logo2
logo2
logo2
logo2
logo2
არქივი
« დეკემბერი 2018 »
ორ სა ოთ ხუ პა შა კვ
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31
მამუკა ბახტაძე: ჩვენ ვაფასებთ იაპონიის უმნიშვნელოვანეს მორალურ და მატერიალურ თანადგომას
მამუკა ბახტაძე: ჩვენ ვაფასებთ იაპონიის უმნიშვნელოვანეს მორალურ და მატერიალურ თანადგომას
09:46 07.12.2018
ჩვენ დიდად ვაფასებთ იაპონიის და იაპონელი ხალხის უმნიშვნელოვანეს მორალურ და მატერიალურ თანადგომას, რომელსაც წლების განმავლობაში, განსაკუთრებული წვლილი შეაქვს საქართველოს განვითარების პროცესში, - ამის შესახებ საქართველოს პრემიერ-მინისტრმა მამუკა ბახტაძემ იაპონიის ეროვნული დღესასწაულის - იმპერატორის დაბადების დღის აღსანიშნავად გამართულ მიღებაზე სიტყვით გამოსვლისას განაცხადა.

როგორც მთავრობის მეთაურმა აღნიშნა, საქართველო და იაპონია მეგობარი ქვეყნები არიან და საამაყოა, რომ იაპონია საქართველოს ერთგული და სანდო პარტნიორია.

„გასულ წელს ჩვენ აღვნიშნეთ საქართველოს და იაპონიას შორის დიპლომატიური ურთიერთობების დამყარებიდან 25 წლისთავი. სასიხარულოა, რომ, ამ შედარებით ხანმოკლე პერიოდში, ჩვენ შევძელით მნიშვნელოვანი და ხელშესახები შედეგების მიღწევა. დარწმუნებული ვარ, რომ არსებული მეგობრული და ურთიერთსასარგებლო თანამშრომლობა კვლავაც გაღრმავდება ყველა მიმართულებით" - განაცხადა მამუკა ბახტაძემ.

პრემიერ-მინისტრმა ხაზი გაუსვა ბოლო პერიოდში გააქტიურებულ ორმხრივ ურთიერთობებს და აღნიშნა, რომ თანამშრომლობა ვითარდება როგორც სავაჭრო-ეკონომიკურ, ისე კულტურის, განათლების და ტურიზმის სფეროებში.

„წარმატებით ჩავატარეთ უმნიშვნელოვანესი მოლაპარაკებები „ორმხრივ საინვესტიციო შეთანხმებასთან" დაკავშირებით, რომელიც დარწმუნებული ვარ, ახალ დონეზე გადაიყვანს ჩვენს სავაჭრო ურთიერთობებს. ძალიან გვიხარია, თუ როგორ ვითარდება ხალხებს შორის ურთიერთობები, ასევე საქართველოსა და იაპონიას შორის ურთიერთობა განათლების, კულტურის, და სპორტის სფეროში. დარწმუნებული ვარ, 2019 წელს საქართველო იაპონიაში შეძლებს მოახდინოს დემონსტრირება, თუ როგორი მიღწევების მქონე სპორტული ერი ვართ", - განაცხადა მამუკა ბახტაძემ.

მთავრობის მეთაურის თქმით, წელს განსაკუთრებული მოვლენა იყო იაპონიის საგარეო საქმეთა მინისტრის პირველი ოფიციალური ვიზიტი საქართველოში. მამუკა ბახტაძის განცხადებით, საქართველო მიესალმება იაპონიის მთავრობის ხედვას რეგიონის მიმართ და მყარად უჭერს მხარს იაპონიის გააქტიურებას „კავკასიის ინიციატივის" ფარგლებში.

„არ შემიძლია განსაკუთრებული სიამაყით არ გამოვარჩიო პირველი ქართველი ოძეკის, ტოჩინოშინის 2018 წლის მიღწევები, რამაც კიდევ უფრო დააახლოვა ჩვენი ორი ერი. ტოჩინოშინის წარმატებამ საქართველოს მიმართ იაპონელების მაღალი დაინტერესება და პატივისცემა გამოიწვია, საქართველოსთვის კი, უფრო ახლობელი გახდა იაპონია. ამ მაგალითით თვალსაჩინოა, თუ რამხელა მნიშვნელობას ატარებს თითოეული ადამიანის წვლილი ქვეყნებს შორის ურთიერთობების განვითარებაში", - განაცხადა მამუკა ბახტაძემ.

პრემიერ-მინისტრმა იაპონიის ელჩს საქართველოში, ტადაჰარუ უეჰარას, ორი მეგობარი ქვეყნის კიდევ უფრო დაახლოებაში შეტანილი წვლილისთვის მადლობა გადაუხადა და იმედი გამოთქვა, რომ საქართველო-იაპონიის თანამშრომლობა ერთობლივი ძალისხმევით მომდევნო წლებში კიდევ უფრო გაღრმავდება და ხელს შეუწყობს ქვეყნების მშვიდობიან და სტაბილურ განვითარებას.

საზეიმო მიღებას საქართველოში აკრედიტებული დიპლომატიური კორპუსის და საერთაშორისო ორგანიზაციების, ხელისუფლების, მედიის და კულტურის სფეროს წარმომადგენლები დაესწრნენ.
FaceBook Twitter Digg MySpace Delicious Google ელფოსტაბეჭდვა
logo2

ინტერვიუ
მიხეილ სააკაშვილი ებრაელი და ქართველი „აფერისტების“ შესახებ ისრაელის ტელეარხის ეთერში
11:20 12.12.2018
მიხეილ სააკაშვილი ძალიან ემოციური პიროვნებაა და ხშირად მწვავე გამონათქვამებს უშვებს: მაგალითად, მან
ინტერვიუ
მაქსიმ შევჩენკო: არის მცდელობა, რომ საქართველოს მეშვეობით მთლიანად კავკასიას ცეცხლი მოუკიდონ
11:00 12.12.2018
რუსეთის რადიოსადგურ «Эхо Москвы»-ის პროგრამა «Особое мнение»-ს სტუდიაში საუბრობენ გადაცემის წამყვანი მაშა
ინტერვიუ
ქართული პოლიტიკის ფრანგული აქცენტი-სალომე ზურაბიშვილის საქმიანობის პერსპექტივა
11:18 06.12.2018
ამერიკული რადიოსადგურის „თავისუფლება//თავისუფალი ევროპის“ რუსული სამსახურის „რადიო სვობოდას“ პროექტ
ინტერვიუ
გია ნოდია: მიშას ციხეში ჩაჯდომა არ შეიძლება, ეს ის ადამიანი არ არის ვინც ციხეს გაუძლებს
11:08 05.12.2018
საქართველოს ახალი პრეზიდენტი ჰყავს, რომელსაც საერთაშორისო საზოგადოებამ არჩევნებში
ინტერვიუ
ინტერვიუ გრიგოლ ვაშაძესთან: მოსკოვი ჩვენს პირობებს უნდა დაეთანხმოს
17:43 02.12.2018
ბრიტანული სამაუწყებლო კომპანია BBC-ის რუსული სამსახურის კორესპონდენტმა ოლღა ივშინამ თბილისში ყოფნისას
ინტერვიუ
ამერიკელი დიპლომატი: საქართველოსთან ომს რუსეთის შეცდომად ვთვლი
10:43 19.11.2018
აშშ-ში გამოვიდა ახალი წიგნი სახელწოდებით „რუსეთი ადგილის გარეშე“, რომელშიც
ინტერვიუ
ინტერვიუ სტივენ ნიქსთან: ვიმედოვნებთ, არჩევნები კარგად ორგანიზებული, მშვიდობიანი და გამჭვირვალე იქნება
11:54 28.10.2018
საქართველოში წინასაარჩევნო გარემოს და განწყობებს საერთაშორისო რესპუბლიკური ინსტიტუტის ევრაზიის
ინტერვიუ
ინტერვიუ ზურაბ პოლოლიკაშვილთან: მსოფლიო ტურიზმი და რუსი ტურისტები საქართველოში
12:01 19.10.2018
ინტერვიუში გაეროს მსოფლიო ტურიზმის ორგანიზაციის გენერალური მდივანი ზურაბ პოლოლიკაშვილი საუბრობს
ინტერვიუ
ინტერვიუ ისა კოაძოისთან: ქართველებო, ილოცეთ ინგუშებისთვის და მშვიდობისთვის
10:25 15.10.2018
საქართველოს მეზობლად, ინგუშეთში, მოსახლეობა პრეზიდენტ იუნუს-ბექ ევკუროვის
ინტერვიუ
Pleas creat article