logo2
logo2
logo2
არქივი
« თებერვალი 2019 »
ორ სა ოთ ხუ პა შა კვ
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28
მიხეილ სააკაშვილი: ქართულ არმიასა და სამართალდამცველ ორგანოებში ძალიან დიდი მხარდაჭერა მაქვს
მიხეილ სააკაშვილი: ქართულ არმიასა და სამართალდამცველ ორგანოებში ძალიან დიდი მხარდაჭერა მაქვს
11:31 09.02.2018

უკრაინაში მყოფმა საქართველოს ექს-პრეზიდენტმა მიხეილ სააკაშვილმა ინტერვიუ მისცა

ცნობილი ფრანგული გაზეთის „ლიბერასიონის“ კორესპონდენტს სებასტიენ გობერს.

 

 

საინფორმაციო სააგენტო „ნიუსპრესი“ გთავაზობთ ამონარიდს ინტერვიუდან:

- თქვენ უკრაინაშიც საპყრობილე გემუქრებათ და საქართველოშიც. როგორ ფიქრობთ, შეუძლია ხელისუფლებას თქვენი ექსტრადირება?

- ყოველ შემთხვევაში, ამისათვის ემზადებიან. ისე კი, სავალდებულო არაა, რომ მაინცდამაინც საქართველოს გადამცენ. რამდენიმე დღის წინ გავიგე, რომ პოლონეთის ხელისუფლებას მიმართეს - დაიბრუნეთ მიხეილ სააკაშვილიო. ჩემი ექსტრადირება რომ საქართველოში მოხდეს, თბილისს წინ დიდი გართულებები ელოდება. ასე რომ, იქ მე არავის ვჭირდები.

 

- რატომ?

- მე საქართველოში ძალიან ფართო მხარდაჭერა მაქვს როგორც ხალხში, ასევე არმიასა და სამართალდამცველ ორგანოებში. მთავრობა სუსტია. ქართველების უმრავლესობამ იცის, რომ თბილისში გამართული სასამართლო პროცესი, რომელიც ჩემს დაუსწრებლად ჩაატარეს, უბრალოდ, ფარსი იყო და მეტი არაფერი. ძველი მოსამართლეები ერთ წელზე მეტი ხნის განმავლობაში ეძებდნენ კორუფციისა და ოფშორული ანგარიშების კვალს, მაგრამ ვერაფერიც ვერ იპოვეს. ჩემი პრეზიდენტობის დროს საქართველოში არანაირი კორუფცია არ ყოფილა. ახლა ბრალს მდებენ, რომ ბოროტად ვსარგებლობდი პრეზიდენტის უფლებით შეწყალების თაობაზე, მაგრამ არცერთ სახელმწიფოში პრეზიდენტს კონსტიტუციური პრეროგატივის გამოყენების გამო ბრალს არ სდებენ. მოსახლეობამ ეს ძალიან კარგად იცის. დასავლეთსაც ამით ვერ მოატყუებ. თავის დროზე, თვით უკრაინის გენერალურმა პროკურორმაც კი, სანამ იგი ჩემს წინააღმდეგ გამოვიდოდა, [თბილისში ჩატარებული] სასამართლო პოლიტიკურად შერაცხა. საერთოდ კი, თუ საქართველოს გადამცემენ და იქ საპყრობილეში ჩამსვამენ, ჩემი მომხრეები, ჩემს გასათავისუფლებლად, მთავრობას დაამხობენ. ამაში დარწმუნებული ვარ.

 

- მაგრამ განა მართლაც ასე პოპულარული ხართ? თქვენმა პარტიამ ხომ 2017 წლის შემოდგომაზე ჩატარებულ საპარლამენტო არჩევნებში ვერ გაიმარჯვა... თქვენ გაკრიტიკებენ ქვეყნის ავტორიტარული მეთოდებით მართვის, დემონსტრაციის დარბევის, მასმედიაზე ზეწოლის გამო...

- დიახ, მაგრამ მერე რა? ისეთ ქვეყანას, როგორიც საქართველოა, რვა წელიწადში ევროპულ დემოკრატიაზე ვერ გადაიყვან. მე არ ვამტკიცებ, რომ ეს შევძელი, თუმცა ჩემი ქვეყანა ისეთ სიცოცხლისუნარიან სახელმწიფოდ გადავაქციე, სადაც რეფორმები წარმატებით გატარდა. საქართველო ერთადერთი სახელმწიფოა მთელ პოსტსაბჭოთა სივრცეში, სადაც ხელისუფლების ცვლის გარდამავალი პროცესი მშვიდობიანი გზით განხორციელდა. ის ბოროტმოქმედებები კი, რომლებშიც ბრალს მდებენ, იმასთან შედარებით, რაც დღევანდელი მთავრობის დროს ხდება, უმნიშვნელო წვრილმანებია.

 

- რატომაა თქვენთვის უკრაინა მნიშვნელოვანი?

- თუ უკრაინა ერთ წერტილზე გაიყინება და არ განვითარდება, ვლადიმერ პუტინი ქვეყანას გაანადგურებს. მთელი დამოუკიდებელი რეგიონი, საქართველოს ჩათვლით, გეოპოლიტიკური სივრციდან გაქრება. ჩემთვის ეს არის შანსი იმისა, რომ კიდევ ერთი პოსტსაბჭოთა ქვეყანა მსოფლიოში სანიმუშო გავხადო. ყველგან ბოლომდე ვიბრძოლებ!

 

 

წყარო: «Liberation» (საფრანგეთი)

 

 

FaceBook Twitter Digg MySpace Delicious Google ელფოსტაბეჭდვა

ინტერვიუ
ინტერვიუ რუსეთში ნატოს ყოფილ წარმომადგენელთან: ტრამპმა მითითება გასცა, რომ ალიანსში საქართველოსა და უკრაინის მიღების მიზნით გამოსავალი იპოვონ
14:19 15.02.2019
ნატოს ექს-წარმომადგენელი რუსეთში ჰარი ტაბახი უკრაინული გამოცემა «Апостроф»-ის კორესპონდენტის ეკატერინე
ინტერვიუ
ინტერვიუ გენერალ ბენ ჰოჯესთან: საქართველოს 20% ოკუპირებულია, მაგრამ ნატოს მისთვის წევრობის შეთავაზებისთვის პრეცედენტი აქვს... და ეს გერმანიაა
13:01 12.02.2019
შავი ზღვის უსაფრთხოება აღმოსავლეთ ევროპის სტაბილურობის ერთ-ერთი საფუძველია. უკრაინაში რუსეთის აგრესიის
ინტერვიუ
ინტერვიუ აზერბაიჯანის ტურიზმის ასოციაციის ხელმძღვანელთან: საქართველოს წარმატება ტურიზმის სფეროში ჩვენთვისაც სასარგებლოა
17:08 03.02.2019
ინტერვიუში აზერბაიჯანის ტურიზმის ასოციაციის თავმჯდომარე ნაჰიდ ბაგიროვი ჟურნალისტ ლეილა მურადს
ინტერვიუ
ინტერვიუ
ინტერვიუ ილჰამ ალიევთან: საქართველოს შავი ზღვის ნავსადგურების ნაცვლად ევროპაში ტვირთების სახმელეთო გზით გაგზავნა უფრო ეკონომიური და სწრაფია
15:09 23.01.2019
აზერბაიჯანის პრეზიდენტმა ილჰამ ალიევმა, შვეიცარის ქალაქ დავოსში მიმდინარე მსოფლიო ეკონომიკურ ფორუმზე
ინტერვიუ
ინტერვიუ
ინტერვიუ თეოლოგ გურამ ლურსმანაშვილთან: უკრაინის საკითხი ყველა ავტოკეფალური ეკლესიისთვის ლუსტრაციაა
14:45 25.12.2018
უკრაინაში ახალი ერთიანი მართლმადიდებელი ეკლესიის დაფუძნებისა და კიევისა და
ინტერვიუ
მიხეილ სააკაშვილი ებრაელი და ქართველი „აფერისტების“ შესახებ ისრაელის ტელეარხის ეთერში
11:20 12.12.2018
მიხეილ სააკაშვილი ძალიან ემოციური პიროვნებაა და ხშირად მწვავე გამონათქვამებს უშვებს: მაგალითად, მან