logo2
logo2
logo2
არქივი
« მარტი 2020 »
ორ სა ოთ ხუ პა შა კვ
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31
logo2
logo2
რატი იონათამიშვილი: ნაცმოძრაობა ცდილობს შეფარვით წარმოაჩინოს, რომ არასამთავრობო ორგანიზაციები დამოუკიდებლები არიან, სინამდვილეში მხოლოდ ერთი პოლიტიკური პარტიის ინტერესებს ახმოვანებენ
რატი იონათამიშვილი: ნაცმოძრაობა ცდილობს შეფარვით წარმოაჩინოს, რომ არასამთავრობო ორგანიზაციები დამოუკიდებლები არიან, სინამდვილეში მხოლოდ ერთი პოლიტიკური პარტიის ინტერესებს ახმოვანებენ
22:06 04.02.2020
„აქ მთავარი ის კი არ არის - რა იყო მოულოდნელი, მთავარი არის - რა იყო მიუღებელი“, - განაცხადა ფრაქცია „ქართული ოცნების“ თავმჯდომარე რატი იონათამიშვილმა ტვ იმედის „დღის ქრონიკაში“ „ნაციონალური მოძრაობასა“ და ლობისტურ კომპანია „ორიონ სტრატეჯის“ შორის გაფორმებულ კონტრაქტში „ნაციონალური მოძრაობის“ წარმომადგენლად ბათუ ქუთელიას მითითებასთან დაკაშირებით განვითარებული პროცესების შეფასებისას.

მისი თქმით, როდესაც საუბარია „ნაციონალურ მოძრაობაზე“ და მათ ისეთ საქციელზე, რომელიც შეიძლება იყოს სამარცხვინო, მიუღებელი, ანტისახელმწიფოებრივი, ამის მოლოდინი ყოველთვის არის - მოულოდნელი მსგავს ტექსტებში, მათ განცხადებებში, ქმედებებში და საქციელში არასდროს არ არის, მაგრამ მიუღებელია, როდესაც ხდება გარკვეული მანიპულაცია და მცდელობა იმისა, რომ გარკვეულ საკითხებზე საზოგადოება იყოს შეცდომაში შეყვანილი.

რატი იონათამიშვილის განცხადებით, მთავარი ამ საკითხში ისაა, რომ ნაციონალური მოძრაობა ცდილობს შეფარვით წარმოაჩინოს, რომ არასამთავრობო ორგანიზაციები არიან დამოუკიდებლები და სინამდვილეში კი არიან კონკრეტული პარტიის, კონკრეტული ინტერესების გამტარნი, თითქოს არიან ექსპერტები, რომლებიც არ არიან მიკერძოებულები და არიან „ობიექტურები“, მაგრამ სინამდვილეში მხოლოდ ერთი პოლიტიკური პარტიის ინტერესებს იცავენ და ახმოვანებენ.

„მსგავსი თამაშები არის ძალიან მიუღებელი და არასწორი, ელემენტარულად სირცხვილი. ხანდახან მრჩება ისეთი შთაბეჭდილება, რომ ეს ადამიანები იმდენჯერ ცდილობდნენ ვირტუალურ რეალობაში და სიცრუეში ეცხოვრებინათ ჩვენი მოქალაქეები, რომ ამ სენისაგან დღესაც ვერ გათავისუფლდნენ და დღესაც ცდილობენ მსგავსი ხერხებით შეცდომაში შეიყვანონ საზოგადოება. როგორც აღმოჩნდა, ადამიანი, რომელზეც ამბობენ, რომ არის ერთ-ერთი სამოქალაქო სექტორის წარმომადგენელი, ვიცე-პრეზიდენტი ამ ორგანიზაციის, არის ნაციონალური მოძრაობის საკონტაქტო პირი ლობისტ კომპანიასთან. საკონტაქტო პირი არის ერთ-ერთი ნდობით აღჭურვილი პირი ნაციონალური მოძრაობის. და ის განმარტებები, რაც ამ საკითხს მოჰყვა გინდა ნაციონალური მოძრაობის მხრიდან, გინდა სხვა პირების მხრიდან, თვით ტექნიკური შეცდომის აღიარებით, არის ნამდვილად დაბნეული, კიდევ უფრო უხერხული, ვიდრე თვით თავდაპირველი ფაქტი. ამასთან, თუ ორგანიზაცია უშვებს ისეთ შეცდომას, როდესაც საკონტაქტო პირს უთითებს სხვას, როდესაც ლობისტური ორგანიზაციის შეთანხმებაზეა საუბარი, თვით იმ ორგანიზაციის რეპუტაციისთვისაც დამაზიანებელია“, - განაცხადა ფრაქციის თავმჯდომარემ.

მისივე თქმით, ის განცხადებები, რომლებიც ნაციონალური მოძრაობის სხვადასხვა ლიდერებმა გააკეთეს, არის მცდელობა იმისა, რომ სხვა სიბრტყეზე გადაიტანონ საუბარი, მაგრამ საბოლოოდ ეს ვერ შეძლეს იმიტომ, რომ „ქართული საზოგადოება ყველაფერს კარგად ხედავს, ყველაფერს აფასებს და ყველაფერს თავის სახელს არქმევს“.

„ჩვენ არც ერთ თემაზე არ გვერიდება ჩვენს საზოგადოებასთან საუბარი. ნებისმიერი საკითხი რაც არ უნდა იყოს - შეიძლება იყოს კრიტიკული, შეიძლება უფრო გამოწვევებით სავსე, შეიძლება იყოს აბსოლუტურად საქმიანი, მაგრამ ჩვენ ყოველ ჯერზე ვგრძნობთ იმის პასუხისმგებლობას, რომ ნებისმიერ საკითხზე ჩვენ საზოგადოებასთან ღიად და გულწრფელად უნდა ვილაპარაკოთ. ჩვენთვის კრიტიკული და მიუღებელი თემები ამ შემთხვევაში არ არსებობს. განსხვავებული პოზიცია აქვს ოპოზიციას - მათ მარტო იმ საკითხებზე უნდათ ლაპარაკი, რომელზეც ფიქრობენ, რომ აწყობთ. ხოლო თუ სადმე პრობლემატურ საკითხს დაინახავენ, გაურბიან მასზე ლაპარაკს, ცდილობენ თემა შეცვალონ, სხვა რამეზე გააკეთონ აქცენტები, რომ საზოგადოების ფოკუსირება გადაიტანონ და ა. შ. ეს არის კიდევ ერთი ფუნდამენტური განსხვავება, რომ ჩვენ ყველა თემაზე შეგვიძლია საუბარი საზოგადოებასთან, ისინი კი მხოლოდ იმ თემაზე საუბრობენ, სადაც ისევ თავისი პოლიტიკური პარტიის ინტერესიდან გამომდინარეობენ. ასე, ფაქტების დამახინჯებით, სიცრუით, სხვანაირი შეფუთვით ცდილობენ გაურკვეველი რეალობის შექმნას, რათა სიცრუის მეტი დოზა შეიტანონ ქართულ საზოგადოებაში. მათი ეს გზა განწირულია, თუ ეს დასკვნა აქამდე ვერ გამოიტანეს, მაშინ კიდევ უფრო დიდი ფიასკო ელით მათ ქართულ პოლიტიკაში და ქართული საზოგადოების წინაშე“, - განაცხადა რატი იონათამიშვილმა.


FaceBook Twitter Digg MySpace Delicious Google ელფოსტაბეჭდვა

ინტერვიუ
ზაზა აბაშიძე: 2020 წელს დიდი გეგმებით ვხვდებით
16:57 08.01.2020
ხელნაწერთა ეროვნული ცენტრი, როგორც ქვეყნის ერთ-ერთი უმთავრესი სამეცნიერო ცენტრი
ინტერვიუ
საზოგადოებრივი მაუწყებლის რა ქონება გაასხვისა თამარ კინწურაშვილმა და რა ფასად - ჟურნალისტური მოკვლევა
13:52 23.10.2019
საზოგადოებრივი მაუწყებლის ყოფილი გენერალური დირექტორი, შემდგომში გიგა ბოკერიას
ინტერვიუ
ინტერვიუ სალომე ზურაბიშვილთან: დავით-გარეჯთან დაკავშირებით ზოგიერთი მხარის რეაქციები ძალიან გამიკვირდა
18:10 01.05.2019
ინტერვიუში საქართველოს პრეზიდენტი სალომე ზურაბიშვილი ქვეყნის პოლიტიკურ ცხოვრებაში საკუთარ როლზე, მეზობელ
ინტერვიუ
ინტერვიუ მიხეილ სააკაშვილთან: პირველი, რაც ზელენსკიმ უნდა გააკეთოს ისაა, რომ პოროშენკოს კლანი ციხეში ჩასვას
12:14 22.04.2019
რუსეთის ტელეკომპანია «Дождь»-ის შოუ-პროგრამაში «Здесь и сейчас» ისაუბრა საქართველოს ექს-პრეზიდენტმა და უკრაინის
ინტერვიუ
აშშ - ნატოს წევრი თუ ნატოს „ხაზეინი“?-ინტერვიუ თურქ გენერალთან
13:38 20.04.2019
ყველამ კარგად იცის, თუ რა წონა აქვს ამერიკის შეერთებულ შტატებს ნატოში და რა ძალას ფლობს ვაშინგტონი. ეს ყველაფერი
ინტერვიუ
ინტერვიუ ჰანს ბინენდაიკთან: ნატოში გაწევრიანება დღეს ან ხვალ არ მოხდება,თუმცა საქართველომ იმედი უნდა შეინარჩუნოს
13:25 20.04.2019
ნატომ თავისი არსებობის 70 წლის მანძილზე დროს გაუძლო და ისტორიაში ყველაზე წარმატებულ სამხედრო-პოლიტიკურ ალიანსად
ინტერვიუ
ალექსი პუშკოვი: როგორი პოლიტიკა უნდა გაატაროს მოსკოვმა პოსტსაბჭოთა სივრცეში
18:31 15.04.2019
გაზეთ „კომსომოლსკაია პრავდა“-ს კორესპონდენტი ალექსანდრე გამოვი რუსეთის ფედერაციის საბჭოს საინფორმაციო პოლიტიკის
ინტერვიუ
ინტერვიუ მიხეილ სააკაშვილთან: პირველ აპრილს უკრაინაში ჩასვლას ვგეგმავ, ბილეთიც ნაყიდი მაქვს
11:41 13.03.2019
უკრაინის ტელეკომპანია «Наш»-ის გადაცემაში «В гостьях у Дмитрия Гордона» ცნობილი უკრაინელი ჟურნალისტი
ინტერვიუ
ირანული გაზის ტრანზიტი სომხეთის გავლით: როგორი პოზიცია აქვს საქართველოს?
14:33 05.03.2019
ირანში სომხეთის პრემიერ-მინისტრის ნიკოლ ფაშინიანის ამასწინანდელი ვიზიტის დროს, პრეზიდენტ ჰასან რუჰანთან
ინტერვიუ
ინტერვიუ დევიდ სალვოსთან: ჩვენ ხელიდან გავუშვით შესაძლებლობა, რომ გვეპასუხა საქართველოში რუსეთის სამხედრო აგრესიისთვის
14:18 05.03.2019
როგორ ახდენს გავლენას კრემლის მიერ დაფინანსებული და მართული მედია 40-მდე სხვადასხვა ქვეყნის შიდა