logo2
logo2
logo2
არქივი
« ივნისი 2019 »
ორ სა ოთ ხუ პა შა კვ
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
logo2
logo2
საქართველოსა და ბელგიის საგარეო საქმეთა სამინისტროებს შორის  პოლიტიკური კონსულტაციები გაიმართა
საქართველოსა და ბელგიის საგარეო საქმეთა სამინისტროებს შორის პოლიტიკური კონსულტაციები გაიმართა
18:12 28.05.2018
2018 წლის 28 მაისს საქართველოს საგარეო საქმეთა სამინისტროში გაიმართა ორმხრივი პოლიტიკური კონსულტაციები საქართველოსა და ბელგიის სამეფოს საგარეო საქმეთა სამინისტროებს შორის.

კონსულტაციებს ქართული მხრიდან ხელმძღვანელობდა მინისტრის მოადგილე ვახტანგ მახარობლიშვილი, ხოლო ბელგიის მხრიდან საგარეო საქმეთა სამინისტროს ორმხრივი ურთიერთობების გენერალური დირექტორატის ხელმძღვანელი ანიკ ვან კალსტერი.

შეხვედრის დასაწყისში, ვახტანგ მახარობლიშვილმა ხაზგასმით აღნიშნა ქვეყნებს შორის არსებული ისტორიული ურთიერთობები, რომელიც საქართველოს პირველი დემოკრატიული რესპუბლიკის დაარსებიდან იღებს სათავეს და შესაბამისად, 100 წელს ითვლის. როგორც ბელგიის არქივში დაცული დოკუმენტებიდან ირკვევა, საქართველოს პირველი რესპუბლიკის არსებობის პერიოდში, საქართველოში ვიზიტით იმყოფებოდა ბელგიის იმდროინდელი საგარეო საქმეთა მინისტრი, ცნობილი პიროვნება ემილ ვანდერველდი, რომელიც საქართველოდან შთაბეჭდილებებით სავსე დაბრუნდა ბელგიაში და საერთაშორისო თანამეგობრობას საქართველოს დამოუკიდებლობის მხარდაჭერისაკენ მოუწოდებდა. ბრიუსელის არქივში ასევე ინახება ნოე ჟორდანიას ხელნაწერი წერილი მინისტრ ვანდერველდის, როგორც საქართველოს დიდი მეგობრის სახელზე.

პოლიტიკური კონსულტაციების ფარგლებში, მხარეებმა განიხილეს როგორც ორმხრივ, ისე მრავალმხრივ ფორმატში საქართველო-ბელგიის თანამშრომლობის საკითხები, საქართველოს ევროპული ინტეგრაცია, ქვეყანაში გატარებული რეფორმები, ოკუპირებულ ტერიტორიებზე არსებული მდგომარეობა, მეზობელ ქვეყნებთან ურთიერთობები და გლობალურ პოლიტიკასთან დაკავშირებული აქტუალური თემები.

ვახტანგ მახარობლიშვილმა მადლობა გადაუხადა ბელგიურ მხარეს საქართველოს ევროპული და ევრო-ატლანტიკური ინტეგრაციისა და ტერიტორიული მთლიანობის მტკიცე და თანმიმდევრული მხარდაჭერისათვის. მან ხაზგასმით აღნიშნა, რომ საქართველო ევროკავშირთან ინტეგრაციის შეუქცევად გზას ადგას და ამ პროცესში განსაკუთრებულ მნიშვნელობას იძენს ევროპელ პარტნიორებთან, მათ შორის, ბელგიასთან მჭიდრო და კოორდინირებული თანამშრომლობა.

ორმხრივი ურთიერთობების კუთხით მხარეებმა აღნიშნეს უმაღლესი და მაღალი დონის ვიზიტების შემდგომი ურთიერთგაცვლის მნიშვნელობა და განიხილეს ორ ქვეყანას შორის სავაჭრო-ეკონომიკური, განვითარებისა და სამართალდაცვით სფეროებში თანამშრომლობის პერსპექტივები. ამასთან, დადებითად შეფასდა კონკრეტული მიმართულებებით გამოკვეთილი ურთიერთობების განვითარების აქტიური დინამიკა, რაც მიმდინარე თუ სამომავლოდ დაგეგმილ პროექტებში ჰპოვებს ასახვას (სოფლის მეურნეობა, ენერგეტიკა, ფარმაცევტიკა და ა.შ.). მხარეებმა განსაკუთრებით აღნიშნეს, რომ მნიშვნელოვანია სავაჭრო-ეკონომიკური ურთიერთობების კუთხით არსებული პოტენციალის მაქსიმალურად ათვისება და ბიზნეს-წრეებს შორის ინტენსიური კავშირების ხელშეწყობა. ამ კონტექსტში ასევე ხაზი გაესვა, რომ საქართველომ წარმატებით დაიმკვიდრა ინვესტიციებისათვის ხელსაყრელი ქვეყნისა და მსხვილი ეკონომიკური (სატრანსპორტო, ენერგეტიკული და სხვა) პროექტების რეგიონული ცენტრის (ჰაბის) სტატუსი.

მხარეებმა ისაუბრეს საქართველოს ევროპული და ევრო-ატლანტიკური ინტეგრაციის დღის წესრიგზე, კერძოდ, ევროკავშირთან დაახლოების პროცესში მიღწეულ წარმატებებსა და სამომავლო პერსპექტივებზე. ამასთან, გამოითქვა იმედი, რომ სამომავლოდ ბელგიასთნ შესაძლებელი იქნება ეფექტიანი თანამშრომლობა საქართველოს ევროკავშირთან ინტეგრაციის პროცესში გამოცდილების გაზიარების მიზნით. ანიკ ვან კალსტერმა აღნიშნა, რომ ბელგია მომავალშიც აქტიურად შეუწყობს ხელს საქართველოს ევროპული და ევრო-ატლანტიკური ინტეგრაციის გზაზე. მან ასევე ხაზი გაუსვა, რომ ევროკავშირთან უვიზო მიმოსვლის ამოქმედება საქართველოს მთავრობის მიერ გატარებული რეფორმებისა და ქართველი ხალხის მტკიცე ძალისხმევის შედეგია.

საუბარი შეეხო საქართველოს ნატო-ში ინტეგრაციას, ჩრდილო-ატლანტიკური ორგანიზაციის მომავალ სამიტზე საქართველოს მოლოდინებს. ხაზი გაესვა საქართველოს მიერ ნაკისრი ვალდებულებების შესრულების მაღალ დონეს. უსაფრთხოების სფეროში თანამშრომლობის საკითხებზე მსჯელობისას, ყურადღება გამახვილდა შავი ზღვის როლზე და ამ კონტექსტში, ნატო-სთან საქართველოს თანამშრომლობის ასპექტებზე.

აღინიშნა მრავალმხრივ ფორმატებში ბელგიის მიერ თანმიმდევრულად გამოხატულ მხარდაჭერას საქართველოს ტერიტორიული მთლიანობისა და სუვერენიტეტისადმი და ამ კონტექსტში, ქართული მხარის მიერ საერთაშორისო ორგანიზაციების ფარგლებში წარდგენილი რეზოლუციების მიმართ.

მინისტრის მოადგილემ ბელგიურ მხარეს მიაწოდა ინფორმაცია საქართველოს ოკუპირებულ ტერიტორიებზე უსაფრთხოებისა და ადამიანის უფლებების დაცვის თვალსაზრისით შექმნილ ურთულესი ვითარების თაობაზე. განსაკუთრებული ყურადღება გამახვილდა არჩილ ტატუნაშვილის სიცოცხლის ხელყოფის ტრაგიკულ ფაქტზე, რომელიც რუსეთის ოკუპაციისა და ანექსიის პოლიტიკას ემსხვერპლა.

ბელგიელმა დიპლომატმა, თავის მხრივ, დაგმო ოკუპირებულ ტერიტორიებზე ადამიანის უფლებების დარღვევისა და სიცოცხლის ხელყოფის ფაქტები და კიდევ ერთხელ გამოხატა ბელგიის ურყევი მხარდაჭერა საქართველოს სუვერენიტეტისა და ტერიტორიული მთლიანობისადმი.

ვიზიტის ფარგლებში სტუმრები ასევე მოინახულებენ ევროკავშირის სადამკვირვებლო მისიას და საოკუპაციო ხაზის გასწვრივ მდებარე ტერიტორიებს.


FaceBook Twitter Digg MySpace Delicious Google ელფოსტაბეჭდვა

ინტერვიუ
ინტერვიუ სალომე ზურაბიშვილთან: დავით-გარეჯთან დაკავშირებით ზოგიერთი მხარის რეაქციები ძალიან გამიკვირდა
18:10 01.05.2019
ინტერვიუში საქართველოს პრეზიდენტი სალომე ზურაბიშვილი ქვეყნის პოლიტიკურ ცხოვრებაში საკუთარ როლზე, მეზობელ
ინტერვიუ
ინტერვიუ მიხეილ სააკაშვილთან: პირველი, რაც ზელენსკიმ უნდა გააკეთოს ისაა, რომ პოროშენკოს კლანი ციხეში ჩასვას
12:14 22.04.2019
რუსეთის ტელეკომპანია «Дождь»-ის შოუ-პროგრამაში «Здесь и сейчас» ისაუბრა საქართველოს ექს-პრეზიდენტმა და უკრაინის
ინტერვიუ
აშშ - ნატოს წევრი თუ ნატოს „ხაზეინი“?-ინტერვიუ თურქ გენერალთან
13:38 20.04.2019
ყველამ კარგად იცის, თუ რა წონა აქვს ამერიკის შეერთებულ შტატებს ნატოში და რა ძალას ფლობს ვაშინგტონი. ეს ყველაფერი
ინტერვიუ
ინტერვიუ ჰანს ბინენდაიკთან: ნატოში გაწევრიანება დღეს ან ხვალ არ მოხდება,თუმცა საქართველომ იმედი უნდა შეინარჩუნოს
13:25 20.04.2019
ნატომ თავისი არსებობის 70 წლის მანძილზე დროს გაუძლო და ისტორიაში ყველაზე წარმატებულ სამხედრო-პოლიტიკურ ალიანსად
ინტერვიუ
ალექსი პუშკოვი: როგორი პოლიტიკა უნდა გაატაროს მოსკოვმა პოსტსაბჭოთა სივრცეში
18:31 15.04.2019
გაზეთ „კომსომოლსკაია პრავდა“-ს კორესპონდენტი ალექსანდრე გამოვი რუსეთის ფედერაციის საბჭოს საინფორმაციო პოლიტიკის
ინტერვიუ
ინტერვიუ მიხეილ სააკაშვილთან: პირველ აპრილს უკრაინაში ჩასვლას ვგეგმავ, ბილეთიც ნაყიდი მაქვს
11:41 13.03.2019
უკრაინის ტელეკომპანია «Наш»-ის გადაცემაში «В гостьях у Дмитрия Гордона» ცნობილი უკრაინელი ჟურნალისტი
ინტერვიუ
ირანული გაზის ტრანზიტი სომხეთის გავლით: როგორი პოზიცია აქვს საქართველოს?
14:33 05.03.2019
ირანში სომხეთის პრემიერ-მინისტრის ნიკოლ ფაშინიანის ამასწინანდელი ვიზიტის დროს, პრეზიდენტ ჰასან რუჰანთან
ინტერვიუ
ინტერვიუ დევიდ სალვოსთან: ჩვენ ხელიდან გავუშვით შესაძლებლობა, რომ გვეპასუხა საქართველოში რუსეთის სამხედრო აგრესიისთვის
14:18 05.03.2019
როგორ ახდენს გავლენას კრემლის მიერ დაფინანსებული და მართული მედია 40-მდე სხვადასხვა ქვეყნის შიდა
ინტერვიუ
ექსკლუზიური ინტერვიუ სალომე ზურაბიშვილთან: სიტუაცია ძალიან რთულია და სამწუხაროდ, ჩვენ არ გვაქვს დიდი შესაძლებლობები წინ აღვუდგეთ ამ პროცესს
13:15 28.02.2019
ბაქოში მყოფმა საქართველოს პრეზიდენტმა სალომე ზურაბიშვილმა ინტერვიუ მისცა აზერბაიჯანის სახელმწიფო
ინტერვიუ
ინტერვიუ რუსეთში ნატოს ყოფილ წარმომადგენელთან: ტრამპმა მითითება გასცა, რომ ალიანსში საქართველოსა და უკრაინის მიღების მიზნით გამოსავალი იპოვონ
14:19 15.02.2019
ნატოს ექს-წარმომადგენელი რუსეთში ჰარი ტაბახი უკრაინული გამოცემა «Апостроф»-ის კორესპონდენტის ეკატერინე
ინტერვიუ
ინტერვიუ გენერალ ბენ ჰოჯესთან: საქართველოს 20% ოკუპირებულია, მაგრამ ნატოს მისთვის წევრობის შეთავაზებისთვის პრეცედენტი აქვს... და ეს გერმანიაა
13:01 12.02.2019
შავი ზღვის უსაფრთხოება აღმოსავლეთ ევროპის სტაბილურობის ერთ-ერთი საფუძველია. უკრაინაში რუსეთის აგრესიის