logo2
logo2
logo2
არქივი
« ოქტომბერი 2019 »
ორ სა ოთ ხუ პა შა კვ
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31
logo2
logo2
ირაკლი კობახიძე: ძალიან მნიშვნელოვანია, რომ მმართველი გუნდი ქვეყანაში სტაბილურობის მაღალ ხარისხს ინარჩუნებს
ირაკლი კობახიძე: ძალიან მნიშვნელოვანია, რომ მმართველი გუნდი ქვეყანაში სტაბილურობის მაღალ ხარისხს ინარჩუნებს
16:59 21.04.2018
„ნამდვილად შეიძლება ითქვას, რომ 2012 წლის შემდეგ ჩვენი ქვეყანა სულ სხვა მიმართულებით-სწორი მიმართულებით ვითარდება, ქვეყანა აგრძელებს წინსვლას, სხვადასხვა მიმართულებით“,- ამის შესახებ პარტია „ქართული ოცნება-დემოკრატიული საქართველოს“ აღმასრულებელმა მდივანმა, საქართველოს პარლამენტის თავმჯდომარე ირაკლი კობახიძემ ამბროლაურში, პარტიის რეგიონულ კონფერენციაზე განაცხადა.

ირაკლი კობახიძემ დამსწრეებს მადლობა გადაუხადა და განაცხადა, რომ პარტიის განვითარებაში განსაკუთრებული წვლილი წევრებს, აქტივისტებს შეაქვთ, რომლებიც, მისი თქმით, ემსახურებოდნენ პარტიას იმისთვის, რომ ბიძინა ივანიშვილის ხელმძღვანელობით, გარდატეხა შეეტანათ ქვეყნის განვითარებაში.

„მიხარია, რომ დღევანდელ დღეს ჩვენი პარტიის იუბილეს აღვნიშნავთ აბროლაურში, ჩემს მშობლიურ კუთხეში. მე მინდა, განსაკუთრებულად, მოგესალმოთ თქვენ, პარტიის წევრებს, პარტიის აქტივისტებს, იმ ადამიანებს, რომლებსაც ყოველდღიური თქვენი საქმიანობით განსაკუთრებული წვლილი შეგაქვთ ჩვენს განვითარებაში, ჩვენი პარტიის განვითარებაში. აქ ვხედავ მე ადამიანებს, რომლებიც არიან პარტიის დამფუძნებლები და რომლებიც 2011 წლიდან დადიოდნენ სოფელ-სოფელ, აწარმოებდნენ აგიტაციას, ემსახურებოდნენ პარტიას, იმისთვის, რომ ბატონი ბიძინა ივანიშვილის ხელმძღვანელობით გარდატეხა შეეტანათ ჩვენი ქვეყნის განვითარებაში და ჩვენ ამ წარმატებას მივაღწიეთ და ნამდვილად შეიძლება ითქვას, რომ 2012 წლის შემდეგ ჩვენი ქვეყანა სულ სხვა მიმართულებით-სწორი მიმართულებით ვითარდება და ეს არის, რა თქმა უნდა, თითოეული თქვენგანის დამსახურება“,- განაცხადა პარლამენტის თავმჯდომარემ.
ირაკლი კობახიძის განცხადებით, ქვეყანა წინსვლას აგრძელებს მათ შორის, თავისუფლების თვალსაზრისითაც, რაც პარტიის აღმასრულებელი მდივნის შეფასებით, ერთ-ერთი უმთავრესი მიღწევაა 2012 წლის შემდეგ. სიტყვით გამოსვლისას პარლამენტის თავმჯდომარემ ქვეყანაში განხორციელებულ დემოკრატიულ რეფორმებზე, მათ შორის, საკონსტიტუციო რეფორმაზე ისაუბრა და განაცხადა, რომ მიზანი არა მხოლოდ მიღწეული წარმატების შენარჩუნება, არამედ კიდევ უფრო მეტად განმტკიცებაა.

„ ჩვენ ვაგრძელებთ წინსვლას, ქვეყანა აგრძელებს წინსვლას, სხვადასხვა მიმართულებით. ჩვენ ვაგრძელებთ წინსვლას დემოკრატიის თვალსაზრისით, თავისუფლების თვალსაზრისით, რაც არის ჩვენი უმთავრესი მიღწევა 2012 წლის შემდეგ და ჩვენი ამოცანაა, ეს მიღწეული არა მარტო შევინარჩუნოთ, არამედ კიდევ უფრო მეტად განვამტკიცოთ. ამას ემსახურებოდა მთელი რიგი რეფორმები, რომლებიც განხორციელდა ბოლო წლების განმავლობაში საქართველოში, მათ შორის, საკონსტიტუციო რეფორმა, რომელმაც შეუქცევადი გახადა უკვე საქართველოში დემოკრატიული განვითარება და ასევე, ადამიანის უფლებების განუხრელი დაცვა. ასევე, ვითარდება ჩვენი ქვეყნის ეკონომიკა და ესეც არის რა თქმა უნდა, თითოეული ჩვენგანის დამსახურება. ჩვენ გვქონდა გასულ წელს ეკონომიკური ზრდის ერთ-ერთი ყველაზე მაღალი მაჩვენებელი რეგიონის ქვეყნებს შორის, რაც არის ძალიან კარგად გააზრებული ეკონომიკური პოლიტიკის შედეგი, რომელსაც ახორციელებს ჩვენი ხელისუფლება“,- განაცხადა ირაკლი კობახიძემ.

მისი შეფასებით, ძალიან მნიშვნელოვანია ის, რომ მმართველი გუნდი ქვეყანაში სტაბილურობის მაღალ ხარისხს ინარჩუნებს. ირაკლი კობახიძის თქით, ეს „ქართული ოცნების“ ერთ-ერთი უმთავრესი მიღწევაა.
„რაც ძალიან მნიშვნელოვანია, ასევე, ჩვენ ვინარჩუნებთ სტაბილურობის მაღალ ხარისხს. თქვენ გახსოვთ, ჩვენ გვქონდა სერიოზული პრობლემები, განსაკუთრებით, სტაბილურობის თვალსაზრისით, საგარეო პოლიტიკური კუთხით და 2008 წლის შემდეგ, ჩვენ, რა თქმა უნდა, მნიშვნელოვნად გავზარდეთ სტაბილურობის ხარისხი ჩვენს ქვეყანაში და ესეც არის ერთ-ერთი უმთავრესი მიღწევა, რითაც თითოეულმა ჩვენგანმა შეგვიძლია ვიამაყოთ“,- განაცხადა პარლამენტის თავმჯდომარემ.

„ქართული ოცნება-დემოკრატიული საქართველოს“ აღმასრულებელმა მდივანმა სიტყვით გამოსვლისას განაცხადა, რომ 2 წლის წინ, პარტიის განვითარებისა და გაძლიერების შესახებ დასახული მიზნები და გაცემული დაპირებები პირნათლად არის შესრულებული. მისი თქმით, განსაკუთრებული ყურადღება პარტიის რეგიონული სამსახურის გაძლიერებას და პარტიის ადგილობრივი ორგანიზაციების გაძლიერებას დაეთმო, რამაც, ირაკლი კობახიძის თქმით, საარჩევნო წარმატებაში განსაკუთრებული წვლილი შეიტანა. პარლამენტის თავმჯდომარის განცხადებით, 2016 წლის საპარლამენტო არჩევნებში დამაჯერებელი გამარჯვების ძალიან მნიშვნელოვანი პირობა გახდა პარტიის გუნდის გაძლიერება და განახლება.

„ მაშინ ჩვენ ვსაუბრობდით იმაზე, რომ საჭირო იყო პარტიის ცენტრალური რგოლის გაძლიერება და ეს მიზანი სათანადოდ იქნა განხორციელებული. ჩვენ განსაკუთრებული ყურადღება დავუთმეთ რეგიონული სამსახურის გაძლიერებას, რამაც განსაკუთრებული წვლილი შეიტანა ჩვენს საარჩევნო წარმატებაში. ასევე, ჩვენი ერთ-ერთი უმთავრესი პრიორიტეტი იყო პარტიის ადგილობრივი ორგანიზაციების გაძლიერება და ესეც იყო ძალიან მნიშვნელოვანი წინაპირობა იმისთვის, რომ წარმატებით ჩაგვეტარებინა 2016 წლის საპარლამენტო არჩევნები. ასევე, მნიშვნელოვანი იყო ჩვენი პარტიის გუნდის, მათ შორის საპარლამენტო გუნდის გაძლიერება და განახლება 2016 წელს ყრილობის საფუძველზე, რაც იყო ასევე ძალიან მნიშვნელოვანი პირობა იმისთვის, რომ ჩვენ მიგვეღწია წარმატებისთვის საპარლამენტო არჩევნებში. ამ ყველაფრის შედეგად, ჩვენ მივაღწიეთ დამაჯერებელ გამარჯვებას 2016 წლის საპარლამენტო არჩევნებში, რამაც მოგვცა იმის საშუალება, რომ განახლებული ენერგიით გაგვეგრძელებინა ზრუნვა ჩვენი ქვეყნის განვითარებაზე. ასევე, 2017 წელს ჩვენ მოვიპოვეთ ძალიან დამაჯერებელი გამარჯვება ადგილობრივ არჩევნებში, რაც არის, ასევე, ჩვენი კარგად გააზრებული პოლიტიკის და რა თქმა უნდა, მოსახლეობის მხარდაჭერის შედეგი. კიდევ ერთხელ გავიმეორებ, რომ ჩვენ გვქონდა გაცემული კონკრეტული დაპირებები პარტიის გაძლიერებასთან დაკავშირებით და 2 წლის თავზე, კიდევ ერთხელ, თამამად შეგვიძლია ვთქვათ, რომ თითოეული ეს დაპირება სათანადოდ იქნა შესრულებული და ზუსტად ეს გახდა მიზეზი იმისა, რომ ჩვენ ვაგრძელებთ წინსვლას სხვადასხვა მიმართულებით. ჩვენ წინ გველის ახლა საპრეზიდენტო არჩევნები და დარწმუნებული ვარ, რომ ამ არჩევნებშიც თქვენთან ერთად ძალიან დიდ წარმატებას მივაღწევთ“,- განაცხადა ირაკლი კობახიძემ.

მისივე თქმით, პარტია შემდგომ გაძლიერებს საჭიროებს და საპრეზიდენტო არჩევნების შემდგომ, 2 წლიან პერიოდს პარტია კიდევ უფრო განვითარებისთვის გამოიყენებს.

„ ჩვენ გვექნება დაახლოებით ორწლიანი პერიოდი მომდევნო არჩევნებამდე იმისათვის, რომ კიდევ უფრო განვავითაროთ ჩვენი პარტია, მისი სტრუქტურები და „ქართული ოცნება“ საბოლოოდ ჩამოვაყალიბოთ როგორც ევროპული ტიპის პოლიტიკური გაერთიანება, რომელიც აქტიურობს არა მარტო საარჩევნო პერიოდში, არამედ, რომელიც აქტიურია მუდმივად არჩევნებიდან არჩევნებამდე პერიოდშიც. ეს არის ჩვენი ამოცანა და ეს ამოცანა აუცილებლად შესრულდება ჩვენს მიერ დაგეგმილი ღონისძიებების შედეგად“,- განაცხადა ირაკლი კობახიძემ და დამსწრეებს თანადგომის, ქვეყნისა და პარტიის განვითარებაში შეტანილი წვლილისთვის მადლობა კიდევ ერთხელ გადაუხადა.

მისივე თქმით, ქვეყანის წინაშე ბევრი გამოწვევა დგას. მთავარ გამოწვევად პარლამენტის თავჯდომარემ ქვეყანაში სიღარიბის სრულად აღმოფხვრა დაასახელა. ირაკლი კობახიძის თქმით, დარღვეულია საქართველოს ტერიტორიული მთლიანობა და მისაღწევია საგარეო პოლიტიკური მიზნები.

„ ქვეყანაში არის ბევრი გამოწვევა, ჩვენი ეკონომიკა საჭიროებს შემდგომ გაძლიერებას. ჯერ კიდევ უამრავი ოჯახი ცხოვრობს, სამწუხაროდ, სიღარიბის ზღვარს მიღმა. ეს არის ჩვენი მთავარი გამოწვევა, რა თქა უნდა, მუდმივად უმჯობესდება მდგომარეობა, თუმცა ჩვენი მთავარი ამოცანა არის, ბუნებრივია, სიღარიბის სრულად აღმოფხვრა საქართველოში და ამას ესაჭიროება, ბუნებრივია, ეკონომიკის შემდგომი გაძლიერება და შემდგომი განვითარება. საბოლოო ჯამში ეკონომიკური განვითარების შედეგად უზრუნველყოფილი უნდა იყოს ის, რომ თითოეულ ადამიანს ჰქონდეს ცხოვრების ღირსეული პირობები საქართველოში და თითოეულ რეგიონში. ასევე, გვაქვს, ბუნებრივია, გამოწვევები იგივე საგარეო პოლიტიკური მიმართულებით. ჩვენი ტერიტორიული მთლიანობა არის კვლავაც დარღვეული და ჩვენი საგარეო პოლიტიკური მიზნები არის კვლავაც მისაღწევი. ეს არის ის გამოწვევები, რომლებზეც უნდა ვიმუშაოთ თითოეულმა ჩვენგანმა. ეს ყველაფერი საჭიროებს, რა თქმა უნდა, ჩვენს მუხლჩაუხრელად შრომას და ჩვენს ერთად დგომას. მე დარწმუნებული ვარ, რომ თუ ჩვენ ერთად დავდგებით ჩვენ თითოეულ ამ მიზანს აუცილებლად წარმატებით მივაღწევთ“,- განაცხადა „ქართული ოცნება-დემოკრატიული საქართველოს“ აღმასრულებელმა მდივანმა.


FaceBook Twitter Digg MySpace Delicious Google ელფოსტაბეჭდვა

ინტერვიუ
ინტერვიუ სალომე ზურაბიშვილთან: დავით-გარეჯთან დაკავშირებით ზოგიერთი მხარის რეაქციები ძალიან გამიკვირდა
18:10 01.05.2019
ინტერვიუში საქართველოს პრეზიდენტი სალომე ზურაბიშვილი ქვეყნის პოლიტიკურ ცხოვრებაში საკუთარ როლზე, მეზობელ
ინტერვიუ
ინტერვიუ მიხეილ სააკაშვილთან: პირველი, რაც ზელენსკიმ უნდა გააკეთოს ისაა, რომ პოროშენკოს კლანი ციხეში ჩასვას
12:14 22.04.2019
რუსეთის ტელეკომპანია «Дождь»-ის შოუ-პროგრამაში «Здесь и сейчас» ისაუბრა საქართველოს ექს-პრეზიდენტმა და უკრაინის
ინტერვიუ
აშშ - ნატოს წევრი თუ ნატოს „ხაზეინი“?-ინტერვიუ თურქ გენერალთან
13:38 20.04.2019
ყველამ კარგად იცის, თუ რა წონა აქვს ამერიკის შეერთებულ შტატებს ნატოში და რა ძალას ფლობს ვაშინგტონი. ეს ყველაფერი
ინტერვიუ
ინტერვიუ ჰანს ბინენდაიკთან: ნატოში გაწევრიანება დღეს ან ხვალ არ მოხდება,თუმცა საქართველომ იმედი უნდა შეინარჩუნოს
13:25 20.04.2019
ნატომ თავისი არსებობის 70 წლის მანძილზე დროს გაუძლო და ისტორიაში ყველაზე წარმატებულ სამხედრო-პოლიტიკურ ალიანსად
ინტერვიუ
ალექსი პუშკოვი: როგორი პოლიტიკა უნდა გაატაროს მოსკოვმა პოსტსაბჭოთა სივრცეში
18:31 15.04.2019
გაზეთ „კომსომოლსკაია პრავდა“-ს კორესპონდენტი ალექსანდრე გამოვი რუსეთის ფედერაციის საბჭოს საინფორმაციო პოლიტიკის
ინტერვიუ
ინტერვიუ მიხეილ სააკაშვილთან: პირველ აპრილს უკრაინაში ჩასვლას ვგეგმავ, ბილეთიც ნაყიდი მაქვს
11:41 13.03.2019
უკრაინის ტელეკომპანია «Наш»-ის გადაცემაში «В гостьях у Дмитрия Гордона» ცნობილი უკრაინელი ჟურნალისტი
ინტერვიუ
ირანული გაზის ტრანზიტი სომხეთის გავლით: როგორი პოზიცია აქვს საქართველოს?
14:33 05.03.2019
ირანში სომხეთის პრემიერ-მინისტრის ნიკოლ ფაშინიანის ამასწინანდელი ვიზიტის დროს, პრეზიდენტ ჰასან რუჰანთან
ინტერვიუ
ინტერვიუ დევიდ სალვოსთან: ჩვენ ხელიდან გავუშვით შესაძლებლობა, რომ გვეპასუხა საქართველოში რუსეთის სამხედრო აგრესიისთვის
14:18 05.03.2019
როგორ ახდენს გავლენას კრემლის მიერ დაფინანსებული და მართული მედია 40-მდე სხვადასხვა ქვეყნის შიდა
ინტერვიუ
ექსკლუზიური ინტერვიუ სალომე ზურაბიშვილთან: სიტუაცია ძალიან რთულია და სამწუხაროდ, ჩვენ არ გვაქვს დიდი შესაძლებლობები წინ აღვუდგეთ ამ პროცესს
13:15 28.02.2019
ბაქოში მყოფმა საქართველოს პრეზიდენტმა სალომე ზურაბიშვილმა ინტერვიუ მისცა აზერბაიჯანის სახელმწიფო
ინტერვიუ
ინტერვიუ რუსეთში ნატოს ყოფილ წარმომადგენელთან: ტრამპმა მითითება გასცა, რომ ალიანსში საქართველოსა და უკრაინის მიღების მიზნით გამოსავალი იპოვონ
14:19 15.02.2019
ნატოს ექს-წარმომადგენელი რუსეთში ჰარი ტაბახი უკრაინული გამოცემა «Апостроф»-ის კორესპონდენტის ეკატერინე
ინტერვიუ
ინტერვიუ გენერალ ბენ ჰოჯესთან: საქართველოს 20% ოკუპირებულია, მაგრამ ნატოს მისთვის წევრობის შეთავაზებისთვის პრეცედენტი აქვს... და ეს გერმანიაა
13:01 12.02.2019
შავი ზღვის უსაფრთხოება აღმოსავლეთ ევროპის სტაბილურობის ერთ-ერთი საფუძველია. უკრაინაში რუსეთის აგრესიის