logo2
logo2
logo2
არქივი
« ივნისი 2020 »
ორ სა ოთ ხუ პა შა კვ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30
logo2
logo2
ნათია თურნავა: არ უნდა დავიშუროთ რესურსები, რაც ინოვაციურად მოაზროვნე ადამიანებს წაახალისებს
ნათია თურნავა: არ უნდა დავიშუროთ რესურსები, რაც ინოვაციურად მოაზროვნე ადამიანებს წაახალისებს
22:15 25.02.2020
„ჩვენი სტარტაპერები უკვე გაცილებით მეტად არიან მომზადებულები და გაცილებით მეტი შანსი აქვთ მოიპოვონ დაფინანსება და გლობალურ ბაზარზე გავიდნენ,“- განაცხადა ეკონომიკისა და მდგრადი განვითარების მინისტრმა ნათია თურნავამ 100 000 ლარიანი თანადაფინანსების გრანტების პროგრამის გამარჯვებულთა დაჯილდოების ცერემონიაზე. ინოვაციების და ტექნოლოგიების სააგენტომ თანადაფინანსების გრანტების პროგრამა 2019 წლის ნოემბერში მეოთხედ გამოაცხადა და როგორც ნათია თურნავამ აღნიშნა, ამან დადებითი შედეგი უკვე მოიტანა - სტარტაპების მომზადების დონე იზრდება, აშკარად ჩანს პროგრესი.
„ჩვენ გვჭირდება მეტი ინოვაციური პროექტი და არ უნდა დავიშუროთ ის რესურსები, რაც წაახალისებს ინოვაციურად მოაზროვნე ადამიანებს. საქართველო მცირე ეკონომიკაა, მცირე ბაზარი და ჩვენ გვსურს, რომ ჩვენთან მომზადებული სტარტაპი იყოს საინტერესო გლობალური ბაზრისთვის, მხოლოდ ეს არის ჩვენი მომავალი, რასაც ვუყურებთ და მხარს ვუჭერთ“, - განაცხადა მინისტრმა.

ეკონომიკის სამინისტროს ინფორმაციით, საგრანტო კონკურსის ფარგლებში საერთო ჯამში 173-მა აპლიკანტმა შეიტანა განაცხადი.

კონკურსის ფინალისტები საფინალო ეტაპისთვის სპეციალურად ამ პროგრამისთვის მოწვეულმა ტრენერებმა მოამზადეს. ტრენინგები ერთი კვირის განმავლობაში მიმდინარეობდა. 24-25 თებერვალს კონკურსანტები უკვე საინვესტიციო კომიტეტის წინაშე წარსდგნენ, მათგან 20 სტარტაპი დღეს გამარჯვებულად დასახელდა, თითოეული მათგანი 100 ათასი ლარის ოდენობის გრანტს მიიღებს.

ნათია თურნავამ დაჯილდოების ცერემონიაზე განსაკუთრებული მადლობა გადაუხადა მსოფლიო ბანკს და სამხრეთ კავკასიაში მის რეგიონულ დირექტორს სებასტიან მოლინეუსს ჩვენი ინოვაციური ეკოსისტემის მხარდაჭერისთვის, ასევე ამერიკელ სპეციალისტებს სილიკონ ველიდან, რომელთაც პროგრამის მუშაობაში აქტიური მონაწილეობა მიიღეს.

ნათია თურნავამ გამარჯებულ სტარტაპერებს წარმატება მიულოცა და მათ მომავალ მხარდაჭერას დაპირდა.

„ჩვენ ვაშენებთ ცოდნაზე დაფუძნებულ ეკონომიკას, ცოდნაზე დაფუძნებულ ქვეყანას და თქვენ, სტარტაპერები ხართ ჩვენი გამწევი ძალა. როგორც იცით, ჩვენ ძალიან გავააქტიურეთ მხარდაჭერა სტარტაპების განვითარების მიმართულებით - გვაქვს 100 000 ლარიანი გრანტების პროგრამა, 650 000 ლარიანი გრანტების პროგრამა. მაგრამ, რა თქმა უნდა, ეს საკმარისი არ არის - საკმარისი იქნება ის, როდესაც ჩვენ მთელ ეკოსისტემას შევკრავთ და მეორე რიგის, მესამე რიგის დამფინანსებლები, ენჯელ-ინვესტორები, ვენჩურული ფონდები გაჩნდება და მე დღეს ძალიან მიხარია, რომ კერძო სექტორი უკვე იჩენს ინიციატივას და დაინტერესებას, რომ დააფინანსოს ჩვენს შემდეგ სტარტაპების შემდგომი განვითარების ეტაპები“, - აღნიშნა ეკონომიკისა და მდგრადი განვითარების მინისტრმა.

პროგრამას ეკონომიკისა და მდგრადი განვითარების სამინისტროს სსიპ ინოვაციების და ტექნოლოგიების სააგენტო ახორციელებს მსოფლიო ბანკის ,,ეროვნული ინოვაციების ეკოსისტემის პროექტის” (GENIE) მხარდაჭერით. პროგრამის მიზანია საქართველოში საერთაშორისო პოტენციალის მქონე ინოვაციური პროდუქტების და მომსახურების შემუშავება, მათი კომერციალიზაცია და ინოვაციური საწარმოების შექმნის სტიმულირება.
FaceBook Twitter Digg MySpace Delicious Google ელფოსტაბეჭდვა

ინტერვიუ
ზაზა აბაშიძე: 2020 წელს დიდი გეგმებით ვხვდებით
16:57 08.01.2020
ხელნაწერთა ეროვნული ცენტრი, როგორც ქვეყნის ერთ-ერთი უმთავრესი სამეცნიერო ცენტრი
ინტერვიუ
საზოგადოებრივი მაუწყებლის რა ქონება გაასხვისა თამარ კინწურაშვილმა და რა ფასად - ჟურნალისტური მოკვლევა
13:52 23.10.2019
საზოგადოებრივი მაუწყებლის ყოფილი გენერალური დირექტორი, შემდგომში გიგა ბოკერიას
ინტერვიუ
ინტერვიუ სალომე ზურაბიშვილთან: დავით-გარეჯთან დაკავშირებით ზოგიერთი მხარის რეაქციები ძალიან გამიკვირდა
18:10 01.05.2019
ინტერვიუში საქართველოს პრეზიდენტი სალომე ზურაბიშვილი ქვეყნის პოლიტიკურ ცხოვრებაში საკუთარ როლზე, მეზობელ
ინტერვიუ
ინტერვიუ მიხეილ სააკაშვილთან: პირველი, რაც ზელენსკიმ უნდა გააკეთოს ისაა, რომ პოროშენკოს კლანი ციხეში ჩასვას
12:14 22.04.2019
რუსეთის ტელეკომპანია «Дождь»-ის შოუ-პროგრამაში «Здесь и сейчас» ისაუბრა საქართველოს ექს-პრეზიდენტმა და უკრაინის
ინტერვიუ
აშშ - ნატოს წევრი თუ ნატოს „ხაზეინი“?-ინტერვიუ თურქ გენერალთან
13:38 20.04.2019
ყველამ კარგად იცის, თუ რა წონა აქვს ამერიკის შეერთებულ შტატებს ნატოში და რა ძალას ფლობს ვაშინგტონი. ეს ყველაფერი
ინტერვიუ
ინტერვიუ ჰანს ბინენდაიკთან: ნატოში გაწევრიანება დღეს ან ხვალ არ მოხდება,თუმცა საქართველომ იმედი უნდა შეინარჩუნოს
13:25 20.04.2019
ნატომ თავისი არსებობის 70 წლის მანძილზე დროს გაუძლო და ისტორიაში ყველაზე წარმატებულ სამხედრო-პოლიტიკურ ალიანსად
ინტერვიუ
ალექსი პუშკოვი: როგორი პოლიტიკა უნდა გაატაროს მოსკოვმა პოსტსაბჭოთა სივრცეში
18:31 15.04.2019
გაზეთ „კომსომოლსკაია პრავდა“-ს კორესპონდენტი ალექსანდრე გამოვი რუსეთის ფედერაციის საბჭოს საინფორმაციო პოლიტიკის
ინტერვიუ
ინტერვიუ მიხეილ სააკაშვილთან: პირველ აპრილს უკრაინაში ჩასვლას ვგეგმავ, ბილეთიც ნაყიდი მაქვს
11:41 13.03.2019
უკრაინის ტელეკომპანია «Наш»-ის გადაცემაში «В гостьях у Дмитрия Гордона» ცნობილი უკრაინელი ჟურნალისტი
ინტერვიუ
ირანული გაზის ტრანზიტი სომხეთის გავლით: როგორი პოზიცია აქვს საქართველოს?
14:33 05.03.2019
ირანში სომხეთის პრემიერ-მინისტრის ნიკოლ ფაშინიანის ამასწინანდელი ვიზიტის დროს, პრეზიდენტ ჰასან რუჰანთან
ინტერვიუ
ინტერვიუ დევიდ სალვოსთან: ჩვენ ხელიდან გავუშვით შესაძლებლობა, რომ გვეპასუხა საქართველოში რუსეთის სამხედრო აგრესიისთვის
14:18 05.03.2019
როგორ ახდენს გავლენას კრემლის მიერ დაფინანსებული და მართული მედია 40-მდე სხვადასხვა ქვეყნის შიდა