logo2
logo2
logo2
logo2
logo2
არქივი
ინტერვიუ ზურაბ აბაშიძესთან: რუსეთთან დამაკავშირებელი ალტერნატიული გზების საკითხი შვეიცარიული მხარის მონაწილეობით ახლო მომავალში გაირკვევა
ინტერვიუ ზურაბ აბაშიძესთან: რუსეთთან დამაკავშირებელი ალტერნატიული გზების საკითხი შვეიცარიული მხარის მონაწილეობით ახლო მომავალში გაირკვევა
10:01 20.12.2017

სომხეთის პრეზიდენტს სერჟ სარგსიანს განზრახული აქვს საქართველოს მიმდინარე წლის ბოლომდე

ორდღიანი სამუშაო ვიზიტით ეწვიოს. ჯერ-ჯერობით, ვიზიტის პროგრამა გამოქვეყნებული არ არის, თუმცა, რასაკვირველია, იგი თბილისში ყოფნისას შეხვდება თავის ქართველ კოლეგას - გიორგი მარგველაშვილს და პრემიერ-მინისტრ გიორგი კვირიკაშვილს. სავარაუდოდ, სერჟ სარგსიანი მოლაპარაკების დროს დასვამს საკითხს „სტაბილური და მდგრადი სახმელეთო გზის“ თაობაზე სომხეთსა და რუსეთს შორის, საქართველოს ტერიტორიის გავლით.

დღეს სომხეთ-რუსეთს შორის კავშირი ორი მიმართულებით ხორციელდება - ფოთი-ნოვოროსიისკის საზღვაო გზით (ბორანით, რაც საკმაოდ რთული და ძვირადღირებულია) და სახმელეთო გზით - საავტომობილო ტრასით (ერევან-თბილისი-ვლადიკავკაზი), რაც ასევე რთულია და სახიფათო, განსაკუთრებით ზამთრის პერიოდში.

სომხეთი დიდი ხანია ეძებს რუსეთთან დამაკავშირებელ ალტერნატიულ გზებს, რომლებიც სტაბილური იქნებოდა. არსებობს სამი სავარაუდო მიმართულება: პირველი - რკინიგზის აღდგენა აფხაზეთის გავლით, მეორე - კახეთ-ავარეთის ახალი საავტომობილო გზის მშენებლობა და მესამე - საავტომობილო გზა გორი-ცხინვალი-ვლადიკავკაზი. ეს უკანასკნელი ყველაზე კომფორტული მარშრუტია, მაგრამ პოლიტიკური მიზეზების გამო მისი ამოქმედება ვერ ხერხდება. მთავარი მიზეზი შემდეგშია: საქართველოს ხელისუფლება წინააღმდეგია, რომ პროექტში ყოფილი სამხრეთ ოსეთის ავტონომიური ოლქის დღევანდელი ხელისუფლება იყოს ჩართული. ბოლო დროს პრობლემის გადაწყვეტაში ერთგვარი „სინათლე გამოჩნდა“ - სატრანსპორტო დერეფნების ამოქმედება შვეიცარიის კომპანიის შუამავლობით განხორციელდება, რომელიც ტვირთების საბაჟო გაფორმებას მოახდენს (საქართველო-რუსეთს შორის 2011 წელს დადებული შეთანხმების შესაბამისად).

როგორც ჩანს, სერჟ სარგსიანის ვიზიტიც უმთავრესად ამ პრობლემას უკავშირდება. როგორც რუსეთთან ურთიერთობის საკითხებში საქართველოს პრემიერ-მინისტრის სპეცწარმომადგენელმა ზურაბ აბაშიძემ განაცხადა, ამას წინათ პრაღაში გრიგორი კარასინთან შეხვედრის შედეგად სავაჭრო-სატრანსპორტო დერეფნების ამოქმედება, როგორც არასდროს, ისე ახლოა განხორციელებასთან. რამდენადაც ზურაბ აბაშიძე გამოცდილი დიპლომატია, ამ თემაზე ფრთხილად საუბრობს, თუმცა, მისი დიპლომატიური ფრაზეოლოგიის მიღმა, „სტროფებს შორის“ შეიძლება სერჟ სარგსიანის ვიზიტის მთავარი მიზანი ამოვიკითხოთ.

- ბატონო ზურაბ, იმსჯელეთ თუ არა გრიგორი კარასინთან საქართველოს სამხედრო გზაზე ახალი გვირაბის მშენებლობის შესახებ?

- ამ გზის ინფრასტრუქტურული რემონტი და მოდერნიზაცია დიდი ხანია ორივე მხრიდან მიმდინარეობს - რუსეთისა და საქართველოს მიერ, რაც მომავალ წელსაც გაგრძელდება.

- გქონდათ თუ არა საუბარი სტაბილური სახმელეთო გზის თაობაზე რუსეთსა და სომხეთს შორის?

- ვაჭრობის ზრდის შესაბამისად აუცილებელი ხდება საქართველოს სამხედრო გზის გამტარუნარიანობის გაზრდაც. ჩვენი სახელმწიფო ამაში დაინტერესებულია. ამ გზაზე გადის ქართული, სომხური, თურქული, აზერბაიჯანული და ირანული ტვირთები. ეს გზა ყველასთვისაა. ასე რომ, ჩვენ აუცილებლად გავაგრძელებს მის რემონტს და მოდერნიზებას.

- თქვენი აზრით, საკითხი ეხება სომხეთის ინტერესების ლობირებას, რომელიც ყველაზე მეტადაა დაინტერესებული კომუნიკაციის განვითარებით?

- ამ გზით ყველა სარგებლობს და რასაკვირველია, პირველ რიგში ჩვენი უშუალო მეზობლები, მათ შორის სომხეთიც, რომლის ტვირთების 50% რუსეთში ზემო ლარსით გადის. სხვათა შორის, ბოლო დროს სწრაფად მატულობს თურქული ტვირთების ტრანზიტიც. რაც შეეხება ახალ გვირაბის მშენებლობას, ჩვენ ამ საკითხს მოსკოვთან არ ვათანხმებთ. ასეთი კონკრეტულ საკითხები საქართველოს საშინაო საქმეა და მათზე გადაწყვეტილებას მთავრობა იღებს. ჩვენ გამოვდივართ საქართველოს, როგორც სატრანზიტო ქვეყნის ინტერესებიდან, ამიტომაც ხელს ვუწყობთ ყველა შესაძლებელ მიმართულებას.

- როდის გადაწყდება ალტერნატიული გზების საკითხი შვეიცარიული კომპანიის მონაწილეობით?

- ეს უახლოეს ხანში გამოჩნდება.

- შეიძლება დეკემბრის ბოლომდე?


- ვნახოთ, ვნახოთ... ამას უახლოეს ხანში გავიგებთ. რაღაც წინსვლა უკვე არის, მაგრამ ერთმნიშვნელოვნად ვერაფერს გეტყვით. თუმცა დღეს შაბათია (ინტერვიუ ჩაწერილია შაბათს - ს.კ.), მე კი სამშაბათობით, ხუთშაბათობით და შაბათობით ოპტიმისტი ვარ ხოლმე (იცინის).



წყარო: «Вестник Кавказа» (რუსეთი)


 

FaceBook Twitter Digg MySpace Delicious Google ელფოსტაბეჭდვა
logo2

ინტერვიუ
ინტერვიუ
ინტერვიუ თეოლოგ გურამ ლურსმანაშვილთან: უკრაინის საკითხი ყველა ავტოკეფალური ეკლესიისთვის ლუსტრაციაა
14:45 25.12.2018
უკრაინაში ახალი ერთიანი მართლმადიდებელი ეკლესიის დაფუძნებისა და კიევისა და
ინტერვიუ
მიხეილ სააკაშვილი ებრაელი და ქართველი „აფერისტების“ შესახებ ისრაელის ტელეარხის ეთერში
11:20 12.12.2018
მიხეილ სააკაშვილი ძალიან ემოციური პიროვნებაა და ხშირად მწვავე გამონათქვამებს უშვებს: მაგალითად, მან
ინტერვიუ
მაქსიმ შევჩენკო: არის მცდელობა, რომ საქართველოს მეშვეობით მთლიანად კავკასიას ცეცხლი მოუკიდონ
11:00 12.12.2018
რუსეთის რადიოსადგურ «Эхо Москвы»-ის პროგრამა «Особое мнение»-ს სტუდიაში საუბრობენ გადაცემის წამყვანი მაშა
ინტერვიუ
ქართული პოლიტიკის ფრანგული აქცენტი-სალომე ზურაბიშვილის საქმიანობის პერსპექტივა
11:18 06.12.2018
ამერიკული რადიოსადგურის „თავისუფლება//თავისუფალი ევროპის“ რუსული სამსახურის „რადიო სვობოდას“ პროექტ
ინტერვიუ
გია ნოდია: მიშას ციხეში ჩაჯდომა არ შეიძლება, ეს ის ადამიანი არ არის ვინც ციხეს გაუძლებს
11:08 05.12.2018
საქართველოს ახალი პრეზიდენტი ჰყავს, რომელსაც საერთაშორისო საზოგადოებამ არჩევნებში
ინტერვიუ
ინტერვიუ გრიგოლ ვაშაძესთან: მოსკოვი ჩვენს პირობებს უნდა დაეთანხმოს
17:43 02.12.2018
ბრიტანული სამაუწყებლო კომპანია BBC-ის რუსული სამსახურის კორესპონდენტმა ოლღა ივშინამ თბილისში ყოფნისას
ინტერვიუ
ამერიკელი დიპლომატი: საქართველოსთან ომს რუსეთის შეცდომად ვთვლი
10:43 19.11.2018
აშშ-ში გამოვიდა ახალი წიგნი სახელწოდებით „რუსეთი ადგილის გარეშე“, რომელშიც
ინტერვიუ
ინტერვიუ სტივენ ნიქსთან: ვიმედოვნებთ, არჩევნები კარგად ორგანიზებული, მშვიდობიანი და გამჭვირვალე იქნება
11:54 28.10.2018
საქართველოში წინასაარჩევნო გარემოს და განწყობებს საერთაშორისო რესპუბლიკური ინსტიტუტის ევრაზიის
ინტერვიუ
Pleas creat article