logo2
logo2
logo2
logo2
logo2
არქივი
« დეკემბერი 2018 »
ორ სა ოთ ხუ პა შა კვ
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31
დავით ზალკალიანი ეუთოში: რუსეთი კვლავ განაგრძობს საქართველოს სუვერენიტეტის და ტერიტორიული მთლიანობის ხელყოფას
დავით ზალკალიანი ეუთოში: რუსეთი კვლავ განაგრძობს საქართველოს სუვერენიტეტის და ტერიტორიული მთლიანობის ხელყოფას
22:25 06.12.2018
ეუთოს საგარეო საქმეთა მინისტრთა საბჭოს 25-ე სესიაზე გამოსვლისას დავით ზალკალიანმა, კიდევ ერთხელ, მწვავედ დააყენა რუსეთის ფედერაციის მხრიდან საქართველოს ტერიტორიების ოკუპაციის საკითხი. საგარეო საქმეთა მინისტრმა ყურადღება გაამახვილა რუსეთის მხრიდან საერთაშორისო სამართლის ფუნდამენტური პრინციპების სისტემურ დარღვევაზე და ოკუპირებულ ტერიტორიებზე შექმნილ მძიმე ჰუმანიტარულ ვითარებაზე.

“ხელოვნური ბარიერების აღმართვის გზით საოკუპაციო ხაზის გამაგრების შედეგად, კონფლიქტით დაზარალებული მოსახლეობის ჰუმანიტარული მდგომარეობა კიდევ უფრო გაუარესდა. ჩვენ უკიდურესად შეშფოთებულნი ვართ ორივე რეგიონში ადამიანის ფუნდამენტური უფლებების სისტემატიური დარღვევით, მათ შორის, ქართველების ეთნიკური დისკრიმინაციით. ამასთან, ასი ათასობით იძულებით გადაადგილებულ პირს და ლტოლვილს - ეთნიკური წმენდის მსხვერპლს, კვლავ წართმეული აქვს თავის საცხოვრებელ ადგილზე უსაფრთხოდ და ღირსეულად დაბრუნების უფლება“ - განაცხადა მინსტრმა.

დავით ზალკალიანმა ეუთოს ტრიბუნიდან არჩილ ტატუნაშვილის და გიგა ოთხოზორიას მკვლელობის ფაქტებზე ისაუბრა:

„ქართველი იძულებით გადაადგილებული პირის - არჩილ ტატუნაშვილის ტრაგიკული შემთხვევა, რომელიც გასულის წლის მარტში ცხინვალის საოკუპაციო რეჟიმმა უკანონოდ დააკავა და წამებით მოკლა, ასევე ქართველი იძულებით გადაადგილებული პირების - გიგა ოთხოზორიასა და დავით ბაშარულის სასტიკი მკვლელობები წარმოადგენს კიდევ ერთ შეხსენებას იმის შესახებ, რომ ადამიანის უფლებათა დაცვის კუთხით არსებული მდგომარეობა საგანგაშოა საქართველოს ორივე რეგიონში, სადაც საერთაშორისო მონიტორინგის მექანიზმებს შესვლის არანაირი შესაძლებლობა არ გააჩნია” -აღნიშნა დავით ზალკალიანმა.

მინისტრის თქმით, საქართველო განაგრძობს ჟენევის საერთაშორისო დისკუსიებში კონსტრუქციულ მონაწილეობას. იცავს რა ცეცხლის შეწყვეტის შესახებ შეთანხმების პირობებს, საქართველომ ცალმხრივად არაერთხელ იკისრა ძალის გამოუყენებლობის ვალდებულება. მან მოუწოდა რუსეთის ფედერაციას თავადაც იკისროს და შეასრულოს შემხვედრი საერთაშორისო ვალდებულება. დავით ზალკალიანის განცხადებით უფრო მეტის გაკეთებაა საჭირო ჟენევის საერთაშორისო დისკუსიების დღის წესრიგის ძირითად საკითხებზე შედეგის მისაღწევად. მინისტრმა ასევე ხაზი გაუსვა ინციდენტების პრევენციისა და მათზე რეაგირების მექანიზმების როლს და მნიშვნელობას, რომელთა მუშაობაც დაუყოვნებლივ უნდა განახლდეს ძირითადი პრინციპებისა და ადგილზე მოქმედი წესების სრული დაცვით.

დავით ზალკალიანმა ყურადღება გაამახვილა საქართველოს ხელისუფლების სამშვიდობო პოლიტიკასა და მის მნიშვნელობაზე.

„საქართველოს მთავრობამ კიდევ უფრო გააძლიერა ძალისხმევა ომითა და საოკუპაციო ხაზებით დაშორიშორებული მოსახლეობის ჩართულობისა და შერიგების მიმართულებით. ახალი სამშვიდობო ინიციატივა „ნაბიჯი უკეთესი მომავლისკენ“, რომელიც ორივე ოკუპირებულ რეგიონში მცხოვრები ადამიანების ჰუმანიტარული, სოციალური და ეკონომიკური პირობების გაუმჯობესებისკენაა მიმართული, მკაფიოდ ადასტურებს შერიგებისა და ნდობის აღდგენის პოლიტიკის მიმართ ჩვენს ერთგულებას“ - განაცხადა მინისტრმა.

დავით ზალკალიანის თქმით,უსაფრთხოების წინაშე არსებული ყველა გამოწვევის მიუხედავად, საქართველო მტკიცედ მიჰყვება ევროპული და ევრო-ატლანტიკური ინტეგრაციის გზას. ქვეყნის დემოკრატიულ ტრანსფორმაციაზე საუბრისას მინისტრი საპრეზიდენტო არჩევნების თემასაც შეეხო და აღნიშნა, რომ პროცესი თავისუფალ და კონკურენციულ გარემოში წარიმართა. მან ეუთოს/დემოკრატიული ინსტიტუტების და ადამიანის უფლებათა ოფისს მადლობა გადაუხადა არჩევნების მონიტორინგისთვის დაადგილობრივი და საერთაშორისო დამკვირვებლების რეკომენდაციების გათვალისწინების მზაობა გამოთქვა.

დავით ზალკალიანმა საერთაშორისო მშვიდობისა და უსაფრთხოების საკითხზე საუბრისას აღნიშნა, რომ კონფლიქტები საერთაშორისოდ აღიარებული საზღვრების ფარგლებში სახელმწიფოთა ტერიტორიული მთლიანობის სრული პატივისცემის საფუძველზე უნდა გადაწყდეს და შეშფოთება გამოთქვა უკრაინის წინააღმდეგ რუსეთის აგრესიასა და ყირიმისა და ქალაქ სევასტოპოლის უკანონო ოკუპაციასთან დაკავშირებით. აზოვის ზღვასა და ქერჩის სრუტეში რუსეთის ფედერაციის მიერ ბოლო დღეებში განხორციელებული შეიარაღებულ აგრესიას საქართველოს საგარეო საქმეთა მინისტრმა საერთაშორისო სამართლის უხეში დარღვევა უწოდა.

FaceBook Twitter Digg MySpace Delicious Google ელფოსტაბეჭდვა
logo2

ინტერვიუ
მიხეილ სააკაშვილი ებრაელი და ქართველი „აფერისტების“ შესახებ ისრაელის ტელეარხის ეთერში
11:20 12.12.2018
მიხეილ სააკაშვილი ძალიან ემოციური პიროვნებაა და ხშირად მწვავე გამონათქვამებს უშვებს: მაგალითად, მან
ინტერვიუ
მაქსიმ შევჩენკო: არის მცდელობა, რომ საქართველოს მეშვეობით მთლიანად კავკასიას ცეცხლი მოუკიდონ
11:00 12.12.2018
რუსეთის რადიოსადგურ «Эхо Москвы»-ის პროგრამა «Особое мнение»-ს სტუდიაში საუბრობენ გადაცემის წამყვანი მაშა
ინტერვიუ
ქართული პოლიტიკის ფრანგული აქცენტი-სალომე ზურაბიშვილის საქმიანობის პერსპექტივა
11:18 06.12.2018
ამერიკული რადიოსადგურის „თავისუფლება//თავისუფალი ევროპის“ რუსული სამსახურის „რადიო სვობოდას“ პროექტ
ინტერვიუ
გია ნოდია: მიშას ციხეში ჩაჯდომა არ შეიძლება, ეს ის ადამიანი არ არის ვინც ციხეს გაუძლებს
11:08 05.12.2018
საქართველოს ახალი პრეზიდენტი ჰყავს, რომელსაც საერთაშორისო საზოგადოებამ არჩევნებში
ინტერვიუ
ინტერვიუ გრიგოლ ვაშაძესთან: მოსკოვი ჩვენს პირობებს უნდა დაეთანხმოს
17:43 02.12.2018
ბრიტანული სამაუწყებლო კომპანია BBC-ის რუსული სამსახურის კორესპონდენტმა ოლღა ივშინამ თბილისში ყოფნისას
ინტერვიუ
ამერიკელი დიპლომატი: საქართველოსთან ომს რუსეთის შეცდომად ვთვლი
10:43 19.11.2018
აშშ-ში გამოვიდა ახალი წიგნი სახელწოდებით „რუსეთი ადგილის გარეშე“, რომელშიც
ინტერვიუ
ინტერვიუ სტივენ ნიქსთან: ვიმედოვნებთ, არჩევნები კარგად ორგანიზებული, მშვიდობიანი და გამჭვირვალე იქნება
11:54 28.10.2018
საქართველოში წინასაარჩევნო გარემოს და განწყობებს საერთაშორისო რესპუბლიკური ინსტიტუტის ევრაზიის
ინტერვიუ
ინტერვიუ ზურაბ პოლოლიკაშვილთან: მსოფლიო ტურიზმი და რუსი ტურისტები საქართველოში
12:01 19.10.2018
ინტერვიუში გაეროს მსოფლიო ტურიზმის ორგანიზაციის გენერალური მდივანი ზურაბ პოლოლიკაშვილი საუბრობს
ინტერვიუ
ინტერვიუ ისა კოაძოისთან: ქართველებო, ილოცეთ ინგუშებისთვის და მშვიდობისთვის
10:25 15.10.2018
საქართველოს მეზობლად, ინგუშეთში, მოსახლეობა პრეზიდენტ იუნუს-ბექ ევკუროვის
ინტერვიუ
Pleas creat article