logo2
logo2
logo2
არქივი
« ოქტომბერი 2019 »
ორ სა ოთ ხუ პა შა კვ
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31
logo2
logo2
ექსკლუზიური ინტერვიუ თემურ ალასანიასთან-ვინ არის სააკაშვილის იდუმალი მფარველი?
ექსკლუზიური ინტერვიუ თემურ ალასანიასთან-ვინ არის სააკაშვილის იდუმალი მფარველი?
18:06 19.02.2018
რუსული ტელეკომპანია «НТВ»-ს პროგრამაში «Новые русские сенсации» („ახალი რუსული სენსაციები“) 18 თებერვალს გადაიცა ექსკლუზიური ინტერვიუ მიხეილ სააკაშვილის ბიძასთან, თემურ ალასანიასთან. პარალელურად, ვიდეოსიუჟეტში, მიხეილ სააკაშვილის ოჯახის საბჭოურ „კაგებე“-სთან (КГБ) და ამერიკულ „ცეერუს“-სთან (ЦРУ) კავშირებზე, საუბრობს საქართველოს უშიშროების ექს-მინისტრი იგორ გიორგაძეც.

საინფორმაციო სააგენტო „ნიუსპრესი“ გთავაზობთ ინტერვიუს ქართულენოვან ვერსიას შემოკლებით ჟურნალისტის კომენტარებითურთ.

„მსოფლიო პოლიტიკის ბნელი კულისები მალავს მათ, ვინც მიხეილ სააკაშვილს უხილავი ძაფებით მართავს, მაგრამ ერთ-ერთი პიროვნება ჩრდილიდან მაინც გამოვიდა, უფრო სწორედ, შემთხვევით გამჟღავნდა.

მიხეილ სააკაშვილის ბიძა თემურ ალასანია - ადამიანი ბუნდოვანი წარსულით და გაურკვეველი აწმყოთი...

თემურ ალასანიას დაბადების თარიღს ღია წყაროებშიც კი გრიფი „საიდუმლო“ ადევს. მისი არაოფიციალური საქმიანობა მჭიდროდაა დაკავშირებული აშშ-ის სპეცსამსახურებთან. როცა გასული წლის ბოლოს მიხეილ სააკაშვილის ბიძა მოულოდნელად კიევში არ შეუშვეს, ცხელმა სისხლმა იძალა: მან კადნიერად, მოურიდებლად მიმართა მსოფლიოს ისე, რომ შედეგებზე არც დაფიქრებულა. «НТВ»-ს გადამღებმა ჯგუფმა ისარგებლა მომენტით და თემურ ალასანიას ინტერვიუ სთხოვა.

თემურ ალასანია:
„მე პირველი მაიდნის დროსაც კიევში ვიყავი, როცა ვიქტორ იუშენკო აქტიურობდა. მასთანაც ვმუშაობდი, როცა იგი მიშას ინაუგურაციაზე მოვიდა. მაშინ იუშენკო ჯერ კიდევ არ იყო პრეზიდენტი. მასზე ვიყავი მიმაგრებული. სხვათა შორის, ხშირად დრო კარგად გაგვიტარებია და თბილად გვისაუბრია“.

(მიამიტობა იქნებოდა გვეკითხა, თუ კონკრეტულად ვინ მიამაგრა თემურ ალასანია ვიქტორ იუშენკოზ, მაგრამ ისინი ერთმანეთს მხოლოდ უკრაინაში არ ხვდებოდნენ).

თემურ ალასანია:
„როცა აზერბაიჯანში ვხვდებოდით ან კიდევ სადმე, უკრაინელი ხალხის ბედზე მრავალი საათის განმავლობაში ვსაუბრობდით“.

(სხვათა შორის, უკრაინელი ხალხის ბედზე მიხეილ სააკაშვილის ნიუ-იორკელი ბიძა ვიქტორ იუშენკოს პრეზიდენტობის შემდეგაც დაბეჯითებით საუბრობდა - უკვე პეტრო პოროშენკოსთან).

თემურ ალასანია: „პირველად, როცა ჩვენ მაიდნის დროს შევხვდით - მე, მიშა, პეტრო პოროშენკო და კიდევ ერთი პიროვნება. ეს იყო ღამის ორ საათზე, სასტუმროში. დილის ოთხ საათამდე ვისხედით და ვსაუბრობდით“.
(ვინ იყო იდუმალი „კიდევ ერთი პიროვნება“ - ეს რევოლუციური საიდუმლოა, რომელიც „ბერკუტის“ მებრძოლებისა და „ციური ასეულის“ სისხლითაა გასვრილი_.

თემურ ალასანია: „მე ვიყავი პირველ მაიდანზეც და მეორეზეც... კონტრაქტები უნდა შესრულებულიყო“.

იგორ გიორგაძე
, საქართველოს უშიშროების ექს-მინისტრი: „საერთოდ, მიხეილ სააკაშვილის ოჯახი სპეცსამსახურებთან ტრადიციულად თანამშრომლობდა. დედამისი გიული ჩვენს აგენტად მუშაობდა. ბიძამისი თემურ ალასანიაც, რომელიც საგარეო საქმეთა სამინისტროში მუშაობდა, ასევე საბჭოთა კავშირის „კა-გე-ბე“-ს (სახელმწიფო უშიშროების კომიტეტის) აგენტი იყო“.

(სახელმწიფო უშიშროების გენერალს არასოდეს ეჭვი არ შეპარვია, ვის და რომელ სახელმწიფოს ემსახურება სსრ კავშირის დაშლის შემდეგ მიხეილ სააკაშვილის ოჯახი).

იგორ გიორგაძე:
„ისინი ყველანი, ასე ვთქვათ, „ცეერუ“-ს (აშშ-ის ცენტრალური სადაზვერვო სამმართველოს“) პროექტს წარმოადგენენ“.

ექს-მინისტრისათვის მიხეილ სააკაშვილის ბიძის თემურ ალასანიას შემოქმედებითი ბიოგრაფია - ესაა მოღალატისა და სისხლის სამართლის დამნაშავის საქმიანობის ამსახველი ტომები.

თემურ ალასანია:
„მე ჩემი პირველი შეხვედრები ლეონიდ ბრეჟნევის პერიოდში დავიწყე და აშშ-ის თითქმის ყველა იმდროინდელი პრეზიდენტით დავასრულე“.

იგორ გიორგაძე:
„არა, იგი გადაბირებული არ ყოფილა, მან თვითონ შესთავაზა თავისი სამსახური აშშ-ის ცენტრალურ სადაზვერვო სამმართველოს. „გადაბირება“ და „შეთავაზება“ ერთმანეთისაგან განსხვავდება“.

(ისტორიაში თავისი როლის შესახებ მიხეილ სააკაშვილის ბიძა ბუნდოვნად საუბრობს. მხოლოდ იმას აღიარებს, რომ დისწული მან საწყის ეტაპზე ამერიკული ელიტის კონკრეტულ პიროვნებებს გააცნო).

იგორ გიორგაძე
: „მან ასე თქვა: „დისწული მყავს, მას საერთაშორისო ურთიერთობების ფაკულტეტი აქვს დამთავრებული, ორი ენა იცის, გამოიყენეთ“. ამერიკელებმაც მოსინჯეს, ყურადღება მიაქციეს. მოგვიანებით კი მიხეილ სააკაშვილს „ოქროს ბიჭუნა“ უწოდეს. იგი უპრინციპო, დაუფიქრებელი, არანორმალური ფსიქიკის მქონე, ადვილად მართვადი და დაკომპლექსებული ადამიანია“.

(ჰოდა, ოქროს ბიჭუნა თავის მომავალ მეორე ნახევარს - სანდრა რულოვსს შეახვედრეს).

იგორ გიორგაძე:
„მიხეილ სააკაშვილს მეწყვილე აგენტი მოუძებნეს. ისინი დაზვერვის მუშაკები არ არიან, ისინი აგენტები არიან და სპეცსამსახურებთან ურთიერთობენ“.

თემურ ალსანია:
„ვფიქრობ, რომ ეს იყო ორი გულის, ორი ინდივიდუუმის, ორი ადამიანის კარგად შეხამება ერთმანეთთან“.

(„გულებისა და ინდივიდუუმების“ ასეთ „შეწყობა-შეხამებას“ დაზვერვაში „მიძინებულ უჯრედს“ უწოდებენ. მიხეილ სააკაშვილისათვის კამფეტი რომ გამხდარიყო, სანდრა რულოვსი ძალიან ცდილობდა. სამაგიეროდ, მიშამ სანდრას უფრო მეტი რამ აჩუქა, ვიდრე მთელი მსოფლიოს ყვავილები - „ვარდების რევოლუცია“... მოგვიანებით მიხეილ სააკაშვილი საქართველოდან აშშ-ში გაიქცა, ბიძამისთან და კურატორებთან ახლოს, სამშობლოში კი მასზე საერთაშორისო ძებნა გამოაცხადეს. შემდეგ ამერიკული ემიგრაციიდან იგი ახალი დავალებით კიევში ჩავიდა თავის უნივერსიტეტელ თანაკურსელ პეტრო პოროშენკოსთან. თავდაპირველად მიხეილ სააკაშვილი კიევს ტრანზიტის ერთ-ერთ პუნქტად მიიჩნევდა. ბიძამისმა მოიწონა მისი თბილისში დაბრუნებისთვის გამიზნული ოპერაცია).

თემურ ალსანია:
„იგი დამელაპარაკა ამის შესახებ. მეც უბრალოდ, ვუთხარი, რომ მოქმედება საჭიროა. იმიტომ, რომ იმ სიტუაციაში ეს იყო ერთადერთი ყველაზე სწორი გადაწყვეტილება“.

(მაგრამ პრეზიდენტ პეტრო პოროშენკოს მრჩევლობიდან მიხეილ სააკაშვილი ჯერ ოდესაში „გადაასახლეს“, შემდეგ კი პოსტიდან გადააყენეს. ამ ზაფხულს [ევროპულ მედიაში] მიშასთვის მომაკვდინებელი კომპრომატი ამოტივტივდა: „ციური ასეული“ მაიდანზე თურმე მიხეილ სააკაშვილის „სპეცნაზის“ ქართველ სნაიპერებს დაუხოცავთ. უკრაინის გამოძიებას ამ „უხერხული საქმის“ გახსნის შანსი მიეცა. საკვირველი დამთხვევაა: მიხეილ სააკაშვილის პოლონეთში დეპორტაცია ერთი დღით ადრე მოხდა, კიევის სასამართლოში მისი ჩვენების მიცემამდე ამ საქმესთან დაკავშირებით).

თემურ ალასანია:
„რაც შეეხება მიშას პირად უსაფრთხოებას, რა თქმა უნდა, საფრთხე არსებობს და მისი იგნორირება არ შეიძლება, როცა ასეთ სერიოზულ თამაშში ხარ ჩაბმული“.

(ბიძამ კარგად უწყის, რასაც ლაპარაკობს. ემოციურ მიხეილ სააკაშვილს ევროპაში ყოფნისას რაღაც ზედმეტის წამოყრანტალება შეუძლია. კიევში უკვე დაფიქრდნენ, როგორ გააჩუმონ იგი სამუდამოდ.

მიხეილ სააკაშვილის მიერ ვარშავაში გამართული პრეს-კონფერენციის შემდეგ სულ მალე აშშ-ის ეროვნული დაზვერვის დირექტორმა დენიელ კოუტსმა განაცხადა, რომ უკრაინაში შექმნილმა სიტუაციამ შეიძლება ვადამდელ არჩევნებამდე მიგვიყვანოსო. პეტრო პოროშენკოსათვის ეს ნამდვილი „შავი ნაჭდევია“. იგი ამას მიხეილ სააკაშვილს არასოდეს არ აპატიებს. თემურ ალასანია დარწმუნებულია, რომ მალე მის დისწულზე ნადირობა დაიწყება).

თემურ ალასანია:
„მონადირეები ჩვენთვის კარგად ნაცნობი ადამიანები არიან“.



წყარო: «НТВ» (რუსეთი)


FaceBook Twitter Digg MySpace Delicious Google ელფოსტაბეჭდვა

ინტერვიუ
ინტერვიუ სალომე ზურაბიშვილთან: დავით-გარეჯთან დაკავშირებით ზოგიერთი მხარის რეაქციები ძალიან გამიკვირდა
18:10 01.05.2019
ინტერვიუში საქართველოს პრეზიდენტი სალომე ზურაბიშვილი ქვეყნის პოლიტიკურ ცხოვრებაში საკუთარ როლზე, მეზობელ
ინტერვიუ
ინტერვიუ მიხეილ სააკაშვილთან: პირველი, რაც ზელენსკიმ უნდა გააკეთოს ისაა, რომ პოროშენკოს კლანი ციხეში ჩასვას
12:14 22.04.2019
რუსეთის ტელეკომპანია «Дождь»-ის შოუ-პროგრამაში «Здесь и сейчас» ისაუბრა საქართველოს ექს-პრეზიდენტმა და უკრაინის
ინტერვიუ
აშშ - ნატოს წევრი თუ ნატოს „ხაზეინი“?-ინტერვიუ თურქ გენერალთან
13:38 20.04.2019
ყველამ კარგად იცის, თუ რა წონა აქვს ამერიკის შეერთებულ შტატებს ნატოში და რა ძალას ფლობს ვაშინგტონი. ეს ყველაფერი
ინტერვიუ
ინტერვიუ ჰანს ბინენდაიკთან: ნატოში გაწევრიანება დღეს ან ხვალ არ მოხდება,თუმცა საქართველომ იმედი უნდა შეინარჩუნოს
13:25 20.04.2019
ნატომ თავისი არსებობის 70 წლის მანძილზე დროს გაუძლო და ისტორიაში ყველაზე წარმატებულ სამხედრო-პოლიტიკურ ალიანსად
ინტერვიუ
ალექსი პუშკოვი: როგორი პოლიტიკა უნდა გაატაროს მოსკოვმა პოსტსაბჭოთა სივრცეში
18:31 15.04.2019
გაზეთ „კომსომოლსკაია პრავდა“-ს კორესპონდენტი ალექსანდრე გამოვი რუსეთის ფედერაციის საბჭოს საინფორმაციო პოლიტიკის
ინტერვიუ
ინტერვიუ მიხეილ სააკაშვილთან: პირველ აპრილს უკრაინაში ჩასვლას ვგეგმავ, ბილეთიც ნაყიდი მაქვს
11:41 13.03.2019
უკრაინის ტელეკომპანია «Наш»-ის გადაცემაში «В гостьях у Дмитрия Гордона» ცნობილი უკრაინელი ჟურნალისტი
ინტერვიუ
ირანული გაზის ტრანზიტი სომხეთის გავლით: როგორი პოზიცია აქვს საქართველოს?
14:33 05.03.2019
ირანში სომხეთის პრემიერ-მინისტრის ნიკოლ ფაშინიანის ამასწინანდელი ვიზიტის დროს, პრეზიდენტ ჰასან რუჰანთან
ინტერვიუ
ინტერვიუ დევიდ სალვოსთან: ჩვენ ხელიდან გავუშვით შესაძლებლობა, რომ გვეპასუხა საქართველოში რუსეთის სამხედრო აგრესიისთვის
14:18 05.03.2019
როგორ ახდენს გავლენას კრემლის მიერ დაფინანსებული და მართული მედია 40-მდე სხვადასხვა ქვეყნის შიდა
ინტერვიუ
ექსკლუზიური ინტერვიუ სალომე ზურაბიშვილთან: სიტუაცია ძალიან რთულია და სამწუხაროდ, ჩვენ არ გვაქვს დიდი შესაძლებლობები წინ აღვუდგეთ ამ პროცესს
13:15 28.02.2019
ბაქოში მყოფმა საქართველოს პრეზიდენტმა სალომე ზურაბიშვილმა ინტერვიუ მისცა აზერბაიჯანის სახელმწიფო
ინტერვიუ
ინტერვიუ რუსეთში ნატოს ყოფილ წარმომადგენელთან: ტრამპმა მითითება გასცა, რომ ალიანსში საქართველოსა და უკრაინის მიღების მიზნით გამოსავალი იპოვონ
14:19 15.02.2019
ნატოს ექს-წარმომადგენელი რუსეთში ჰარი ტაბახი უკრაინული გამოცემა «Апостроф»-ის კორესპონდენტის ეკატერინე
ინტერვიუ
ინტერვიუ გენერალ ბენ ჰოჯესთან: საქართველოს 20% ოკუპირებულია, მაგრამ ნატოს მისთვის წევრობის შეთავაზებისთვის პრეცედენტი აქვს... და ეს გერმანიაა
13:01 12.02.2019
შავი ზღვის უსაფრთხოება აღმოსავლეთ ევროპის სტაბილურობის ერთ-ერთი საფუძველია. უკრაინაში რუსეთის აგრესიის