logo2
logo2
logo2
logo2
logo2
არქივი
მაქსიმ შევჩენკო: არის მცდელობა, რომ საქართველოს მეშვეობით მთლიანად კავკასიას ცეცხლი მოუკიდონ
მაქსიმ შევჩენკო: არის მცდელობა, რომ საქართველოს მეშვეობით მთლიანად კავკასიას ცეცხლი მოუკიდონ
11:00 12.12.2018
რუსეთის რადიოსადგურ «Эхо Москвы»-ის პროგრამა «Особое мнение»-ს სტუდიაში საუბრობენ გადაცემის წამყვანი მაშა მაიერსი და ჟურნალისტი მაქსიმ შევჩენკო. საუბრის თემები: უკრაინა-რუსეთის ურთიერთობა, საქართველო და ა.შ.

საინფორმაციო  პორტალი region.ge გთავაზობთ ამონარიდებს საუბრიდან:

მაქსიმ შევჩენკო: უკრაინისა და რუსეთის დაპირისპირების პარალელურად არსებობს მეორე ფრონტის გახსნის საფრთხეც კავკასიასა და საქართველოში. ეს სრულიად აშკარაა.

მაშა მაიერსი: აგვიხსენით, რას გულისხმობთ.

მაქსიმ შევჩენკო: საქმე იმაშია, რომ გრიგოლ ვაშაძემ საპრეზიდენტო არჩევნები წააგო. მის ირგვლივ ბევრი წვრილ-წვრილი პარტიებია თავმოყრილი. საერთო ჯამში, მოსახლეობა მხარს არ უჭერდა არც სალომე ზურაბიშვილს და არც გრიგოლ ვაშაძის მომხრე ძალებს. ამომრჩევლებს სიმეტრიული პოზიცია ჰქონდათ. ბიძინა ივანიშვილსაც საკმაოდ სერიოზული პრობლემები ექმნება - გრიგოლ ვაშაძე და საკაშვილელები მარტის თვეში ვადამდელი საპარლამენტო არჩევნების ჩატარებას ითხოვენ. მათ აქვთ საკმაო საფუძველი იმისა, რომ სერიოზული კოალიცია შექმნან. პატარა პარტიები და პლუს ამერიკელების მხარდაჭერა. რისთვისაა ეს ყველაფერი საჭირო? ტყუილად კი არ გამოჩნდა თბილისში უკრაინელი სემიონ სემენჩენკო თავისი რაზმელებით, რომლებიც ამ დღეებში დააკავეს. (...) ჰოდა, ეს არის მცდელობა იმისა, რომ კავკასიას, საქართველოს მეშვეობით, ცეცხლი მოუკიდონ. მე მგონია, რომ მოსკოვს არავითარი სცენარი არ აქვს, როგორ შეაჩეროს ეს პროცესები და მას რა დაუპირისპიროს.

მაშა მაიერსი: მოიცათ, ხომ პრეზიდენტის არჩევნები ჩატარდა, თქვენ კი საპარლამენტოზე ლაპარაკობთ...

მაქსიმ შევჩენკო: საქმე იმაშია, რომ საქართველოში პრეზიდენტი ფორმალურად არანაირი ხელისუფლებას არ ფლობს. ძალაუფლება აქვთ პარლამენტს და პრემიერ-მინისტრს.

მაშა მაიერსი: საქართველოსთვის ცეცხლის წაკიდების მცდელობა... ეს როგორ?

მაქსიმ შევჩენკო: მთლიანად კავკასიისათვის...

მაშა მაიერსი: აჰა, მთლიანად კავკასიისათვის... და რა უნდა გააკეთოს რუსეთმა ასეთ სიტუაციაში, როგორ ფიქრობთ? აქვს მოსკოვს რეალური ბერკეტები?

მაქსიმ შევჩენკო: მე მიძნელდება რაიმე რჩევის მიცემა. ასეთ დროს თვითონ ქართველების აზრიც უნდა ვიცოდეთ.

მაშა მაიერსი: თქვენ იყავით საქართველოში?

მაქსიმ შევჩენკო: უბრალოდ, ყურადღებით ვადევნებ თვალს სიტუაციას. მე ვთვლი, რომ საქართველო კავკასიის გასაღებია. იცით, რა არის საინტერესო? ამას წინათ 1921 წლის ომის ისტორია გადავიკითხე, როცა წითელმა არმიამ საქართველო მძიმე ბრძოლების შემდეგ დაიკავა. ომის დაწყების წინა ხანებში სერგო ორჯონიკიძე წერილს წერს ვლადიმერ ლენინს და იოსებ სტალინს, რომელშიც აღნიშნავს, რომ „საქართველო საკვანძო როლს ასრულებს როგორც ჩრდილო კავკასიის, ასევე აზერბაიჯანისა და სომხეთის მიმართო“ ორჯონიკიძე ლენინს პირდაპირ ეუბნება, „საქართველო უნდა დავიკავოთ, თორემ კავკასიას მალე მთლიანად დავკარგავთო“. ვლადიმერ ლენინს კი ქართველ სოციალ-დემოკრატებთან (ანუ მენშევიკებთან) მოლაპარაკება სურდა.

მაშა მაიერსი:
რა შანსები არსებობს? არის პრორუსული რიტორიკა საქართველოში?

მაქსიმ შევჩენკო:
არა, პრორუსული რიტორიკა საქართველოში შეუძლებელია. არცერთ პოლიტიკოსს, რომელიც ღიად გამოვა რუსეთთან დიალოგისათვის, არანაირი პერსპექტივა და შანსები არ აქვთ.

მაშა მაიერსი: აბა, მაშ რა უნდა გაკეთდეს?

მაქსიმ შევჩენკო: საჭიროა გავიგოთ უძველესი მართლმადიდებელი ქართველი ხალხის სული და მას მხარი დავუჭიროთ.

მაშა მაიერსი: პატივისცემით მოვექცეთ...

მაქსიმ შევჩენკო: რა თქმა უნდა, მაგრამ ჩვენებს ამის გაკეთება, სამწუხაროდ, არ შეუძლიათ.

წყარო: region.ge



FaceBook Twitter Digg MySpace Delicious Google ელფოსტაბეჭდვა
logo2

ინტერვიუ
ინტერვიუ
ინტერვიუ თეოლოგ გურამ ლურსმანაშვილთან: უკრაინის საკითხი ყველა ავტოკეფალური ეკლესიისთვის ლუსტრაციაა
14:45 25.12.2018
უკრაინაში ახალი ერთიანი მართლმადიდებელი ეკლესიის დაფუძნებისა და კიევისა და
ინტერვიუ
მიხეილ სააკაშვილი ებრაელი და ქართველი „აფერისტების“ შესახებ ისრაელის ტელეარხის ეთერში
11:20 12.12.2018
მიხეილ სააკაშვილი ძალიან ემოციური პიროვნებაა და ხშირად მწვავე გამონათქვამებს უშვებს: მაგალითად, მან
ინტერვიუ
მაქსიმ შევჩენკო: არის მცდელობა, რომ საქართველოს მეშვეობით მთლიანად კავკასიას ცეცხლი მოუკიდონ
11:00 12.12.2018
რუსეთის რადიოსადგურ «Эхо Москвы»-ის პროგრამა «Особое мнение»-ს სტუდიაში საუბრობენ გადაცემის წამყვანი მაშა
ინტერვიუ
ქართული პოლიტიკის ფრანგული აქცენტი-სალომე ზურაბიშვილის საქმიანობის პერსპექტივა
11:18 06.12.2018
ამერიკული რადიოსადგურის „თავისუფლება//თავისუფალი ევროპის“ რუსული სამსახურის „რადიო სვობოდას“ პროექტ
ინტერვიუ
გია ნოდია: მიშას ციხეში ჩაჯდომა არ შეიძლება, ეს ის ადამიანი არ არის ვინც ციხეს გაუძლებს
11:08 05.12.2018
საქართველოს ახალი პრეზიდენტი ჰყავს, რომელსაც საერთაშორისო საზოგადოებამ არჩევნებში
ინტერვიუ
ინტერვიუ გრიგოლ ვაშაძესთან: მოსკოვი ჩვენს პირობებს უნდა დაეთანხმოს
17:43 02.12.2018
ბრიტანული სამაუწყებლო კომპანია BBC-ის რუსული სამსახურის კორესპონდენტმა ოლღა ივშინამ თბილისში ყოფნისას
ინტერვიუ
ამერიკელი დიპლომატი: საქართველოსთან ომს რუსეთის შეცდომად ვთვლი
10:43 19.11.2018
აშშ-ში გამოვიდა ახალი წიგნი სახელწოდებით „რუსეთი ადგილის გარეშე“, რომელშიც
ინტერვიუ
ინტერვიუ სტივენ ნიქსთან: ვიმედოვნებთ, არჩევნები კარგად ორგანიზებული, მშვიდობიანი და გამჭვირვალე იქნება
11:54 28.10.2018
საქართველოში წინასაარჩევნო გარემოს და განწყობებს საერთაშორისო რესპუბლიკური ინსტიტუტის ევრაზიის
ინტერვიუ
Pleas creat article