logo2
logo2
გამოკითხვა
მიგაჩნიათ თუ არა, რომ "მედიის განვითარების ფონდი", რომელსაც ბოკერიას ყოფილი მოადგილე ხელმძღვანელობს, მიუკერძოებელი ორგანიზაციაა?
logo2
logo2
logo2
არქივი
« აგვისტო 2018 »
ორ სა ოთ ხუ პა შა კვ
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
ინტერვიუ დავით ზალკალიანთან: „ავსტრიის კანცლერთან ლტოლვილთა ბანაკის მოწყობის საკითხზე არ გვიმსჯელია... ჩვენ გვესმის, რომ მიგრაცია ევროკავშირის პრობლემაა“
ინტერვიუ დავით ზალკალიანთან: „ავსტრიის კანცლერთან ლტოლვილთა ბანაკის მოწყობის საკითხზე არ გვიმსჯელია... ჩვენ გვესმის, რომ მიგრაცია ევროკავშირის პრობლემაა“
12:29 06.07.2018

გერმანიაში ვიზიტით ყოფნისას საქართველოს საგარეო საქმეთა მინისტრმა დავით ზალკალიანმა ვრცელი

ინტერვიუ მისცა ბერლინის ყოველკვირეული გაზეთის «Die Zeit»-ის კორესპონდენტს შტეფან დობერტს, რომელშიც ქართული დიპლომატიური უწყების ახალ მეთაურთან ქვეყნის საგარეო პოლიტიკის ვექტორებზე და მათან დაკავშირებულ საკითხებზე საუბრობს. ინტერვიუს შესავალში მოცემულია დავით ზალკალიანის მოკლე ბიოგრაფიული მონაცემები: აღნიშნულია, რომ იგი მინისტრად ახლახან, ივნისის თვეში დაინიშნა, მანამდე კი მოადგილედ მუშაობდა.

 

 

საინფორმაციო სააგენტო "ნიუსპრესი" გთავაზობთ ინტერვიუს მიმოხილვას და ცალკეულ ამონარიდებს:

 

ა) ლტოლვილების საკითხი

ინტერვიუს პირველი კითხვა ევროკავშირის ერთ-ერთ მთავარ პრობლემას - მიგრაციისა და ლტოლვილების საკითხს ეხება:

 

- თქვენ, რასაკვირველია, თვალს ადევნებთ ლტოლვილების მიგრაციის საკითხზე გერმანელი და ევროპელი პოლიტიკოსების დებატებს....

- დიახ, ჩვენ მუდმივ კავშირში ვართ ჩვენს კოლეგებთან..

 

- რას ფიქრობთ ავსტრიის კანცლერის სებასტიან კურცის წინადადებაზე, რომლის თანახმად, ლტოლვილების ბანაკების მოწყობა შესაძლებელია ლიბანში, ტუნისში ან საქართველოში. სხვათა შორის, ამ გეგმას დანიაც მხარს უჭერს.

- საქართველოში? როდის იყო ეს შემოთავაზებული?

 

- მან ეს პირველად ინტერვიუში შარშან განაცხადა...

- არა, ჩვენთან, ქართველებთან, ეს საკითხი მას არ განუხილავს. ალბათ, ეს შეცდომაა. ჩვენ, საქართველოს მთავრობას, ამ გეგმების თაობაზე არანაირი ინფორმაცია არ გვაქვს.

 

- და მაინც, რას უპასუხებდით, ავსტრიამ, რომელიც ახლახანს გახდა ევროპის საბჭოს თავმჯდომარე, ეს გეგმა რომ შემოგთავაზოთ?

- პირველ რიგში იმას, რომ ჩვენ საკუთარი ლტოლვილთა ცენტრები გვაქვს ჩვენივე შიდა ლტოლვილებისათვის - 300 ათასზე მეტი ადამიანისათვის, რომლებიც იძულებით გამოიქცენენ რუსეთის მიერ ოკუპირებული აფხაზეთიდან და სამხრეთ ოსეთიდან. მეორე - საქართველო პატარა ქვეყანაა 4-მილიონიანი მოსახლეობით, აქედან 10% ლტოლვილი და იძულებით გადაადგილებული პირია, რაც ჩვენთვის სერიოზულ პრობლემას წარმოადგენს. ვცდილობთ, მათი სოციალური საკითხების მოგვარებას და პარალელურად, მათ მშობლიურ ადგილებში დაბრუნებას. მაგრამ რუსეთთან კონფლიქტის გამო ამის რეალიზება რთულია.

 

საქართველოში ლტოლვილთა ბანაკების გეგმაზე ჩვენთან არც ავსტრიას და არც დანიას ოფიციალურად არ უსაუბრია. დღემდე ამგვარ პროექტზე ლაპარაკი საქართველო-ევროკავშირს შორის არ ყოფილა.

 

ბ) ასოცირების შეთანხმება და უვიზო რეჟიმი

კორესპონდენტის კითხვაზე, „ოთხი წელი გავიდა მას შემდეგ, რაც საქართველომ და ევროკავშირმა ასოცირების შეთანხმება გააფორმეს. რა შედეგები მოიტანა მისმა რეალიზებამ“, დავით ზალკალიანი დადებითად პასუხობს, ვრცლად საუბრობს პოზიტიურ ცვლილებებზე, განსაკუთრებით ხაზს უსვამს ურთიერთსასარგებლო ეკონომიკურ ფაქტორს და ვიზა-ლიბერალიზაციას. იგი აცხადებს, რომ საქართველოს მოსახლეობის 80% მხარს უჭერს ასეთ პოლიტიკას ევროკავშირთან.

 

- კი, მაგრამ ჯერ კიდევ სანამ უვიზო რეჟიმი იქნებოდა შემოღებული, მანამდე ზოგიერთმა გერმანელმა პოლიტიკოსმა შეშფოთება გამოხატა, რომ ამით ქართველი დანაშაულებრივი ჯგუფები ისარგებლებდნენ...

- დიახ, იყო რამდენიმე შემთხვევა, როცა საქართველოს რამდენიმე მოქალაქემ ბოროტად ისარგებლა უვიზო რეჟიმით... ამიტომ ჩვენ ცვლილელბები შევიტანეთ კანონებში, მოქალაქეებს ავუხსენით, თუ რა უფლებები და მოვალეობები ექნებათ ევროკავშირში ყოფნის დროს. იმავდროულად გავააქტიურეთ კონტაქტები გერმანიის პოლიციასთან. ჩვენი შინაგან საქმეთა მინისტრი თავის საქსონიელ კოლეგას შეხვდა...

 

- და ამ მჭიდრო თანამშრომლობამ რა შედეგები მოიტანა?

- იმ ქართველების რაოდენობა, რომლებიც გერმანიაში თავშეფრის მიღებას ითხოვენ, მნიშვნელოვნად შემცირდა. ეს ძალიან კარგი და სასარგებლო თანამშრომლობაა.

 

გ) რუსეთთან ურთიერთობის პრობლემები

გაზეთის ჟურნალისტმა საქართველოს საგარეო საქმეთა მინისტრს კითხვები დაუსვა რუსეთთან ურთიერთობისა და ოკუპირებული ტერიტორიების დაბრუნების თაობაზეც.

 

- 2008 წლიდან მოყოლებული, საქართველო რუსეთთან მოლაპარაკებას უშედეგოდ აწარმოებს ოკუპირებული ტერიტორიების - აფხაზეთ-სამხრეთ ოსეთის დასაბრუნებლად. რამდენად ამართლებს თქვენს მიერ რუსეთის მიმართ გატარებული პოლიტიკა დაძაბული ურთიერთობის განმუხტვის მიზნით, ახალი ხელისუფლების პირობებში?

- 2012 წლიდან, როცა საქართველოს ხელისუფლებაში ბიძინა ივანიშვილის პარტია „ქართული ოცნება“ მოვიდა, ჩვენმა ქვეყანამ რუსეთთან მიმართებით ახალი პოლიტიკის გატარება დაიწყო. ეს სწორი ნაბიჯია. ჩვენ შევეცადეთ სიტუაციის დეესკალაციას, დავნიშნეთ სპეცწარმომადგენელი რუსეთთან არაფორმალური კავშირისა და მოლაპარაკების მიზნით. ამის პარალელურად ჟენევაში გრძელდება რეგულარული მოლაპარაკებები, რომელზეც კონფლიქტის ძირითად თემებს და ცეცხლის შეწყვეტის შეთანხმებასთან დაკავშირებულ საკითხებს ვიხილავთ.

 

- და რა შედეგები მოაქვს ამ მოლაპარაკებას?

- სამწუხაროდ, დღემდე პოზტიური ეფექტი არ ჩანს. რუსეთი კვლავ აგრძელებს ბარიერების აგებასა და მავთულხლართების გაბმას ჩვენს ტერიტორიაზე, კვლავ გრძელდება საქართველოს მოქალაქეთა გატაცებები, არის მკვლელობის ფაქტებიც...

 

- როგორ ფიქრობთ სიტუაციის გამოსწორებას?

- იმედგაცრუების მიუხედავად, ჩვენ მაინც ვაგრძელებთ მშვიდობიანი დეესკალაციის გზას. ჩვენი ინიციატივები მიმართულია იქითკენ, რომ ყველანაირი მავთულხლართი და ბარიერი იქნეს აღებული. მაგრამ ამისათვის აუცილებელია საერთაშორისო თანამეგობრობის ზეწოლაც [რუსეთზე]. ჩვენ მუდმივად ვაყენებთ საკითხს ჩვენი საზღვრების დარღვევაზე ყველა საერთაშორისო ორგანიზაციაში. იმედი გვაქვს, რომ ჩვენი პარტნიორები - აშშ, გერმანია და საფრანგეთი რუსეთთან ამ საკითხზე ორმხრივ ფორმატში მოილაპარაკებენ. ასევე აუცილებელია, რომ გაეროში, ეუთოში და ევროპის საბჭოშიც რუსეთს მუდმივად შეახსენონ საერთაშორისო სამართლის დაცვა და საქართველოს ტერიტორიული მთლიანობის აღდგენა.

 

აგრესია ხომ რუსულმა მხარემ დაიწყო - 2008 წელს საქართველოს საზღვარი რუსულმა ტანკებმა გადმოლახეს - ამის დავიწყება არ შეიძლება. მას შემდეგ ჩვენი ტერიტორიის ნაწილი რუსეთის მიერაა ოკუპირებული. იმ დროს დაიწყო ჰიბრიდული ომიც, რომლის წინააღმდეგ ჩვენ უკვე გარკვეული გამოცდილება დავაგროვეთ, მაგრამ რუსულ პროპაგანდასთან ბრძოლა ადვილი არ არის. ისევე როგორც სხვა პოსტსაბჭოთა ქვეყნებში, რუსეთი ცდილობს ჩვენთანაც დესტაბილიზება გამოიწვიოს.

 

- საქართველოს მიმართაც იგივე ხდება, რაც უკრაინის მიმართ...

- დიახ, რუსეთი თავის აგრესიულ საგარეო პოლიტიკას აგრძელებს. ამასთან, სამხედრო პროპაგანდის წინააღმდეგ საუკეთესო პასუხი კონტრპროპაგანდა კი არაა, არამედ ის, რომ გავარძელოთ ჩვენი განვითარება, განახლება და ევროპეიზაცია. სწორედ ესაა საუკეთესო ვარიანტი. თუ ჩვენი საზოგადოება დაინახავს, რომ ჩვენს კურსს წარმატება მოაქვს, მაშინ მასზე რუსული პროპაგანდა გავლენას ვერ მოახდენს.



წყარო: «Die Zeit» (გერმანია)

FaceBook Twitter Digg MySpace Delicious Google ელფოსტაბეჭდვა
logo2

ინტერვიუ
ინტერვიუ
პენტაგონის ექს-მაღალჩინოსანი: 2008 წელს ჩვენ რეაგირებისთვის მზად არ ვიყავით
00:14 16.08.2018
2008 წლის ომის დროს მარკ სიმაკოვსკი შეერთებული შტატების თავდაცვის დეპარტამენტში
ინტერვიუ
ინტერვიუ რაულ ხაჯიმბასთან: უცხოურ ვიზიტებში ქართული მხარის მიერ შექმნილი ბარიერები ხელს გვიშლის
13:04 15.08.2018
გაზეთ „იზვესტიის“ კორესპონდენტთან ინტერვიუში აფხაზეთის ე.წ. პრეზიდენტი რაულ ხაჯიმბა საუბრობს რუსეთის
ინტერვიუ
რატომ დაუშვა რუსეთმა თურქმენული გაზის სამხრეთ კავკასიის გავლით ევროპისაკენ ტრანზიტის შესაძლებლობა?
12:06 15.08.2018
სოჭში ერთმანეთს რუსეთისა და თურქმენეთის პრეზიდენტები - ვლადიმერ პუტინი და გურბანგული
ინტერვიუ
ინტერვიუ დიმიტრი მედვედევთან: ჩვენი ამოცანა არ იყო, რომ საქართველო მთლიანად გაგვენადგურებინა და სააკაშვილი დაგვესაჯა
12:43 07.08.2018

2008 წლის 7-8 აგვისტოს ღამით, სამხრეთ ოსეთში ომი დაიწყო - ქართველი სამხედროები ცხინვალში

ინტერვიუ
ინტერვიუ
ინტერვიუ ვახტანგ კიკაბიძესთან: რუსეთი ძალიან მიყვარს!
10:50 20.07.2018

"მთელ ყოფილ საბჭოთა კავშირში ცნობილი „მიმინო“, მეგობრებისთვის კი უბრალოდ ბუბა, ბოლო დროს

ინტერვიუ
„სიყვარულთან შერეული სიძულვილი“-პოლონელი ანალიტიკოსის თვალით დანახული რუსულ-აფხაზური ურთიერთობები
10:16 16.07.2018

ინტერვიუში ვარშავის აღმოსავლური კვლევების ცენტრის ანალიტიკოსი ვოიცეხ გურეცკი ჟურნალისტ

ინტერვიუ
რუსი ექსპერტი: აშკარად ჩანს, რომ საქმე საქართველოს ნატო-ში მიღებისაკენ მიდის, რუსეთს კი მის შესაჩერებლად რეალური ბერკეტი არ აქვს
16:13 13.07.2018

ნატოს გენერალურმა მდივანმა იენს სტოლტენბერგმა, ბრიუსელში, საქართველოს პრეზიდენტთან გიორგი

ინტერვიუ
გელა დუმბაძე: გამარჯვება მხოლოდ ცივი გონებითაა შესაძლებელი
12:49 11.07.2018

უკრაინის ყოველკვირეულ გაზეთ «Аргументы недели»-ში გამოქყვეყნებულ ინტერვიუში საქართველოს