logo2
logo2
logo2
არქივი
logo2
logo2
კახა კალაძე: კარგია ჯადოსნური ჯოხი მქონდეს, ერთი აქნევით ყველა პრობლემა მოგვარდება, მაგრამ რადგანაც არ გვაქვს, დაპირებებს თანდათან, ეტაპობრივად ვასრულებთ
კახა კალაძე: კარგია ჯადოსნური ჯოხი მქონდეს, ერთი აქნევით ყველა პრობლემა მოგვარდება, მაგრამ რადგანაც არ გვაქვს, დაპირებებს თანდათან, ეტაპობრივად ვასრულებთ
10:05 13.11.2017
თბილისის ახლადარჩეულმა მერმა და წარსულში ცნობილმა ფეხბურთელმა კახა კალაძემ ექსკლუზიური ინტერვიუ მისცა რუსეთის გაზეთის „მოსკოვსკი კომსომოლეცის“ ჟურნალისტს მიხეილ პუშკარსკის.
საინფორმაციო სააგენტო "ნიუსპრესი" გთავაზობთ ინტერვიუს შემოკლებულ ვერსიას:
- ბატონო კახა, გილოცავთ მერად არჩევას. აგვიხსენით, რატომ გაცვალეთ ენერგეტიკის მინისტრის პორტფელი ქალაქის თავის სავარძელზე, თუნდაც ის დედაქალაქი იყოს?
- გმადლობთ! რაც შეეხება გადაწყვეტილებას, ჩემთვის საინტერესო იყო საკუთარი თავი ახალ სარბიელზე გამომეცადა, ახალი გამოწვევა მიმეღო. მაგრამ ყველაზე მთავარი ისაა, რომ აბსოლუტურად დარწმუნებული ვარ - შევძლებ დედაქალაქში დაგროვილი პრობლემების მოგვარებას. ამიტომაც დავთანხმდი ჩემი პარტიის შეთავაზებას.
- თქვენ მხარი დაგიჭირათ არჩევნებზე მოსულმა ყოველმა მეორე ამომრჩეველმა. რას ნიშნავს ეს - თქვენი მუშაობის შეფასებას ქართულ პოლიტიკასა და ეკონომიკაში ბოლო ექვსი წლის მანძილზე თუ ცნობილი ფეხბურთელის დიადი მიღწევების დაფასებას?
- ჩვენი მოქალაქეები საკმაოდ რაციონალურები არიან და საკუთარი ქალქი ძალიან უყვართ, ამიტომ მათი გადაწყვეტილება თბილისის მერად არჩევაზე ფეხბურთში ჩემს ყოფილ დამსახურებასთან დაკავშირებული არ არის. კი, ფეხბურთი ჩემი ცხოვრების დიდი ნაწილია, გულშემატკივრები ამით ამაყობენ, მაგრამ პოლიტიკურ არჩევნებში მათ ხმა ჩემთვის მხოლოდ ამის გამო არ მოუციათ.
- თუ სპორტულ ტერმინოლოგიით ვისარგებლებთ, ოპოზიციამ [მატჩი დათმო] „ქართული ოცნების“ აშკარა უპირატესობის გამო. რამდენად კმაყოფილია ქართველი ხალხი ცხოვრებით, როცა ხმას „ქართულ ოცნებას“ აძლევს?
- ხალხი განვითარების სწორ გზას ხედავს, ადამიანები რეფორმის ნაყოფს გრძნობენ. მათთან ურთიერთობის დროს ყოველთვის ვამბობ ხოლმე - კარგია ჯადოსნური ჯოხი რომ მქონდეს, ერთს ავიქნევ და ყველა პრობლემა წამში მოგვარდება-მეთქი, მაგრამ რადგანაც ჯოხი არ გვაქვს, ჩვენ დაპირებებს თანდათან, ეტაპობრივად ვასრულებთ. ბიზნესის დატერორება, დაშინება, დაშანტაჟება, უკანონობა, მკურნალობისთვის ზღაპრული თანხების ხარჯვა, ძვირი სასკოლო სახელმძღვანელობი - ეს ყველაფერი წარსულს ჩაბარდა. ჩვენ წარმატებით დავიწყეთ პროგრამა მცირე ბიზნესისათვის - „წარმოებულია საქართველოში“. ელექტროენერგიით და ბუნებრივი გაზით ვუზრუნველყავით მთელი რიგი სოფლები, სადაც ადამიანები ათწლეულობით ელემენტარული პირობების გარეშე ცხოვრობდნენ. წინ კიდევ მილიონი საქმეა, მაგრამ მთავარი ისაა, რომ მოსახლეობა ჩვენ გვენდობა. მართალია, ხშირად გვაკრიტიკებს კიდეც, მაგრამ ხელისუფლების კრიტიკა ხომ სრულიად ნორმალური მოვლენაა დემოკრატიული საზოგადოებისათვის...
- როგორც ყოველ არჩევნებს, ამ არჩევნებსაც ბრალდებებისა და კომპრომატების გარეშე არ ჩაუვლია.. ჩვენ კარგად ვიცით, როგორ მუშაობს ადმინისტრაციული რესურსი რუსეთში, მაგრამ ვფიქრობდით, რომ საქართველოში მისმა გამოყენების შესაძლებლობა წარსულს ჩაბარდა. ახლა კი გვესმის, რომ თქვენს სასარგებლოდ ამომრჩეველთა სიებს თითქოსდა საბავშვო ბაღების დირექტორებიც ადგენდნენ...
- საქმეც მაგაშია, რომ „თითქოსდა ადგენდნენ“. სინამდვილეში კი ყველაფერი ცივილიზებულად და კანონიერად ჩატარდა. საერთაშორისო დამკვირვებლებმა არჩევნები საქართველოს ყველა რეგიონში დადებითად შეაფასეს.
(...)
- ოპოზიციის ზოგიერთმა წარმომადგენელმა უკვე განაცხადა, რომ თბილისის ახალ მერთან კახა კალაძესთან არ ითანამშრომლებენ. უარყოფითად იქნა მოხსენიებული კონტრაქტი სომხეთში რუსული გაზის ტრანზიტთან დაკავშირებითაც...
ეს კახა კალაძესთან თანამშრომლობა კი არ არის, არამედ ქალაქთან თანამშრომლობაა. თუ ვინმეს რაიმე წვლილის შეტანა შეუძლია თბილისის განვითარებაში, მაგრამ ამას არ აკეთებს, მაშინ რომელ პატრიოტიზმსა და პასუხისმგებლობაზე უნდა ვილაპარაკოთ? ასეთი არაკონსტრუქციული პოზიცია მხოლოდ ეგოისტურ და მერკანტილურ ადამიანებს შეუძლიათ, ამით ხალხს ვერ მოატყუებ. გაზის საკითხით კი უკვე საკმაო ხანია დაკავებული აღარ ვარ, ენერგეტიკის მინისტრის პოსტი რამდენიმე თვის წინ დავტოვე...
- რის გაკეთებას აპირებთ თბილისის აყვავების მიზნით ძალთა კონსოლიდაციის საქმეში, ეს, ალბათ, რთულია...
- ჩვენი მერიის კარი ყველასათვის ღია იქნება, ვისაც თანამშრომლობის სურვილი აქვს, ვისაც ამის ძალა და უნარი შესწევს. ყველას ველოდებით!
- საქართველოს დედაქალაქი დიდი ხანია „ტურისტების მექად“ ითვლება, თუმცა ნათქვამია, სრულყოფას საზღვრები არ აქვსო. რა გაქვთ ჩაფიქრებული თბილისის შემდგომი გალამაზებისა და მიმზიდველობისათვის?
- წესრიგის დამყარება რიგ საკვანძო პოზიციებზე - მშენებლობებზე, რეკრეაციულ ზონებში, ეკოლოგიის სფეროში. უფრო მეტად უნდა ვიზრუნოთ დედაქალაქის ძველ უბნებზე, დამატებით ტურისტულ ინფრასტრუქტურაზე.
- რამდენი რუსი მოქალაქე ჩამოდის თბილისში ყოველწლირად? გაქვთ მონაცემები?

- მიმდინარე წელს, რომელიც ჯერ არ დასრულებულა, საქართველოს მილიონზე მეტი რუსეთის მოქალაქე ეწვია.
- თბილისის გარეგნული სახე ქალაქის მთავარ პრობლემას არ წარმოადგენს, ქალაქელებს უფრო მეტად ენერგეტიკული პრობლემები აღელვებთ... ახლა გათბობის სეზონი იწყება, მასთან ერთად კი ელექტროენერგიის წყვეტა, გაზით მომარაგებასთან დაკავშირებული პრობლემები...
- თქვენ ძალიან ძველი მონაცემები გაქვთ. დღეს ყველაფერი ნორმალურია - ქალაქი ელექტროენერგიითაც კარგადაა უზრუნველყოფილი და გაზით მომარაგებითაც.
- ხშირად გაქვთ ურთიერთობა „ქართული ოცნების“ დამაარსებელ ბიძინა ივანიშვილთან? რამდენად ახდენს იგი გავლენას საქართველოში მიმდინარე პოლიტიკურ პროცესებზე?
- ჩვენ ოჯახებით ვმეგობრობთ, მუდმივად გვაქვს აზრთა ურთიერთგაცვლა. ბიძინა ივანიშვილი დიდი პოლიტიკიდან სწორედ იმიტომ წავიდა, რომ მასში მონაწილეობა არ სურდა.
- როგორია, თქვენი აზრით, რუსეთ-საქართველოს ურთიერთობის დინამიკა? თქვენი თანამემამულეები ძალიან იჩაგრებიან იმ ცალმხრივი სავიზო პოლიტიკით, რომელსაც რუსეთი ახორციელებს, მაგრამ თბილისი დიპლომატიური ურთიერთობის აღდგენას მაინც არ ცდილობს...
- პოლიტიკოსების არასწორი გადაწყვეტილებით ყოველთვის უბრალო ადამიანები ზარალდებიან, თუმცა სიტუაციის ნორმალიზება მხოლოდ ხელისუფლების ორმხრივი სურვილითა და შემხვედრი ნაბიჯებით ხორციელდება. ჯერ-ჯერობით კი ამ მიმართულებით სინქრონიზება არ ხდება, პროცესი ჭიანურდება. გულწრფელად ვწუხვარ, თუმცა ეკონომიკურ თანამშრომლობასა და ე.წ. სახალხო დიპლომატიაში პროგრესი აშკარად ჩანს.



წყარო: «Московский комсомолец» (რუსეთი)






FaceBook Twitter Digg MySpace Delicious Google ელფოსტაბეჭდვა

ინტერვიუ
ინტერვიუ სალომე ზურაბიშვილთან: დავით-გარეჯთან დაკავშირებით ზოგიერთი მხარის რეაქციები ძალიან გამიკვირდა
18:10 01.05.2019
ინტერვიუში საქართველოს პრეზიდენტი სალომე ზურაბიშვილი ქვეყნის პოლიტიკურ ცხოვრებაში საკუთარ როლზე, მეზობელ
ინტერვიუ
ინტერვიუ მიხეილ სააკაშვილთან: პირველი, რაც ზელენსკიმ უნდა გააკეთოს ისაა, რომ პოროშენკოს კლანი ციხეში ჩასვას
12:14 22.04.2019
რუსეთის ტელეკომპანია «Дождь»-ის შოუ-პროგრამაში «Здесь и сейчас» ისაუბრა საქართველოს ექს-პრეზიდენტმა და უკრაინის
ინტერვიუ
აშშ - ნატოს წევრი თუ ნატოს „ხაზეინი“?-ინტერვიუ თურქ გენერალთან
13:38 20.04.2019
ყველამ კარგად იცის, თუ რა წონა აქვს ამერიკის შეერთებულ შტატებს ნატოში და რა ძალას ფლობს ვაშინგტონი. ეს ყველაფერი
ინტერვიუ
ინტერვიუ ჰანს ბინენდაიკთან: ნატოში გაწევრიანება დღეს ან ხვალ არ მოხდება,თუმცა საქართველომ იმედი უნდა შეინარჩუნოს
13:25 20.04.2019
ნატომ თავისი არსებობის 70 წლის მანძილზე დროს გაუძლო და ისტორიაში ყველაზე წარმატებულ სამხედრო-პოლიტიკურ ალიანსად
ინტერვიუ
ალექსი პუშკოვი: როგორი პოლიტიკა უნდა გაატაროს მოსკოვმა პოსტსაბჭოთა სივრცეში
18:31 15.04.2019
გაზეთ „კომსომოლსკაია პრავდა“-ს კორესპონდენტი ალექსანდრე გამოვი რუსეთის ფედერაციის საბჭოს საინფორმაციო პოლიტიკის
ინტერვიუ
ინტერვიუ მიხეილ სააკაშვილთან: პირველ აპრილს უკრაინაში ჩასვლას ვგეგმავ, ბილეთიც ნაყიდი მაქვს
11:41 13.03.2019
უკრაინის ტელეკომპანია «Наш»-ის გადაცემაში «В гостьях у Дмитрия Гордона» ცნობილი უკრაინელი ჟურნალისტი
ინტერვიუ
ირანული გაზის ტრანზიტი სომხეთის გავლით: როგორი პოზიცია აქვს საქართველოს?
14:33 05.03.2019
ირანში სომხეთის პრემიერ-მინისტრის ნიკოლ ფაშინიანის ამასწინანდელი ვიზიტის დროს, პრეზიდენტ ჰასან რუჰანთან
ინტერვიუ
ინტერვიუ დევიდ სალვოსთან: ჩვენ ხელიდან გავუშვით შესაძლებლობა, რომ გვეპასუხა საქართველოში რუსეთის სამხედრო აგრესიისთვის
14:18 05.03.2019
როგორ ახდენს გავლენას კრემლის მიერ დაფინანსებული და მართული მედია 40-მდე სხვადასხვა ქვეყნის შიდა
ინტერვიუ
ექსკლუზიური ინტერვიუ სალომე ზურაბიშვილთან: სიტუაცია ძალიან რთულია და სამწუხაროდ, ჩვენ არ გვაქვს დიდი შესაძლებლობები წინ აღვუდგეთ ამ პროცესს
13:15 28.02.2019
ბაქოში მყოფმა საქართველოს პრეზიდენტმა სალომე ზურაბიშვილმა ინტერვიუ მისცა აზერბაიჯანის სახელმწიფო
ინტერვიუ
ინტერვიუ რუსეთში ნატოს ყოფილ წარმომადგენელთან: ტრამპმა მითითება გასცა, რომ ალიანსში საქართველოსა და უკრაინის მიღების მიზნით გამოსავალი იპოვონ
14:19 15.02.2019
ნატოს ექს-წარმომადგენელი რუსეთში ჰარი ტაბახი უკრაინული გამოცემა «Апостроф»-ის კორესპონდენტის ეკატერინე
ინტერვიუ
ინტერვიუ გენერალ ბენ ჰოჯესთან: საქართველოს 20% ოკუპირებულია, მაგრამ ნატოს მისთვის წევრობის შეთავაზებისთვის პრეცედენტი აქვს... და ეს გერმანიაა
13:01 12.02.2019
შავი ზღვის უსაფრთხოება აღმოსავლეთ ევროპის სტაბილურობის ერთ-ერთი საფუძველია. უკრაინაში რუსეთის აგრესიის