logo2
logo2
logo2
logo2
logo2
არქივი
logo2
ლევან დავითაშვილი: მოსახლეობას ვპირდები, რომ თუ ისინი 4 წლის შემდგომ მდგომარეობას დღევანდელს შეადარებენ, დიდ სხვაობას დაინახავენ
ლევან დავითაშვილი: მოსახლეობას ვპირდები, რომ თუ ისინი 4 წლის შემდგომ მდგომარეობას დღევანდელს შეადარებენ, დიდ სხვაობას დაინახავენ
13:50 16.10.2017
ლევან დავითაშვილი ბიზნესმენთა იმ კატეგორიას განეკუთვნება, რომლებმაც ბიზნესი პრაქტიკულად ნულიდან დაიწყეს და რომელთა წარმატების ფორმულა მხოლოდ და მხოლოდ დიდ შრომასა და ძალისხმევაშია.
რამდენიმე წლის წინ უბანში, საკუთარ სახლთან გახსნილი პატარა მაღაზიის მეპატრონე, ლევან დავითაშვილი ამჟამად სავაჭრო ობიექტების ქსელს ფლობს.
დღეს ლევან დავითაშვილი თბილისის საკრებულოს დეპუტატობის კანდიდატია პარტია "ქართული ოცნება-დემოკრატიული საქართველოდან" და კენჭს ვაზისუბნისა და მერვე ლეგიონის დასახლებაში იყრის.
როგორი იყო გზა წარმატებულ ბიზნესამდე, რატომ გადაწყვიტა მან პოლიტიკაში მოსვლა და რა გეგმები აქვს გამარჯვების შემთხვევაში "ქართული ოცნება-დემოკრატიული საქართველოს" კანდიდატს ვაზისუბნისა და მერვე ლეგიონის დასახლებებთან მიმართებაში, ამ თემაზე საინფორმაციო სააგენტო "ნიუსპრესი" ლევან დავითაშვილს ესაუბრა:


-როგორი იყო გზა წარმატებულ ბიზნესამდე ?
ვთვლი, რომ წარმატებული ბიზნესი ჯერ ჩემთვის კიდევ შორსაა, თუმცა იმასთან შედარებით, რაც სასტარტო პერიოდში იყო, საკმაოდ წინ ვარ იმ კერძო სექტორში, რომელშიც ვსაქმიანობ. თუ თავიდან ჩემთან მომუშავე ადამიანების რიცხვი იყო 20-25, ახლა მათი რიცხვი 500-მდე გაიზარდა.

-მაშინ, როდესაც თქვენ ბიზნესში მოხვედით, საკმაოდ კონკურენტული გარემო იყო, ასეთ ვითარებაში, როგორ მოახერხეთ წარმატების მიღწევა?
-მე დავიმსახურე ნდობა იმ ადამიანების, რომლებიც ჩემთან თანამშრომლობენ. აი, ამ ნდობის საფუძველზე მოხდა ის სწრაფი განვითარება, რაც დღეს არსებობს. რეალურად, ეს ყველაფერი, ვფიქრობ, ადამიანებთან ურთიერთობის შედეგია. მაქსიმალურად ვითვალისწინებ ყველა ადამიანის ინტერესს და ვცდილობ მათ მოვერგო და მოვარგო ჩემი საქმე და არა პირიქით.

-ამ ფონზე რატომ გადაწყვიტეთ პოლიტიკაში წასვლა და რატომ ვაზისუბანი?

-დავაკონკრეტებ, მე კენჭს ვაზისუბანსა და მერვე ლეგიონის დასახლებაში ვიყრი. მე აქ გავიზარდე, აქ ვცხოვრობ. ვიცი თითოეული ადამიანის პრობლემა და ის, რაც გარშემო ხდება. აქედან გამომდინარე, მიმაჩნია, რომ ჩემი უბნისთვის მეტის გაკეთებას შევძლებ.
newspress.ws.com.ge

newspress.ws.com.ge

-კონკრეტულად, რის გაკეთებას აპირებთ გამარჯვების შემთხვევაში და რა არის თქვენი პროგრამის ძირითადი მიმართულებები ?

-რაც მოსახლეობასთან შეხვედრები დავიწყეთ, მივდივართ თითოეულ კორპუსთან და ვისმენთ ხალხის საჭიროებებს.
მოგეხსენებათ, "ქართული ოცნება-დემოკრატიული საქართველო" 21 ოქტომბრის ადგილობრივი თვითმმართველობის არჩევნებზე მასშტაბული პროგრამით წარსდა. ჩვენ განსაზღვრული გვაქვს ყველა ის პრობლემა და საჭიროება, რაც დღეს დედაქალაქის და შესაბამისად, ვაზისუბნისა და მერვე ლეგიონის მოსახლეობის წინაშე დგას.
ჩემი გამარჯვების შემთხვევაში, მე, რა თქმა უნდა ყველაფერს გავაკეთებ იმისთვის, რომ "ქართული ოცნება-დემოკრატიული საქართველოს" პროგრამის ყველა ნაწილი მაქსიმალურად გავრცელდეს ვაზისუბნისა და მერვე ლეგიონის მოსახლეობაზე.
კონკრეტულად, ვგეგმავთ სკვერებისა და პარკების რეაბილიტაციას. შიდა გზების მოწესრიგებაცაა საჭირო. გვაქვს ასევე ტრანსპორტის პრობლემა. არის დასახლებები და მრავალრიცხოვანი კორპუსები, სადაც ტრანსპორტი არ მიდის და ხალხს სხვადასხვა ამინდში ფეხით გარკვეული მანძილის გავლა უჭირს. ეს დაპირებები არის გაჟღერებული და ჩვენ შევეცდებით, ეს ყველაფერი მიტანილი და გათვალისწინებული იყოს ქალაქის საკრებულოში. ჩამოთვლილთაგან ყველაფერი სჭირდება ვაზისუბანსა და მერვე ლეგიონს, რომ მოსახლეობისთვის აქ ცხოვრება უფრო კომფორტული გახდეს.

-დღეს თქვენ ამომრჩევლებთან საკმაოდ აქტიურ რეჟიმში ატარებთ შეხვედრებს. რამდენად მოახერხებთ კომუნიკაციის შენარჩუნებას მოსახლეობასთან გამარჯვების შემთხვევაში?
-როგორც წეღან უკვე აღვნიშნეთ, მე ვაზისუბნისა და მერვე ლეგიონის მოსახლეობის უმეტეს ნაწილს ვიცნობ. აქედან გამომდინარე, მათთვის ჩემთან კომუნიკაციის პრობლემა. ჩემი საქმიანობის არეალი არის აქ და ყოველთვის მჭიდრო კავშირი მექნება ამ უბანთან. გარდა იმისა, რომ იქნება ბიურო და მათ აქ მოსვლა ნებისმიერ დროს შეეძლებათ, მე პირადად, გამარჯვების შემთხვევაში, თუ საკრებულოში მომავალ საქმიანობას არ ჩავთვლით, 24 საათიან რეჟიმში აქ ვარ და ყველგან, თუნდაც ქუჩაში მოვისმენ მათ პრობლემებს.
-ხშირად გვინახავს, რომ დაპირებები დაპირებებად რჩება...
-ჩემთვის ყველაზე მნიშვნელოვანი არის ის, რომ მე ვარ ლევან დავითაშვილი და იმ ადამიანებისთვის, ვინც მიცნობს, არ მინდა ვიყო ადამიანი, რომელიც მათ რაღაცას შეპირდა და რესურსი არ გამოიყენა. მაქსიმალურად შევეცდები, ჩემი სახელი და გვარი არ შევარცხვინო არცერთი ადამიანის წინაშე, რომელსაც ვიცნობ, მიცნობს და კიდევ გავიცნობ. არ მინდა ამ ადამიანებს 4 წლის შემდეგ მსგავსი წარმოდგენა ჰქონდეთ ჩემზე.

-საკმაოდ ბევრს საუბრობენ თქვენს ქველმოქმედებაზე და აგრეთვე იმაზე, რომ აქტიურად ეხმარებით ეკლესია-მონასტრებს...
-ქველმოქმედება ის თემაა, რომელზე საუბარი არ მსურს, ვინაიდან თუ რაიმეს ვაკეთებდი, არასდროს გამიკეთებია იმ მიზნით, რომ რაიმე ფორმით უკუსარგებელი მიმეღო. მოდით ეს თემა ამით ამოვწუროთ.
რაც შეეხება ეკლესია-მონასტრების მშენებლობას, მიმაჩნია, რომ ყველა მართლმადიდებლის ვალია შეძლებისდაგვარად ემსახუროს რწმენის გაძლიერებას და მეც ჩემი შესაძლებლობის ფარგლებში ამას ვაკეთებ.
-თქვენი ოჯახის შესახებ მოგვიყევით, როგორი მამაა ლევან დავითაშვილი, რომელსაც დროის დეფიციტი დეპუტატად არჩევის შემთხვევაში უფრო გაეზრდება?
-მყავს მეუღლე და სამი შვილი. ჩემი გრაფიკიდან გამომდინარე, ცოტა რთულია ბავშვებთან დიდი დრო გავატარო, თუმცა მაქსიმალურად ვცდილობ და ვახერხებ, რომ ბავშვებისთვის განკუთვნილი დრო მათთან ერთად დავგეგმო და მათთან ერთად ვიყო.
newspress.ws.com.ge

newspress.ws.com.ge
-რას ეტყოდით ამომრჩეველს, როგორც პოლიტიკოსი, რომელმაც მათი ინტერესები მომდევნო 4 წლის განმავლობაში უნდა დაიცვას?
-მე ამომრჩევლებთან სულ ვსაუბრობ ამაზე და მომავალშიც ვისაუბრებ, რომ შევეცდები განვახორციელო თითოეული პროექტი, რაც ჩემი უბის მოსახლეობისთვის პრიორიტეტულია. პრობლემები იქნება განხილული და მიტანილი თვითმმართველობაში, ხოლო იქიდან წამოსული ნებისმიერი პროექტი იქნება ამ ადამიანებთნ ერთად განხილული. ნებისმიერ ცვლილებაშიც ისინი მიიღებენ მონაწილეობას და მათი სურვილი აუცილებლად გათვალისწინებული იქნება.
21 ოქტომბერს აქტიურობისა და სწორი არჩევანის გაკეთების შემთხვევაში, ვაზისუბნისა და მერვე ლეგიონის მოსახლეობას ვპირდები, რომ თუ ისინი 4 წლის შემდეგ თავიანთ უბნის მდგომარეობას დღევანდელ მდგომარეობას შეადარებენ, ძალიან დიდ განსხვავებას დაინახავენ.

ესაუბრა თათია ტუხაშვილი


FaceBook Twitter Digg MySpace Delicious Google ელფოსტაბეჭდვა
logo2

ინტერვიუ
ინტერვიუ ზურაბ პოლოლიკაშვილთან: მსოფლიო ტურიზმი და რუსი ტურისტები საქართველოში
12:01 19.10.2018
ინტერვიუში გაეროს მსოფლიო ტურიზმის ორგანიზაციის გენერალური მდივანი ზურაბ პოლოლიკაშვილი საუბრობს
ინტერვიუ
ინტერვიუ ისა კოაძოისთან: ქართველებო, ილოცეთ ინგუშებისთვის და მშვიდობისთვის
10:25 15.10.2018
საქართველოს მეზობლად, ინგუშეთში, მოსახლეობა პრეზიდენტ იუნუს-ბექ ევკუროვის
ინტერვიუ
ინტერვიუ ვანო ჩხარტიშვილთან: ზაზა ოქუაშვილმა ქართული მეთამბაქოეობის იდეა ტრანსნაციონალურ კორპორაციაზე მიყიდვით მოკლა
00:11 12.10.2018
“15 წელია თამბაქოს ინდუსტრიაში ვარ და ერთ-ერთი მთავარი პრობლემა, რასაც ეროვნული წარმოება აწყდება, ეს არის
ინტერვიუ
ზაალ ანჯაფარიძე: წინასაარჩევნო გარემო საგანგაშო არ არის
12:45 11.10.2018
ქვეყანაში არსებულ წინასაარჩევნო ვითარებაზე, არასამთავრობოებისა და ხელისუფლების დაპირისპირებასა და ISFED-ის
ინტერვიუ
Pleas creat article
ინტერვიუ
ინტერვიუ რუსეთში შვეიცარიის ელჩ ივ როშესთან: როდის ამოქმედდება შეთანხმება ტვირთების მონიტორინგის მექანიზმის შესახებ
13:59 09.10.2018
რუსეთში შვეიცარიის ელჩს ივ როშეს ინტერვიუ ჩამოართვა რუსული საინფორმაციო სააგენტო
ინტერვიუ
Pleas creat article
ინტერვიუ
ინტერვიუ დავით რაქვიაშვილთან: საქართველოს ეროვნული უსაფრთხოების არქიტექტურა
15:57 08.10.2018
საქართველოს ეროვნული უშიშროების საბჭო არსებული ფორმატით უკვე აღარ იფუნქციონირებს. პარლამენტის
ინტერვიუ
თამარ გუდავა: რეკორდული რაოდენობის საჩივრების ხელოვნურად შექმნის მიზანი არჩევნების ლეგიტიმაციის ეჭვქვეშ დაყენებაა
13:33 29.09.2018
„საჯარო და კერძო ადმინისტრირების კვლევის და მონიტორინგის ცენტრის“ ხელმძღვანელის თამარ გუდავას განცხადებით,
ინტერვიუ
დენის დავითაშვილი: „ნაციონალური მოძრაობა“ კვლავ გადატრიალებას ამზადებს
18:59 28.09.2018
გთავაზობთ ინტერვიუს ექსპერტთან საარჩევნო საკითხებში, ცესკოსა და უწყებათაშორისი კომისიის დამკვირვებელთან,
ინტერვიუ
ინტერვიუ
რობერტ ქოჩარიანი აგვისტოს ომზე: არიან ისეთები, რომლებიც ჯერ აკეთებენ, შემდეგ ფიქრობენ და ისეთებიც, რომლებიც ჯერ ფიქრობენ და შემდეგ აკეთებენ... (ინტერვიუ)
15:28 19.09.2018
მას შემდეგ, რაც სომხეთის ყოფილ პრეზიდენტის რობერტ ქოჩარიანის მიმართ სისხლის სამართლის საქმე აღიძრა, მან
ინტერვიუ
Pleas creat article