმე წელიწადში ყველამ ერთად შევძლოთ ღირსეულად ცხოვრება აქ, მუხურში, ხაბუმეში, ახუთში, ჩხოროწყუში, ყველგან, ეს არის ჩვენი მიზანი. ამიტომ, მომავალი 4 წლის განმავლობაში, არჩევნების შემდეგ, მთავრობას უკვე მობილიზებული აქვს და ინფრასტრუქტურულ პროექტებში, მინიმუმ ინვესტირებული იქნება 20 მილიარდი ლარი. რა თქმა უნდა, ამ ფულიდან დიდი და მნიშვნელოვანი ნაწილი მოხმარდება სამეგრელოს, ჩხოროწყუსაც, წალენჯიხასაც, მარტვილსაც, ყველას და ყველაფერი უნდა გავაკეთოთ, რომ ის წარმატება, რომელიც ამ კუთხეს ყოველთვის ჰქონდა, ის წარმატებული შვილები, რომლებიც ამ კუთხეს ყოველთვის ჰყავდა კიდევ უფრო გავაძლიეროთ, კიდევ უფრო მეტი იყვნენ და კიდევ უფრო მეტი შესაძლებლობა მივცეთ ახალგაზრდებს, ისწავლონ აქ, იმისთვის, რომ შემდგომ გვასახელონ როგორც კუთხე, ისე ქვეყანა, როგორც საქართველოში, ასევე საზღვარგარეთ. დარწმუნებული ვარ, რომ ჩვენ ყველანი ერთად შევძლებთ 31 ოქტომბერს ღირსეული არჩევანი გავაკეთოთ და ეს არჩევანი ჩვენ არ გვჭირდება ჩვენთვის. ეს არჩევანი ჩვენ გვჭირდება ჩვენი ქვეყნის მომავლისთვის და დარწმუნებული ვარ, ეს არჩევანი უნდა იყოს სამართლიანი და ღირსეულ ბრძოლაში გამარჯვება, დარწმუნებული ვარ, ასეც გავიმარჯვებთ. ჩვენი დეპუტატობის კანდიდატი ალექსანდრე მოწერელია, მოგეხსენებათ, ბოლო 2 წლის განმავლობაში იყო მხარის გუბერნატორი, მან დეტალურად იცის სად, რომელ სოფელში რა პრობლემა არის და დარწმუნებული ვარ, გამარჯვებიდან მეორე დღეს მას ექნება ყველა შესაძლებლობა იმისთვის, რომ იშრომოს და გააგრძელოს შრომა ჩხოროწყუს და საერთოდ სამეგრელოს წინსვლის და კეთილდღეობისთვის. გამარჯვებას და წარმატებებს გისურვებთ!,“- განაცხადა მთავრობის მეთაურმა.
FaceBook Twitter Digg MySpace Delicious Google ელფოსტაბეჭდვა

ინტერვიუ
ზაზა აბაშიძე: 2020 წელს დიდი გეგმებით ვხვდებით
16:57 08.01.2020
ხელნაწერთა ეროვნული ცენტრი, როგორც ქვეყნის ერთ-ერთი უმთავრესი სამეცნიერო ცენტრი
ინტერვიუ
საზოგადოებრივი მაუწყებლის რა ქონება გაასხვისა თამარ კინწურაშვილმა და რა ფასად - ჟურნალისტური მოკვლევა
13:52 23.10.2019
საზოგადოებრივი მაუწყებლის ყოფილი გენერალური დირექტორი, შემდგომში გიგა ბოკერიას
ინტერვიუ
ინტერვიუ სალომე ზურაბიშვილთან: დავით-გარეჯთან დაკავშირებით ზოგიერთი მხარის რეაქციები ძალიან გამიკვირდა
18:10 01.05.2019
ინტერვიუში საქართველოს პრეზიდენტი სალომე ზურაბიშვილი ქვეყნის პოლიტიკურ ცხოვრებაში საკუთარ როლზე, მეზობელ
ინტერვიუ
ინტერვიუ მიხეილ სააკაშვილთან: პირველი, რაც ზელენსკიმ უნდა გააკეთოს ისაა, რომ პოროშენკოს კლანი ციხეში ჩასვას
12:14 22.04.2019
რუსეთის ტელეკომპანია «Дождь»-ის შოუ-პროგრამაში «Здесь и сейчас» ისაუბრა საქართველოს ექს-პრეზიდენტმა და უკრაინის
ინტერვიუ
აშშ - ნატოს წევრი თუ ნატოს „ხაზეინი“?-ინტერვიუ თურქ გენერალთან
13:38 20.04.2019
ყველამ კარგად იცის, თუ რა წონა აქვს ამერიკის შეერთებულ შტატებს ნატოში და რა ძალას ფლობს ვაშინგტონი. ეს ყველაფერი
ინტერვიუ
ინტერვიუ ჰანს ბინენდაიკთან: ნატოში გაწევრიანება დღეს ან ხვალ არ მოხდება,თუმცა საქართველომ იმედი უნდა შეინარჩუნოს
13:25 20.04.2019
ნატომ თავისი არსებობის 70 წლის მანძილზე დროს გაუძლო და ისტორიაში ყველაზე წარმატებულ სამხედრო-პოლიტიკურ ალიანსად
ინტერვიუ
ალექსი პუშკოვი: როგორი პოლიტიკა უნდა გაატაროს მოსკოვმა პოსტსაბჭოთა სივრცეში
18:31 15.04.2019
გაზეთ „კომსომოლსკაია პრავდა“-ს კორესპონდენტი ალექსანდრე გამოვი რუსეთის ფედერაციის საბჭოს საინფორმაციო პოლიტიკის
ინტერვიუ
ინტერვიუ მიხეილ სააკაშვილთან: პირველ აპრილს უკრაინაში ჩასვლას ვგეგმავ, ბილეთიც ნაყიდი მაქვს
11:41 13.03.2019
უკრაინის ტელეკომპანია «Наш»-ის გადაცემაში «В гостьях у Дмитрия Гордона» ცნობილი უკრაინელი ჟურნალისტი
ინტერვიუ
ირანული გაზის ტრანზიტი სომხეთის გავლით: როგორი პოზიცია აქვს საქართველოს?
14:33 05.03.2019
ირანში სომხეთის პრემიერ-მინისტრის ნიკოლ ფაშინიანის ამასწინანდელი ვიზიტის დროს, პრეზიდენტ ჰასან რუჰანთან
ინტერვიუ
ინტერვიუ დევიდ სალვოსთან: ჩვენ ხელიდან გავუშვით შესაძლებლობა, რომ გვეპასუხა საქართველოში რუსეთის სამხედრო აგრესიისთვის
14:18 05.03.2019
როგორ ახდენს გავლენას კრემლის მიერ დაფინანსებული და მართული მედია 40-მდე სხვადასხვა ქვეყნის შიდა