logo2
logo2
logo2
logo2
არქივი
მარიამ ჯაში: სიამოვნებით შევისწავლი აფხაზურ ენას
მარიამ ჯაში: სიამოვნებით შევისწავლი აფხაზურ ენას
19:01 11.07.2018
განათლების, მეცნიერებისა და კულტურის კომიტეტის თავმჯდომარე მარიამ ჯაში და კომიტეტის წევრები აფხაზეთის ა/რ მთავრობის თავმჯდომარეს, ვახტანგ ყოლბაიას შეხვდნენ.
შეხვედრაზე აფხაზეთში განათლებისა და კულტურული მემკვიდრეობის კუთხით არსებული გამოწვევების, განხორციელებული და დაგეგმილი პროექტების შესახებ იმსჯელეს.

დღეს აფხაზეთში 30 ქართული საშუალო სკოლა, 2 თეატრი, 2 სახელმწიფო ანსამბლი, კაპელა, სამუსიკო სკოლა ფუნქციონირებს.

„ეს არის ის ძაფი, რომელიც აფხაზეთთან გვაკავშირებს“, - განაცხადა ვახტანგ ყოლბაიამ.

თუმცა მისივე ინფორმაციით, 30 სკოლიდან 7-ს დახურვა ემუქრება.

როგორც მარიამ ჯაშმა აღნიშნა, მთავარ პრობლემად რჩება ბავშვთა უფლებების საკითხი მშობლიურ ენაზე სწავლის ხელმისაწვდომობის თვალსაზრისით. „ჩვენ ვეძებთ გზებს საერთაშორისო ორგანიზაციების ჩართულობით, როგორ შეიძლება ხელი შევუწყოთ როგორც ქართული, ასევე აფხაზური ენის სწავლებას, განსაკუთრებით, საქართველოს ოკუპირებულ ტერიტორიებზე მცხოვრები ბავშვებისთვის. ჩვენ განვიხილეთ შესაძლებლობები, რომ გაიზარდოს დაფინანსება აფხაზეთის მთავრობის დაქვემდებარებაში მყოფ სკოლებში, რადგან აღნიშნულ სკოლებში პედაგოგთა ანაზღაურება შედარებით დაბალი რჩება. მაქსიმალურად უნდა შევუწყოთ ხელი, რომ დევნილობაში მყოფი მთავრობის დაწესებულებებში იყოს გათანაბრების საშუალება. ვეძებთ ასევე საშუალებებს კულტურის სფეროში, თუ როგორ შეიძლება სიმღერისა და ცეკვის ანსამბლების, აფხაზეთის კაპელას ფინანსური მხარდაჭერა და საერთაშორისო აღიარების მოპოვება“, - განაცხადა მარიამ ჯაშმა.

მისივე თქმით, აღნიშნული პრობლემები ეტაპობრივად უნდა გადაიჭრას. „ახალი სასწავლო წლის მოახლოებისთვის გავააქტიურებთ საერთაშორისო ორგანიზაციებთან დიალოგს. მას შემდეგ, რაც დასრულდება საქართველოს მთავრობის სტრუქტურული რეორგანიზაცია, ერთ-ერთი პირველი შეხვედრის თემა, რომელსაც ვთხოვ სამინისტროს ხელმძღვანელობას, იქნება სწორედ აფხაზეთის საკითხებთან მიმართებაში“, - აღნიშნა კომიტეტის თავმჯდომარემ.

მარიამ ჯაშს მიაჩნია, რომ განათლება უნდა იყოს სახალხო დიპლომატიის მთავარი ხიდი აფხაზებთან. ”თუ საჯარო მოხელეებს სურვილი ექნებათ, შეისწავლონ აფხაზური ენა, ეს ძალიან დადებითად იქნება შეფასებული. მე თვითონ სიამოვნებით შევისწავლი აფხაზურ ენას, რადგან ვთვლი, რომ ვიდრე ჩვენ რუსულად ვესაუბრებით ერთმანეთს, რუსული ოკუპაცია ვერ დასრულდება საქართველოში“, - განაცხადა კომიტეტის თავმჯდომარემ.






FaceBook Twitter Digg MySpace Delicious Google ელფოსტაბეჭდვა

ინტერვიუ
ინტერვიუ რუსეთში ნატოს ყოფილ წარმომადგენელთან: ტრამპმა მითითება გასცა, რომ ალიანსში საქართველოსა და უკრაინის მიღების მიზნით გამოსავალი იპოვონ
14:19 15.02.2019
ნატოს ექს-წარმომადგენელი რუსეთში ჰარი ტაბახი უკრაინული გამოცემა «Апостроф»-ის კორესპონდენტის ეკატერინე
ინტერვიუ
ინტერვიუ გენერალ ბენ ჰოჯესთან: საქართველოს 20% ოკუპირებულია, მაგრამ ნატოს მისთვის წევრობის შეთავაზებისთვის პრეცედენტი აქვს... და ეს გერმანიაა
13:01 12.02.2019
შავი ზღვის უსაფრთხოება აღმოსავლეთ ევროპის სტაბილურობის ერთ-ერთი საფუძველია. უკრაინაში რუსეთის აგრესიის
ინტერვიუ
ინტერვიუ აზერბაიჯანის ტურიზმის ასოციაციის ხელმძღვანელთან: საქართველოს წარმატება ტურიზმის სფეროში ჩვენთვისაც სასარგებლოა
17:08 03.02.2019
ინტერვიუში აზერბაიჯანის ტურიზმის ასოციაციის თავმჯდომარე ნაჰიდ ბაგიროვი ჟურნალისტ ლეილა მურადს
ინტერვიუ
ინტერვიუ
ინტერვიუ ილჰამ ალიევთან: საქართველოს შავი ზღვის ნავსადგურების ნაცვლად ევროპაში ტვირთების სახმელეთო გზით გაგზავნა უფრო ეკონომიური და სწრაფია
15:09 23.01.2019
აზერბაიჯანის პრეზიდენტმა ილჰამ ალიევმა, შვეიცარის ქალაქ დავოსში მიმდინარე მსოფლიო ეკონომიკურ ფორუმზე
ინტერვიუ
ინტერვიუ
ინტერვიუ თეოლოგ გურამ ლურსმანაშვილთან: უკრაინის საკითხი ყველა ავტოკეფალური ეკლესიისთვის ლუსტრაციაა
14:45 25.12.2018
უკრაინაში ახალი ერთიანი მართლმადიდებელი ეკლესიის დაფუძნებისა და კიევისა და
ინტერვიუ
მიხეილ სააკაშვილი ებრაელი და ქართველი „აფერისტების“ შესახებ ისრაელის ტელეარხის ეთერში
11:20 12.12.2018
მიხეილ სააკაშვილი ძალიან ემოციური პიროვნებაა და ხშირად მწვავე გამონათქვამებს უშვებს: მაგალითად, მან