logo2
logo2
გამოკითხვა
მიგაჩნიათ თუ არა, რომ "მედიის განვითარების ფონდი", რომელსაც ბოკერიას ყოფილი მოადგილე ხელმძღვანელობს, მიუკერძოებელი ორგანიზაციაა?
logo2
logo2
logo2
არქივი
ინტერვიუ რადას დეპუტატთან: საქართველოს ხელისუფლებას სააკაშვილის მიღება მაინცდამაინც არ სურს რადგან აცნობიერებენ, რომ ის დესტაბილიზაციის ფაქტორს წარმოადგენს
ინტერვიუ რადას დეპუტატთან: საქართველოს ხელისუფლებას სააკაშვილის მიღება მაინცდამაინც არ სურს რადგან აცნობიერებენ, რომ ის დესტაბილიზაციის ფაქტორს წარმოადგენს
15:22 08.11.2017

ინტერვიუში, რომელიც ჟურნალისტმა ალინა კუპცოვამ უკრაინის ვერხოვნა რადას წევრს,

სიტყვის თავისუფლებისა და საინფორმაციო პოლიტიკის კომიტეტის თავმჯდომარეს ვიქტორია სიუმარს  ჩამოართვა,  დეპუტატი საუბრობს ქვეყანაში შექმნილ საზოგადოებრივ-პოლიტიკური სიტუაციის შესახებ: თვალსაზრისს გამოხატავს სხვადასხვა პრობლემატურ და სკანდალურ საკითხებზე, მათ შორის ე.წ. „ზურგჩანთების საქმეზე“ (კორუფციულ გარიგებაზე, რომელშიც, სავარაუდოდ, შინაგან საქმეთა მინისტრის ვაჟიც არის გახვეული), სახელისუფლო კოალიციის, სამომავლო არჩევნებისა და ე.წ. „მიხომაიდანის“ ირგვლივ.

 

 

საინფორმაციო სააგენტო „ნიუსპრესი“ გთავაზობთ ამონარიდს პუბლიკაციიდან (ინტერვიუ ჩაწერილია 6 ნოემბერს):

 

 

- ვინ აკონტროლებს რადასთან მიმდინარე საპროტესტო აქციას - მიხეილ სააკაშვილი თუ იგორ კოლომოისკი?

- ვფიქრობ, რომ იქ არავინ არაფერს არ აკონტროლებს. იქ არიან სხვადასხვა ადამიანების უამრავი რაოდენობის ჯგუფი - ვიღაცა უნდა თავი კაზაკად იგრძნოს, ვიღაცას პოლიტიკური ამბიციები აქვს, ვიღაცას პოლიტიკური ტრიბუნა სურს, ვიღაც ფრონტიდან დაბრუნდა და არ იცის რა გააკეთოს... ამიტომაც აქციაზე ვერტიკალი არ არის. (...) ჩვენთან შინაგანი მოთხოვნილება არსებობს პურსა და სანახაობაზე. თუ პურის საქმე ცუდადაა, მაშინ საჭიროა მეტი სანახაობა. სანახაობრივი პოპულისტები ყველა ხალხში საკმაო პოპულარობით სარგებლობენ და მათ ხმას აძლევენ. შეხედეთ ამერიკას და ევროკავშირს, იქაც ხდება მსგავსი ფაქტები.

 

- ანუ თქვენი აზრით, უკრაინელები მიხეილ სააკაშვილს ხმას მისცემენ?

- არა, იგი ამ მხრივ გამონაკლისია და აი, რატომ: მიხეილ სააკაშვილს რეიტინგი არ აქვს. იგი უკრაინელი არ არის, უბრალოდ, გარკვეულ როლს ასრულებს. უკრაინელებს მსგავსი ტიპების მიმართ კონსერვატიული დამოკიდებულება აქვთ. უკრაინაში არასოდეს აირჩევენ პრეზიდენტად ასეთ ყბედ და მყვირალა ადამიანს, რომელსაც არაფერი გაუკეთებია. დღემდე პრეზიდენტად ყოფილი პრემიერ-მინისტრები ხდებოდნენ. რაც შეეხება პეტრო ალექსეევიჩს [პოროშენკოს], მას ძალიან ბევრი სახელმწიფო თანამდებობაზე აქვს ნამუშევარი, ამიტომაც აირჩიეს პრეზიდენტად. ვფიქრობ, ჩვენთან არ მოხდება ისე, რომ ტრიბუნიდან ვიღაც ხელს იქნევს და იგი პრეზიდენტად იქნეს არჩეული. იგი ვერც „რევოლუციის ტარანი“ ვერ გახდება.

 

 

- როგორ მოხდა, რომ თქვენ და თქვენისთანა პოლიტიკოსებმა, რომლებმაც ვიქტორ იანუკოვიჩი დაამხეთ, მხედველობიდან გამოგეპარათ მიხეილ სააკაშვილის ზრახვები?

 

- ვფიქრობ, აქ საქმე გვაქვს ტაქტიკურ მანევრებთან. აბა, შევხედოთ ამ მანევრების შედეგებს: აშკარაა, დღეს ისეთი საპროტესტო განწყობა, რომ ადამიანები მასობრივად ქუჩაში გამოვიდნენ, არ არსებობს. ამიტომ ეს ყველაფერი სწრაფად გარდაიქმნა ფარსად. იმისათვის, რომ პოლიტიკაში კარგი ქილერი იყო (მიხეილ სააკაშვილს კი სწორედ ქილერობა სურს), უნდა იცოდე არამარტო შენობაში შესვლა, არამედ იქიდან გამოსვლაც. სხვაგვარად ქილერი კი არა კამიკაძე ხარ. ამ ხალხმა, რომლებიც აქციაზე მოვიდნენ, არ იციან როგორ გამოვიდნენ შექმნილი სიტუაციიდან. ქილერების ნაცვლად ისინი კამიკაძეებად გადაიქცნენ...

 

- თქვენი აზრით, მიხეილ სააკაშვილის საქართველოში ექსტრადირება შესაძლებელია?

- ჩემს ხელთ არსებული ინფორმაციით, მიხეილ სააკაშვილის მიღება საქართველოს მაინცდამაინც არ სურს. საქართველოს ხელისუფლება მშვენივრად აცნობიერებს, რომ იგი დესტაბილიზაციის ფაქტორს წარმოადგენს. სადაც არ უნდა იყოს, მიხეილ სააკაშვილისათვის დანგრევა უფრო იოლია, ვიდრე მშენებლობა. ფაქტია, რომ საქართველოში მან ნამდვილად მოახდინა რევოლუცია - პოლიტიკაში ახალი თაობა მოიყვანა. ამასთან, იგი ძველს ანგრევდა, თუმცა შემდეგ ახალს სხვები აშენებდნენ, ვთქვათ, ეკონომიკის მინისტრი კახა ბენდუქიძე. საქართველოში რევოლუცია ხელისუფლებაში თაობათა ცვლილებისთვის მოხდა, უკრაინაში კი - გეოპოლიტიკური, პროევროპული არჩევანისთვის. მიხოს ეს არ ესმის. უკრაინას ევროპული არჩევანი უკვე გაკეთებული აქვს და ევროპასთან ინტეგრირების გამო პეტრო პოროშენკოს რეიტინგი უკვე დადებით დინამიკას აჩვენებს. საერთოდ, რეიტინგი საქანელას ჰგავს: ზოგჯერ მაღლა მიდის, ზოგჯერ კი ვარდება. გახსოვთ, რას ამბობდა ორი წლის იულია ტიმოშენკო, რომლის რეიტინგი იზრდებოდა - ზამთარში ყველა გავიყინებით, ტარიფები მაღალია... ზაფხულში - ყველა შიმშილით დავიხოცებით, რადგან მთავრობა მიწის გაყიდვას აპირებსო. გავიდა ორი წელი და არც გავყინულვართ, არც დავხოცილვართ და არც მიწა არ გაყიდულა... პეტრო პოროშენკოს კი პლუსად უთვლიან იმას, რომ მისი მმართველობის დროს უკრაინამ, გვიან, მაგრამ საბოლოოდ მაინც მიაღწია ვიზალიბერალიზებას.

 

 

 

წყარო: «Обозреватель» (უკრაინა)

 

 

FaceBook Twitter Digg MySpace Delicious Google ელფოსტაბეჭდვა
logo2

ინტერვიუ
ინტერვიუ ვახტანგ კიკაბიძესთან: რუსეთი ძალიან მიყვარს!
10:50 20.07.2018

"მთელ ყოფილ საბჭოთა კავშირში ცნობილი „მიმინო“, მეგობრებისთვის კი უბრალოდ ბუბა, ბოლო დროს

ინტერვიუ
„სიყვარულთან შერეული სიძულვილი“-პოლონელი ანალიტიკოსის თვალით დანახული რუსულ-აფხაზური ურთიერთობები
10:16 16.07.2018

ინტერვიუში ვარშავის აღმოსავლური კვლევების ცენტრის ანალიტიკოსი ვოიცეხ გურეცკი ჟურნალისტ

ინტერვიუ
რუსი ექსპერტი: აშკარად ჩანს, რომ საქმე საქართველოს ნატო-ში მიღებისაკენ მიდის, რუსეთს კი მის შესაჩერებლად რეალური ბერკეტი არ აქვს
16:13 13.07.2018

ნატოს გენერალურმა მდივანმა იენს სტოლტენბერგმა, ბრიუსელში, საქართველოს პრეზიდენტთან გიორგი

ინტერვიუ
გელა დუმბაძე: გამარჯვება მხოლოდ ცივი გონებითაა შესაძლებელი
12:49 11.07.2018

უკრაინის ყოველკვირეულ გაზეთ «Аргументы недели»-ში გამოქყვეყნებულ ინტერვიუში საქართველოს

ინტერვიუ
მაქსიმ შევჩენკო: ამერიკელები საქართველოში გადატრიალებას ამზადებენ
10:32 08.06.2018
რუსეთის რადიოსადგურ «Эхо Москвы»-ს პროგრამა «Особое мнение»-ს სტუდიაში ისაუბრეს გადაცემის
ინტერვიუ
ინტერვიუ
ინტერვიუ ვლადიმერ პუტინთან: სააკაშვილის მსგავსი კლოუნები არ გვჭირდება
11:15 05.06.2018
რუსეთის პრეზიდენტმა ვლადიმერ პუტინმა, ავსტრიაში ვიზიტის წინ, ინტერვიუ მისცა ავსტრიის
ინტერვიუ
რუსი პოლიტოლოგების კომენტარები: სირიის მიერ აფხაზეთისა და ცხინვალის არიარება რუსეთის პრესტიჟს ურტყამს
14:17 30.05.2018
ყოველთვის, როცა აფხაზეთს და სამხრეთ ოსეთს რომელიმე სახელმწიფო აღიარებს, იბადება კითხვა - რა