logo2
logo2
logo2
არქივი
« ივლისი 2019 »
ორ სა ოთ ხუ პა შა კვ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
logo2
logo2
ეკა ბესელიამ სტრასბურგში საერთაშორისო კონფერენცია მისასალმებელი სიტყვით გახსნა
ეკა ბესელიამ სტრასბურგში საერთაშორისო კონფერენცია მისასალმებელი სიტყვით გახსნა
17:56 08.11.2018
პარლამენტის იურიდიულ საკითხთა კომიტეტის თავმჯდომარემ და ევროპის საბჭოს საპარლამენტო ასამბლეის წევრმა, ეკა ბესელიამ მისასალმებელი სიტყვით გახსნა სტრასბურგში მიმდინარე საერთაშორისო კონფერენცია „საქართველოს პარლამენტის როლი ადამიანის უფლებათა ევროპული კონვენციის სტანდარტების განხორციელებაში“ იმართება.

„დღევანდელი ღონისძიება იმ ძალიან ნაყოფიერი და წარმატებული თანამშრომლობის გაგრძელებაა, რომელიც ჩვენ ევროპის საბჭოსთან დავიწყეთ. მისი მიზანია ფორუმის შექმნა ღია მსჯელობისთვის ადამიანის უფლებათა ევროპული სასამართლოს გადაწყვეტილებების აღსრულების გაუმჯობესების თემაზე და ამ პროცესზე საპარლამენტო კონტროლის გაძლიერების საკითხებზე“, - აღნიშნა ეკა ბესელიამ.

პარლამენტის პრესსამსახურის ცნობით, ეკა ბესელიას თქმით, ევროპის საბჭოსთან მჭიდრო თანამშრომლობით აღნიშნული მიმართულებით საქართველომ მთელი რიგი ეტაპები უკვე გაიარა.

„2016 წელს ჩვენ საქართველოს პარლამენტის რეგლამენტში ცვლილებები მივიღეთ, რომლითაც დავნერგეთ საპარლამენტო კონტროლი ადამიანის უფლებათა ევროპული სასამართლოს გადაწყვეტილებების აღსრულებაზე საკანონმდებლო დონეზე. ჩვენ მაქსიმალურად გავითვალისწინეთ ის ძალიან ღირებული რჩევები, რომლებიც ამ რეფორმის მომზადების პროცესში ექსპერტებისგან მივიღეთ.

სწორედ ევროპის საბჭოს სტანდარტების შესაბამისად შევიმუშავეთ ჩვენ ყველა ეს დამატება საქართველოს პარლამენტის რეგლამენტში და განვსაზღვრეთ პასუხისმგებელი საპარლამენტო ორგანოები და პროცედურები. ამ ცვლილებებზე მუშაობის პროცესში საკანონმდებლო ხელისუფლებასთან ერთად ჩავრთეთ აღმასრულებელი ხელისუფლების წარმომადგენლებიც და პროცესი გავხადეთ ინკლუზიური“, - აღნიშნა ეკა ბესელიამ.

იურიდიულ საკითხთა კომიტეტის თავმჯდომარის განცხადებით, კიდევ უფრო მნიშვნელოვანია ის, რომ ეს მექანიზმი პრაქტიკაშიც დაინერგა და საკანონმდებლო ორგანო უკვე ორი წელია მთავრობის ანგარიშებს ისმენს და საპარლამენტო ადამიანის უფლებათა ევროპული სასამართლოს გადაწყვეტილებების აღსრულების თემაზე მოსმენები ტარდება.

„მიხარია, რომ დღეს უკვე შეგვიძლია ჩვენი გამოცდილება სხვა ქვეყნებს გავუზიაროთ. შეგვიძლია გიამბოთ ჩვენი მიღწევების შესახებ და ასევე, მზად ვართ, გაგიზიაროთ ჩვენი გამოწვევები, გაგაცნოთ ჩვენი მოსაზრებები როგორ გავუმკლავდით მათ და რა ახალი მიდგომები დავნერგეთ“, - აღნიშნა ეკა ბესელიამ.

პარლამენტის იურიდიულ საკითხთა კომიტეტის თავმჯდომარის განაცხადებით, ერთ-ერთი ასეთი მიდგომაა საკომიტეტო მოსმენების შემდეგ გაცემული რეკომენდაციების შესრულებაზე ეფექტიანი მონიტორინგი, რაც პერიოდულად ხორციელდება.

„არ ვიცდით ყოველწლიური მოსმენიდან შემდეგი წლის მოსმენამდე და პროაქტიულად ვითხოვთ ინფორმაციას ჩვენი რეკომენდაციების შესრულების მდგომარეობაზე. ამასთან, ჩვენ ვაგრძელებთ ამ პროცესის გაძლიერებას ევროპის საბჭოსთან მჭიდრო თანამშრომლობით“, - აღნიშნა ეკა ბესელიამ.

როგორც პარლამენტის იურიდიულ საკითხთა კომიტეტის თავმჯდომარემ განაცხადა, ქართული მხარისთვის ღონისძიების მონაწილეების მოსაზრებები აღნიშნულ საკითხებზე ძალიან მნიშვნელოვანია და ასევე, ევროპის საბჭოს მხარდაჭერა.

„ჩვენთვის ძალიან საინტერესოა ამ ღონისძიების თითოეული მონაწილის ხედვები პარლამენტის საქმიანობის გაძლიერებასთან დაკავშირებით ევროსასამართლოს გადაწყვეტილებების აღსრულების კონტროლის ნაწილში. ადამიანის უფლებათა დაცვის სტანდარტი არასოდეს არის დამაკმაყოფილებელი და მუდმივად საჭიროებს ინტენსიურ მუშაობას მის გაზრდაზე. ამიტომ, ის მხარდაჭერა, რომელსაც ამ პროცესში ვგრძნობთ ევროპის საბჭოსგან, განსაკუთრებით ღირებული და ფასდაუდებელია“,-აღნიშნა ეკა ბესელიამ.

კონფერენციის მონაწილეებს მისასალმებელი სიტყვით ასევე მიმართეს: ევროპის საბჭოს ადამიანის უფლებათა და კანონის უზენაესობის დირექტორატის გენერალურმა დირექტორმა კრისტოს გიაკუმოპულოსმა და ევროპის საბჭოში საქართველოს მუდმივმა წარმომადგენელმა ირაკლი გივიაშვილმა.

ორდღიან კონფერენციაში, რომელიც ევროპის საბჭოსა და ევროკავშირის ერთობლივი პროექტის „პარტნიორობა კარგი მმართველობისთვის“ ორგანიზებით იმართება, მონაწილეობას იღებს ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის პირველი მოადგილე გედევან ფოფხაძე.

ხვალ, ეკა ბესელია და გედევან ფოფხაძე კონფერენციის მონაწილეებს გააცნობენ საქართველოს პარლამენტის რეფორმას, რომლის მიზანია ადამიანის უფლებათა ევროპული კონვენციის სტანდარტებისა და ევროსასამართლოს გადაწყვეტილებების აღსრულების მონიტორინგის სტრუქტურირებული და ეფექტური ზედამხედველობის განხორციელება.

FaceBook Twitter Digg MySpace Delicious Google ელფოსტაბეჭდვა

ინტერვიუ
ინტერვიუ სალომე ზურაბიშვილთან: დავით-გარეჯთან დაკავშირებით ზოგიერთი მხარის რეაქციები ძალიან გამიკვირდა
18:10 01.05.2019
ინტერვიუში საქართველოს პრეზიდენტი სალომე ზურაბიშვილი ქვეყნის პოლიტიკურ ცხოვრებაში საკუთარ როლზე, მეზობელ
ინტერვიუ
ინტერვიუ მიხეილ სააკაშვილთან: პირველი, რაც ზელენსკიმ უნდა გააკეთოს ისაა, რომ პოროშენკოს კლანი ციხეში ჩასვას
12:14 22.04.2019
რუსეთის ტელეკომპანია «Дождь»-ის შოუ-პროგრამაში «Здесь и сейчас» ისაუბრა საქართველოს ექს-პრეზიდენტმა და უკრაინის
ინტერვიუ
აშშ - ნატოს წევრი თუ ნატოს „ხაზეინი“?-ინტერვიუ თურქ გენერალთან
13:38 20.04.2019
ყველამ კარგად იცის, თუ რა წონა აქვს ამერიკის შეერთებულ შტატებს ნატოში და რა ძალას ფლობს ვაშინგტონი. ეს ყველაფერი
ინტერვიუ
ინტერვიუ ჰანს ბინენდაიკთან: ნატოში გაწევრიანება დღეს ან ხვალ არ მოხდება,თუმცა საქართველომ იმედი უნდა შეინარჩუნოს
13:25 20.04.2019
ნატომ თავისი არსებობის 70 წლის მანძილზე დროს გაუძლო და ისტორიაში ყველაზე წარმატებულ სამხედრო-პოლიტიკურ ალიანსად
ინტერვიუ
ალექსი პუშკოვი: როგორი პოლიტიკა უნდა გაატაროს მოსკოვმა პოსტსაბჭოთა სივრცეში
18:31 15.04.2019
გაზეთ „კომსომოლსკაია პრავდა“-ს კორესპონდენტი ალექსანდრე გამოვი რუსეთის ფედერაციის საბჭოს საინფორმაციო პოლიტიკის
ინტერვიუ
ინტერვიუ მიხეილ სააკაშვილთან: პირველ აპრილს უკრაინაში ჩასვლას ვგეგმავ, ბილეთიც ნაყიდი მაქვს
11:41 13.03.2019
უკრაინის ტელეკომპანია «Наш»-ის გადაცემაში «В гостьях у Дмитрия Гордона» ცნობილი უკრაინელი ჟურნალისტი
ინტერვიუ
ირანული გაზის ტრანზიტი სომხეთის გავლით: როგორი პოზიცია აქვს საქართველოს?
14:33 05.03.2019
ირანში სომხეთის პრემიერ-მინისტრის ნიკოლ ფაშინიანის ამასწინანდელი ვიზიტის დროს, პრეზიდენტ ჰასან რუჰანთან
ინტერვიუ
ინტერვიუ დევიდ სალვოსთან: ჩვენ ხელიდან გავუშვით შესაძლებლობა, რომ გვეპასუხა საქართველოში რუსეთის სამხედრო აგრესიისთვის
14:18 05.03.2019
როგორ ახდენს გავლენას კრემლის მიერ დაფინანსებული და მართული მედია 40-მდე სხვადასხვა ქვეყნის შიდა
ინტერვიუ
ექსკლუზიური ინტერვიუ სალომე ზურაბიშვილთან: სიტუაცია ძალიან რთულია და სამწუხაროდ, ჩვენ არ გვაქვს დიდი შესაძლებლობები წინ აღვუდგეთ ამ პროცესს
13:15 28.02.2019
ბაქოში მყოფმა საქართველოს პრეზიდენტმა სალომე ზურაბიშვილმა ინტერვიუ მისცა აზერბაიჯანის სახელმწიფო
ინტერვიუ
ინტერვიუ რუსეთში ნატოს ყოფილ წარმომადგენელთან: ტრამპმა მითითება გასცა, რომ ალიანსში საქართველოსა და უკრაინის მიღების მიზნით გამოსავალი იპოვონ
14:19 15.02.2019
ნატოს ექს-წარმომადგენელი რუსეთში ჰარი ტაბახი უკრაინული გამოცემა «Апостроф»-ის კორესპონდენტის ეკატერინე
ინტერვიუ
ინტერვიუ გენერალ ბენ ჰოჯესთან: საქართველოს 20% ოკუპირებულია, მაგრამ ნატოს მისთვის წევრობის შეთავაზებისთვის პრეცედენტი აქვს... და ეს გერმანიაა
13:01 12.02.2019
შავი ზღვის უსაფრთხოება აღმოსავლეთ ევროპის სტაბილურობის ერთ-ერთი საფუძველია. უკრაინაში რუსეთის აგრესიის