logo2
logo2
logo2
არქივი
logo2
logo2
კახა კუჭავა: მნიშვნელოვანია, ჩამოყალიბდეს ერთიანი ეროვნული მიდგომა ატმოსფერული ჰაერის ხარისხის გაუმჯობესების მიმართულებით
კახა კუჭავა: მნიშვნელოვანია, ჩამოყალიბდეს ერთიანი ეროვნული მიდგომა ატმოსფერული ჰაერის ხარისხის გაუმჯობესების მიმართულებით
17:17 02.05.2019
დედაქალაქში ატმოსფერული ჰაერის დაბინძურების ძირითადი წყაროების შესახებ პარლამენტის გარემოს დაცვისა და ბუნებრივი რესურსების კომიტეტმა საპილოტე პროექტის ფარგლებში პირველი თემატური მოკვლევა ჩაატარა.

თემატური მოკვლევის ანგარიში 6 მაისს ბიუროს სხდომას წარედგინება.

საკითხთან დაკავშირებით გარემოს დაცვისა და ბუნებრივი რესურსების კომიტეტის თავმჯდომარემ, კახა კუჭავამ, ბრიფინგი გამართა.

"პირველი თემატური მოკვლევა თბილისში ატმოსფერული ჰაერის ხარისხის შესწავლასთან დაკავშირებით ჩავატარეთ. თემატური მოკვლევა განხორციელდა გაეროს განვითარების პროგრამის, შვედეთის მთავრობის ხელშეწყობით და ვესტმინსტერის დემოკრატიის ფონდთან თანამშრომლობით და მათ დიდ მადლობას ვუხდი მხარდაჭერისთვის. ყველაზე მნიშვნელოვანი, რაც ამ პროცესს ახლდა, ეს იყო მაღალი საზოგადოებრივი ჩართულობა. ჩვენ მივიღეთ დაახლოებით 20 დასაბუთებული მოსაზრება და გვქონდა დაახლოებით 19 ზეპირი მოსმენა, რომლებიც პირდაპირ ეთერში გადაიცემოდა. მართალია თემატური მოკვლევა შეეხება ატმოსფერული ხარისხის მდგომარეობას თბილისში, თუმცა მოიცვა სხვა საკითხებიც, რომლებიც დაკავშირებული იყო მთლიანად ჰაერის საკითხის ხარისხთან", - განაცხადა კახა კუჭავამ.

კომიტეტის თავმჯდომარის განცხადებით, უმთავრესი რეკომენდაცია და ერთ-ერთი მნიშვნელოვანი მიგნება არის ის, რომ მნიშვნელოვანია, ჩამოყალიბდეს ერთიანი ეროვნული მიდგომა ამ საკითხისადმი - გაუმჯობესდეს კოორდინაცია იმ უწყებებს შორის, რომლებიც ამ საკითხში არიან ჩართული, იქნება ეს მონიტორინგი თუ აღსრულების ნაწილში.

"აუცილებელია შემუშავდეს პროგრამა, რომლის მიხედვითაც ვადებში იქნება გაწერილი და გვეცოდინება თუ რა ღონისძიებები განხორციელდება იმისათვის, რომ ეკოლოგიურად სუფთა ტრანსპორტით ჩავანაცვლოთ საქართველოში არსებული ავტოპარკი. რა თქმა უნდა, მისასალმებელი იქნება ის ფაქტი, თუ კი ეს პროცესი დაიწყება სახელმწიფო უწყებებში არსებული ავტოტრანსპორტის ჩანაცვლებით, რომელიც ერთ-ერთ რეკომენდაციას წარმოადგენს", - განაცხადა კახა კუჭავამ.

მისი ინფორმაციით, საკომიტეტო მოკვლევისას აღმოჩენილი იყო შემდეგი ძირითადი მიგნებები: ჰაერის ერთ-ერთი მთავარი დამბინძურებელია ავტოტრანსპორტის გამონაბოლქვი, მშენებლობები, სამშენებლო მტვერი და ბუნებრივი მტვერი. ასევე დგას გამწვანების, ტენიანობის და ქუჩების მორწყვის პრობლემა, საწვავის ხარისხი, მონიტორინგი საწვავის ხარისხზე. გარდა ამისა იყო ახალი, მნიშვნელოვანი აღმოჩენები ჰაერის ხარისხის გაუმჯობესების კუთხით, როგორიცაა თბომომარაგების ქვაბების პრობლემა, აზბესტის ხუნდები, რომლებიც კახა კუჭავას თქმით, სამწუხაროდ, სახელმწიფო შესყიდვებითაც კი ხორციელდება დღესაც და ჰაერში მავნე ნაწილაკების გაფრქვევის ერთ-ერთ მნიშვნელოვან კომპონენტს წარმოადგენს, პრობლემაა საბურავები, პიროტექნიკა, ფოიერვერკები და სხვა.

"საქართველოში აზბესტის შემცველი პროდუქციის წარმოება თითქმის 20 წელია შეწყდა, თუმცა, სამწუხაროდ, არ შეწყვეტილა იმპორტი და აუცილებელია, რომ ქმედითი ნაბიჯები გადაიდგას, რომ აზბესტთან დაკავშირებული პრობლემა ქვეყანაში ერთხელ და სამუდამოდ აღმოიფხვრას", - განაცხადა კომიტეტის თავმჯდომარემ.

ანგარიშის მიხედვით ცალკე თავი ეთმობა დაბინძურებული ჰაერის ზემოქმედებას ჯანმრთელობაზე. დეტალურად მიმოხილულია ის პრობლემები, რომლებიც დაკავშირებულია დაბინძურებული ჰაერით გამოვლენილ პრობლემებთან, და ასეთი დაავადებების ყველაზე დიდი ნაწილი თბილისზე მოდის.

"ჩვენთვის მნიშვნელოვანია, რომ ამ პროცესში ჩართული იყოს ყველა, ვგულისხმობთ ამ ანგარიშით წარმოდგენილი რეკომენდაციების შესრულების პროცესს. რეკომენდაციებში მითითებულია კონკრეტული ვადები, ის უწყებები, რომლებმაც უშუალოდ უნდა განახორციელონ ეს რეკომენდაციები. იმ შემთხვევაში თუ ისინი თვლიან, რომ ესა თუ ის რეკომენდაცია ვერ იქნება ამ ვადაში გათვალისწინებული, ან მიზანშეუწონლად მიაჩნიათ, აუცილებელია არგუმენტირებულად დაასაბუთონ და ამის შესახებ წარმოუდგინონ ანგარიში კომიტეტს და თუ საჭირო იქნება გაიმართება დამატებითი საკომიტეტო მოსმენები ამასთან დაკავშირებით", - განაცხადა კახა კუჭავამ.

კომიტეტის თავმჯდომარემ მადლობა გადაუხადა ყველას, ვინც ჩართული იყო ამ პროცესებში - დონორ ორგანიზაციებს, ფიზიკურ და იურიდიულ პირებს, არასამთავრობო ორგანიზაციებს, სახელმწიფო უწყებებს. "ძალიან საინტერესო იყო ზეპირი მოსმენები, რომლებიც ახლაც არის ხელმისაწვდომი ვებგვერდის მეშვეობით და დარწმუნებული ვარ, რომ საერთო ძალისხმევით, ამ რეკომენდაციების შესრულებით, თბილისში ძალიან მალე მივიღებთ სუფთა ჰაერს", - განაცხადა კახა კუჭავამ. ბიუროს სხდომაზე წარდგენის შემდეგ ანგარიში პარლამენტის ვებგვერდზე აიტვირთება და ნებისმიერი დაინტერესებული პირისთვის ხელმისაწვდომი იქნება.
FaceBook Twitter Digg MySpace Delicious Google ელფოსტაბეჭდვა

ინტერვიუ
ინტერვიუ სალომე ზურაბიშვილთან: დავით-გარეჯთან დაკავშირებით ზოგიერთი მხარის რეაქციები ძალიან გამიკვირდა
18:10 01.05.2019
ინტერვიუში საქართველოს პრეზიდენტი სალომე ზურაბიშვილი ქვეყნის პოლიტიკურ ცხოვრებაში საკუთარ როლზე, მეზობელ
ინტერვიუ
ინტერვიუ მიხეილ სააკაშვილთან: პირველი, რაც ზელენსკიმ უნდა გააკეთოს ისაა, რომ პოროშენკოს კლანი ციხეში ჩასვას
12:14 22.04.2019
რუსეთის ტელეკომპანია «Дождь»-ის შოუ-პროგრამაში «Здесь и сейчас» ისაუბრა საქართველოს ექს-პრეზიდენტმა და უკრაინის
ინტერვიუ
აშშ - ნატოს წევრი თუ ნატოს „ხაზეინი“?-ინტერვიუ თურქ გენერალთან
13:38 20.04.2019
ყველამ კარგად იცის, თუ რა წონა აქვს ამერიკის შეერთებულ შტატებს ნატოში და რა ძალას ფლობს ვაშინგტონი. ეს ყველაფერი
ინტერვიუ
ინტერვიუ ჰანს ბინენდაიკთან: ნატოში გაწევრიანება დღეს ან ხვალ არ მოხდება,თუმცა საქართველომ იმედი უნდა შეინარჩუნოს
13:25 20.04.2019
ნატომ თავისი არსებობის 70 წლის მანძილზე დროს გაუძლო და ისტორიაში ყველაზე წარმატებულ სამხედრო-პოლიტიკურ ალიანსად
ინტერვიუ
ალექსი პუშკოვი: როგორი პოლიტიკა უნდა გაატაროს მოსკოვმა პოსტსაბჭოთა სივრცეში
18:31 15.04.2019
გაზეთ „კომსომოლსკაია პრავდა“-ს კორესპონდენტი ალექსანდრე გამოვი რუსეთის ფედერაციის საბჭოს საინფორმაციო პოლიტიკის
ინტერვიუ
ინტერვიუ მიხეილ სააკაშვილთან: პირველ აპრილს უკრაინაში ჩასვლას ვგეგმავ, ბილეთიც ნაყიდი მაქვს
11:41 13.03.2019
უკრაინის ტელეკომპანია «Наш»-ის გადაცემაში «В гостьях у Дмитрия Гордона» ცნობილი უკრაინელი ჟურნალისტი
ინტერვიუ
ირანული გაზის ტრანზიტი სომხეთის გავლით: როგორი პოზიცია აქვს საქართველოს?
14:33 05.03.2019
ირანში სომხეთის პრემიერ-მინისტრის ნიკოლ ფაშინიანის ამასწინანდელი ვიზიტის დროს, პრეზიდენტ ჰასან რუჰანთან
ინტერვიუ
ინტერვიუ დევიდ სალვოსთან: ჩვენ ხელიდან გავუშვით შესაძლებლობა, რომ გვეპასუხა საქართველოში რუსეთის სამხედრო აგრესიისთვის
14:18 05.03.2019
როგორ ახდენს გავლენას კრემლის მიერ დაფინანსებული და მართული მედია 40-მდე სხვადასხვა ქვეყნის შიდა
ინტერვიუ
ექსკლუზიური ინტერვიუ სალომე ზურაბიშვილთან: სიტუაცია ძალიან რთულია და სამწუხაროდ, ჩვენ არ გვაქვს დიდი შესაძლებლობები წინ აღვუდგეთ ამ პროცესს
13:15 28.02.2019
ბაქოში მყოფმა საქართველოს პრეზიდენტმა სალომე ზურაბიშვილმა ინტერვიუ მისცა აზერბაიჯანის სახელმწიფო
ინტერვიუ
ინტერვიუ რუსეთში ნატოს ყოფილ წარმომადგენელთან: ტრამპმა მითითება გასცა, რომ ალიანსში საქართველოსა და უკრაინის მიღების მიზნით გამოსავალი იპოვონ
14:19 15.02.2019
ნატოს ექს-წარმომადგენელი რუსეთში ჰარი ტაბახი უკრაინული გამოცემა «Апостроф»-ის კორესპონდენტის ეკატერინე
ინტერვიუ
ინტერვიუ გენერალ ბენ ჰოჯესთან: საქართველოს 20% ოკუპირებულია, მაგრამ ნატოს მისთვის წევრობის შეთავაზებისთვის პრეცედენტი აქვს... და ეს გერმანიაა
13:01 12.02.2019
შავი ზღვის უსაფრთხოება აღმოსავლეთ ევროპის სტაბილურობის ერთ-ერთი საფუძველია. უკრაინაში რუსეთის აგრესიის