logo2
logo2
logo2
არქივი
« სექტემბერი 2019 »
ორ სა ოთ ხუ პა შა კვ
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30
logo2
logo2
კობა კობალაძე: ჯანსაღი ხედვითა და სწორი პოლიტიკის წარმოებით, შევძლებთ წინსვლას და განვითარებას
კობა კობალაძე: ჯანსაღი ხედვითა და სწორი პოლიტიკის წარმოებით, შევძლებთ წინსვლას და განვითარებას
18:41 08.09.2019
„ჩვენი სამშობლო თითოეული ჩვენგანის დასაცავია, ამიტომ თავდაცვისუნარიანობის ამაღლება ჩვენი ქვეყნისთვის უმაღლესი ამოცანაა. ჩვენი ისტორიული მიწები უნდა დავიბრუნოთ და საქართველო გავაერთიანოთ“, - აღნიშნული განცხადება ფრაქციის „ქართული ოცნება - ძლიერი საქართველოსთვის“ წარმომადგენელმა, კობა კობალაძემ პარლამენტის პლენარულ სხდომაზე სიტყვით გამოსვლისას გააკეთა.

მან ვრცლად ისაუბრა სამთავრობო პროგრამაზე, რომელიც ოთხ ძირითად ასპექტს: უსაფრთხოებასა და ადამიანის უფლებებს, ეკონომიკურ განვითარებას, განათლებასა და ადამიანური კაპიტალის განვითარებას და სახელმწიფო მართვას შეეხება.
„ისტორიულად უმდიდრესი, მაგრამ ტერიტორიულად ისეთი მცირე ქვეყნისთვის, როგორიც ჩვენი სამშობლოა და რომლის ადამიანური და მატერიალური რესურსები შეზღუდულია, ერთიანი კომპლექსური და რაციონალური მიდგომაა საჭირო იმ გამოწვევებთან გასამკლავებლად, რომლის წინაშეც დღეს საქართველო დგას, რადგან როგორც მშვიდობიანობის, ისე ომის დროს საბოლოო გამარჯვებას აღწევს მთლიანი ერი და არა ინდივიდები. გამარჯვებისთვის კი, საჭიროა საზოგადოების ყველა სეგმენტის მობილიზება და სრული ჩართულობა“, - განაცხადა კობა კობალაძემ.

მისი თქმით, საქართველოს სახელმწიფოს ღიად აქვს გაცხადებული ტოტალური თავდაცვის პოლიტიკა, რაც თავის მხრივ, სამხედრო და სამოქალაქო კომპონენტების გაერთიანებას ასახავს. „მიზანი მიიღწევა მხოლოდ ამ ორი მოცემულობის ურთიერთქმედებით, გონივრულად დაგეგმარებისა და აღსრულების პირობებში. ჩვენი ქვეყნისთვის სასიცოცხლოდ მნიშვნელოვანია ეფექტური და ქმედითი სარეზერვო სისტემის ჩამოყალიბება, რომლის ძირითადი დანიშნულებაა აქტიური სამხედრო ქვედანაყოფების მხარდაჭერა“, - განაცხადა მომხსენებელმა.

მისი თქმით, თავდაცვის მინისტრობის კანდიდატმა, ირაკლი ღარიბაშვილმა წარადგინა ხედვა - სავალდებულო სამხედრო სამსახურის, რეზერვის სისტემისა და სამხედრო მრეწველობის განვითარებასთან დაკავშირებით, რაც ჩვენი ქვეყნის თავდაცვის ძალებსაც კი, ბევრად ანგარიშგასაწევ ძალად ხდის ჩვენს რეგიონში. „აღნიშნული მიმართულებით გვაქვს ხელშესახები მიღწევები თუმცა, სოლიდური სამუშაოები შესასრულებელია და მიგვაჩნია, რომ ერთად შევძლებთ ბევრად უფრო ძლიერი თავდაცვის ძალების ჩამოყალიბებას, რადგან გვყავს სერიოზული რესურსი ჩვენი ვეტერანების სახითაც, რომლებიც ღირსეულად ემსახურებიან და ემსახურებოდნენ საქართველოს და ახლაც, ყოველ წუთს, მზად არიან თავისი მნიშვნელოვანი წვლილი შეიტანონ, როგორც მშვიდობის ასევე, კრიზისულ პერიოდში, თავისი სამშობლოს დასაცავად“, - განაცხადა ფრაქციის „ქართული ოცნება - ძლიერი საქართველოსთვის“ წარმომადგენელმა. მისი თქმით, ქვეყნის საერთო უსაფრთხოების დაცვის საკითხში უმნიშვნელოვანესი როლი აკისრია შიდა უსაფრთხოების უზრუნველყოფას. „სხვადასხვა სტრუქტურული ერთეულების მუშაობის ეფექტიანობის ასამაღლებლად, მნიშვნელოვნად მიგვაჩნია საზოგადოებრივი უსაფრთხოებისა და მართლწესრიგის სფეროში დამატებითი რეფორმების გატარება“, - განაცხადა მომხსენებელმა.
მისი თქმით, შინაგან საქმეთა სამინისტროს შემდგომი განვითარება უკავშირდება სისტემური განახლების კონცეფციის განხორციელებას, რომელიც მოიცავს, როგორც სტრუქტურულ რეფორმებს ისე, ტექნოლოგიურ განახლებას და ინოვაციების დანერგვას, რაც აამაღლებს ჩვენი ქვეყნის უსაფრთხოების დაცვის ხარისხს.

„განსაკუთრებით მნიშვნელოვანია ჩვენი სამხედროებისათვის, უსაფრთხოების სამსახურის თანამშრომლებისათვის და პოლიციელებისათვის, სოციალური დაცვის მექანიზმების გაუმჯობესება, ვინაიდან მათ ყოველდღიურ რეჟიმში უწევთ სამშობლოს სიმშვიდისა უსაფრთხოების დაცვა. მათდამი პატივისცემა და დაფასება თითოეული ჩვენგანის, საქართველოს მოქალაქის უდიდესი ვალია“, - განაცხადა მომხსენებელმა.

მისივე თქმით, საქართველოს ხელისუფლებამ, ყველამ ერთად, მთელი ძალისხმევა უნდა ტერიტორიული კონფლიქტის მშვიდობიანი გზით დასარეგულირებლად უნდა მიმართოს.

„სამთავრობო გეგმაში წარმოდგენილი ხედვა კონფლიქტის მოგვარების, შერიგებისა და ჩართულობის პოლიტიკის მექანიზმების გამოყენების შესახებ, ორიენტირებულია გონივრული თანმიმდევრული პოლიტიკის წარმოებაზე და მიზნად ისახავს კონფლიქტით დაზარალებული მოსახლეობის მხარდაჭერას გამყოფი ხაზის ორივე მხარეს, მათ სოციალურ-ეკონომიკურ გაძლიერებასა და რაც ყველაზე მნიშვნელოვანია, მავთულხლართებით ხელოვნურად დაშორებულ მოსახლეობას შორის ნდობის აღდგენას“, - განაცხადა კობა კობალაძემ.

მან ასევე, ისაუბრა 2019-2020 წლების სამთავრობო გეგმაში გაწერილ სხვა პრიორიტეტული მიმართულებებზე. განსაკუთრებით ხაზი გაუსვა მშვიდობიანი ფორმით დეოკუპაციის, განათლების, სპორტისა და კულტურის, ეკონომიკის განვითარების, სოციალური პოლიტიკის გამრავალფეროვნების, ჯანდაცვის პოლიტიკისა და ინფრასტრუქტურის მიმართულებით მთავრობის ხედვას.

„ჩვენი ხელისუფლების ერთ-ერთი მთავარი მიმართულება სამართლიანი და ძლიერი საქართველოს მშენებლობაა. ამ მიზნის მიღწევა კი, საინვესტიციო გარემოს შემდგომ განვითარებაზე, მცირე და საშუალო ბიზნესის ხელშეწყობასა და ინფრასტრუქტურის სწრაფ განვითარებაზე გადის, რისი ლოგიკური შედეგი სოციალური პოლიტიკის გაუმჯობესება, უმუშევრობის შემცირება უნდა იყოს“, - განაცხადა ფრაქციის წარმომადგენელმა. მან ასევე, ყურადღება გაამახვილა იმ გამოწვევებზე რომელიც სიღარიბის დაძლევის კუთხით საქართველოს მთელ რიგ რეგიონებში არსებობს. მისი თქმით, სამთავრობო გეგმაში დეტალურად არის წარდგენილი ხედვა რეგიონების განვითარებაში უთანასწორობის აღმოფხვრის მექანიზმის შესახებ, დიდი ყურადღება ეთმობა ოკუპირებულ ტერიტორიებთან არსებულ დასახლებებს.

„ადგილობრივი დონეზე მასშტაბური ინფრასტრუქტურული პროექტების განხორციელება, შიდა ინფრასტუქტურის განვითარება და ტურისტული პოტენციალის ხელშეწყობა, რეგიონებში მოსახლეობის სოციალური ფონის მკვეთრ გაუმჯობესებას გამოიწვევს“, - განაცხადა კობა კობალაძემ.

მისივე თქმით, მსგავსი მშვიდობიანი და მოსახლეობის კეთილდღეობაზე ორიენტირებული ნაბიჯები მოაგვარებს ხიდჩატეხილობასა და ნიჰილიზმის განცდას და არა ქვეყნის ოპოზიციის რევანშისტული სულისკვეთებით და პანიკური სიცრუით გაჯერებული რიტორიკა, არაფრისმომცემი აგრესიული ქმედებები, რაც ოკუპაციის ცეცხლზე ნავთის დასხმის პოლიტიკას ემსახურება და უსუსური მცდელობაა თავიანთი ანტისახელმწიფოებრივი ქმედებების სხვაზე გადაბრალებისა.

კობა კობალაძის განცხადებით, ხელისუფლების ერთ-ერთი მნიშვნელოვანი მიღწევა უკავშირდება საყოველთაო სოციალური პასუხისმგებლობის იდეაზე დაფუძნებულ საყოველთაო ჯანდაცვის პოლიტიკის ამოქმედებას.
FaceBook Twitter Digg MySpace Delicious Google ელფოსტაბეჭდვა

ინტერვიუ
ინტერვიუ სალომე ზურაბიშვილთან: დავით-გარეჯთან დაკავშირებით ზოგიერთი მხარის რეაქციები ძალიან გამიკვირდა
18:10 01.05.2019
ინტერვიუში საქართველოს პრეზიდენტი სალომე ზურაბიშვილი ქვეყნის პოლიტიკურ ცხოვრებაში საკუთარ როლზე, მეზობელ
ინტერვიუ
ინტერვიუ მიხეილ სააკაშვილთან: პირველი, რაც ზელენსკიმ უნდა გააკეთოს ისაა, რომ პოროშენკოს კლანი ციხეში ჩასვას
12:14 22.04.2019
რუსეთის ტელეკომპანია «Дождь»-ის შოუ-პროგრამაში «Здесь и сейчас» ისაუბრა საქართველოს ექს-პრეზიდენტმა და უკრაინის
ინტერვიუ
აშშ - ნატოს წევრი თუ ნატოს „ხაზეინი“?-ინტერვიუ თურქ გენერალთან
13:38 20.04.2019
ყველამ კარგად იცის, თუ რა წონა აქვს ამერიკის შეერთებულ შტატებს ნატოში და რა ძალას ფლობს ვაშინგტონი. ეს ყველაფერი
ინტერვიუ
ინტერვიუ ჰანს ბინენდაიკთან: ნატოში გაწევრიანება დღეს ან ხვალ არ მოხდება,თუმცა საქართველომ იმედი უნდა შეინარჩუნოს
13:25 20.04.2019
ნატომ თავისი არსებობის 70 წლის მანძილზე დროს გაუძლო და ისტორიაში ყველაზე წარმატებულ სამხედრო-პოლიტიკურ ალიანსად
ინტერვიუ
ალექსი პუშკოვი: როგორი პოლიტიკა უნდა გაატაროს მოსკოვმა პოსტსაბჭოთა სივრცეში
18:31 15.04.2019
გაზეთ „კომსომოლსკაია პრავდა“-ს კორესპონდენტი ალექსანდრე გამოვი რუსეთის ფედერაციის საბჭოს საინფორმაციო პოლიტიკის
ინტერვიუ
ინტერვიუ მიხეილ სააკაშვილთან: პირველ აპრილს უკრაინაში ჩასვლას ვგეგმავ, ბილეთიც ნაყიდი მაქვს
11:41 13.03.2019
უკრაინის ტელეკომპანია «Наш»-ის გადაცემაში «В гостьях у Дмитрия Гордона» ცნობილი უკრაინელი ჟურნალისტი
ინტერვიუ
ირანული გაზის ტრანზიტი სომხეთის გავლით: როგორი პოზიცია აქვს საქართველოს?
14:33 05.03.2019
ირანში სომხეთის პრემიერ-მინისტრის ნიკოლ ფაშინიანის ამასწინანდელი ვიზიტის დროს, პრეზიდენტ ჰასან რუჰანთან
ინტერვიუ
ინტერვიუ დევიდ სალვოსთან: ჩვენ ხელიდან გავუშვით შესაძლებლობა, რომ გვეპასუხა საქართველოში რუსეთის სამხედრო აგრესიისთვის
14:18 05.03.2019
როგორ ახდენს გავლენას კრემლის მიერ დაფინანსებული და მართული მედია 40-მდე სხვადასხვა ქვეყნის შიდა
ინტერვიუ
ექსკლუზიური ინტერვიუ სალომე ზურაბიშვილთან: სიტუაცია ძალიან რთულია და სამწუხაროდ, ჩვენ არ გვაქვს დიდი შესაძლებლობები წინ აღვუდგეთ ამ პროცესს
13:15 28.02.2019
ბაქოში მყოფმა საქართველოს პრეზიდენტმა სალომე ზურაბიშვილმა ინტერვიუ მისცა აზერბაიჯანის სახელმწიფო
ინტერვიუ
ინტერვიუ რუსეთში ნატოს ყოფილ წარმომადგენელთან: ტრამპმა მითითება გასცა, რომ ალიანსში საქართველოსა და უკრაინის მიღების მიზნით გამოსავალი იპოვონ
14:19 15.02.2019
ნატოს ექს-წარმომადგენელი რუსეთში ჰარი ტაბახი უკრაინული გამოცემა «Апостроф»-ის კორესპონდენტის ეკატერინე
ინტერვიუ
ინტერვიუ გენერალ ბენ ჰოჯესთან: საქართველოს 20% ოკუპირებულია, მაგრამ ნატოს მისთვის წევრობის შეთავაზებისთვის პრეცედენტი აქვს... და ეს გერმანიაა
13:01 12.02.2019
შავი ზღვის უსაფრთხოება აღმოსავლეთ ევროპის სტაბილურობის ერთ-ერთი საფუძველია. უკრაინაში რუსეთის აგრესიის