logo2
logo2
logo2
logo2
logo2
არქივი
გია ვოლსკი: ლოგიკისგან შორსაა, თუ რატომ მოხდა პროცედურული და პარტიული შეთანხმებული წესების დარღვევით იურიდიულ კომიტეტში პირველი მოადგილის არჩევა
გია ვოლსკი: ლოგიკისგან შორსაა, თუ რატომ მოხდა პროცედურული და პარტიული შეთანხმებული წესების დარღვევით იურიდიულ კომიტეტში პირველი მოადგილის არჩევა
21:19 09.01.2019
„ლოგიკისგან შორსაა, თუ რატომ მოხდა იურიდიული კომიტეტის თავმჯდომარის პირველი მოადგილის არჩევა პროცედურული და პარტიული შეთანხმებული წესების დარღვევით, არც პარტიის თავმჯდომარეს, რომელსაც ეხლახანს ვესაუბრე და არც მე ამაზე პასუხი არ გაგვაჩნია“ - განაცხადა ტელეკომპანია „იმედის“ ეთერში პარლამენტის ვიცე-სლპიკერმა გია ვოლსკიმ.

მისი თქმით, დაპირისპირების არანაირი წინაპირობა არ არსებობდა, ამდენად, სკანდალური ამაში არაფერია.

„რყევის, გაურკვევლობის და დაპირისპირების არანაირი წინაპირობა არ არსებობდა, ასე რომ სკანდალური ამაში არაფერი არ არის. განხილვა მიმდინარეობს, კონსტიტუციური მოთხოვნა არსებობს, კანონები არსებობს, რომლის მიხედვითაც ვმსჯელობთ და ვიხილავთ. თუ საჭირო იქნება ცვლილებები უკან არც ამაზეც დავიხევთ.

გია ვოლსკისთვის ასევე გაუგებარია ეკა ბესელიას განცხადება იმის თაობაზე, რომ დეპუტატთა ნაწილი მოსამართლეთა დანიშვნის დაჩქარებული წესით განხილვის მომხრე იყო.

„მრავალწლიანი ურთიერთობების შემდეგ, ჩემთვის გაუგებარია რატომ. ვიღაცას რომც სდომოდა ამის დაჩქარებული განხილვა, ზუსტად უნდა სცოდნოდა ეკასაც და სხვებსაც, რომ ამის გაკეთება შეუძლებელი იქნებოდა. მითუმეტეს, რომ პარლამენტის თავმჯდომარემ საკმაოდ მკაფიო განცხადება გააკეთა ამ საკითხთან დაკავშირებით, რომ არავითარი დაჩქარებული განხილვა ამ საკითხს არ ეკუთნის და არც შეიძლება იყოს რადგან, ლოგიკასაც დაუკვირდით, არათუ საჭირო არ არის, არამედ არარეალისტურია და ვიღაცას ამის სურვილიც რომ ჰქონოდა, ვერ მოხდებოდა. საერთოდ გაუგებარია ამ საკითხის შესაჩერებლად იქ გადადგომის თემის შემოტანა, რამაც გარკვეული სტრესი გამოიწვია საზოგადოებაში. ნიუსების სათავეში გავიდა ეს თემა, როცა შეიძლებოდა ამ საკითხზე ძალიან ინტენსიურად და საკმაოდ გამჭვირვალედაც გვემსჯელა გუნდში. ჩემი პირადი პოზიცია ამ შემთხვევაში არანაირად არ განსხვავდება იმისაგან, რაც ვთქვი და რაზეც თავმჯდომარემ გააკეთა განცხადება - არ შეიძლება ამ საკითხის სწრაფად და ნაუცბადევად განხილვა“ - განაცხადა პარლამენტის ვიცე-სპიკერმა.

მისი თქმით, საგაზაფხულო სესიის დაწყებამდე კიდევ ერთი თვეა და თუ ეს საკმარისი არ იქნება პოზიციების ჩამოსაყალიბებლად, შემდეგი თვეც ამ წლისაა.

„თუ ეს ერთი თვე არ იქნება საკმარისი, რომ პოზიციებზე ჩამოვყალიბდეთ, შემდეგი თვეც ამ წლის არის და რამდენიც საჭირო იქნება, სანამ არ მივალთ ისეთ გადაწყვეტილებამდე, რომელიც უპირველეს ყოვლისა სახელმწიფოსთვის არის მნიშვნელოვანი და კარგი. პარლამენტის ვიცე-სპიკერი ურჩევს მისი გუნდის და პარლამენტის წევრებსაც ნუ გააკეთებენ ისეთ ხმამაღალ განცხადებებს, რომელმაც შეიძლება დისონანსი და გაურკვევლობა შეიტანოს საზოგადოებაში.

„მიღებული იქნება გადაწყვეტილება, პროფესიონალური, სამართლიანი და ზუსტად ისეთი, როგორიც ჩვენს ქვეყანას სჭირდება. ეს არის მთავარი, რა დროც არ უნდა დასჭირდეს ამ გადაწყვეტილების მიღებას. სპეკულაცია თემით, არ არის სწორი, მაშინ, როდესაც საკმაო ფორმატიც გაგვაჩნია, დროც და საკმაოდ მაღალი პასუხისმგებლობაც სახელმწიფოს და ხალხის წინაშე, რომ ამ თემასთან დაკავშირებით არ დარჩეს რაიმე კითხვის ნიშანი. თუ კითხვის ნიშნებნი არსებობს, ძალიან ვთხოვ ყველას, გასცეს ამ კითხვებს შესაბამისი პასუხები“ - განაცხადა გია ვოლსკიმ.


FaceBook Twitter Digg MySpace Delicious Google ელფოსტაბეჭდვა
logo2

ინტერვიუ
ინტერვიუ
ინტერვიუ თეოლოგ გურამ ლურსმანაშვილთან: უკრაინის საკითხი ყველა ავტოკეფალური ეკლესიისთვის ლუსტრაციაა
14:45 25.12.2018
უკრაინაში ახალი ერთიანი მართლმადიდებელი ეკლესიის დაფუძნებისა და კიევისა და
ინტერვიუ
მიხეილ სააკაშვილი ებრაელი და ქართველი „აფერისტების“ შესახებ ისრაელის ტელეარხის ეთერში
11:20 12.12.2018
მიხეილ სააკაშვილი ძალიან ემოციური პიროვნებაა და ხშირად მწვავე გამონათქვამებს უშვებს: მაგალითად, მან
ინტერვიუ
მაქსიმ შევჩენკო: არის მცდელობა, რომ საქართველოს მეშვეობით მთლიანად კავკასიას ცეცხლი მოუკიდონ
11:00 12.12.2018
რუსეთის რადიოსადგურ «Эхо Москвы»-ის პროგრამა «Особое мнение»-ს სტუდიაში საუბრობენ გადაცემის წამყვანი მაშა
ინტერვიუ
ქართული პოლიტიკის ფრანგული აქცენტი-სალომე ზურაბიშვილის საქმიანობის პერსპექტივა
11:18 06.12.2018
ამერიკული რადიოსადგურის „თავისუფლება//თავისუფალი ევროპის“ რუსული სამსახურის „რადიო სვობოდას“ პროექტ
ინტერვიუ
გია ნოდია: მიშას ციხეში ჩაჯდომა არ შეიძლება, ეს ის ადამიანი არ არის ვინც ციხეს გაუძლებს
11:08 05.12.2018
საქართველოს ახალი პრეზიდენტი ჰყავს, რომელსაც საერთაშორისო საზოგადოებამ არჩევნებში
ინტერვიუ
ინტერვიუ გრიგოლ ვაშაძესთან: მოსკოვი ჩვენს პირობებს უნდა დაეთანხმოს
17:43 02.12.2018
ბრიტანული სამაუწყებლო კომპანია BBC-ის რუსული სამსახურის კორესპონდენტმა ოლღა ივშინამ თბილისში ყოფნისას
ინტერვიუ
ამერიკელი დიპლომატი: საქართველოსთან ომს რუსეთის შეცდომად ვთვლი
10:43 19.11.2018
აშშ-ში გამოვიდა ახალი წიგნი სახელწოდებით „რუსეთი ადგილის გარეშე“, რომელშიც
ინტერვიუ
ინტერვიუ სტივენ ნიქსთან: ვიმედოვნებთ, არჩევნები კარგად ორგანიზებული, მშვიდობიანი და გამჭვირვალე იქნება
11:54 28.10.2018
საქართველოში წინასაარჩევნო გარემოს და განწყობებს საერთაშორისო რესპუბლიკური ინსტიტუტის ევრაზიის
ინტერვიუ
Pleas creat article