logo2
logo2
logo2
არქივი
logo2
logo2
აგრარულ საკითხთა კომიტეტმა სასოფლო-სამეურნეო დანიშნულების მიწის საკუთრებასთან დაკავშირებით საკანონმდებლო პაკეტი წარადგინა
აგრარულ საკითხთა კომიტეტმა სასოფლო-სამეურნეო დანიშნულების მიწის საკუთრებასთან დაკავშირებით საკანონმდებლო პაკეტი წარადგინა
18:22 27.02.2019
აგრარულ საკითხთა კომიტეტის სხდომაზე „სასოფლო-სამეურნეო დანიშნულების მიწის საკუთრების შესახებ“ საქართველოს ორგანული კანონის პროექტის ინიცირება მოხდა.

მთავარი კანონპროექტი, თანმდევ კანონპროექტებთან ერთად, კომიტეტის სხდომაზე დამსწრე საზოგადოებას კანონპროექტის ავტორმა, აგრარულ საკითხთა კომიტეტის თავმჯდომარემ, ოთარ დანელიამ წარუდგინა.

ოთარ დანელიას განცხადებით, წარმოდგენილი კანონპროექტი დაეყრდნო საკონსტიტუციო ჩანაწერს - „სასოფლო-სამეურნეო დანიშნულების მიწა, როგორც განსაკუთრებული მნიშვნელობის რესურსი, შეიძლება იყოს მხოლოდ სახელმწიფოს, თვითმმართველი ერთეულის, საქართველოს მოქალაქის, ან საქართველოს მოქალაქეთა გაერთიანების საკუთრებაში“, რომელიც დღეს მოქმედ კონსტიტუციაშია ასახული. შესაბამისად, მომზადდა ორი კანონპროექტი, ერთი არის ორგანული კანონი, რომელიც აღნიშნულ საკითხს პრინციპების დონეზე არეგულირებს, განსაზღვრავს მის შესაბამის კრიტერიუმებს, მეორე გახლავს „მიწის მიზნობრივი დანიშნულების, განსაზღვრის და სასოფლო-სამეურნეო დანიშნულების მიწის მდგრადი მართვის შესახებ“ კანონპროექტი, მათგან გამომდინარე ცვლილებები შედის რამდენიმე მოქმედ კანონში.

„კანონის მიღების მიზანი არის მიწის, როგორც განსაკუთრებული რესურსის რაციონალური გამოყენების პრინციპების დადგენა, მიწის მდგრადი მართვის სახელმწიფო პოლიტიკის ძირითადი მიმართულებების განსაზღვრა, მიწის სტატუსის და მიწაზე საკუთრების უფლების გამჭვირვალე და ერთიანი პრაქტიკული სისტემის შექმნა. ძირითად არსს წარმოადგენს წინამდებარე კანონის საფუძველზე მიწაზე სახელმწიფო საკუთრების პოლიტიკის შემუშავება და, რა თქმა უნდა, ქვეყნის ისტორიული, ტრადიციული გამოცდილების გათვალისწინება. მოცემულია რეგულირების სფერო, ტერმინთა განმარტებები. კანონპროექტი ასევე განსაზღვრავს მიწაზე საკუთრების უფლებას სასოფლო-სამურნეო დანიშნულების ნაწილში, ეს გახლავს სახელმწიფოს, ავტონომიური რესპუბლიკის, მუნიციპალიტეტის საკუთრება, ეს გახლავს - საჯარო სამართლის იურიდიული პირის, რელიგიური თუ პოლიტიკური გაერთიანების, საქართველოს მოქალაქის საკუთრება, საქართველოში რეგისტრირებული კერძო სამართლის იურიდიული პირის საკუთრება თუ მისი დომინანტი პარტნიორი არის საქართველოს მოქალაქე და ქართული სუბიექტი“ - განაცხადა ოთარ დანელიამ კანონპროექტის წარდგენისას ძირითად პრინციპებზე საუბრისას.

ორგანული კანონპროექტი ეფუძნება შემდეგ ძირითად პრინციპებს:

საკუთრების უფლების დადგენა სასოფლო-სამეურნეო დანიშნულების მიწაზე საჯარო და კერძო ინტერესების დაცვით;

მიწის მდგრადი მართვის სახელმწიფო პოლიტიკის ხელშეწყობა;

ეროვნული უსაფრთხოების პოლიტიკის დაცვა;

ადგილობრივი მეურნეობის განვითარება.

ოთარ დანელიამ ისაუბრა იმ საკითხებზე, რომლებსაც წარმოდგენილი კანონპროექტები აგვარებს, მათ შორის, ეროვნული და სურსათის უსაფრთხოების საკითხები, ლიკვიდური აქტივის საკითხი, მიწის მაქსიმალურად რაციონალურად გამოყენების საკითხი და სხვა. კანონით შემოდის საჯარიმო სანქციები მიწის არდამუშავების შემთხვევაში და ეს, ოთარ დანელიას განცხადებით, არის აუცილებელი პირობა იმისათვის, რომ შეიქმნას უფრო მეტი სტიმული მიწის დამუშავებისთვის.

როგორც ოთარ დანელიამ განაცხადა, კომიტეტი ინიციატივით გამოდის, რომ შეიქმნას მიწის მართვის ეროვნული სააგენტო, რომელიც სასოფლო-სამეურნეო დანიშნულების მიწების ბალანსების შედგენიდან დაწყებული, მისი კლასიფიკაციისა თუ სტატუსების ფარგლებში გააკეთებს შესაბამის ანალიზს. მისი თქმით, დღეს სამწუხაროდ, არავინ იცის თუ ზუსტად რამდენია ქვეყანაში სასოფლო-სამეურნეო დანიშნულების მიწა, ხშირად არის სტატუსების ცვლილების პრობლემა და სხვა საკითხები, რომლებიც სააგენტომ უნდა გადაწყვიტოს.

„მოკლე მონახაზს თუ გავაკეთებთ: პირველი - კონსტიტუციის თანახმად, იკრძალება სასოფლო-სამეურნეო დანიშნულების მიწის საკუთრების უფლება უცხო ქვეყნის მოქალაქე ფიზიკურ პირებზე; მეორე - იურიდიული პირების შემთხვევაში საქართველოს მოქალაქეს ან მოქალაქეთა ჯგუფს უნდა ჰქონდეს დომინანტი პარტნიორის სტატუსი, რათა აღნიშნულ სუბიექტს ჰქონდეს სასოფლო-სამეურნეო დანიშნულების მიწის საკუთრების უფლება; მემკვიდრეობით გადაცემასთან დაკავშირებით ჩვენ პირიქით ვახალისებთ ამ უფლებას და პრობლემა ამ ნაწილში მოქალაქეებს არ ექნებათ; არ ვითვალისწინებთ აღნიშნული უფლების გადაცემას ქორწინების შედეგად მიღებული უფლების ნაწილში, ვინაიდან ვხედავთ ძალიან მაღალ რისკებს და ბოლოს, მთავრობის დისკრეციის ნაწილში წარმოდგენილი უნდა იქნეს საინვესტიციო გეგმა კანონის მიხედვით, რომლის კრიტერიუმები და პირობები უნდა განსაზღვროს საქართველოს მთავრობამ“, - განაცხადა ოთარ დანელიამ.

კომიტეტის თავმჯდომარის აზრით, ორგანული კანონი მიღებისთანავე უნდა შევიდეს ძალაში.

ოთარ დანელიამ დამატებითი განმარტებები გააკეთა პარლამენტის წევრებისა და დამსწრე საზოგადოების წარმომადგენელთა კითხვებზე პასუხისას, რის შემდეგაც ცალკეულმა დეპუტატებმა პოზიციები დააფიქსირეს. რომან კაკულის განცხადებით, წარმოდგენილი კანონპროექტი ამ პარლამენტის მიერ მიღებული ერთ-ერთი გამორჩეული კანონპროექტი იქნება. კანონპროექტისადმი მხარდაჭერა დააფიქსირა დამოუკიდებელმა დეპუტატმა დავით ჭიჭინაძემ, თუმცა ასევე განაცხადა, რომ თუ კი სახელმწიფო ჯარიმას დააწესებს მიწის დაუმუშავებლობისათვის, ისიც უნდა უზრუნველყოს, რომ ფერმერისთვის ეს დამუშავება შესაძლებელი გახდეს.

სხდომაზე კითხვა იმის თაობაზეც დაისვა, თუ რამდენადაა მორგებული წარმოდგენილი კანონპროექტი ქართულ რეალობას.

„ჩვენ პირველ რიგში ალბათ უნდა შევთანხმდეთ იმაზე, რომ უნდა გავაკეთოთ ის, რაც სწორია ჩვენთვის, და მე ვფიქრობ, რომ ჩვენზე უკეთ ჩვენი ქვეყნისთვის როგორ სჯობია არავინ იცის. პირველ რიგში ამ მიმართულებით უნდა მივიღოთ გადაწყვეტილება“, - განაცხადა ოთარ დანელიამ დასასრულს.

მისი თქმით, პროცესი არის გამჭვირვალე და კომიტეტი, კანონპროექტის ავტორები მზად არიან დიალოგისთვის ნებისმიერ მხარესთან. მისივე თქმით აუცილებლად შემუშავდება ხელშეწყობის პროცედურები და ფერმერების დასახმარებლად რესურსს სახელმწიფო აუცილებლად გამონახავს, „ვინაიდან სოფლის მეურნეობის არც ერთი ძირითადი ქვეყანა, არც ერთი განვითარებული ქვეყანა და მათში სოფლის მეურნეობის დარგი არ ვითარდება სახელმწიფოს სწორი პოლიტიკის და დახმარების გარეშე. ასევე ძალიან მნიშვნელოვანია, რომ სისტემური მიდგომებით ვიაროთ, განვსაზღვროთ პრიორიტეტულობა რეგიონების მიხედვით, მოხდეს კლასიფიცირება და შედგეს კატალოგი თუ სად, რა მიმართულებით უნდა მოხდეს სახელმწიფოს ჩართულობა, რათა სახელმწიფო იყოს ხელშემწყობი ერთი მხრივ, მეორე მხრივ კი მოწესრიგდეს რეესტრი“, აღნიშნა კომიტეტის თავმჯდომარემ.

ოთარ დანელიას განცხადებით, კომიტეტის მიერ ინიცირებული საკანონმდებლო პაკეტი ბიუროს უახლოეს სხდომას წარედგინება, რის შემდეგაც დაიწყება განხილვები კომიტეტებში და პლენარულ სხდომაზე.


FaceBook Twitter Digg MySpace Delicious Google ელფოსტაბეჭდვა

ინტერვიუ
ინტერვიუ სალომე ზურაბიშვილთან: დავით-გარეჯთან დაკავშირებით ზოგიერთი მხარის რეაქციები ძალიან გამიკვირდა
18:10 01.05.2019
ინტერვიუში საქართველოს პრეზიდენტი სალომე ზურაბიშვილი ქვეყნის პოლიტიკურ ცხოვრებაში საკუთარ როლზე, მეზობელ
ინტერვიუ
ინტერვიუ მიხეილ სააკაშვილთან: პირველი, რაც ზელენსკიმ უნდა გააკეთოს ისაა, რომ პოროშენკოს კლანი ციხეში ჩასვას
12:14 22.04.2019
რუსეთის ტელეკომპანია «Дождь»-ის შოუ-პროგრამაში «Здесь и сейчас» ისაუბრა საქართველოს ექს-პრეზიდენტმა და უკრაინის
ინტერვიუ
აშშ - ნატოს წევრი თუ ნატოს „ხაზეინი“?-ინტერვიუ თურქ გენერალთან
13:38 20.04.2019
ყველამ კარგად იცის, თუ რა წონა აქვს ამერიკის შეერთებულ შტატებს ნატოში და რა ძალას ფლობს ვაშინგტონი. ეს ყველაფერი
ინტერვიუ
ინტერვიუ ჰანს ბინენდაიკთან: ნატოში გაწევრიანება დღეს ან ხვალ არ მოხდება,თუმცა საქართველომ იმედი უნდა შეინარჩუნოს
13:25 20.04.2019
ნატომ თავისი არსებობის 70 წლის მანძილზე დროს გაუძლო და ისტორიაში ყველაზე წარმატებულ სამხედრო-პოლიტიკურ ალიანსად
ინტერვიუ
ალექსი პუშკოვი: როგორი პოლიტიკა უნდა გაატაროს მოსკოვმა პოსტსაბჭოთა სივრცეში
18:31 15.04.2019
გაზეთ „კომსომოლსკაია პრავდა“-ს კორესპონდენტი ალექსანდრე გამოვი რუსეთის ფედერაციის საბჭოს საინფორმაციო პოლიტიკის
ინტერვიუ
ინტერვიუ მიხეილ სააკაშვილთან: პირველ აპრილს უკრაინაში ჩასვლას ვგეგმავ, ბილეთიც ნაყიდი მაქვს
11:41 13.03.2019
უკრაინის ტელეკომპანია «Наш»-ის გადაცემაში «В гостьях у Дмитрия Гордона» ცნობილი უკრაინელი ჟურნალისტი
ინტერვიუ
ირანული გაზის ტრანზიტი სომხეთის გავლით: როგორი პოზიცია აქვს საქართველოს?
14:33 05.03.2019
ირანში სომხეთის პრემიერ-მინისტრის ნიკოლ ფაშინიანის ამასწინანდელი ვიზიტის დროს, პრეზიდენტ ჰასან რუჰანთან
ინტერვიუ
ინტერვიუ დევიდ სალვოსთან: ჩვენ ხელიდან გავუშვით შესაძლებლობა, რომ გვეპასუხა საქართველოში რუსეთის სამხედრო აგრესიისთვის
14:18 05.03.2019
როგორ ახდენს გავლენას კრემლის მიერ დაფინანსებული და მართული მედია 40-მდე სხვადასხვა ქვეყნის შიდა
ინტერვიუ
ექსკლუზიური ინტერვიუ სალომე ზურაბიშვილთან: სიტუაცია ძალიან რთულია და სამწუხაროდ, ჩვენ არ გვაქვს დიდი შესაძლებლობები წინ აღვუდგეთ ამ პროცესს
13:15 28.02.2019
ბაქოში მყოფმა საქართველოს პრეზიდენტმა სალომე ზურაბიშვილმა ინტერვიუ მისცა აზერბაიჯანის სახელმწიფო
ინტერვიუ
ინტერვიუ რუსეთში ნატოს ყოფილ წარმომადგენელთან: ტრამპმა მითითება გასცა, რომ ალიანსში საქართველოსა და უკრაინის მიღების მიზნით გამოსავალი იპოვონ
14:19 15.02.2019
ნატოს ექს-წარმომადგენელი რუსეთში ჰარი ტაბახი უკრაინული გამოცემა «Апостроф»-ის კორესპონდენტის ეკატერინე
ინტერვიუ
ინტერვიუ გენერალ ბენ ჰოჯესთან: საქართველოს 20% ოკუპირებულია, მაგრამ ნატოს მისთვის წევრობის შეთავაზებისთვის პრეცედენტი აქვს... და ეს გერმანიაა
13:01 12.02.2019
შავი ზღვის უსაფრთხოება აღმოსავლეთ ევროპის სტაბილურობის ერთ-ერთი საფუძველია. უკრაინაში რუსეთის აგრესიის