logo2
logo2
არქივი
« სექტემბერი 2020 »
ორ სა ოთ ხუ პა შა კვ
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30
logo2
logo2
logo2
logo2
სოსო არჩვაძე: სავალუტო ფონდის მისია კარგად ხედავს და ობიექტურად აფასებს ქართული მხარის ძალისხმევას და მიღწევებს სტრუქტურული რეფორმების ხაზით
სოსო არჩვაძე: სავალუტო ფონდის მისია კარგად ხედავს და ობიექტურად აფასებს ქართული მხარის ძალისხმევას და მიღწევებს სტრუქტურული რეფორმების ხაზით
18:13 16.09.2020
ექსპერტი ეკონომიკურ საკითხებში, სოსო არჩვაძე საერთაშორისო სავალუტო ფონდის მისიის შეფასებას სოციალურ ქსელში ეხმაურება.

ექსპერტის განცხადებას უცვლელად გთავაზობთ:

"ბოლო დღეებში სამედიცინო სფეროდან წამოსული არც თუ სახარბიელო ინფორმაციის ფონზე შეიძლება ითქვას, ერთგვარი „მორალური კომპენსაციის“ სახით უცხოელი პარტნიორებისაგან ერთი მეორეს მიყოლებით მოდის ქართული მხარის პოზიტიური შეფასება და პოზიტიური მოლოდინები საქართველოს ეკონომიკის მომავალზე - სულ რამდენიმე დღის წინ პოზიტიურ კონტექსტში იქნა შეფასებული საქართველოს ეკონომიკური და ფინანსური სექტორის პერსპექტივები საერთაშორისო აღიარებული სარეიტინგო სააგენტოების (Standard &Poor’s, Fitch) მიერ, შემდეგ აშშ-ის სახელმწიფო დეპარტამენტის მოხსენებაში დადებითი შეფასება მიეცა საქართველოში არსებულ საინვესტიციო კლიმატს; ამას მოჰყვა აზიის განვითარების ბანკის (ADB) საქართველოს ეკონომიკის პოზიტიური შეფასება და პროგნოზი. ახლახანს კი დეტალური საგნობრივი ანალიზის საფუძველზე უკვე სავალუტო ფონდის მისიამაც განახორციელა შეფასებები და ასევე, პოზიტიური შეფასებით დაასრულა თავისი ანგარიში.
რა თქმა უნდა, არც ერთი ზემოხსნებული ავტორიტეტული საერთაშორისო ინსტიტუტი არაა „ხიბლში ჩავარდნილი“ საქართველოთი - პირიქით, ისინი კარგად ხედავენ ჩვენს რეალობაში არსებულ პრობლემებსა და გამოწვევებს. უფრო მეტიც, სავალუტო ფონდის ანგარიშში საერთოდ საუბარია იმაზეც, რომ პანდემიის გამო „საგარეო ტურიზმი გაქრა“ და რომ „საგარეო მოთხოვნის აღდგენა სუსტია“. მაგრამ იმავდროულად, აღნიშნული ორგანიზაციის მისია კარგად ხედავს და ობიექტურად აფასებს ქართული მხარის ძალისხმევას და მიღწევებს სტრუქტურული რეფორმების ხაზით და ხაზს უსვამს მათ მნიშვნელობას ჩვენი ქვეყნის ეკონომიკის მაღალი და უფრო მეტად ინკლუზიური ზრდის პოტენციალის შენარჩუნებისა და განვითარებისათვის.

მისიის შეფასებით, წლის მეორე ნახევრიდან ადგილობრივმა მოთხოვნამ ზრდა დაიწყო, რაც არის იმის გარანტია, რომ ეპიდემიოლოგიური მდგომარეობის გაუმჯობესების კვალობაზე ეკონომიკა შეძლებს ჩვეული ტემპებით მუშაობის გაგრძელებას. საერთაშორისო სავალუტო ფონდის მისია დადებითად ახასიათებს საქართველოს ხელისუფლების ძალისხმევას როგორც მთლიანად, ისე მისი ცალკეული შტოების (მთავრობა, პარლამენტი, ეროვნული ბანკი) კონკრეტულ წვლილს მიღწეულ შედეგებში. ასე მაგალითად, ფონდის მისია იწონებს მთავრობის ძალისხმევას, რომლითაც მან გაზარდა სოციალური ხარჯები, აამოქმედა გადასახადებში დროებითი შეღავათები მოსახლეობისა და ბიზნესისათვის, გამოუყო სუბსიდია ყველაზე მეტად დაზარალებულ სექტორებს. მისიის განცხადებით, გადასახადების შემსუბუქება და მოწყვლადი სოციალური ფენების დახმარება საკმაოდ ეფექტური აღმოჩნდა პანდემიის სოციალური და ეკონომიკური გავლენის შეკავების თვალსაზრისით. ასევე, დადებითადაა შეფასებული საგადასახადო ადმინისტრირების ფისკალური რისკების აღწერისა და გაუმჯობესების შემდგომი ნაბიჯებიც, მათ შორის სახელმწიფო საწარმოების კორპორაციული მართვის გაუმჯობესების მხრივ.

პარლამენტის მიერ ბოლო დროს გადადგმულ ნაბიჯებიდან ხაზგასმულია ივნისში მიღებული კანონი საბაზისო პენსიის ინდექსირების შესახებ და, ის, რომ უახლოეს მომავალში დამტკიცდება კანონი გადახდისუუნარობის შესახებ.

საქართველოს ეროვნულ ბანკს სავალუტო ფონდის მისიამ აქტივში ჩაუთვალა პოლიტიკის განაკვეთის შემცირება; ამასთან, თავად მისია თვლის, რომ მოქნილი გაცვლითი კურსის პოლიტიკა უმნიშვნელოვანესია შოკთან გასამკლავებლად.

მთლიანობაში, ქართული მხარის გამოცდილებისა და მიღწევების პოზიტიური შეფასება საერთაშორისო ინსტიტუტების მიერ პანდემიით მიყენებული ეკონომიკური ზარალის მინიმიზაციისა და მოსახლეობის სოციალური დაცვის საქმეში ფაქტობრივად იმასაც ნიშნავს, რომ ბევრი მიმართულებით ეს მიღწევები საერთაშორისო განზოგადებასაც იმსახურებენ. ამიტომ პანდემიის პირობებში საზოგადოების, ჯანდაცვისა და ეკონომიკის სფეროების მართვის „პროტოკოლში“, რომელიც ფაქტობრივად ახლა იწერება მსოფლიოში, ჩვენი ქვეყნის გამოცდილება ნამდვილად უნდა იქნას ასახული"-წერს ექსპერტი.


FaceBook Twitter Digg MySpace Delicious Google ელფოსტაბეჭდვა

ინტერვიუ
ზაზა აბაშიძე: 2020 წელს დიდი გეგმებით ვხვდებით
16:57 08.01.2020
ხელნაწერთა ეროვნული ცენტრი, როგორც ქვეყნის ერთ-ერთი უმთავრესი სამეცნიერო ცენტრი
ინტერვიუ
საზოგადოებრივი მაუწყებლის რა ქონება გაასხვისა თამარ კინწურაშვილმა და რა ფასად - ჟურნალისტური მოკვლევა
13:52 23.10.2019
საზოგადოებრივი მაუწყებლის ყოფილი გენერალური დირექტორი, შემდგომში გიგა ბოკერიას
ინტერვიუ
ინტერვიუ სალომე ზურაბიშვილთან: დავით-გარეჯთან დაკავშირებით ზოგიერთი მხარის რეაქციები ძალიან გამიკვირდა
18:10 01.05.2019
ინტერვიუში საქართველოს პრეზიდენტი სალომე ზურაბიშვილი ქვეყნის პოლიტიკურ ცხოვრებაში საკუთარ როლზე, მეზობელ
ინტერვიუ
ინტერვიუ მიხეილ სააკაშვილთან: პირველი, რაც ზელენსკიმ უნდა გააკეთოს ისაა, რომ პოროშენკოს კლანი ციხეში ჩასვას
12:14 22.04.2019
რუსეთის ტელეკომპანია «Дождь»-ის შოუ-პროგრამაში «Здесь и сейчас» ისაუბრა საქართველოს ექს-პრეზიდენტმა და უკრაინის
ინტერვიუ
აშშ - ნატოს წევრი თუ ნატოს „ხაზეინი“?-ინტერვიუ თურქ გენერალთან
13:38 20.04.2019
ყველამ კარგად იცის, თუ რა წონა აქვს ამერიკის შეერთებულ შტატებს ნატოში და რა ძალას ფლობს ვაშინგტონი. ეს ყველაფერი
ინტერვიუ
ინტერვიუ ჰანს ბინენდაიკთან: ნატოში გაწევრიანება დღეს ან ხვალ არ მოხდება,თუმცა საქართველომ იმედი უნდა შეინარჩუნოს
13:25 20.04.2019
ნატომ თავისი არსებობის 70 წლის მანძილზე დროს გაუძლო და ისტორიაში ყველაზე წარმატებულ სამხედრო-პოლიტიკურ ალიანსად
ინტერვიუ
ალექსი პუშკოვი: როგორი პოლიტიკა უნდა გაატაროს მოსკოვმა პოსტსაბჭოთა სივრცეში
18:31 15.04.2019
გაზეთ „კომსომოლსკაია პრავდა“-ს კორესპონდენტი ალექსანდრე გამოვი რუსეთის ფედერაციის საბჭოს საინფორმაციო პოლიტიკის
ინტერვიუ
ინტერვიუ მიხეილ სააკაშვილთან: პირველ აპრილს უკრაინაში ჩასვლას ვგეგმავ, ბილეთიც ნაყიდი მაქვს
11:41 13.03.2019
უკრაინის ტელეკომპანია «Наш»-ის გადაცემაში «В гостьях у Дмитрия Гордона» ცნობილი უკრაინელი ჟურნალისტი
ინტერვიუ
ირანული გაზის ტრანზიტი სომხეთის გავლით: როგორი პოზიცია აქვს საქართველოს?
14:33 05.03.2019
ირანში სომხეთის პრემიერ-მინისტრის ნიკოლ ფაშინიანის ამასწინანდელი ვიზიტის დროს, პრეზიდენტ ჰასან რუჰანთან
ინტერვიუ
ინტერვიუ დევიდ სალვოსთან: ჩვენ ხელიდან გავუშვით შესაძლებლობა, რომ გვეპასუხა საქართველოში რუსეთის სამხედრო აგრესიისთვის
14:18 05.03.2019
როგორ ახდენს გავლენას კრემლის მიერ დაფინანსებული და მართული მედია 40-მდე სხვადასხვა ქვეყნის შიდა