logo2
logo2
logo2
არქივი
« აპრილი 2020 »
ორ სა ოთ ხუ პა შა კვ
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30
logo2
logo2
მიხეილ ჯანელიძემ გაერო-ს უშიშროების საბჭოს დებატებში მიიღო მონაწილეობა
მიხეილ ჯანელიძემ გაერო-ს უშიშროების საბჭოს დებატებში მიიღო მონაწილეობა
23:35 22.05.2018
საქართველოს ვიცე-პრემიერმა, საგარეო საქმეთა მინისტრმა მიხეილ ჯანელიძემ გაერო-ს უშიშროების საბჭოს დებატებში მიიღო მონაწილეობა, რომლის ფარგლებშიც განხილულ იქნა სამხედრო კონფლიქტის დროს მშვიდობიანი მოსახლეობის დაცვის საკითხები.



საგარეო უწყების ხელმძღვანელმა საკუთარ გამოსვლაში ყურადღება გაამახვილა საქართველოს ოკუპირებულ რეგიონებში არსებულ ვითარებაზე და ადგილზე ადამიანის უფლებების დარღვევის მძიმე ფაქტებზე. მიხეილ ჯანელიძის განცხადებით რუსეთ-საქართველოს კონფლიქტის მოგვარება და მისგან გამომდინარე ჰუმანიტარული შედეგების რეგულირება საერთაშორისო სამართალს უნდა ეფუძნებოდეს. როგორც მინისტრმა აღნიშნა, მიუხედავად საქართველოს მთავრობის ძალისხმევისა, რუსეთის ფედერაციის მიერ უპატივცემულობა წარმოადგენს კონფლიქტის მოგვარების ძირითად დაბრკოლებას.



„რუსეთი აგრძელებს გაერო-ს ქარტიის და საერთაშორისო სამართლის ძირითადი პრინციპების, ისევე როგორც გაერო-ს უშიშროების საბჭოს (UNSC) 39 რეზოლუციის დარღვევას. რუსეთ-საქართველოს ომის შემდეგ 10 წელი გავიდა და რუსეთის ფედერაციას ჯერ კიდევ შესასრულებელი აქვს ევროკავშირის მედიაციით 2008 წლის 12 აგვისტოს ცეცხლის შეწყვეტის შესახებ შეთანხმებით ნაკისრი ვალდებულებები. ევროკავშირის სადამკვირვებლო მისია (EUMM), ერთადერთი წარმოდგენილი საერთაშორისო მექანიზმი, ვერ ახერხებს საკუთარი მანდატის სრულყოფილად განხორციელებას, რადგან რუსეთის ფედერაციის უკანონო სამხედრო ოკუპაციის ქვეშ მყოფ ტერიტორიებზე შესვლის შესაძლებლობა არ ეძლევა. შეთანხმების მე-5 პუნქტის თანახმად, რუსეთის ფედერაციამ უნდა გაიყვანოს თავისი ჯარები და დაუშვას ადგილზე საერთაშორისო უსაფრთხოების მექანიზმების არსებობის შესაძლებლობა“ - აღნიშნა მინისტრმა.



მიხეილ ჯანელიძის განცხადებით საქართველოს ოკუპირებულ ტერიტორიებზე საერთაშორისო უსაფრთხოების მექანიზმების არდაშვება რუსეთის ფედერაციის მხრიდან ქმნის გარემოს, რაც საფრთხეს უქმნის ადამიანების სიცოცხლეს და მათი ძირითადი უფლებების დაცვას. ამ კონტექსტში, საქართველოს ვიცე-პრემიერმა გაერო-ს მაღალი ტრიბუნიდან კიდევ ერთხელ ისაუბრა საქართველოს მოქალაქეების გიგა ოთხოზორიასა და არჩილ ტატუნაშვილის მკვლელობის საკითხებზე.



როგორც საქართველოს საგარეო უწყების ხელმძღვანელმა აღნიშნა საქართველოს ოკუპირებულ ტერიტორიებზე მცხოვრები მოსახლეობა მოკლებულია უსაფრთხოების მინიმალურ გარანტიებს და ირღვევა მათი ფუნდამენტური უფლებები და თავისუფლება, მათ შორის შეზღუდულია თავისუფლად გადაადგილება, განათლების მიღება მშობლიურ ენაზე და ირღვევა საკუთრების უფლებები.



„ოკუპირებულ რეგიონებში შესვლის უფლება არ აქვს არც ერთ საერთაშორისო მონიტორინგის მექანიზმს, რათა უზრუნველყოს სანდო ინფორმაცია ჰუმანიტარული და ადამიანის უფლებათა კუთხით არსებული საჭიროებების შესახებ, რაც სრულიად მიუღებელია საერთაშორისო თანამეგობრობისა და უშიშროების საბჭოსთვის“ - განაცხადა მიხეილ ჯანელიძემ.



საგარეო საქმეთა მინისტრის შეფასებით საქართველოში, გაერო-ს სადამკვირვებლო მისიის (UNOMIG) მანდატის გაგრძელებაზე 2009 წლის ვეტოს შემდგომ ოკუპირებულ რეგიონებში შეიქმნა ვაკუუმი და საერთაშორისო უსაფრთხოების მექანიზმების ჩამოყალიბების აუცილებლობა, რაც პირდაპირ გავლენას ახდენს სამოქალაქო პირების დაცვაზე.



სიტყვის დასასრულს მიხეილ ჯანელიძემ მზადყოფნა გამოთქვა საქართველო შეუერთდეს ყველა იმ ძალისხმევას, რომელიც მიმართულია მსოფლიოში არსებული კონფლიქტების ფარგლებში დაუსჯელობასთან ბრძოლისკენ და ადამიანის უფლებების დაცვის გაძლიერებისკენ.



აღსანიშნავია, რომ ღია დებატები თემაზე: სამხედრო კონფლიქტის დროს მშვიდობიანი მოსახლეობის დაცვის საკითხები პოლონეთის თავმჯდომარეობის ინიციატივით გაიმართა.​
FaceBook Twitter Digg MySpace Delicious Google ელფოსტაბეჭდვა

ინტერვიუ
ზაზა აბაშიძე: 2020 წელს დიდი გეგმებით ვხვდებით
16:57 08.01.2020
ხელნაწერთა ეროვნული ცენტრი, როგორც ქვეყნის ერთ-ერთი უმთავრესი სამეცნიერო ცენტრი
ინტერვიუ
საზოგადოებრივი მაუწყებლის რა ქონება გაასხვისა თამარ კინწურაშვილმა და რა ფასად - ჟურნალისტური მოკვლევა
13:52 23.10.2019
საზოგადოებრივი მაუწყებლის ყოფილი გენერალური დირექტორი, შემდგომში გიგა ბოკერიას
ინტერვიუ
ინტერვიუ სალომე ზურაბიშვილთან: დავით-გარეჯთან დაკავშირებით ზოგიერთი მხარის რეაქციები ძალიან გამიკვირდა
18:10 01.05.2019
ინტერვიუში საქართველოს პრეზიდენტი სალომე ზურაბიშვილი ქვეყნის პოლიტიკურ ცხოვრებაში საკუთარ როლზე, მეზობელ
ინტერვიუ
ინტერვიუ მიხეილ სააკაშვილთან: პირველი, რაც ზელენსკიმ უნდა გააკეთოს ისაა, რომ პოროშენკოს კლანი ციხეში ჩასვას
12:14 22.04.2019
რუსეთის ტელეკომპანია «Дождь»-ის შოუ-პროგრამაში «Здесь и сейчас» ისაუბრა საქართველოს ექს-პრეზიდენტმა და უკრაინის
ინტერვიუ
აშშ - ნატოს წევრი თუ ნატოს „ხაზეინი“?-ინტერვიუ თურქ გენერალთან
13:38 20.04.2019
ყველამ კარგად იცის, თუ რა წონა აქვს ამერიკის შეერთებულ შტატებს ნატოში და რა ძალას ფლობს ვაშინგტონი. ეს ყველაფერი
ინტერვიუ
ინტერვიუ ჰანს ბინენდაიკთან: ნატოში გაწევრიანება დღეს ან ხვალ არ მოხდება,თუმცა საქართველომ იმედი უნდა შეინარჩუნოს
13:25 20.04.2019
ნატომ თავისი არსებობის 70 წლის მანძილზე დროს გაუძლო და ისტორიაში ყველაზე წარმატებულ სამხედრო-პოლიტიკურ ალიანსად
ინტერვიუ
ალექსი პუშკოვი: როგორი პოლიტიკა უნდა გაატაროს მოსკოვმა პოსტსაბჭოთა სივრცეში
18:31 15.04.2019
გაზეთ „კომსომოლსკაია პრავდა“-ს კორესპონდენტი ალექსანდრე გამოვი რუსეთის ფედერაციის საბჭოს საინფორმაციო პოლიტიკის
ინტერვიუ
ინტერვიუ მიხეილ სააკაშვილთან: პირველ აპრილს უკრაინაში ჩასვლას ვგეგმავ, ბილეთიც ნაყიდი მაქვს
11:41 13.03.2019
უკრაინის ტელეკომპანია «Наш»-ის გადაცემაში «В гостьях у Дмитрия Гордона» ცნობილი უკრაინელი ჟურნალისტი
ინტერვიუ
ირანული გაზის ტრანზიტი სომხეთის გავლით: როგორი პოზიცია აქვს საქართველოს?
14:33 05.03.2019
ირანში სომხეთის პრემიერ-მინისტრის ნიკოლ ფაშინიანის ამასწინანდელი ვიზიტის დროს, პრეზიდენტ ჰასან რუჰანთან
ინტერვიუ
ინტერვიუ დევიდ სალვოსთან: ჩვენ ხელიდან გავუშვით შესაძლებლობა, რომ გვეპასუხა საქართველოში რუსეთის სამხედრო აგრესიისთვის
14:18 05.03.2019
როგორ ახდენს გავლენას კრემლის მიერ დაფინანსებული და მართული მედია 40-მდე სხვადასხვა ქვეყნის შიდა