logo2
logo2
logo2
არქივი
« ივნისი 2020 »
ორ სა ოთ ხუ პა შა კვ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30
logo2
logo2
საფრთხე კვლავ რჩება; ჯანდაცვის მსოფლიო ორგანიზაციას ჯერ არ მოუხსნია პანდემიის რეჟიმი და არაერთი სახელმწიფო კვლავ დგას ძალიან დიდი გამოწვევის წინაშე
საფრთხე კვლავ რჩება; ჯანდაცვის მსოფლიო ორგანიზაციას ჯერ არ მოუხსნია პანდემიის რეჟიმი და არაერთი სახელმწიფო კვლავ დგას ძალიან დიდი გამოწვევის წინაშე
15:30 22.05.2020
„მანიპულაცია იმაზე, რომ თითქოს უკვე ყველაფერი დასრულდა, რომ გავიმარჯვეთ და პანდემია აღარ არსებობს - ეს მიდგომა არის უპასუხისმგებლო და ხელისუფლება ამ საუბარში ვერ შევა. ჩვენ გვრჩება ამოცანები, პასუხისმგებლობა ჩვენი მოქალაქეების წინაშე და ამ პასუხისმგებლობას ჩვენ შევასრულებთ“,- ამის შესახებ საქართველოს პარლამენტის თავმჯდომარემ ბიუროს სხდომაზე განაცხადა.

არჩილ თალაკვაძემ დაწესებული შეზღუდვების მოხსნის საკითხზე გაამახვილა ყურადღება და ეპიდემიოლოგიური ვითარება შეაფასა. მისი თქმით, სიტუაცია დამაიმედებელია, თუმცა, საფრთხე კვლავ რჩება.

„საფრთხე კვლავ რჩება. ჯანდაცვის მსოფლიო ორგანიზაციას ჯერ არ მოუხსნია პანდემიის რეჟიმი და არა ერთი მცირე თუ დიდი სახელმწიფო კვლავ დგას ძალიან დიდი გამოწვევის წინაშე. არის ძალიან ბევრი ახალი შემთხვევა. სამწუხაროდ, არის გარდაცვალების ბევრი შემთხვევაც და ვიდრე ეს საფრთხე არსებობს, ჩვენც, როგორც სახელმწიფომ, საქართველომაც ამ გამოწვევის და საფრთხის წინააღმდეგ უნდა შეინარჩუნოს გარკვეული პრევენციული ზომები. დღეს იწურება საგანგებო მდგომარეობა, რაც ნიშნავს, რომ მეტი შეზღუდვების ეტაპიდან ჩვენ გადავდივართ ნაკლები შეზღუდვების ეტაპზე. გარკვეული შეზღუდვები ბუნებრივია, დარჩება და ჩვენ მოგვიწევს უსაფრთხოების ძირითადი წესების დაცვა, რასაც ჩვენი ჯანდაცვის სამსახურები გვაწვდიან იმისთვის, რათა შევძლოთ სოციალური, ეკონომიკური ფუნქციების აღდგენა, პოლიტიკური პროცესის სრულად განახლება და შევასრულოთ ის ამოცანებიც, რაც მიმდინარე რეჟიმში არსებობს“,- განაცხადა პარლამენტის თავმჯდომარემ.

მანვე აღნიშნა, რომ ამისთვის მნიშვნელოვანია საკანონმდებლო მხარდაჭერაც.

„გუშინ იყო გრძელი სამუშაო დღე და განსხვავება მგონი საზოგადოებამ კიდევ ერთხელ დაინახა, ჩვენი მიდგომა არის შედეგზე ორიენტირებული, ჩვენი პრიორიტეტი არის ჩვენი მოქალაქეების ჯანმრთელობის და უსაფრთხოების დაცვა, ხოლო პოლიტიკური სპექტრის ნაწილის ამოცანა არის ის, რომ თუ დისკუსიამ შედეგი გამოიღო, ეს შეაფასონ სპეკულაციურად. აი ეს არის განსხვავება ჩვენს პოლიტიკურ მიდგომებს და ღირებულებებს შორის“,- განაცხადა არჩილ თალაკვაძემ.

მან კოლეგებს, მათ შორის, დეპუტატებს ოპოზიციიდან, განხილვებში აქტიური მონაწილეობისკენ მოუწოდა. მისი თქმით, დღის წესრიგშია ბევრი მნიშვნელოვანი ინიციატივა.

„ჩვენ გავაგრძელებთ საქმის გაკეთებას. მზად ვართ სრულფასოვანი ოპონირებისთვის, მზად ვართ პოლიტიკური დებატებისთვის, პარლამენტს თავისი საზედამხედველო ფუნქცია და კანონშემოქმედებითი ფუნქციები გააჩნია და ჩვენ ამას ვასრულებთ და შევასრულებთ განუხრელად მომავალშიც. ჩვენ ჩვენი პასუხისმგებლობა და ჩვენი პირობა, როგორც ხელისუფლების, რა თქმა უნდა, რჩება განუხრელად, რომ ჩავატარებთ დემოკრატიულ, გამჭვირვალე და სამართლიან არჩევნებს, ამით ჩვენი ქვეყანა კიდევ ერთხელ დაუმტკიცებს თავის საზოგადოებას და საერთაშორისო პარტნიორებს, რომ საქართველო აგრძელებს დემოკრატიის გაძლიერებას“,- განაცხადა არჩილ თალაკვაძემ.

ბიუროს სხდომაზე დღევანდელი პლენარული სხდომის დღის წესრიგი განსაზღვრა.

პარლამენტი დღეს დაჩქარებული წესით, მეორე მოსმენით განიხილავს „საქართველოს საგადასახადო კოდექსში ცვლილების შეტანის შესახებ“ კანონპროექტს.

ასევე, მეორე მოსმენით განიხილავს „საზოგადოებრივი ჯანმრთელობის შესახებ“ საქართველოს კანონში ცვლილების შეტანის თაობაზე“ საქართველოს კანონპროექტს, თანმდევ საკითხთან ერთად.

„მოგეხსენებათ, გუშინ დისკუსია ძირითადად, ორი საკითხის გარშემო წარიმართა. პასუხობს თუ არა ეს ცვლილებები საკონსტიტუციო ტესტს და რაც ნიშნავს არის თუ არა ეს პროპორციული, არის თუ არა ის შედეგიანი არის თუ არა ის თანაზომადი. ვფიქრობ ამ მიმართულებით პასუხები არის ამომწურავი. ცვლილებებში პირდაპირ არის ჩაწერილი, რომ ეს ზომები უნდა პასუხობდეს კონსტიტუციურობის ტესტს ანუ, დისკუსიის ეს ნაწილი ვფიქრობ, რომ პრაქტიკულად მოიხსნა. თუ ვინმეს პოლიტიკური სპეკულაციების გაგრძელება სურს, ამაზეც მზად ვართ მთელი დღის განმავლობაში. მეორე ნაწილი, სადაც საუბარი იყო ანგარიშვალდებულებაზე და საპარლამენტო კონტროლზე, ეს საკითხიც პრაქტიკულად ამოწურულია, რადგან ეს ცვლილებები კონკრეტული ვადით იმოქმედებს და ამ ვადაში მთავრობას და პრემიერ-მინისტრს რამდენჯერმე უწევს პარლამენტში ანგარიშვალდებულების ფარგლებში ანგარიშის წარმოდგენა. ასე, რომ ჩვენ გვექნება ზედამხედველობის სრული შესაძლებლობა არა მხოლოდ ზოგადად, განხორციელებულ ღონისძიებაზე, არამედ ასევე, სექტორების მიხედვით, როდესაც საქმე სამინისტროებს ეხება. ასე, რომ გამოირიცხა ყველა რეალური საფუძველი რაზედაც გუშინ იყო აპელირება. ჩვენს შორის პოლიტიკური ღირებულებების დონეზე განსხვავება არის ის, რომ პოლიტიკურ დისკუსიას ჩვენ ვხედავთ როგორც პოლიტიკურ პროცესს და თუ ამ დისკუსიით შედეგს მივიღებთ ამას ვხედავთ როგორც პოზიტიურს, როგორც ნორმალური პოლიტიკური პროცესის შედეგს, მაგრამ არიან გარკვეული პოლიტიკური ჯგუფები, რომლებიც პოლიტიკურ დისკუსიაზე და პოლიტიკურ პროცესს აღიქვამენ როგორც დესტრუქციის შედეგს. მესმის, რომ მათ არ მოსწონთ სხვისი გაკეთებული კარგი საქმეები და წარმატებები და ზოგჯერ საკუთარი ცუდიც ურჩევნიათ სხვის კარგს, მაგრამ ჩვენი პოლიტიკური კულტურა და ღირებულებები არის ის, რომ ჩვენ ამ პოლიტიკურ პროცესში ვრჩებით, მას წარვმართავთ ნორმალურად და აქედან მიღებულ ნებისმიერ კარგ შედეგს ვაღიარებთ. ეს არის მომავლის პოლიტიკა. ის, ვინც რადიკალურად შორს არის ამ მიდგომებისგან, ვფიქრობ დაკარგავს თავის პოლიტიკურ მომავალში. ეს არის ჩვენი მოქალაქეების შესაფასებელი და ამას გვიჩვენებს არჩევნები“, - განაცხადა არჩილ თალაკვაძემ.

პარლამენტი დღეს პირველი მოსმენით განიხილავს „მაღალმთიანი რეგიონების განვითარების შესახებ“ საქართველოს კანონში ცვლილების შეტანის თაობაზე“ საქართველოს კანონის პროექტს.

ბიუროს სხდომაზე საორგანიზაციო საკითხები განიხილეს.

პარლამენტის თავმჯდომარემ კოლეგებს გააცნო, საქართველოს პრემიერ-მინისტრის გიორგი გახარიას 2020 წლის 21 მაისის მომართვა 2020 წლის 27 მაისს საქართველოს პარლამენტისთვის მიმართვისა და ახალი კორონავირუსის (COVID 19) მასობრივი გავრცელების პრევენციის მიზნით გამოცხადებული საგანგებო მდგომარეობის დროს საქართველოს მთავრობის მიერ განხორციელებული საქმიანობის შესახებ ანგარიშის წარდგენის თაობაზე.

არჩილ თალაკვაძემ ასევე გააცნო ბიუროს წევრებს ფრაქცია „დამოუკიდებელი დეპუტატების“ მომართვა საქართველოს პარლამენტის 22 მაისის პლენარულ სხდომაზე არდასწრების შესახებ.

FaceBook Twitter Digg MySpace Delicious Google ელფოსტაბეჭდვა

ინტერვიუ
ზაზა აბაშიძე: 2020 წელს დიდი გეგმებით ვხვდებით
16:57 08.01.2020
ხელნაწერთა ეროვნული ცენტრი, როგორც ქვეყნის ერთ-ერთი უმთავრესი სამეცნიერო ცენტრი
ინტერვიუ
საზოგადოებრივი მაუწყებლის რა ქონება გაასხვისა თამარ კინწურაშვილმა და რა ფასად - ჟურნალისტური მოკვლევა
13:52 23.10.2019
საზოგადოებრივი მაუწყებლის ყოფილი გენერალური დირექტორი, შემდგომში გიგა ბოკერიას
ინტერვიუ
ინტერვიუ სალომე ზურაბიშვილთან: დავით-გარეჯთან დაკავშირებით ზოგიერთი მხარის რეაქციები ძალიან გამიკვირდა
18:10 01.05.2019
ინტერვიუში საქართველოს პრეზიდენტი სალომე ზურაბიშვილი ქვეყნის პოლიტიკურ ცხოვრებაში საკუთარ როლზე, მეზობელ
ინტერვიუ
ინტერვიუ მიხეილ სააკაშვილთან: პირველი, რაც ზელენსკიმ უნდა გააკეთოს ისაა, რომ პოროშენკოს კლანი ციხეში ჩასვას
12:14 22.04.2019
რუსეთის ტელეკომპანია «Дождь»-ის შოუ-პროგრამაში «Здесь и сейчас» ისაუბრა საქართველოს ექს-პრეზიდენტმა და უკრაინის
ინტერვიუ
აშშ - ნატოს წევრი თუ ნატოს „ხაზეინი“?-ინტერვიუ თურქ გენერალთან
13:38 20.04.2019
ყველამ კარგად იცის, თუ რა წონა აქვს ამერიკის შეერთებულ შტატებს ნატოში და რა ძალას ფლობს ვაშინგტონი. ეს ყველაფერი
ინტერვიუ
ინტერვიუ ჰანს ბინენდაიკთან: ნატოში გაწევრიანება დღეს ან ხვალ არ მოხდება,თუმცა საქართველომ იმედი უნდა შეინარჩუნოს
13:25 20.04.2019
ნატომ თავისი არსებობის 70 წლის მანძილზე დროს გაუძლო და ისტორიაში ყველაზე წარმატებულ სამხედრო-პოლიტიკურ ალიანსად
ინტერვიუ
ალექსი პუშკოვი: როგორი პოლიტიკა უნდა გაატაროს მოსკოვმა პოსტსაბჭოთა სივრცეში
18:31 15.04.2019
გაზეთ „კომსომოლსკაია პრავდა“-ს კორესპონდენტი ალექსანდრე გამოვი რუსეთის ფედერაციის საბჭოს საინფორმაციო პოლიტიკის
ინტერვიუ
ინტერვიუ მიხეილ სააკაშვილთან: პირველ აპრილს უკრაინაში ჩასვლას ვგეგმავ, ბილეთიც ნაყიდი მაქვს
11:41 13.03.2019
უკრაინის ტელეკომპანია «Наш»-ის გადაცემაში «В гостьях у Дмитрия Гордона» ცნობილი უკრაინელი ჟურნალისტი
ინტერვიუ
ირანული გაზის ტრანზიტი სომხეთის გავლით: როგორი პოზიცია აქვს საქართველოს?
14:33 05.03.2019
ირანში სომხეთის პრემიერ-მინისტრის ნიკოლ ფაშინიანის ამასწინანდელი ვიზიტის დროს, პრეზიდენტ ჰასან რუჰანთან
ინტერვიუ
ინტერვიუ დევიდ სალვოსთან: ჩვენ ხელიდან გავუშვით შესაძლებლობა, რომ გვეპასუხა საქართველოში რუსეთის სამხედრო აგრესიისთვის
14:18 05.03.2019
როგორ ახდენს გავლენას კრემლის მიერ დაფინანსებული და მართული მედია 40-მდე სხვადასხვა ქვეყნის შიდა