logo2
logo2
logo2
არქივი
« აპრილი 2019 »
ორ სა ოთ ხუ პა შა კვ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30
logo2
logo2
მამუკა ბახტაძე რუმინეთთან ურთიერთობის სტრატეგიულ დონეზე გადაყვანის ინიციატივით გამოვიდა
მამუკა ბახტაძე რუმინეთთან ურთიერთობის სტრატეგიულ დონეზე გადაყვანის ინიციატივით გამოვიდა
17:55 15.04.2019
საქართველო რუმინეთთან ურთიერთობის სტრატეგიულ დონეზე გადაყვანის ინიციატივით გამოდის, - აღნიშნული პოზიცია საქართველოს პრემიერ-მინისტრმა მამუკა ბახტაძემ რუმინელ კოლეგა ვასილიკა-ვიორიკა დენჩილასთან შეხვედრისას დააფიქსირა.
მთავრობის მეთაურმა აღნიშნა, რომ რუმინეთი საქართველოს გამორჩეული პარტნიორი და მეგობარი ქვეყანაა და ურთიერთობების სტრატეგიულ დონეზე გადაყვანა ორმხრივი ინტერესების სფეროში არსებული საკითხების უკეთ გადაწყვეტას შეუწყობს ხელს.

საუბრისას ყურადღება გამახვილდა ორ ქვეყანას შორის არსებულ მაღალი დონის პოლიტიკურ დიალოგზე და ეკონომიკური თანამშრომლობის კიდევ უფრო განვითარების კუთხით არსებულ პოტენციალზე. პრემიერ-მინისტრებმა ხაზი გაუსვეს ევროპული და ევროატლანტიკური ინტეგრაციის გზაზე საქართველოს მიერ მიღწეულ პროგრესს და შავი ზღვის უსაფრთხოების მნიშვნელობას საერთო ევროატლანტიკური უსაფრთხოების უზრუნველყოფაში.

გაფართოებული ფორმატის მოლაპარაკებისას, რომელშიც ორი ქვეყნის მთავრობის წევრები მონაწილეობდნენ, საუბარი შეეხო კასპიის ზღვა-შავი ზღვის საერთაშორისო სატრანსპორტო დერეფნის განვითარების მნიშვნელობას და ამ კუთხით წინგადადგმულ ნაბიჯად შეფასდა ბუქარესტის პოლიტიკური განცხადება, რომელსაც მარტში საქართველოს, რუმინეთის, აზერბაიჯანისა და თურქმენეთის საგარეო საქმეთა მინისტრებმა მოაწერეს ხელი. ასევე აღინიშნა საქართველოს პორტებისა და რუმინეთის კონსტანცას პორტის თანამშრომლობის განსაკუთრებული მნიშვნელობა, რაც საქართველოსა და რუმინეთის ტერიტორიების გავლით ევროპისა და აზიის დაკავშირებისა და საერთაშორისო სატრანსპორტო დერეფნების დივერსიფიკაციის შესაძლებლობას იძლევა. რუმინეთის პრემიერ-მინისტრმა ქართველ კოლეგას აღნიშნული ინიციატივის მხარდაჭერისთვის მადლობა გადაუხადა.

დადებითად შეფასდა ევროკავშირის საბჭოში რუმინეთის პრეზიდენტობის აქტიური ძალისხმევა, რომელიც მიმართულია ევროკავშირის დღის წესრიგში „აღმოსავლეთ პარტნიორობის" მაღალ დონეზე შენარჩუნებისკენ.

"რუმინეთი ევროპულ და ევროატლანტიკურ სივრცეში საქართველოს ინტეგრაციის ძალიან ძლიერი მხარდამჭერია. დარწმუნებული ვარ, საქართველო საკუთარი ძალისხმევით გახდება ევროკავშირის სრულფასოვანი წევრი და ჩვენ, როგორც ევროკავშირის თავმჯდომარე ქვეყანა, მხარს დაგიჭერთ ამ გზაზე, ისევე როგორც ჩრდილოატლანტიკური ინტეგრაციის პროცესში. საქართველოს წვლილი ევროატლანტიკურ უსაფრთხოებაში შეუფასებელია, რისთვისაც მადლობას გიხდით", - განაცხადა შეხვედრისას რუმინეთის პრემიერ-მინისტრმა.

საუბარი შეეხო რეგიონულ გამოწვევებს და საქართველოს ოკუპირებულ ტერიტორიებზე არსებულ ვითარებას. პრემიერმა რუმინეთის მთავრობას საქართველოს სუვერენიტეტისა და ტერიტორიული მთლიანობის მტკიცე მხარდაჭერისთვის მადლობა გადაუხადა.
შეხვედრის დასრულების შემდეგ საქართველოსა და რუმინეთს შორის კულტურის სფეროში თანამშრომლობის შესახებ შეთანხმება გაფორმდა. დოკუმენტს საქართველოს საგარეო საქმეთა მინისტრმა დავით ზალკალიანმა და რუმინეთის კულტურისა და ეროვნული იდენტობის მინისტრმა ვალერ დანიელ ბრეაზმა მოაწერეს ხელი.

FaceBook Twitter Digg MySpace Delicious Google ელფოსტაბეჭდვა

ინტერვიუ
ალექსი პუშკოვი: როგორი პოლიტიკა უნდა გაატაროს მოსკოვმა პოსტსაბჭოთა სივრცეში
18:31 15.04.2019
გაზეთ „კომსომოლსკაია პრავდა“-ს კორესპონდენტი ალექსანდრე გამოვი რუსეთის ფედერაციის საბჭოს საინფორმაციო პოლიტიკის
ინტერვიუ
ინტერვიუ მიხეილ სააკაშვილთან: პირველ აპრილს უკრაინაში ჩასვლას ვგეგმავ, ბილეთიც ნაყიდი მაქვს
11:41 13.03.2019
უკრაინის ტელეკომპანია «Наш»-ის გადაცემაში «В гостьях у Дмитрия Гордона» ცნობილი უკრაინელი ჟურნალისტი
ინტერვიუ
ირანული გაზის ტრანზიტი სომხეთის გავლით: როგორი პოზიცია აქვს საქართველოს?
14:33 05.03.2019
ირანში სომხეთის პრემიერ-მინისტრის ნიკოლ ფაშინიანის ამასწინანდელი ვიზიტის დროს, პრეზიდენტ ჰასან რუჰანთან
ინტერვიუ
ინტერვიუ დევიდ სალვოსთან: ჩვენ ხელიდან გავუშვით შესაძლებლობა, რომ გვეპასუხა საქართველოში რუსეთის სამხედრო აგრესიისთვის
14:18 05.03.2019
როგორ ახდენს გავლენას კრემლის მიერ დაფინანსებული და მართული მედია 40-მდე სხვადასხვა ქვეყნის შიდა
ინტერვიუ
ექსკლუზიური ინტერვიუ სალომე ზურაბიშვილთან: სიტუაცია ძალიან რთულია და სამწუხაროდ, ჩვენ არ გვაქვს დიდი შესაძლებლობები წინ აღვუდგეთ ამ პროცესს
13:15 28.02.2019
ბაქოში მყოფმა საქართველოს პრეზიდენტმა სალომე ზურაბიშვილმა ინტერვიუ მისცა აზერბაიჯანის სახელმწიფო
ინტერვიუ
ინტერვიუ რუსეთში ნატოს ყოფილ წარმომადგენელთან: ტრამპმა მითითება გასცა, რომ ალიანსში საქართველოსა და უკრაინის მიღების მიზნით გამოსავალი იპოვონ
14:19 15.02.2019
ნატოს ექს-წარმომადგენელი რუსეთში ჰარი ტაბახი უკრაინული გამოცემა «Апостроф»-ის კორესპონდენტის ეკატერინე
ინტერვიუ
ინტერვიუ გენერალ ბენ ჰოჯესთან: საქართველოს 20% ოკუპირებულია, მაგრამ ნატოს მისთვის წევრობის შეთავაზებისთვის პრეცედენტი აქვს... და ეს გერმანიაა
13:01 12.02.2019
შავი ზღვის უსაფრთხოება აღმოსავლეთ ევროპის სტაბილურობის ერთ-ერთი საფუძველია. უკრაინაში რუსეთის აგრესიის
ინტერვიუ
ინტერვიუ აზერბაიჯანის ტურიზმის ასოციაციის ხელმძღვანელთან: საქართველოს წარმატება ტურიზმის სფეროში ჩვენთვისაც სასარგებლოა
17:08 03.02.2019
ინტერვიუში აზერბაიჯანის ტურიზმის ასოციაციის თავმჯდომარე ნაჰიდ ბაგიროვი ჟურნალისტ ლეილა მურადს
ინტერვიუ