logo2
logo2
logo2
არქივი
« ივნისი 2019 »
ორ სა ოთ ხუ პა შა კვ
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
logo2
logo2
„სახელმწიფო და ადგილობრივი ხელისუფლების ინსტიტუციური დიალოგის“ ფორუმზე დეცენტრალიზაციის რეფორმის შესახებ იმსჯელეს
„სახელმწიფო და ადგილობრივი ხელისუფლების ინსტიტუციური დიალოგის“ ფორუმზე დეცენტრალიზაციის რეფორმის შესახებ იმსჯელეს
12:14 06.05.2018
„სახელმწიფო და ადგილობრივი ხელისუფლების ინსტიტუციური დიალოგის“ პირველმა ყოველწლიურმა ფორუმმა გახსნითი ნაწილის შემდეგ დისკუსიის ფორმატში განაგრძო მუშაობა.

ფორუმის მონაწილეებმა დეცენტრალიზაციის რეფორმის, რეგიონული უთანაბრობისა და ინტერმუნიციპალური კავშირების ფორმირების შესახებ იმსჯელეს.



მომხსენებლებმა ხაზგასმით აღნიშნეს, რომ რეგიონული უთანაბრობა არის ერთ-ერთი მთავარი გამოწვევა საქართველოში, რაზეც რეგიონების მახასიათებლების სტატისტიკური მაჩვენებლებიც ცხადად მეტყველებს და ამ მიმართულებით, მოსახლეობის რაოდენობა, რიცხოვნობა, ურბანიზაციის ხარისხი, სიღარიბისა და უმუშევრობის მაჩვენებელი მნიშვნელოვნად განსხვავდება სხვადასხვა რეგიონში.



გაეროს განვითარების პროგრამის მიერ საქართველოში ამ მიმართულებით ჩატარებული კვლევების შედეგები ფორუმის მონაწილეებს გაეროს განვითარების პროგრამის პროექტის მენეჯერმა, ნინო კაკუბავამ გააცნო.



რეგიონულ უთანაბრობაზე, დეცენტრალიზაციისა და ადგილობრივ დონეზე კარგი მმართველობის ხელშეწყობის შესახებ ხედვა, ფორუმის მონაწილეებს, საქართველოს პარლამენტის წევრმა, გია ჟორჟოლიანმა წარუდგინა.



გია ჟორჟოლიანმა მნიშვნელოვანი ინიციატივისთვის ორგანიზატორებს მადლობა გადაუხადა და აღნიშნა, რომ ეროვნული, რეგიონული და მუნიციპალური დონის მჭიდრო თანამშრომლობის გარეშე რეგიონული განვითარების პრობლემები არ გადაწყდება.



„ეროვნული, რეგიონული და მუნიციპალური დონის მჭიდრო თანამშრომლობის გარეშე რეგიონული განვითარების პრობლემები არ გადაწყდება. და აქ ლომის წილი ეროვნული პოლიიკის განსაზღვრის დონეს მიეკუთვნება. დეცენტრალიზაცია რასაკვირველია მნიშვნელოვანია, მაგრამ თუ ეროვნული პოლიტიკა ამას ხელს არ უწყობს, დეცენტრალიზაცია ამ პრობლემას არ გადაწყვეტს,“-განაცხადა გია ჟორჟოლიანმა.



მისივე განცხადებით, რეგიონული უთანაბრობა არის ერთ-ერთი ყველაზე მთავარი მდგენელი იმ პრობლემებისა, რასაც უთანასწორობა ქმნის. საქართველო პოსტ-საბჭოთა ქვეყნებში უთანაბრობის კუთხით ერთ-ერთი ლიდერია და ეს ქვეყანაში არსებული ეკონომიკური და დასაქმების სტრუქტურით არის განპირობებული.



მომხსენებელმა რეგიონული უთანაბრობის მიმართულებით არსებულ ევროპულ პოლიტიკასა და გამოცდილებაზე ისაუბრა და აღნიშნა, რომ ევროპული პოლიტიკის ერთ-ერთი უმთავრესი შემადგენელი არის ევროპის საერთო პოლიტიკა რეგიონული უთანაბრობის წინაღმდეგ.



„დღეს პრემიერმა აახსენა და მეც მინდა ვთქვა, დღეს არის ევროპის დღე და ხშირად მედია და საზოგადოებრივი დისკურსი არასწორად წარმოგვიდგენს იმ სურათს, რომელიც ევროპაშია. ევროპული პოლიტიკის ერთ-ერთი უმთავრესი შემადგენელი არის ევროპის საერთო პოლიტიკა რეგიონული უთანაბრობის წინაღმდეგ. სწორედ ამაზე მიდის ევროკავშირის საერთო ბიუჯეტის ერთი მესამედი. ეს არის ყოველი ადამიანისთვის მნიშვნელოვანი საკითხი, იმისთვის, რომ ქვეყანაში ადამიანს შეეძლოს ღირსეულად ცხოვრება“,-განაცხად გია ჟორჟოლიანმა.



გია ჟორჟოლიანმა უთანაბრობის განმსაზღვრელ ერთ-ერთ მთავარ გამოწვევად, დასაქმების პრობლემა დაასახელა. მისივე თქმით, კარგი იქნება თუ გუბერნატორების ოფისები რეგიონების განვითარების ცენტრებად გადაიქცევიან და მათი მთავარი ფუნქცია რეგიონის განვითარებაზე ზრუნვა, გეგმების შედგენა, მათი რეალიზება და მონიტორინგი იქნება.



რეგიონული განვითარებისა და ინფრასტრუქტურის მინისტრის მოადგილემ, მზია გიორგობიანმა დეცენტრალიზაციის რეფორმის ძირითად ასპექტებზე ისაუბრა.



„ჩვენ ღია ვართ და ველოდებით თქვეს ინიციატივებს. ინიციატივები რეგიონებისა და მუნიციპალიტეტებისგან უნდა მოდიოდეს და იქედან უნდა იმართებოდეს ყველა ქმედება და ყველა ნაბიჯი, რომელიც ქვეყნის განვითარებისათვის მნიშვნელოვანია. დეცენტრალიზაცია ყველა დონეზე გაცხადებული და მხარდაჭერილია. საკანონმდებლო დონეზე გარკვეული ნაბიჯები გადადგმულია. დაგეგმილია დეცენტრალიზაციის სტრატეგიის შემუშავება და მასში როგორც აღმასრულებელი და საკანონმდებლო ხელისუფლების, ისე ადგილობრივი და საერთაშორისო არასამთავრობო ორგანიზაციები აქტიურად არიან ჩართული“,-განაცხადა მზია გიორგობიანმა.



ინსტიტუციური დიალოგისა და მუნიციპალიტეტებს შორის კავშირების ფორმირებისა და გაძლიერების შესაძლებლობებს შეეხო თავის გამოსვლაში რეგიონული პოლიტიკისა და თვითმმართველობის კომიტეტის წევრი ზაქარია ქუცნაშვილი.



„თვითმმართველობა ეს არის საფუძველი, რაზეც შენდება სახელმწიფო. მე დიდი მადლობა მინდა ვუთხრა რეგიონული პოლიტიკისა და თითმმართელობის კომიტეტის თავმჯდომარეს, რომელიც ძალიან მონდომებულია, რომ თვითმმართველობის და რეგიონული განვთარების პოლიტიკა წამყვან თემად იქცეს. ჩვენი ვალდებულებაა, რომ ამ საქმეში ხელი შევუწყოთ კომიტეტს“,-განაცხადა ზაქარია ქუცნაშვილმა.



პარლამენტოის წევრმა ყურადღება ინტერმუნიციპალური კავშირების ეფექტურობაზე და ამ მიმართლებით არსებულ ევროპულ გამოცდილებაზე გაამახვილა.



„ინტერმუნიციპალური კავშირები მიზნად ისახავს უფლებამოსილებათა ეფექტიან განხორციელებას და მოსახლეობისათვის ხარისხიანი მომსახურების გაწევას. იგივე მიზნებით კავშირების დამყარების საუკეთესო მაგალითს წარმოადგენს ამერიკის შეერთებული შტატების და ევროპის ქვეყნების კავშირი. სიმბოლურია, რომ დღეს, ევროპის დღეა. უფლებამოსილებათა კლასიკური განცხორციელების მაგალითია ევრო-ზონა, რამაც ხალხებს შორის ვაჭრობა, შრომა და საქმიანობა ადვილად ადმინისტირებადი გახადა, ისევე როგორც სურსათის უვნებლობის, მშენებლობის, ტრანსპორტის და ბევრ სხვა სფეროებში უნიფიცირებულმა ევროსტანდარტების შემოღებამ მოსახლეობისათვის ხარისხიანი მომსახურების დონე ჩამოაყალიბა“,-განაცხადა ზაქარია ქუცნაშვილმა. მან მუნიციპალიტეტებს შორის კავშირების ფორმირების კუთხით არსებულ პრობლემებზე ისაუბრა და ამ მიმართულებით კონკრეტულ მაგალითებზე გაამახვილა ყურადღება.



ფორუმში მონაწილე მერებმა მიღწეულ შედეგებზე ისაუბრეს და თვითმართველობაში არსებულ გამოწვევებზე საკუთარი ხედვა წარმოადგინეს.



სამომავლო ფორუმის ერთ-ერთ თემად მოქალაქეთა ჩართულობა და მათ მიერ პრიორიტეტების დასახვა დასახელდა.



„სახელმწიფო და ადგილობრივი ხელისუფლების ინსტიტუციური დიალოგის“ პირველი ყოველწლიური ფორუმის ინიციატორი და მასპინძელია საქართველოს პარლამენტის რეგიონული პოლიტიკისა და თვითმმართველობის კომიტეტი, ზაზა გაბუნიას ხელმძღვანელობით.



ფორუმის მხარდამჭერები არიან: გაეროს განვითარების პროგრამა საქართველოში (UNDP), ეროვნულ-დემოკრატიული ინსტიტუტი (NDI), საერთაშორისო რესპუბლიკური ინსტიტუტი (IRI) და World Vision. ღონისძიება იმართება აშშ-ის საერთაშორისო განვითარების სააგენტო (USAID), შვეიცარიის, ავსტრიისა და დანიის მთავრობების ფინანსური ხელშეწყობით.​
FaceBook Twitter Digg MySpace Delicious Google ელფოსტაბეჭდვა

ინტერვიუ
ინტერვიუ სალომე ზურაბიშვილთან: დავით-გარეჯთან დაკავშირებით ზოგიერთი მხარის რეაქციები ძალიან გამიკვირდა
18:10 01.05.2019
ინტერვიუში საქართველოს პრეზიდენტი სალომე ზურაბიშვილი ქვეყნის პოლიტიკურ ცხოვრებაში საკუთარ როლზე, მეზობელ
ინტერვიუ
ინტერვიუ მიხეილ სააკაშვილთან: პირველი, რაც ზელენსკიმ უნდა გააკეთოს ისაა, რომ პოროშენკოს კლანი ციხეში ჩასვას
12:14 22.04.2019
რუსეთის ტელეკომპანია «Дождь»-ის შოუ-პროგრამაში «Здесь и сейчас» ისაუბრა საქართველოს ექს-პრეზიდენტმა და უკრაინის
ინტერვიუ
აშშ - ნატოს წევრი თუ ნატოს „ხაზეინი“?-ინტერვიუ თურქ გენერალთან
13:38 20.04.2019
ყველამ კარგად იცის, თუ რა წონა აქვს ამერიკის შეერთებულ შტატებს ნატოში და რა ძალას ფლობს ვაშინგტონი. ეს ყველაფერი
ინტერვიუ
ინტერვიუ ჰანს ბინენდაიკთან: ნატოში გაწევრიანება დღეს ან ხვალ არ მოხდება,თუმცა საქართველომ იმედი უნდა შეინარჩუნოს
13:25 20.04.2019
ნატომ თავისი არსებობის 70 წლის მანძილზე დროს გაუძლო და ისტორიაში ყველაზე წარმატებულ სამხედრო-პოლიტიკურ ალიანსად
ინტერვიუ
ალექსი პუშკოვი: როგორი პოლიტიკა უნდა გაატაროს მოსკოვმა პოსტსაბჭოთა სივრცეში
18:31 15.04.2019
გაზეთ „კომსომოლსკაია პრავდა“-ს კორესპონდენტი ალექსანდრე გამოვი რუსეთის ფედერაციის საბჭოს საინფორმაციო პოლიტიკის
ინტერვიუ
ინტერვიუ მიხეილ სააკაშვილთან: პირველ აპრილს უკრაინაში ჩასვლას ვგეგმავ, ბილეთიც ნაყიდი მაქვს
11:41 13.03.2019
უკრაინის ტელეკომპანია «Наш»-ის გადაცემაში «В гостьях у Дмитрия Гордона» ცნობილი უკრაინელი ჟურნალისტი
ინტერვიუ
ირანული გაზის ტრანზიტი სომხეთის გავლით: როგორი პოზიცია აქვს საქართველოს?
14:33 05.03.2019
ირანში სომხეთის პრემიერ-მინისტრის ნიკოლ ფაშინიანის ამასწინანდელი ვიზიტის დროს, პრეზიდენტ ჰასან რუჰანთან
ინტერვიუ
ინტერვიუ დევიდ სალვოსთან: ჩვენ ხელიდან გავუშვით შესაძლებლობა, რომ გვეპასუხა საქართველოში რუსეთის სამხედრო აგრესიისთვის
14:18 05.03.2019
როგორ ახდენს გავლენას კრემლის მიერ დაფინანსებული და მართული მედია 40-მდე სხვადასხვა ქვეყნის შიდა
ინტერვიუ
ექსკლუზიური ინტერვიუ სალომე ზურაბიშვილთან: სიტუაცია ძალიან რთულია და სამწუხაროდ, ჩვენ არ გვაქვს დიდი შესაძლებლობები წინ აღვუდგეთ ამ პროცესს
13:15 28.02.2019
ბაქოში მყოფმა საქართველოს პრეზიდენტმა სალომე ზურაბიშვილმა ინტერვიუ მისცა აზერბაიჯანის სახელმწიფო
ინტერვიუ
ინტერვიუ რუსეთში ნატოს ყოფილ წარმომადგენელთან: ტრამპმა მითითება გასცა, რომ ალიანსში საქართველოსა და უკრაინის მიღების მიზნით გამოსავალი იპოვონ
14:19 15.02.2019
ნატოს ექს-წარმომადგენელი რუსეთში ჰარი ტაბახი უკრაინული გამოცემა «Апостроф»-ის კორესპონდენტის ეკატერინე
ინტერვიუ
ინტერვიუ გენერალ ბენ ჰოჯესთან: საქართველოს 20% ოკუპირებულია, მაგრამ ნატოს მისთვის წევრობის შეთავაზებისთვის პრეცედენტი აქვს... და ეს გერმანიაა
13:01 12.02.2019
შავი ზღვის უსაფრთხოება აღმოსავლეთ ევროპის სტაბილურობის ერთ-ერთი საფუძველია. უკრაინაში რუსეთის აგრესიის