logo2
logo2
logo2
არქივი
« დეკემბერი 2019 »
ორ სა ოთ ხუ პა შა კვ
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31
logo2
logo2
თამარ ჩუგოშვილმა კონფერენცია „გენდერული თანასწორობა ადგილობრივ თვითმმართველობებში - გამოწვევები და შესაძლებლობები“ მისასალმებელი სიტყვით გახსნა
თამარ ჩუგოშვილმა კონფერენცია „გენდერული თანასწორობა ადგილობრივ თვითმმართველობებში - გამოწვევები და შესაძლებლობები“ მისასალმებელი სიტყვით გახსნა
16:40 15.05.2018
საქართველოს სახელმწიფო და ადგილობრივი ხელისუფლება იწყებს ერთობლივ საქმიანობას ადგილობრივ თვითმმართველობაში გენდერული თანასწორობის მისაღწევად და გენდერული თანასწორობის შესახებ კანონში 2016 წელს შესული შესწორებების განსახორციელებლად.



ამ საკითხთან დაკავშირებით, დღეს, პირველი ეროვნული კონფერენცია გაიმართა, რომელიც პარლამენტის თავმჯდომარის პირველმა მოადგილემ და გენდერული თანასწორობის საბჭოს თავმჯდომარემ თამარ ჩუგოშვილმა მისასალმებელი სიტყვით გახსნა.



„დღევანდელი კონფერენცია ემსახურება ქალების თემასთან დაკავშირებული პრობლემების განხილვისთვის და მოგვარებისთვის ეფექტური მექანიზმების შექმნას.

ვინაიდან კანონმდებლობის თანახმად, ადგილობრივი თვითმმართველობის ერთეულებს აქვთ ვალდებულება შექმნან გარკვეული ერთეულები როგორც საკრებულოში, ასევე გამგებლების, მერიების ოფისებში, რომლებიც ქალთა საკითხებზე იმუშავებენ და ვინაიდან ჩვენც, საქართველოს პარლამენტშიც გვაქვს ასეთივე ერთეული საბჭოს სახით, ჩვენი მიზანია, ერთი მხრივ, გაგაცნოთ ჩვენი საქმიანობა და მეორე მხრივ, გვქონდეს ერთმანეთთან უფრო მჭიდრო თანამშრომლობა, უფრო ხშირი კომუნიკაცია და შესაბამისად, ერთად უფრო ეფექტურად ვიმუშაოთ“,-განაცხადა თამარ ჩუგოშვილმა.



კონფერენციის მონაწილეებს მისასალმებელი სიტყვით მიმართეს: თბილისის მერმა და საქართველოს ადგილობრივ თვითმმართველობათა ეროვნული ასოციაციის (NALAG) პრეზიდენტმა კახა კალაძემ, საქართველოს რეგიონული განვითარებისა და ინფრასტრუქტურის მინისტრის მოადგილემ მზია გიორგობიანმა და საქართველოს პრემიერ-მინისტრის თანაშემწემ ადამიანის უფლებათა და გენდერული თანასწორობის საკითხებში და საქართველოს მთავრობის ადმინისტრაციაში გენდერული თანასწორობის, ქალთა მიმართ ძალადობისა და ოჯახში ძალადობის საკითხებზე მომუშავე უწყებათაშორისი კომისიის თავმჯდომარემ სოფიო ჯაფარიძემ.



გამომსვლელებს შორის ასევე იყვნენ, ასევე: ეროვნულ-დემოკრატიული ინსტიტუტის (NDI) საქართველოს ოფისის დირექტორი ლორა თორნტონი და გაეროს განვითარების პროგრამის (UNDP) ხელმძღვანელის მოადგილე საქართველოში ტუია ალთანგერელი.



მისასალმებელი გამოსვლების შემდეგ, პარლამენტის თავმჯდომარის პირველი მოადგილე და გენდერული თანასწორობის საბჭოს თავმჯდომარე თამარ ჩუგოშვილი კონფერენციის მონაწილეებს ესაუბრა საქართველოს პარლამენტის როლზე სახელმწიფო გენდერული პოლიტიკის შემუშავებასა და მთავარი მიმართულებების განსაზღვრის პროცესში და გააცნო პარლამენტის გენდერული თანასწორობის საბჭოს მუშაობა და როლი.



„მიუხედავად იმისა, რომ გენდერული თანასწორობის საბჭო არ არის კომიტეტი, ანუ არ არის აღჭურვილი ყველა იმ უფლებით, რა უფლებაც აქვს საპარლამენტო კომიტეტს, ჩვენი მუშაობა საკმაოდ ეფექტურია იმიტომ, რომ ფაქტობრივად ყველა პოლიტიკური პარტია, რომელიც პარლამენტშია წარმოდგენილი, ამ ფორმატში ვმუშაობთ ქალთა თემებზე და ვცდილობთ ჩვენი პოლიტიკური განსხვავებები გვერდზე გადავდოთ და ორიენტირებული ვიყოთ იმაზე, რომ ჩვენი მოსახლეობის ნახევრის ცხოვრება იყოს უფრო მეტად დაცული სხვადასხვა კუთხით“,-აღნიშნა თამარ ჩუგოშვილმა.



მისი თქმით, საბჭოს საქმიანობის მთავარი ამოცანებია: კანონმდებლობის შემუშავება, კერძოდ კანონმდებლობის დახვეწა გენდერული კუთხით; გარკვეული მონიტორინგის გაწევა აღმასრულებელ ხელისუფლებაზე და ასევე, ცნობიერების ამაღლება და საზოგადოებაში მეტი ინფორმაციის გავრცელება ქალთა პრობლემებისა და მათი გადაწყვეტის მნიშვნელობის შესახებ.

„რაც შეეხება აღმასრულებელ ხელისუფლებაზე მონიტორინგს, მინდა გამოვყო ჩვენი მოსმენები, რომელიც ემსახურებოდა შინაგან საქმეთა სამინისტროს და პროკურატურის წარმომადგენლების მხრიდან ანგარიშების მოსმენას ქალთა მკვლელობების თემაზე“,-აღნიშნა პარლამენტის თავმჯდომარის პირველმა მოადგილემ.

თამარ ჩუგოშვილის განცხადებით, გენდერული თანასწორობის საბჭოს საქმიანობა გაწერილია სამოქმედო გეგმაში. მისივე თქმით, 2018-2020 წლების სამოქმედო გეგმის ძირითადი პრიორიტეტები:


• გენდერული თანასწორობის ახალი სახელწიფო კონცეფციის დამტკიცება;

• გენდერული თანასწორობის შესახებ კანონის გადახედვა;

• კანონმდებლობის გენდერული გავლენის შეფასების ინსტიტუციონალიზაცია;

• მშობლის დეკრეტული შვებულების მოდელის შემუშავება/ ანაზღაურების სხვაობის გამოთვლის მეთოდოლოგიის დანერგვა და სხვა.

პარლამენტის თავმჯდომარის პირველი მოადგილის განცხადებით, მიუხედავად იმისა, რომ შარშან პარლამენტმა სტამბოლის კონვენციის რატიფიცირება მოახდინა და 20-ზე მეტ კანონში შესაბამისი ცვლილებები შევიდა, მაინც საჭიროა გარკვეულ საკანონმდებლო ცვლილებების განხორციელება ქალთა მიმართ ძალადობის პრობლემებთან დაკავშირებით.

თამარ ჩუგოშვილმა, ასევე ისაუბრა 2017 წელს განხორციელებულ ინიციატივებზე, კერძოდ: სამაგიდე კვლევაზე - „გენდერული თანასწორობა საქართველოში: ბარიერები და რეკომენდაციები“, გენდერული გავლენის შეფასებაზე (GIA), სტამბოლის კონვენციის რატიფიკაციის შედეგებზე, ქალთა ეკონომიკურ გაძლიერებაზე და კომუნიკაციის სტრატეგიაზე.


კონფერენციის მონაწილეებმა მოისმინეს პრეზენტაციები შემდეგ საკითხებზე: ეროვნულ დონეზე არსებული ვალდებულებები, ეროვნული მექანიზმები და გენდერული თანასწორობის ეროვნული სამოქმედო გეგმა; მუნიციპალური გენდერული თანასწორობის საბჭოების შექმნის საკანონმდებლო საფუძვლები და უფლება-მოვალეობები; მერიებში გენდერული თანასწორობის საკითხებზე პასუხისმგებელი პირების უფლება-მოვალეობები; ეროვნულ და ადგილობრივ დონეზე გენდერული საკითხების საკოორდინაციო მექანიზმები და საერთაშორისო გამოცდილება და სხვა.

ღონისძიების მონაწილეები გაეცნენ ადგილობრივ დონეზე გენდერული თანასწორობის მიღწევებს.



კონფერენციას საქართველოს მთავრობისა და პარლამენტის წარმომადგენლები, ყველა თვითმმართველი ქალაქისა და მუნიციპალიტეტის მერები, ადგილობრივი საკრებულოების თავმჯდომარეები, გენდერული თანასწორობის მუნიციპალური საბჭოების თავმჯდომარეები და გენდერული თანასწორობის საკითხებში ადგილობრივი საკონტაქტო პირები ესწრებოდნენ.

ღონისძიება გაიმართა საქართველოს პარლამენტის გენდერული თანასწორობის საბჭოსა და საქართველოს ადგილობრივ თვითმმართველობათა ეროვნული ასოციაციის ორგანიზებით და ეროვნულ-დემოკრატიული ინსტიტუტისა (NDI) და გაეროს განვითარების პროგრამის (UNDP) ხელშეწყობით.





FaceBook Twitter Digg MySpace Delicious Google ელფოსტაბეჭდვა

ინტერვიუ
საზოგადოებრივი მაუწყებლის რა ქონება გაასხვისა თამარ კინწურაშვილმა და რა ფასად - ჟურნალისტური მოკვლევა
13:52 23.10.2019
საზოგადოებრივი მაუწყებლის ყოფილი გენერალური დირექტორი, შემდგომში გიგა ბოკერიას
ინტერვიუ
ინტერვიუ სალომე ზურაბიშვილთან: დავით-გარეჯთან დაკავშირებით ზოგიერთი მხარის რეაქციები ძალიან გამიკვირდა
18:10 01.05.2019
ინტერვიუში საქართველოს პრეზიდენტი სალომე ზურაბიშვილი ქვეყნის პოლიტიკურ ცხოვრებაში საკუთარ როლზე, მეზობელ
ინტერვიუ
ინტერვიუ მიხეილ სააკაშვილთან: პირველი, რაც ზელენსკიმ უნდა გააკეთოს ისაა, რომ პოროშენკოს კლანი ციხეში ჩასვას
12:14 22.04.2019
რუსეთის ტელეკომპანია «Дождь»-ის შოუ-პროგრამაში «Здесь и сейчас» ისაუბრა საქართველოს ექს-პრეზიდენტმა და უკრაინის
ინტერვიუ
აშშ - ნატოს წევრი თუ ნატოს „ხაზეინი“?-ინტერვიუ თურქ გენერალთან
13:38 20.04.2019
ყველამ კარგად იცის, თუ რა წონა აქვს ამერიკის შეერთებულ შტატებს ნატოში და რა ძალას ფლობს ვაშინგტონი. ეს ყველაფერი
ინტერვიუ
ინტერვიუ ჰანს ბინენდაიკთან: ნატოში გაწევრიანება დღეს ან ხვალ არ მოხდება,თუმცა საქართველომ იმედი უნდა შეინარჩუნოს
13:25 20.04.2019
ნატომ თავისი არსებობის 70 წლის მანძილზე დროს გაუძლო და ისტორიაში ყველაზე წარმატებულ სამხედრო-პოლიტიკურ ალიანსად
ინტერვიუ
ალექსი პუშკოვი: როგორი პოლიტიკა უნდა გაატაროს მოსკოვმა პოსტსაბჭოთა სივრცეში
18:31 15.04.2019
გაზეთ „კომსომოლსკაია პრავდა“-ს კორესპონდენტი ალექსანდრე გამოვი რუსეთის ფედერაციის საბჭოს საინფორმაციო პოლიტიკის
ინტერვიუ
ინტერვიუ მიხეილ სააკაშვილთან: პირველ აპრილს უკრაინაში ჩასვლას ვგეგმავ, ბილეთიც ნაყიდი მაქვს
11:41 13.03.2019
უკრაინის ტელეკომპანია «Наш»-ის გადაცემაში «В гостьях у Дмитрия Гордона» ცნობილი უკრაინელი ჟურნალისტი
ინტერვიუ
ირანული გაზის ტრანზიტი სომხეთის გავლით: როგორი პოზიცია აქვს საქართველოს?
14:33 05.03.2019
ირანში სომხეთის პრემიერ-მინისტრის ნიკოლ ფაშინიანის ამასწინანდელი ვიზიტის დროს, პრეზიდენტ ჰასან რუჰანთან
ინტერვიუ
ინტერვიუ დევიდ სალვოსთან: ჩვენ ხელიდან გავუშვით შესაძლებლობა, რომ გვეპასუხა საქართველოში რუსეთის სამხედრო აგრესიისთვის
14:18 05.03.2019
როგორ ახდენს გავლენას კრემლის მიერ დაფინანსებული და მართული მედია 40-მდე სხვადასხვა ქვეყნის შიდა