logo2
logo2
logo2
არქივი
logo2
logo2
რობერტ ქოჩარიანი აგვისტოს ომზე: არიან ისეთები, რომლებიც ჯერ აკეთებენ, შემდეგ ფიქრობენ და ისეთებიც, რომლებიც ჯერ ფიქრობენ და შემდეგ აკეთებენ... (ინტერვიუ)
რობერტ ქოჩარიანი აგვისტოს ომზე: არიან ისეთები, რომლებიც ჯერ აკეთებენ, შემდეგ ფიქრობენ და ისეთებიც, რომლებიც ჯერ ფიქრობენ და შემდეგ აკეთებენ... (ინტერვიუ)
15:28 19.09.2018
მას შემდეგ, რაც სომხეთის ყოფილ პრეზიდენტის რობერტ ქოჩარიანის მიმართ სისხლის სამართლის საქმე აღიძრა, მან პოლიტიკაში დაბრუნება გადაწყვიტა და პრემიერ-მინისტრ ნიკოლ ფაშინიანის მთავარ მოწინააღმდეგედ გადაიქცა. მათ დაპირისპირებაში დამატებითი ინტრიგა შეაქვს იმ ფაქტს, რომ რობერ ქოჩარიანი ვლადიმერ პუტინის ახლო მეგობრად ითვლება. «КоммерсанЪ»-ის სპეცკორესპონდენტისათვის, ვლადიმერ სოლოვიოვისათვის მიცემულ ინტერვიუში ექს-პრეზიდენტი საუბრობს იმაზე, თუ როგორ დაუმეგობრდა რუსეთის ლიდერს და რამდენად მტკიცეა მათი მეგობრობა, რომ არის დარწმუნებული საკუთარ წარმატებაში, ვისია ყირიმი და რას ფიქრობს საქართველო-რუსეთის ომზე...

საინფორმაციო სააგენტო „ნიუსპრესი“ გთავაზობთ ამონარიდებს ინტერვიუდან:

- თქვენი მეგობრობა ვლადიმერ პუტინთან ცნობილი ფაქტია. თქვენ ბრძანდებით ერთ-ერთი ის ადამიანი, სილვიო ბერლუსკონისთან და გერჰარდ შრედერთან ერთად, რომლებთანაც რუსეთის პრეზიდენტს ნამდვილად ახლო ურთიერთობა აქვს. ვლადიმერ პუტინმა თქვენ 31 აგვისტოს პირადად დაგირეკათ და დაბადების დღე მოგილოცათ. ბევრმა მიიჩნია, რომ ეს დემონსტრაციული მხარდაჭერა იყო მაშინ, როცა თქვენს მიმართ სისხლის სამართლის საქმე აღძრეს. და ეს მოხდა პრემიერ ნიკოლ ფაშინიანის მოსკოვის ვიზიტამდე რამდენიმე დღით ადრე. რა გითხრათ ვლადიმერ პუტინმა ტელეფონით საუბრის დროს, მხარი დაგიჭირათ?

- ჩვენი პრეზიდენტობის პერიოდში ორივე მჭიდროდ ვთანამშრომლობდით. ჩვენი ურთიერთობა აბსოლუტურად მეგობრული და გულწრფელი იყო, შედეგებიც გასაოცარი. მე რომ პრეზიდენტად ამირჩიეს, სომხეთში ინვესტიციები თითქმის არ შემოდიოდა, ახლა კი ნახეთ, რამდენი რუსული კომპანიაა სომხურ ბაზარზე - სერიოზული, მსხვილი და საინტერესო კომპანიები. მე აღარაფერს ვამბობ სამხედრო-ტექნიკურ თანამშრომლობაზე. ერთმანეთისათვის არასოდეს მოგვიტყუებია. ყოველთვის მიგვაჩნდა, რომ პრობლემებზე ღიად უნდა გველაპარაკა და ასევე ღიად უნდა გადაგვეწყვიტა. თუ აუცილებელი იყო, უკან ვიხევდით და კომპრომისებზეც მივდიოდით. ასეთმა ხანგრძლივმა, წრფელმა ურთიერთობამ ერთმანეთთან ადამიანურადაც დაგვამეგობრა, ეს დამოკიდებულება ჩემი პრეზიდენტობის შემდგომ პერიოდშიც გრძელდებოდა და ახლაც ასეა.

- რა უდევს საფუძვლად სახელმწიფოტა ლიდერების მეგობრობას? რაღაც საერთო ხედვები თუ ერთად გადატანილი რაღაც მომენტები, რაც ადამიანებს აახლოებთ?

- ეს ისეთი რამეა, რასაც ვერ აგიხსნით. ეს შეიძლება ერთად გადატანილი და განვლილი იყოს, ან თუნდათ ურთიერთსიმპათიები. ყველაფერი შეიძლება - ფაქტორების და მიზეზთა ის ერთობლიობა, რაც ადამიანებზე ემოციურად მოქმედებს და მათ ურთიერთობას ადუღაბებს.
(...)
- თქვენ მასთან თანასწორად საუბრობდით? აი, ვთქვათ, თქვენ აიღებთ ტელეფონის ყურმილს და უპრობლემოდ დაურეკავთ ვლადიმერ პუტინს? მას დაბადების დღე ოქტომბერში აქვს..

- ტექნიკურად ეს რთულია. ამაზე ღიად ვერ დაელაპარაკები. საერთოდ, მე მოსკოვში საკმაოდ ხშირად დავდივარ და იქიდან ვსარგებლობ შესაძლებლობისამებრ.

- შეიძლება ითქვას, რომ თქვენ და ვლადიმერ პუტინი თანამოაზრეები ხართ? რომ თქვენ რაღაც საკითხებს ერთნაირად უყურებთ?

- ჩვენი მსოფლმხედველობა საკმაოდ ჰგავს ერთმანეთს...

- ვლადიმერ პუტინს შენობით ელაპარაკებით?

- ამ თემაზე საუბარი არ მინდა. უბრალოდ, არ მინდა, რომ საზოგადოების ნაწილმა ჩვენი მეგობრული ურთიერთობის საკითხი არასწორად გაიგოს. სატელეფონო ზარი სერიოზული მხარდაჭერაა, მაგრამ მე ჩვენი ურთიერთობა ბოროტად არ გამომიყენებია და ამის აფიშირებას არ ვახდენდი.
(...)

- მინდა თქვენი თვალსაზრისი გამოხატოთ იმ მოვლენებზე, რომლებიც პოსტსაბჭოთა სივრცეში ხდება. თქვენ დიდი ხნმის განმმავლობაში იმყოფებოდით პრეზიდენტის პოსტზე და ქვეყნის მეთაურის თანამდებობა 2008 წლის აპრილში დატოვეთ, ოთხი თვის შემდეგ კი რუსეთ-საქართველოს ომი დაიწყო. რას ფიქრობდით მაშინ ამ კონფლიქტის შესახებ და დღეს რას ფიქრობთ? რატომ მოხდა, რის გამო? ეს მხოლოდ საქართველოსა და რუსეთის ისტორიაა თუ მისი მნიშვნელობა უფრო ფართოა?

- ვფიქრობ, რომ ფართოა. მე ამას საქართველო-რუსეთის ისტორიასაც ვერ ვუწოდებ. ეს საკითხების გამარტივება საკმაოდ რთულია.

- ჰოდა, მოდით ნუ გავამარტივებთ...


- ჯერ ერთი, რომ არსებობს ეთნოსი, რომელიც იქ, სამხრეთ ოსეთში ცხოვრობს. პირველ რიგში მათ უნდა შევეკითხოთ, რა უნდათ და რისი მიღწევა სურთ. მეორე - საქართველოს და რუსეთის ურთიერთობა. იმ დროს ეს ყველაფერი მიხეილ სააკაშვილთან დაკავშირებით ფართო კონტექსტში იგულისხმებოდა - საქართველოს გეოპოლიტიკური პრიორიტეტების ცვლილების ფონზე: რუსეთის ინტერესები მისი საზღვრების პერიმეტრზე, საქართველოს ინტერესები, ეთნოსების ინტერესები... ყველა ერთიმეორეზე იყო „დაწყობილი“. პლუს ნატოს, აშშ-ის ხედვები - როგორ უყურებდნენ ისინი ამ სიტუაციას, რომელ მომენტში იყვნენ მზად საქართველოს პრეზიდენტის დასახმარებლად ან მის წასაქეზებლად.

ძალიან ბევრი საკითხია, რომლებიც ერთობლიობაში რაღაც ასაფეთქებელ ნარევს ქმნის, თუმცა შეიძლება აფეთქდეს ან არ აფეთქდეს. მოცემულ შემთხვევაში ბევრი რამ არის დამოკიდებული იმ ადამიანების ხასიათებზე, ტემპერამენტზე, პასუხისმგებლობაზე და იმაზე, რომლებიც პროცესებს მართავენ, თუ რამდენად არიან ისინი მზად მსხვერპლად შეწირონ ხალხი თავიანთ ხედვებს და მიზნებს. ასეთ დროს დიდი მნიშვნელობა ხელმძღვანელის თვისებებს. სიტუაციის შეფასებისას საჭიროა არა მარტო მოვლენათა ანალიზი, არამედ პროცესის საკვანძო ფიგურანტების პერსონალური ხასიათის გათვალისწინება: ფრთხილია ადამიანი თუ არა, გათვლილი აქვს წინასწარ ნაბიჯები თუ არა... არიან ისეთები, რომლებიც ჯერ აკეთებენ, შემდეგ ფიქრობენ და ისეთებიც, რომლებიც ჯერ ფიქრობენ და შემდეგ აკეთებენ...

- თქვენ შეგეძლოთ ოდესმე იმის წარმოდგენა, რაც უკრაინაში და რაც ყირიმთან დაკავშირებით მოხდა?

- წინასწარ? მე არასოდეს არ მიფიქრია იმაზე, რომ რუსეთს და უკრაინას შორის ომი მოხდება. საერთოდ, ძალიან ძნელია ამის წარმოდგენა...

- და რას ფიქრობთ ყირიმთან მიმართებით? უხეშად რომ ვთქვათ - ვისია ყირიმი?

- რუსები დარწმუნებულნი არიან, რომ ყირიმი რუსულია. ისტორიულადაც ეჭვგარეშეა, რომ ყირიმი რუსულია. ჩემი, როგორც ღარავარელისა და მთიანი ყარაბაღის პირველი პრეზიდენტის დამოკიდებულება მსგავსი საკითხებისადმი იმაში გამოიხატება, რომ პირველ რიგში უნდა გაითვალისწინო მოსახლეობის აზრი, მათი ინტერესი, რომელიც ამ მიწაზე ცხოვრობს. ბოლოსდაბოლოს, რაზეა საუბარი - რაღაც კვადრატულ კილომეტრებზე თუ ადამიანებზე, რომლებიც ამ მიწაზე ცხოვრობენ?

- ხშირად უფრო კვადრატულ კილომეტრებზე ფიქრობენ, ვიდრე ხალხზე...

- დიახ, სამწუხაროდ ასეა. მაგრამ შეუძლებელია ადამიანი იმ მიწას ძალით მოწყვიტო, რომელზეც ის ცხოვრობს. ამიტომაც ასეთ დროს ტარდება რეფერენდუმი, თვითგამორკვევა...

- ყირიმთან დაკავშირებით რეფერენდუმი სწორად ჩატარდა?

- პრინციპში, სწორად განხორციელდა. მე იქ რამდენჯერმე ვარ ნამყოფი. მართალია, რეფერენდუმამდე, მაგრამ მაინც ვგრძნობდი, რომ მოსახლეობის უმეტესობა რუსეთზე იყო ორიენტირებული.






წყარო: «КоммерсантЪ» (რუსეთი)

FaceBook Twitter Digg MySpace Delicious Google ელფოსტაბეჭდვა

ინტერვიუ
ინტერვიუ სალომე ზურაბიშვილთან: დავით-გარეჯთან დაკავშირებით ზოგიერთი მხარის რეაქციები ძალიან გამიკვირდა
18:10 01.05.2019
ინტერვიუში საქართველოს პრეზიდენტი სალომე ზურაბიშვილი ქვეყნის პოლიტიკურ ცხოვრებაში საკუთარ როლზე, მეზობელ
ინტერვიუ
ინტერვიუ მიხეილ სააკაშვილთან: პირველი, რაც ზელენსკიმ უნდა გააკეთოს ისაა, რომ პოროშენკოს კლანი ციხეში ჩასვას
12:14 22.04.2019
რუსეთის ტელეკომპანია «Дождь»-ის შოუ-პროგრამაში «Здесь и сейчас» ისაუბრა საქართველოს ექს-პრეზიდენტმა და უკრაინის
ინტერვიუ
აშშ - ნატოს წევრი თუ ნატოს „ხაზეინი“?-ინტერვიუ თურქ გენერალთან
13:38 20.04.2019
ყველამ კარგად იცის, თუ რა წონა აქვს ამერიკის შეერთებულ შტატებს ნატოში და რა ძალას ფლობს ვაშინგტონი. ეს ყველაფერი
ინტერვიუ
ინტერვიუ ჰანს ბინენდაიკთან: ნატოში გაწევრიანება დღეს ან ხვალ არ მოხდება,თუმცა საქართველომ იმედი უნდა შეინარჩუნოს
13:25 20.04.2019
ნატომ თავისი არსებობის 70 წლის მანძილზე დროს გაუძლო და ისტორიაში ყველაზე წარმატებულ სამხედრო-პოლიტიკურ ალიანსად
ინტერვიუ
ალექსი პუშკოვი: როგორი პოლიტიკა უნდა გაატაროს მოსკოვმა პოსტსაბჭოთა სივრცეში
18:31 15.04.2019
გაზეთ „კომსომოლსკაია პრავდა“-ს კორესპონდენტი ალექსანდრე გამოვი რუსეთის ფედერაციის საბჭოს საინფორმაციო პოლიტიკის
ინტერვიუ
ინტერვიუ მიხეილ სააკაშვილთან: პირველ აპრილს უკრაინაში ჩასვლას ვგეგმავ, ბილეთიც ნაყიდი მაქვს
11:41 13.03.2019
უკრაინის ტელეკომპანია «Наш»-ის გადაცემაში «В гостьях у Дмитрия Гордона» ცნობილი უკრაინელი ჟურნალისტი
ინტერვიუ
ირანული გაზის ტრანზიტი სომხეთის გავლით: როგორი პოზიცია აქვს საქართველოს?
14:33 05.03.2019
ირანში სომხეთის პრემიერ-მინისტრის ნიკოლ ფაშინიანის ამასწინანდელი ვიზიტის დროს, პრეზიდენტ ჰასან რუჰანთან
ინტერვიუ
ინტერვიუ დევიდ სალვოსთან: ჩვენ ხელიდან გავუშვით შესაძლებლობა, რომ გვეპასუხა საქართველოში რუსეთის სამხედრო აგრესიისთვის
14:18 05.03.2019
როგორ ახდენს გავლენას კრემლის მიერ დაფინანსებული და მართული მედია 40-მდე სხვადასხვა ქვეყნის შიდა
ინტერვიუ
ექსკლუზიური ინტერვიუ სალომე ზურაბიშვილთან: სიტუაცია ძალიან რთულია და სამწუხაროდ, ჩვენ არ გვაქვს დიდი შესაძლებლობები წინ აღვუდგეთ ამ პროცესს
13:15 28.02.2019
ბაქოში მყოფმა საქართველოს პრეზიდენტმა სალომე ზურაბიშვილმა ინტერვიუ მისცა აზერბაიჯანის სახელმწიფო
ინტერვიუ
ინტერვიუ რუსეთში ნატოს ყოფილ წარმომადგენელთან: ტრამპმა მითითება გასცა, რომ ალიანსში საქართველოსა და უკრაინის მიღების მიზნით გამოსავალი იპოვონ
14:19 15.02.2019
ნატოს ექს-წარმომადგენელი რუსეთში ჰარი ტაბახი უკრაინული გამოცემა «Апостроф»-ის კორესპონდენტის ეკატერინე
ინტერვიუ
ინტერვიუ გენერალ ბენ ჰოჯესთან: საქართველოს 20% ოკუპირებულია, მაგრამ ნატოს მისთვის წევრობის შეთავაზებისთვის პრეცედენტი აქვს... და ეს გერმანიაა
13:01 12.02.2019
შავი ზღვის უსაფრთხოება აღმოსავლეთ ევროპის სტაბილურობის ერთ-ერთი საფუძველია. უკრაინაში რუსეთის აგრესიის