მამუკა ბახტაძე: ერის კონსოლიდაციით, მუხლჩაუხრელი შრომით, საერთაშორისო თანამეგობრობასთან ერთად თანმიმდევრული პოლიტიკით და მშვიდობიანი განვითარებით ჩვენ საქართველოს სრულ დეოკუპაციას მივაღწევთ
მამუკა ბახტაძე: ერის კონსოლიდაციით, მუხლჩაუხრელი შრომით, საერთაშორისო თანამეგობრობასთან ერთად თანმიმდევრული პოლიტიკით და მშვიდობიანი განვითარებით ჩვენ საქართველოს სრულ დეოკუპაციას მივაღწევთ
18:54 07.08.2019
აგვისტოს ომის 11 წლისთავთან დაკავშირებით, საქართველოს პრემიერ-მინისტრი, მამუკა ბახტაძე განცხადებას აქვეყნებს, რომელსაც უცვლელად გთავაზობთ:

„11 წელი გავიდა აგვისტოს ომიდან.

ეს იყო ომი, რომელსაც მოჰყვა რუსეთის მხრიდან საქართველოს ორი განუყოფელი რეგიონის ოკუპაცია, ასეულობით ქართული სოფლის განადგურება და ათეულობით ათასი დევნილი მოქალაქე. ამ ომმა შეიწირა ასეულობით ჩვენი მოქალაქის, მათ შორის, მშვიდობიანი მოსახლეობის სიცოცხლე და დაგვიტოვა მოუშუშებელი ტკივილი.

ნებისმიერი ხელისუფლების უზენაესი ამოცანაა დაიცვას საკუთარი მოქალაქეების სიცოცხლე, უზრუნველყოს მშვიდობა და აარიდოს ქვეყანას განსაცდელი.

სამწუხაროდ, მაშინდელმა უპასუხისმგებლო ხელისუფლებამ ეს არათუ არ გააკეთა, არამედ თავისი ანტისახელმწიფოებრივი პოლიტიკით, საოკუპაციო გეგმის განხორციელება გახადა შესაძლებელი.

ჩვენი ერის კონსოლიდაციით, მუხლჩაუხრელი შრომით, გაცხადებული მიზნების მიღწევით, საერთაშორისო თანამეგობრობასთან ერთად თანმიმდევრული პოლიტიკის წარმოებით და მშვიდობიანი განვითარებით ჩვენ მივაღწევთ საქართველოს სრულ დეოკუპაციას.

პატივს მივაგებ დაღუპულთა ხსოვნას და ჩვენი გმირების უკვდავ სახელებს.

დიდება გმირებს!“-ნათქვამია პრემიერის განცხადებაში.

ბეჭდვა