logo2
logo2
logo2
არქივი
« მარტი 2019 »
ორ სა ოთ ხუ პა შა კვ
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
logo2
logo2
ინტერვიუ სალომე ზურაბიშვილთან: დღეს პუტინთან საუბარი ძალიან მძიმე იქნებოდა იმის შემხედვარე, როგორ სიტუაციაშიც აღმოვჩნდით რუსეთის გამო
ინტერვიუ სალომე ზურაბიშვილთან: დღეს პუტინთან საუბარი ძალიან მძიმე იქნებოდა იმის შემხედვარე, როგორ სიტუაციაშიც აღმოვჩნდით რუსეთის გამო
13:16 13.12.2018
რუსულ ოპოზიციურ ჟურნალ «Новое время//The New Times»-ში გამოქვეყნებულია ინტერვიუ საქართველოს ახლადარჩეულ პრეზიდენტთან - სალომე ზურაბიშვილთან, რომელსაც ჟურნალისტი ანა ნემცოვა ესაუბრება. აქვე შევნიშნავთ, რომ ეს ინტერვიუ რამდენიმე დღის წინათ ამერიკულ გამოცემა «The Daily Beast»-შიც დაიბეჭდა, ოღონდ სტატიის სახით.

საინფორმაციო სააგენტო „ნიუსპრესი“ გთავაზობთ ამონარიდებს ინტერვიუდან:

- როგორც მე გავიგე, საარჩევნო კამპანიის დროს თქვენი შვილის მიმართ მუქარები გაისმა... თქვენც ხომ არ გემუქრებოდნენ?

- დიახ, მეც და ჩემს შვილებსაც გვემუქრებოდნენ. მე მოღალატეს მიწოდებდნენ, რუსეთის აგენტს და ეკლესიის მოწინააღმდეგეს... ცილს მწამებდნენ, რომ მე ქართული ენა არ ვიცი. ყველა ამ ბრალდებას საბჭოური სტილი და ხასიათი ჰქონდა, შეტევა მიდიოდა ფსიქოლოგიურად - ენის, მამულისა და სარწმუნოებისადმი ერთგულება ხომ საქართველოს ფუნდამენტურ ტრადიციულ ფასეულობებს წარმოადგენს. ქართველმა ხალხმა მიაღწია დამოუკიდებლობას, მოახდინა რევოლუცია და რეფორმები გაატარა (...), მაგრამ ახლა ჩვენი ამოცანაა მენტალიტეტის რევოლუცია მოვახდინოთ, საბჭოური გადმონაშთებისაგან განვთავისუფლდეთ.

- როგორ ფიქრობთ - ბიძინა ივანიშვილის მხარდაჭერის გარეშე არჩევნებში გაიმარჯვებდით? ისარგებლებთ თუ არა მისი მხარდაჭერით მომავალშიც?

- არა, ბიძინა ივანიშვილის ფინანსური რესურსებისა და პარტიული სტრუქტურების დახმარების გარეშე რეგიონებში გამარჯვებას ვერ შევძლებდი. მე შევხვდი ბიძინა ივანიშვილს არჩევნების შემდეგ და მან მითხრა, რომ „პარტიის წინაშე არანაირი ვალი არ გაქვს, შეგიძლია დამოუკიდებელი იყო“.

- ახლა, როცა უკვე თქვენ პრეზიდენტი გახდით, განზრახული გაქვთ ბიძინა ივანიშვილისგან დამოუკიდებლად იმოქმედოთ?

- საქმე იმაშია, რომ მე პარტიას უნდა დავეყრდნო, ჩემი ინიციატივები პარლამენტს და მთავრობას უნდა მივაწოდო. მე, ალბათ, მათთან ვიდავებ, გავაკრიტიკებ კიდეც, როცა ჩემს ინიციატივებში მათი დარწმუნება მომიხდება, თუმცა, რა თქმა უნდა, პირდაპირი კონფრონტაციაზე არ წავალ. თუ, რასაკვირველია, ისეთი კონფლიქტი არ მოხდება, როგორიც, მაგალითად, ჩემსა და მიხეილ სააკაშვილს შორის იყო, როცა მე საგარეო საქმეთა მინისტრი ვიყავი. პრეზიდენტთან ვერ შევთანხმდი და დავშორდით.

- დღეს რომ თქვენ რუსეთის პრეზიდენტს ვლადიმერ პუტინს შეხვედროდით და მასთან მოლაპარაკება გაგემართათ, რას ეტყოდით?

- დღეს მასთან ლაპარაკი ძალიან მძიმე იქნებოდა იმის შემხედვარე, როგორ სიტუაციაში აღმოვჩნდით რუსეთის გამო - ჩვენს ტერიტორიაზე რუსეთის ორი სამხედრო ბაზაა განლაგებული, ისინი ყოველდღიურად ძლიერდებიან. ჩვენს ტერიტორიაზე გადის რუსეთის საოკუპაციო ხაზი, რომელსაც მოსკოვი, როცა მოესურვება, ქვეყნის შიგნით სწევს. ჩვენს მოსახლეობას, რომელიც საოკუპაციო ხაზთან ცხოვრობს, იტაცებენ... სანამ ასეთი სიტუაცია არსებობს, პირდაპირი დიალოგი არ მოხერხდება.

- ესე იგი, სწორად გავიგე, რომ თქვენ დღეს ვლადიმერ პუტინთან შეხვედრისა და მასთან მოლაპარაკების აზრს ვერ ხედავთ?

- როგორც დიპლომატმა, მე არ შემიძლია გითხრათ, რომ მოლაპარაკებას აზრი არ აქვს. მაგრამ ჩვენმა საზღვარგარეთულმა პარტნიორებმა უნდა დაარწმუნონ რუსეთი იმაში, რომ მოსკოვმა [ჩვენსკენ] ნაბიჯები გადმოდგას. ჩვენ არ შეგვიძლია ვეომოთ რუსეთს, ჩვენს ერთადერთ ინსტრუმენტს მხოლოდ დიპლომატია წარმოადგენს. რუსეთმა უნდა გვაჩვენოს, რომ საქართველო ის ქვეყანა არ არის, რომლის ოკუპირება შეიძლება.

- რით არის ძლიერი საქართველოს პოზიცია და გსურთ თუ არა, რომ თქვენი ქვეყნის ხმა უფრო ძლიერად ისმოდეს საერთაშორისო არენაზე?

- ჩვენ ირგვლივ ისეთი ქვეყნებით ვარ გარსშემორტყმუილი, რომელთა მოქმედების პროგნოზირება შეუძლებელია - არავინ არ იცის, რა მოხდება თურქეთში ან ირანში უახლოეს მომავალში, ჩვენ კი სტაბილურობის კუნძული ვართ, რომელსაც შავ ზღვაზე თავისი ფასი აქვს.


წყარო: «The New Times» (რუსეთი)



FaceBook Twitter Digg MySpace Delicious Google ელფოსტაბეჭდვა

ინტერვიუ
ინტერვიუ მიხეილ სააკაშვილთან: პირველ აპრილს უკრაინაში ჩასვლას ვგეგმავ, ბილეთიც ნაყიდი მაქვს
11:41 13.03.2019
უკრაინის ტელეკომპანია «Наш»-ის გადაცემაში «В гостьях у Дмитрия Гордона» ცნობილი უკრაინელი ჟურნალისტი
ინტერვიუ
ირანული გაზის ტრანზიტი სომხეთის გავლით: როგორი პოზიცია აქვს საქართველოს?
14:33 05.03.2019
ირანში სომხეთის პრემიერ-მინისტრის ნიკოლ ფაშინიანის ამასწინანდელი ვიზიტის დროს, პრეზიდენტ ჰასან რუჰანთან
ინტერვიუ
ინტერვიუ დევიდ სალვოსთან: ჩვენ ხელიდან გავუშვით შესაძლებლობა, რომ გვეპასუხა საქართველოში რუსეთის სამხედრო აგრესიისთვის
14:18 05.03.2019
როგორ ახდენს გავლენას კრემლის მიერ დაფინანსებული და მართული მედია 40-მდე სხვადასხვა ქვეყნის შიდა
ინტერვიუ
ექსკლუზიური ინტერვიუ სალომე ზურაბიშვილთან: სიტუაცია ძალიან რთულია და სამწუხაროდ, ჩვენ არ გვაქვს დიდი შესაძლებლობები წინ აღვუდგეთ ამ პროცესს
13:15 28.02.2019
ბაქოში მყოფმა საქართველოს პრეზიდენტმა სალომე ზურაბიშვილმა ინტერვიუ მისცა აზერბაიჯანის სახელმწიფო
ინტერვიუ
ინტერვიუ რუსეთში ნატოს ყოფილ წარმომადგენელთან: ტრამპმა მითითება გასცა, რომ ალიანსში საქართველოსა და უკრაინის მიღების მიზნით გამოსავალი იპოვონ
14:19 15.02.2019
ნატოს ექს-წარმომადგენელი რუსეთში ჰარი ტაბახი უკრაინული გამოცემა «Апостроф»-ის კორესპონდენტის ეკატერინე
ინტერვიუ
ინტერვიუ გენერალ ბენ ჰოჯესთან: საქართველოს 20% ოკუპირებულია, მაგრამ ნატოს მისთვის წევრობის შეთავაზებისთვის პრეცედენტი აქვს... და ეს გერმანიაა
13:01 12.02.2019
შავი ზღვის უსაფრთხოება აღმოსავლეთ ევროპის სტაბილურობის ერთ-ერთი საფუძველია. უკრაინაში რუსეთის აგრესიის
ინტერვიუ
ინტერვიუ აზერბაიჯანის ტურიზმის ასოციაციის ხელმძღვანელთან: საქართველოს წარმატება ტურიზმის სფეროში ჩვენთვისაც სასარგებლოა
17:08 03.02.2019
ინტერვიუში აზერბაიჯანის ტურიზმის ასოციაციის თავმჯდომარე ნაჰიდ ბაგიროვი ჟურნალისტ ლეილა მურადს
ინტერვიუ
ინტერვიუ
ინტერვიუ ილჰამ ალიევთან: საქართველოს შავი ზღვის ნავსადგურების ნაცვლად ევროპაში ტვირთების სახმელეთო გზით გაგზავნა უფრო ეკონომიური და სწრაფია
15:09 23.01.2019
აზერბაიჯანის პრეზიდენტმა ილჰამ ალიევმა, შვეიცარის ქალაქ დავოსში მიმდინარე მსოფლიო ეკონომიკურ ფორუმზე
ინტერვიუ